← Back
The Comprehensive Aramaic Lexicon
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


24:01 [ai]ܘܗܘܐ ܥܠܝ ܦܬܓܡܗ ܕܡܪܝܐ ܒܫܢܬܐ ܬܫܝܥܝܬܐ܂ ܒܥܣܪܬܐ ܒܝܪܚܐ ܕܥܣܪܐ ܠܡܐܡܪ܂
24:02 [ai]ܒܪ ܐܢܫܐ܂ ܟܬܘܒ ܠܟ ܫܡܗ ܕܝܘܡܐ ܗܢܐ܂ ܕܣܿܡܟ ܡܠܟܐ ܕܒܒܠ ܠܐܘܪܫܠܡ ܒܗ ܒܝܘܡܐ ܗܢܐ܂
24:03 [ai]ܘܐܡܬܠ ܡܬܠܐ ܥܠ ܒܝܬܐ ܡܡܪܡܪܢܐ ܘܐܡܪ ܠܗܘܢ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܬܦܝ ܩܕܣܐ ܘܣܘܟ ܒܗ ܡ̈ܝܐ܂
24:04 [ai]ܘܐܪܡܐ ܒܗ ܢܩܣ̈ܐ ܕܛܒܝ̈ܢ ܘܫܡܝܢ̈ܝܢ܂ ܟܬܦܐ ܕܫܡܝܛ ܓܪܡܗܿ܂
24:05 [ai]ܡܢ ܓܒ̈ܝܐ ܕܥܢܐ܂ ܘܓܪ̈ܡܐ ܬܚܝܬ ܩܕܣܐ ܫܓܘܪ ܐܢܘܢ܂ ܘܐܘܩܕ ܐܢܘܢ ܬܚܘܬܘܗܝ܂
24:06 [ai]ܡܛܠ ܕܗܟܢܐ ܐܡܿܪ ܡܪܐ ܡܪ̈ܘܬܐ܂ ܐܘ ܡܕܝܢܬܐ ܕܕܡܐ ܕܩܕܣܐ ܬܦܐ ܒܗܿ܂ ܘܥܘܼܠܗܿ ܠܐ ܢܦܩ ܡܢܗܿ ܗܕܡ ܗܕܡ ܦܘܣܩܘܗܿ/ܦܣܩܘܗܝ#3#/܂ ܘܦܣܐ ܠܐ ܢܦܠ ܥܠܝܗܿ܂
24:07 [ai]ܡܛܠ ܕܕܡܗܿ ܒܓܘܗܿ ܗܘܐ܂ ܘܥܠ ܟܐܦܐ ܣܡܿܬܗ܂ ܘܠܐ ܐܫܕܬܗ ܒܐܪܥܐ ܕܠܐ ܢܬܟܣܐ ܥܠܘܗܝ ܥܦܪܐ܂
24:08 [ai]ܕܬܣܩ ܚܡܬܐ ܠܦܘܪܥܢܘܬܐ܂ ܝܗܿܒܬ ܕܡܗܿ ܥܠ ܟܐܦܐ ܫܥܝܥܬܐ ܕܠܐ ܢܬܟܣܐ܂
24:09 [ai]ܡܛܠ ܗܢܐ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܐܘ ܡܕܝܢܬܐ ܕܕܡܐ܂ ܐܢܐ ܐܘܪܒ ܡܥܡܪܐ܂
24:10 [ai]ܘܐܣܓܐ ܩܝܣ̈ܐ܂ ܘܐܫܒܘܩ ܢܘܪܐ ܘܢܒܫܠ ܒܣܪܐ܂ ܘܐܪܬܚ ܪܬܚܐ ܘܓܪ̈ܡܐ ܢܐܩܕܘܢ܂
24:11 [ai]ܘܐܩܝܡܝܘܗܝ ܪܬܚܐ ܥܠ ܓܘܡܪ̈ܐ܂ ܕܢܚܡ ܘܢܬܦܫܪ ܢܚܫܗܿ܂ ܘܬܬܡܣܐ ܒܓܘܗܿ ܛܢܦܘܬܗܿ܂ ܘܢܫܠܡ ܦܘܪܥܢܗܿ܂
24:12 [ai]ܐܝܟ ܬܐ̈ܢܐ ܟܪ̈ܝܗܬܐ܂ ܘܠܐ ܢܦܘܩ ܡܢܗܿ ܣܘܓܐܐ ܕܥܘܼܠܗܿ܂ ܐܠܐ ܒܢܘܪܐ ܢܗܘܐ ܦܘܪܥܢܗܿ܂
24:13 [ai]ܥܠ ܕܐܬܛܢܦܬܝ ܒܙܢܝܘܬܐ܂ ܘܥܠ ܕܕܟܝܿܬܝ ܘܠܐ ܐܬܕܟܝܬܝ ܡܢ ܛܢܦܘܬܟܝ/ܛܡܘܬܟܝ#3#/܂ ܬܘܒ ܠܐ ܬܬܕܟܝܢ܂ ܥܕܡܐ ܕܐܢܝܚ ܒܟܝ ܚܡܬܝ܂
24:14 [ai]ܐܢܐ ܡܪܝܐ ܐܡܿܪܬ܂ ܘܡܝܬܐ ܐܢܐ ܘܥܒܿܕ ܐܢܐ܂ ܘܠܐ ܐܪܚܦ ܘܠܐ ܐܚܘܣ ܘܠܐ ܐܪܚܡ܂ ܘܐܝܟ ܐܘܪ̈ܚܬܟܝ ܘܐܝܟ ܨܢ̈ܥܬܟܝ ܐܕܘܢܟܝ܂ ܐܡܿܪ ܡܪܐ ܡܪ̈ܘܬܐ܂
