The Comprehensive Aramaic Lexicon

23:01 [ai]	ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
23:02 [ai]	ܒܪܢܫܐ܂ ܬܪ̈ܬܝܢ ܢܫ̈ܝܢ ܐܝܬ ܗ̈ܘܝ ܒܢ̈ܬ ܚܕܐ ܐܡܐ܂
23:03 [ai]	ܘܙ̈ܢܝ ܒܡܨܪܝܢ ܒܛܠܝܘܬܗܝܢ܂ ܬܡܢ ܡܿܪܣܘ ܬܕܝ̈ܗܝܢ ܘܬܡܢ ܐܬܒܬܠ܂
23:04 [ai]	ܫܡܗܿ ܕܩܫܝܫܬܐ ܐܗܠܐ܂ ܘܫܡܗܿ ܕܐܚܪܬܐ ܐܗܠܝܒܐ܂ ܘܗ̈ܘܝ ܠܝ܂ ܘܝܠܕ ܒܢ̈ܝܐ ܘܒܢ̈ܬܐ܂ ܫܡܗܿ ܕܫܡܪܝܢ ܐܗܠܐ ܘܕܐܘܪܫܠܡ ܐܗܠܝܒܐ܂
23:05 [ai]	ܘܙܢܝܬ ܐܗܠܐ ܡܢܝ ܘܢܩܦܬ ܠܪ̈ܚܡܝܗܿ܂ ܠܐܬܘܪ̈ܝܐ ܕܩܪܝܒܝܢ ܠܗܿ܂
23:06 [ai]	ܕܠܒܝܫܝܢ ܬܟܠܬܐ ܡܪ̈ܘܬܐ ܘܫ̈ܠܝܛܢܐ܂ ܓܕܘ̈ܕܐ ܕܪܓܬܐ܂ ܟܠܗܘܢ ܦܪ̈ܫܐ ܪ̈ܟܒܝ ܪ̈ܟܫܐ܂
23:07 [ai]	ܘܐܪܡܝܬ ܙܢܝܘܬܗܿ ܥܠܝܗܘܢ܂ ܥܠ ܟܠܗܘܢ ܓܒ̈ܝܐ ܕܒܢ̈ܝ ܐܬܘܪ܂ ܘܥܠ ܟܠ ܕܐܬܢܩܦܬ ܒܦܬܟܪ̈ܝܗܘܢ ܘܐܬܛܘܫܬ܂
23:08 [ai]	ܘܙܢܝܘܬܗܿ ܕܒܡܨܪܝܢ ܠܐ ܫܒܩܬ܂ ܡܛܠ ܕܠܗܿ ܨܥܪܘ ܒܛܠܝܘܬܗܿ܂ ܘܗܢܘܢ ܒܬܠܘܗܿ܂ ܘܐܪܡܝܘ ܥܠܝܗܿ ܙܢܝܘܬܗܘܢ܂
23:09 [ai]	ܡܛܠ ܗܢܐ ܗܐ ܐܫܠܡܿܬܗܿ ܒܐܝܕܐ ܕܪ̈ܚܡܝܗܿ܂ ܒܐܝܕܐ ܕܒܢܝ ܐܬܘܪ ܕܐܬܢܩܦܬ ܠܗܘܢ܂
23:10 [ai]	ܗܢܘܢ ܓܠܘ ܦܘܪܣܝܗܿ܂ ܘܕܒܪܘ ܒ̈ܢܝܗܿ ܘܒܢ̈ܬܗܿ܂ ܘܠܗܿ ܩܛܠܘ ܒܚܪܒܐ܂ ܘܗܘܬ ܬܡܢ ܡܡܠܠܐ ܠܢܫ̈ܐ܂ ܘܕܝ̈ܢܐ ܥܒܕܘ ܒܗܿ܂
23:11 [ai]	ܘܚܙܬ ܚܬܗܿ ܐܗܠܝܒܐ܂ ܘܚܒܠܬ/ܘܩܒܠܬ#3#/ ܢܩܦܗܿ ܝܬܝܪ ܡܢܗܿ܂ ܘܙܢܝܘܬܗܿ ܝܬܝܪ ܡܢ ܙܢܝܘܬܐ ܕܚܬܗܿ܂
