← Back
The Comprehensive Aramaic Lexicon
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


25:01 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
25:02 [ai]ܒܪ ܐܢܫܐ܂ ܣܝܡ ܐ̈ܦܝܟ ܥܠ ܒ̈ܢܝ ܥܡܘܢ ܘܐܬܢܒܐ ܥܠܝܗܘܢ܂
25:03 [ai]ܘܐܡܪ ܠܒܢ̈ܝ ܥܡܘܢ܂ ܫܡܥܘ ܦܬܓܡܗ ܕܡܪܐ ܡܪ̈ܘܬܐ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܥܠ ܕܐܡܪܬܘܢ ܐܚܢ ܥܠ ܡܩܕܫܝ ܕܐܬܛܘܫ܂ ܘܥܠ ܐܪܥܐ ܕܐܝܣܪܝܠ ܕܚܪܒܬ܂ ܘܥܠ ܕܒܝܬ ܝܗܘܕܐ ܕܐܙܠܘ ܒܫܒܝܬܐ܂
25:04 [ai]ܡܛܠ ܗܢܐ ܗܐ ܝܗܿܒ ܐܢܐ ܠܟܝ ܠܒܢ̈ܝ ܡܕܢܚܐ ܠܝܘܪܬܢܐ ܘܢܥܡܪ ܒܟܝ ܚܝܠܗܘܢ܂ ܘܢܩܫܘܢ ܒܟܝ ܡܫ̈ܟܢܝܗܘܢ܂ ܗܢܘܢ ܢܐܟܠܘܢ ܦܐܪ̈ܝܟܝ ܘܗܢܘܢ ܢܫܬܘܢ ܚܠܒܟܝ܂
25:05 [ai]ܘܐܬܠܝܗܿ ܠܪܒܬ ܠܪܒܥܐ ܕܓܡ̈ܠܐ܂ ܘܠܒܢ̈ܝ ܥܡܘܢ ܠܡܪܒܥܐ ܕܥܢܐ܂ ܘܬܕܥܘܢ ܕܐܢܐ ܐܢܐ ܡܪܝܐ ܀܂
25:06 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܥܠ ܕܢܫܩܬܝ ܒܐ̈ܝܕܝܟܝ ܘܪܦܣܬܝ ܒܪ̈ܓܠܝܟܝ܂ ܘܚܕܝܬܝ ܒܢܦܫܟܝ ܥܠ ܐܪܥܐ ܕܐܝܣܪܝܠ܂
25:07 [ai]ܡܛܠ ܗܢܐ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܐܢܐ ܡܪܝܡ ܐܢܐ ܐܝܕܝ ܥܠܝܟܝ܂ ܘܐܬܠܟܝ ܒܙܬܐ ܠܥܡ̈ܡܐ܂ ܘܐܣܝܦܟܝ ܡܢ ܥܡ̈ܡܐ܂ ܘܐܘܒܕܟܝ ܡܢ ܡܕܝܢ̈ܬܐ ܘܐܚܪܒܟܝ܂ ܘܬܕܥܝܢ ܕܐܢܐ ܐܢܐ ܡܪܝܐ܂
25:08 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܥܠ ܕܐܡܪ ܡܘܐܒ ܘܣܥܝܪ܂ ܗܐ ܒܟܠܗܘܢ ܥܡ̈ܡܐ ܒܝܬ/ܕܒܝܬ#3#/ ܝܗܘܕܐ܂
25:09 [ai]ܡܛܠ ܗܢܐܼ ܗܐ ܡܪܬܥ/ܡܬܪܥ#3#/ ܐܢܐ ܟܬܦܗ ܕܡܘܐܒ ܡܢ ܡܕܝܢ̈ܬܐ܂ ܡܢ ܡܕܝܢ̈ܬܗ ܘܡܢ ܚܕܪ̈ܘܗܝ܂ ܫܘܒܚܐ ܕܐܪܥܐ ܕܒܝܬ ܐܫܝܡܘܢ܂ ܘܕܒܥܠܡܘܢ ܘܕܩܘܪܝܬܝܡ/ܘܩܘܪܝܬܝܡ#3#/܂
25:10 [ai]ܕܒܢ̈ܝ ܡܕܢܚܐ ܘܕܒܢ̈ܝ ܥܡܘܢ ܐܬܠܝܗܿ ܠܝܘܪܬܢܐ܂ ܕܠܐ ܬܬܕܟܪ ܪܒܬ ܕܒܢ̈ܝ ܥܡܘܢ ܒܥܡ̈ܡܐ܂
25:11 [ai]ܘܒܡܘܐܒ ܐܥܒܕ ܕܝܢܐ܂ ܘܬܕܥܘܢ ܕܐܢܐ ܐܢܐ ܡܪܝܐ܂
25:12 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܥܠ ܕܥܒܕ ܐܕܘܡ ܦܘܪܥܢܐ ܠܕܒܝܬ ܝܗܘܕܐ܂ ܘܐܠܡ ܐܠܡܐ ܘܛܢܘ ܒܗܘܢ܂
25:13 [ai]ܡܛܠ ܗܢܐ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܐܢܐ ܡܪܝܡ ܐܢܐ ܐܝܕܝ ܥܠ ܐܕܘܡ܂ ܘܡܘܒܕ ܐܢܐ ܡܢܗܿ ܒܢ̈ܝ ܐܢܫܐ ܘܒܥܝܪܐ܂ ܘܐܥܒܕܝܗܿ ܠܚܘܪܒܐ ܡܢ ܬܝܡܢ ܘܕܪܢ܂ ܘܒܚܪܒܐ ܬܦܠ܂
25:14 [ai]ܘܐܥܒܕ ܦܘܪܥܢܝ ܒܐܕܘܡ܂ ܒܝܕ ܥܡܝ ܐܝܣܪܝܠ܂ ܘܢܬܦܪܥܘܢ ܡܢ ܐܕܘܡ ܐܝܟ ܪܘܓܙܝ ܘܐܝܟ ܚܡܬܝ܂ ܘܢܕܥܘܢܗ ܠܦܘܪܥܢܝ ܐܡܿܪ ܡܪܐ ܡܪ̈ܘܬܐ ܀
25:15 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܥܠ ܕܥܒܕܘ ܦܠܫ̈ܬܝܐ ܦܘܪܥܢܐ܂ ܘܐܬܦܪܥܘ ܦܘܪܥܢܐ ܒܪܓܬܐ ܕܢܦܫܗܘܢ܂ ܕܢܚܒܠܘܢ ܪܚܡܘܬܐ ܕܥܠܡ܂
25:16 [ai]ܡܛܠ ܗܢܐ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܡܪܝܡ ܐܢܐ ܐܝܕܝ ܥܠ ܦܠܫܬ̈ܝܐ܂ ܘܡܘܒܕ ܐܢܐ ܠܩܪ̈ܛܐ܂ ܘܡܘܒܕ ܐܢܐ ܫܪܟܐ ܕܣܦܪ̈ܝ ܝܡܐ܂
25:17 [ai]ܘܐܥܒܕ ܡܢܗܘܢ ܦܘܪ̈ܥܢܝ ܪ̈ܘܪܒܐ ܒܡܟܣܢܘܬܐ ܘܒܪܘܓܙܐ܂ ܘܢܕܥܘܢ ܕܐܢܐ ܐܢܐ ܡܪܝܐ܂ ܡܐ ܕܥܒܿܕܬ ܡܢܗܘܢ ܦܘܪ̈ܥܢܝ ܀ ܀܂

next chapter