24:15 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
24:16 [ai]ܒܪܢܫܐ܂ ܗܐ ܢܣܿܒ ܐܢܐ ܡܢܟ ܪܓܬܐ ܕܥܝܢ̈ܝܟ ܒܡܚܘܬܐ ܕܡܢ ܫܠܝ܂ ܘܠܐ ܬܪܩܕ ܘܠܐ ܬܒܟܐ܂ ܘܠܐ ܬܫܠܚ/ܬܫܚܠ#3#/ ܕܡܥܬܟ܂
24:17 [ai]ܐܠܐ ܐܫܬܢܩ ܒܕܡܐ ܕܡܝ̈ܬܐ܂ ܘܒܝܬ ܒܟ̈ܐ ܠܐ ܬܥܒܕ܂ ܘܡܐ̈ܢܝܟ ܚܙܘܩ ܥܠܝܟ܂ ܘܡܣ̈ܢܝܟ ܣܝܡ ܒܪ̈ܓܠܝܟ܂ ܘܠܐ ܬܬܥܛܦ ܥܠ ܣ̈ܦܘܬܟ܂ ܘܠܚܡܐ ܕܒܢܝܢܫ̈ܐ ܠܐ ܬܐܟܘܠ܂
24:18 [ai]ܘܐܡܿܪܬ ܒܨܦܪܐ ܠܥܡܐ܂ ܘܡܝܬܬ ܐܢܬܬܝ ܒܪܡܫܐ܂ ܘܠܨܦܪܗ ܕܝܘܡܐ ܐܚܪܢܐ܂ ܥܒܿܕܬ ܐܝܟ ܕܐܬܦܩܿܕܬ܂
24:19 [ai]ܘܐܡܪ ܠܝ ܥܡܐ܂ ܠܐ ܡܚܘܐ ܐܢܬ ܠܢ ܡܿܢܘ ܗܢܐ ܕܥܒܿܕ ܐܢܬ܂
24:20 [ai]ܘܐܡܿܪܬ ܠܗܘܢ܂ ܦܬܓܡܗ/ܕܦܬܓܡܗ#3#/ ܗܘ ܕܡܪܝܐ ܗܘܐ/ܕܗܘܐ#3#/ ܥܠܝ ܠܡܐܡܪ܂
24:21 [ai]ܐܡܪ ܠܕܒܝܬ ܐܝܣܪܝܠ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܡܛܘܫ ܐܢܐ ܡܩܕܫܝ ܫܘܒܚܐ ܕܥܘܫܢܟܘܢ܂ ܘܪܓܬܐ ܕܥܝܢ̈ܝܗܘܢ ܘܚܘܣܝܐ ܕܢܦܫ̈ܬܟܘܢ܂ ܘܒ̈ܢܝܟܘܢ ܘܒܢ̈ܬܟܘܢ ܕܫܒܿܩܝܢ ܐܢܬܘܢ ܒܚܪܒܐ ܢܦܠܘܢ܂
24:22 [ai]ܘܬܥܒܕܘܢ ܐܝܟ ܕܥܒܿܕܬ܂ ܘܥܠ ܣ̈ܦܘܬܟܘܢ ܠܐ ܬܬܥܛܦܘܢ܂ ܘܠܚܡܐ ܕܒܢܝܢܫ̈ܐ ܠܐ ܬܐܟܠܘܢ܂
24:23 [ai]ܘܣܥܪܟܘܢ ܠܐ ܢܣܬܦܪ܂ ܘܡܣ̈ܢܝܟܘܢ ܢܗܘܘܢ ܒܪ̈ܓܠܝܟܘܢ܂ ܘܠܐ ܬܒܟܘܢ ܘܠܐ ܬܪܩܕܘܢ܂ ܘܬܬܡܣܘܢ ܒܥܘܼܠܟܘܢ܂ ܘܬܬܒܝܐܘܢ ܐܢܫ ܥܠ ܐܚܘܗܝ܂
24:24 [ai]ܘܢܗܘܐ ܠܟܘܢ ܚܙܩܝܐܝܠ ܐܬܐ܂ ܘܐܝܟ ܕܥܒܕ ܗܟܢܐ ܬܥܒܕܘܢ܂ ܘܬܕܥܘܢ ܕܐܢܐ ܐܢܐ ܡܪܐ ܡܪ̈ܘܬܐ ܀
24:25 [ai]ܐܢܬ ܕܝܢ ܒܪܢܫܐ܂ ܒܝܘܡܐ ܕܢܣܿܒ ܐܢܐ ܡܢܗܘܢ ܥܘܫܢܐ ܕܚܕܘܬܐ ܕܫܘܒܚܗܘܢ܂ ܘܪܓܬܐ ܕܥܝܢ̈ܝܗܘܢ ܘܚܘܣܝܐ ܕܢܦܫܬ̈ܗܘܢ܂ ܘܒܢܝܗܘܢ ܘܒܢ̈ܬܗܘܢ܂
24:26 [ai]ܒܗ ܒܝܘܡܐ ܗܿܘ܂ ܢܐܬܐ ܠܘܬܟ ܡܬܦܨܝܢܐ ܘܢܫܡܥܟ ܒܐ̈ܕܢܝܟ܂
24:27 [ai]ܘܢܦܬܚ ܦܘܡܟ ܡܬܦܨܝܢܐ ܒܗ ܒܝܘܡܐ ܗܿܘ܂ ܘܬܡܠܠ ܘܬܘܒ ܠܐ ܬܚܪܫ܂ ܘܬܗܘܐ ܠܗܘܢ ܐܬܐ܂ ܘܢܕܥܘܢ ܕܐܢܐ ܐܢܐ ܡܪܝܐ܂

next chapter