23:12 [ai]	ܠܒܢ̈ܝ ܐܬܘܪ ܢܩܦܬ܂ ܠܡܪ̈ܘܬܐ ܘܠܫ̈ܠܝܛܢܐ ܕܩܪ̈ܝܒܝܢ ܠܗܿ܂ ܦܪ̈ܫܐ ܠܒܝܫ̈ܝ/ܠܒܫ̈ܝ#3#/ ܬܟܠܬܐ ܘܪ̈ܟܒܝ ܪ̈ܟܫܐ܂ ܟܠܗܘܢ ܓܕܘ̈ܕܐ ܐܢܘܢ ܕܪܓܬܐ܂
23:13 [ai]	ܘܚܙܿܝܬ ܕܐܬܛܢܦܬ ܐܘܪܚܐ ܕܬܪ̈ܬܝܗܝܢ܂
23:14 [ai]	ܘܐܬܬܘܣܦ ܥܠ ܙܢܝܘܬܗܝܢ܂ ܘܚ̈ܙܝ ܓܒܪ̈ܐ ܕܨܝܪ̈ܝܢ ܒܐܣܬܐ܂ ܨ̈ܠܡܐ ܕܟ̈ܠܕܝܐ ܕܨܝܪ̈ܝܢ ܒܣܡ̈ܡܢܐ܂
23:15 [ai]	ܘܚܙܝܩܝܢ ܡܚ̈ܙܩܬܐ ܒܚ̈ܨܝܗܘܢ܂ ܘܥܪ̈ܩܐ ܩܛܝܪ̈ܢ ܒܪ̈ܝܫܝܗܘܢ܂ ܚܙܘܐ ܐܢܘܢ ܕܓܒܪ̈ܐ ܟܠܗܘܢ܂ ܕܡܘܬܐ ܐܢܘܢ ܕܒܢ̈ܝ ܒܒܠ ܘܕܟ̈ܠܕܝܐ܂ ܐܪܥܐ ܕܐܬܝܠܕܘ ܒܗܿ܂
23:16 [ai]	ܘܐܬܢܩܦܬ ܠܗܘܢ ܒܚܙܘܐ ܕܥܝ̈ܢܝܗܿ܂ ܘܫܕܪܬ ܥܠܝܗܘܢ ܡܠܐ̈ܟܐ ܠܐܪܥܐ ܕܟ̈ܠܕܝܐ܂
23:17 [ai]	ܘܐܬܘ ܠܘܬܗܿ ܒܢ̈ܝ ܒܒܠ ܠܡܕܡܟ ܥܡܗܿ܂ ܘܛܢܦܘܗܿ ܒܙܢܝܘܬܗܘܢ ܘܐܬܛܢܦܬ ܒܗܘܢ܂ ܘܢܕܬ ܢܦܫܗܿ ܡܢܗܘܢ܂
23:18 [ai]	ܘܓܠܬ ܙܢܝܘܬܗܿ ܘܓܠܬ ܦܘܪܣܝܗܿ܂ ܘܢܕܬ ܢܦܫܝ ܡܢܗܿ܂ ܐܝܟ ܕܢܕܬ ܢܦܫܝ ܡܢ ܚܬܗܿ܂
23:19 [ai]	ܘܐܣܓܝܬ ܙܢܝܘܬܗܿ܂ ܘܐܬܕܟܪܬ ܝܘܡ̈ܬܐ ܕܛܠܝܘܬܗܿ ܕܙܢܝܬ ܒܐܪܥܐ ܕܡܨܪܝܢ܂
23:20 [ai]	ܘܐܬܢܩܦܬ ܠܥܒ̈ܕܝܗܘܢ܂ ܕܒܣܪܗܘܢ ܐܝܟ ܒܣܪܐ ܗܘ ܕܚܡܪܐ܂ ܘܚ̈ܢܝܗܘܢ ܐܝܟ ܚ̈ܢܐ ܕܪ̈ܟܫܐ܂
23:21 [ai]	ܘܦܩܕܬܝ ܥܘܼܠܐ ܕܛܠܝܘܬܟܝ ܟܕ ܐܬܒܬܠܬܝ ܒܡܨܪܝܢ܂ ܘܐܬܡܪܣܘ ܬ̈ܕܝ ܛܠܝܘܬܟܝ܂
23:22 [ai]	ܡܛܠ ܗܢܐ ܐܗܠܝܒܐ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܡܥܝܪ ܐܢܐ ܥܠܝܟܝ ܠܟܠܗܘܢ ܪ̈ܚܡܝܟܝ ܕܢܕܬ ܢܦܫܟܝ ܡܢܗܘܢ܂ ܘܐܝܬܐ ܐܢܘܢ ܥܠܝܟܝ܂
23:23 [ai]	ܘܢܚܕܪܘܢܟܝ ܒܢ̈ܝ ܒܒܠ ܘܟܠܗܘܢ ܟ̈ܠܕܝܐ ܘܦܘܛ ܘܠܘܕ ܘܩܘܥ܂ ܘܟܠܗܘܢ ܒܢ̈ܝ ܐܬܘܪ ܥܡܗܘܢ ܓܕܘ̈ܕܐ ܕܪܓܬܐ ܡܪ̈ܘܬܐ ܘ̈ܫܠܝܛܢܐ܂ ܟܠܗܘܢ ܓܒܪ̈ܐ ܕܩܕܪ ܪ̈ܟܒܝ ܪ̈ܟܫܐ
23:24 [ai]	ܘܢܐܬܘܢ ܥܠܝܟܝ ܟܕ ܡܙܝܢܝܢ܂ ܒܡܪ̈ܟܒܬܐ ܘܒ̈ܓܝܓܠܐ ܘܒܟܢ̈ܫܐ ܕܥܡ̈ܡܐ܂ ܒ̈ܢܝܙܟܐ ܘܒܣܟܪ̈ܐ/ܘܣܟܪ̈ܐ#3#/ ܘܒܣܢܘܪ̈ܬܐ/ܘܣܢܘܪ̈ܬܐ#3#/ ܢܟܪܟܘܢܟܝ܂ ܘܐܬܠ ܩܕܡܝܗܘܢ ܕܝܢ̈ܐ܂ ܘܢܕܘܢܘܢܟܝ ܒܕܝܢ̈ܝܗܘܢ܂
23:25 [ai]	ܘܐܬܠ ܒܟܝ ܛܢܢܝ܂ ܘܢܬܒܪܘܢ ܢܚܝܪ̈ܝܟܝ ܒܚܡܬܐ܂ ܘܐ̈ܕܢܝܟܝ ܢܥܩܪܘܢ܂ ܘܚܪܬܟܝ ܒܚܪܒܐ ܬܦܠ܂ ܗܢܘܢ ܢܕܒܪܘܢ ܒܢܝܟܝ ܘܒܢ̈ܬܟܝ܂ ܘܚܪܬܟܝ ܬܬܐܟܠ ܒܢܘܪܐ܂
23:26 [ai]	ܘܢܣܒܘܢ ܡܐ̈ܢܐ ܕܫܘܒܚܟܝ ܘܢܫܠܚܘܢܟܝ ܠܒܘܫ̈ܝܟܝ܂
23:27 [ai]	ܘܐܒܛܠ ܬܪܥܝܬܟܝ ܡܢܟܝ܂ ܘܙܢܝܘܬܟܝ ܡܢ ܐܪܥܐ ܕܡܨܪܝܢ܂ ܘܠܐ ܬܪܝܡܝܢ ܥܝܢ̈ܝܟܝ ܥܠܝܗܘܢ܂ ܘܠܡܨܪܝܢ ܬܘܒ ܠܐ ܬܬܕܟܪܝܢ܂
23:28 [ai]	ܡܛܠ ܗܢܐ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܡܫܠܡ ܐܢܐ ܠܟܝ ܒܝܕ ܐܝܠܝܢ ܕܣܢܝܬܝ܂ ܒܝܕ ܐܬܘܪ̈ܝܐ ܕܢܕܬ/ܢܕܬ#3#/ ܢܦܫܟܝ ܡܢܗܘܢ܂
23:29 [ai]	ܘܢܡܚܘܢܟܝ ܒܣܢܐܬܗܘܢ܂ ܘܢܣܒܘܢ ܟܘܠܗܿ ܠܐܘܬܟܝ܂ ܘܢܫܒܩܘܢܟܝ ܥܪܛܠ ܘܥܪܝܬ܂ ܘܢܬܓܠܐ ܦܘܪܣܝܐ ܕܙܢܝܘܬܟܝ ‍<‍ܒܣܢܐܬܗܘܢ#3#‍>‍ ܘܕܥܘܼܠܟܝ/ܘܥܘܠܟܝ#3#/܂
23:30 [ai]	ܘܒܙܢܝܘܬܟܝ ܐܬܥܒܕ ܠܟܝ ܗܠܝܢ܂ ܕܙܢܝܬܝ ܒܬܪ ܥܡ̈ܡܐ ܘܐܬܛܢܦܬܝ ܒܦܬܟܪ̈ܝܗܘܢ܂
23:31 [ai]	ܘܥܠ ܕܗܠܟܬܝ ܒܐܘܪ̈ܚܬܗܿ ܕܚܬܟܝ܂ ܐܬܠ ܟܣܗܿ ܒܐ̈ܝܕܝܟܝ܂
23:32 [ai]	ܗܟܢܐ ܐܡܿܪ ܡܪܐ ܡܪ̈ܘܬܐ܂ ܟܣܐ ܕܚܬܟܝ ܬܫܬܝܢ܂ ܥܡܝܩܐ ܘܪܘܝܚܐ܂ ܘܬܗܘܝܢ ܠܓܘܚܟܐ ܘܠܡܘܝܩܐ ܪܒܐ ܘܓܡܝܪܐ܂
23:33 [ai]	ܪܘܝܘܬܐ ܘܕܐܘܘܐܢܐ ܬܬܡܠܝܢ܂ ܟܣܐ ܕܬܡܗܐ ܘܕܚܒܠܐ܂ ܟܣܐ ܕܚܬܟܝ ܫܡܪܝܢ܂
23:34 [ai]	ܬܫܬܝܢܗ ܘܬܡܨܝܢܗ܂ ܘܣܥܪܟܝ ܬܓܙܝܢ ܘܬܕܝ̈ܟܝ ܬܩܛܥܝܢ܂ ܡܛܠ ܕܐܢܐ ܡܠܠܿܬ ܐܡܿܪ ܡܪܐ ܡܪ̈ܘܬܐ܂
23:35 [ai]	ܡܛܠ ܗܢܐ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܥܠ ܕܛܥܝܬܝܢܝ ܘܐܫܬܕܝܬܝ ܒܬܪ ܕܚ̈ܠܬܟܝ܂ ܐܦ ܐܢܬܝ ܩܒܠܝ ܥܘܼܠܟܝ ܘܙܢܝܘܬܟܝ܂
23:36 [ai]	ܘܐܡܪ ܠܝ ܡܪܝܐ܂ ܒܪܢܫܐ܂ ܕܘܢ ܠܐܗܠܐ ܘܠܐܗܠܝܒܐ܂ ܘܚܘܐ ܐ̈ܢܝܢ ܛܢܦܘܬܗܝܢ܂
23:37 [ai]	ܕܓܪ ܘܕܡܐ ܐܝܬ ܒܐܝ̈ܕܝܗܝܢ܂ ܘܒܦܬܟܪ̈ܝܗܝܢ ܓܪ܂ ܘܒܢܝܗܝܢ ܕܝܠܕ ܠܝ܂ ܐ̈ܘܩܕܝܢ ܠܗܘܢ ܒܢܘܪܐ܂
23:38 [ai]	ܘܗܕܐ ܐܚܪܬܐ ܕܥܒܕ ܠܝ܂ ܛܢܦ ܡܩܕܫܝ ܒܗ ܒܝܘܡܐ ܗܿܘ܂ ܘܫ̈ܒܝ ܛܘܫ܂
23:39 [ai]	ܘܟܕ ܢܟܣ ܗ̈ܘܝ ܒܢܝܗܝܢ ܠܦܬܟܪ̈ܝܗܝܢ܂ ܥܠ ܠܡܩܕܫܝ ܒܗ ܒܝܘܡܐ ܗܿܘ ܘܛܘܫ̈ܝܗܝ܂ ܗܟܢܐ ܥܒܕ ܒܓܘ ܒܝܬܝ܂
23:40 [ai]	ܘܐܦ ܫܠܚ ܥܠ ܓܒܪ̈ܐ ܕܐܬܿܝܢ ܠܘܬܗܝܢ ܡܢ ܪܘܚܩܐ܂ ܗܿܢܘܢ ܕܫܕܪ ܥܠܝܗܘܢ ܡܠܐ̈ܟܐ܂ ܘܟܕ ܐܬܘ ܒܪܫܥܬܗ ܣܚ̈ܝ ܘܟܚܠ ܥܝܢ̈ܝܗܝܢ܂ ܘܐܨܛܒܬ ܨܒܬܗܝܢ܂
23:41 [ai]	ܘܝܬܒ ܥܠ ܥܪ̈ܣܬܐ ܕܩܪ̈ܝܡܢ܂ ܘܦܬܘܪ̈ܐ ܐܣܬܕܪܘ ܩܕܡܝܗܝܢ܂ ܘܡܫܚܝ ܘܒܣ̈ܡܝ ܫܩܠ ܥܠܝܗܝܢ܂
23:42 [ai]	ܘܩܠܐ ܕܚܕܘܬܗܝܢ ܐܿܙܠ ܗܘܐ܂ ܘܐܦ ܕܓܒܪ̈ܐ ܕܐܬܘ ܡܢ ܫܒܐ ܘܡܢ ܡܕܒܪܐ܂ ܘܐܪܡܝܘ ܫܐܪ̈ܐ ܒܐ̈ܝܕܝܗܝܢ܂ ܘܟܠܝܠܐ ܕܫܘܒܚܐ ܒܪ̈ܝܫܝܗܝܢ܂
23:43 [ai]	ܘܐܿܡܪܬ ܒܗܠܝܢ ܓܪ܂ ܘܒܥܿܒ̈ܕܐ ܕܙܢܝ̈ܬܐ ܙܢ̈ܝ܂
23:44 [ai]	ܘܥܐܿܠܝܢ ܗܘܘ ܠܘܬܗܝܢ ܐܝܟ ܕܥܐܿܠܝܢ ܠܘܬ ܐܢܬܬܐ ܙܢܝܬܐ܂ ܗܟܢܐ ܥܐܿܠܝܢ ܗܘܘ܂ ܥܠ/ܠܘܬ#3#/ ܐܗܠܐ ܘܥܠ ܐܗܠܝܒܐ܂ ܢܫ̈ܐ ܙܢܝ̈ܬܐ܂
23:45 [ai]	ܘܓܒܪ̈ܐ ܙܕܝܩ̈ܐ ܢܕܘܢܘܢ ܐܢܝ̈ܢ܂ ܕܝܢܐ ܕܓܝܪ̈ܬܐ ܘܕܝܢܐ ܕܐܝܠܝܢ ܕܐ̈ܫܕܢ ܕܡܐ܂ ܡܛܠ ܕܓܝܪ̈ܬܐ ܐ̈ܢܝܢ ܘܕܡܐ ܐܝܬ ܒܐ̈ܝܕܝܗܝܢ܂
23:46 [ai]	ܡܛܘܠ ܕܗܟܢܐ ܐܡܿܪ ܡܪܐ ܡܪ̈ܘܬܐ܂ ܐܣܩ ܥܠܝܗܝܢ ܟܢܘܫܝܐ܂ ܘܗܒ ܐܢܝ̈ܢ ܠܙܘܥܬܐ ܘܠܒܙܬܐ܂
23:47 [ai]	ܘܢܪܓܘܡ ܐܢܝ̈ܢ ܟܢܫܐ ܒܟܐ̈ܦܐ܂ ܘܢܡܚܘܢ ܐܢܝ̈ܢ ܒܣ̈ܝܦܝܗܘܢ܂ ܘܠܒܢܝܗܝܢ ܘܠܒܢܬ̈ܗܝܢ ܢܩܛܠܘܢ܂ ܘܒܬ̈ܝܗܝܢ ܢܘܩܕܘܢ ܒܢܘܪܐ܂
23:48 [ai]	ܘܐܒܛܠ ܥܘܼܠܐ ܡܢ ܐܪܥܐ܂ ܘܢܬܪ̈ܕܝܢ ܟܠܗܝܢ ܢܫ̈ܐ܂ ܘܠܐ ܢܥܒ̈ܕܢ ܐܝܟ ܙܢܝܘܬܟܝܢ܂
23:49 [ai]	ܘܐܬܠ ܙܢܝܘܬܟܝܢ ܥܠܝܟܝܢ܂ ܘܚ̈ܛܗܐ ܕܦܬܟܪ̈ܝܟܝܢ ܬܩ̈ܒܠܢ܂ ܘܬ̈ܕܥܢ ܕܐܢܐ ܐܢܐ ܡܪܝܐ܂

next chapter