← Back
The Comprehensive Aramaic Lexicon
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


27:01 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
27:02 [ai]ܐܢܬ ܕܝܢ ܒܪ ܐܢܫܐ܂ ܐܠܝ ܐܘܠܝܬܐ ܥܠ ܨܘܪ܂
27:03 [ai]ܘܐܡܪ ܠܨܘܪ ܕܝܬܿܒܐ ܒܡܥܠܢܐ ܕܝܡܐ܂ ܬܐܓܘܪܬܐ ܕܥܡ̈ܡܐ ܘܕܓܙܪ̈ܬܐ/ܘܓܙܪ̈ܬܐ#3#/ ܣ̈ܓܝܐܬܐ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܨܘܪ܂ ܐܢܬܝ ܐܡܪܬܝ ܕܐܢܐ ܐܢܐ ܟܠܝܠܐ ܕܫܘܒܚܐ܂
27:04 [ai]ܬܚ̈ܘܡܝܟܝ ܒܠܒܐ ܕܝܡ̈ܡܐ ܘܒ̈ܢܝܟܝ ܫܟܠܠܘ ܫܘܦܪܟܝ܂
27:05 [ai]ܥܪ̈ܩܐ ܘܕܦ̈ܐ ܐܝܬܝܘ ܠܟܝ ܡܢ ܣܢܝܪ܂ ܘܐܪ̈ܙܐ ܡܢ ܠܒܢܢ ܢܣܒܘ ܕܢܥܒܕܘܢ ܠܟܝ ‍{‍ܥܕܪ̈ܐ‍}‍‍<‍ܥܪܕ̈ܐ‍>‍܂
27:06 [ai]ܘܡܢ ܒ̈ܠܘܛܐ ܕܒܝܫܢ ܥܒܕܘ ܠܩ̈ܝܟܝ܂ ܘܕܦܝ̈ܟܝ ܥܒܕܘ ܕܫܢܐ ܕܦܝܠܐ ܡܢ ܓܙܪ̈ܬܐ ܕܟܬ̈ܝܐ܂
27:07 [ai]ܘܩܪ̈ܡܐ ܕܒܘܨܐ ܕܨܒܬܟܝ ܐܝܬܝܘ ܡܢ ܡܨܪܝܢ܂ ܕܢܗܘܐ ܠܟܝ ܐܬܐ܂ ܬܟܠܬܐ ܘܐܪܓܘܢܐ ܐܝܬܝܘ ܠܟܝ ܡܢ ܓܙܪ̈ܬܐ ܕܐܠܣ ܠܬܟܣܝܬܟܝ܂
27:08 [ai]ܥܡܘܪ̈ܐ ܕܨܝܕܢ ܘܕܐܪܘܕ/ܘܐܪܘܕ#3#/ ܗܘܘ ܕܒܪ̈ܝ ܠܩ̈ܝܟܝ܂ ܚܟ̈ܝܡܝܟܝ ܨܘܪ ܗܘܘ ܡ̈ܠܚܝܟܝ܂
27:09 [ai]ܣܒ̈ܐ ܕܓܒܠ ܘܚ̈ܟܝܡܝܗܿ ܗܘܘ ܒ̈ܕܩܝ ܒܕܩܝ̈ܟܝ܂ ܣ̈ܦܝܢܐ ܟܠܗܝܢ ܕܝܡܐ ܘܡ̈ܠܚܝܗܝܢ ܗܘܘ ܡܢ ܡܥܪ̈ܒܝܟܝ܂
27:10 [ai]ܦܪ̈ܣܝܐ ܘܠܘܕ̈ܝܐ ܘܦܘ̈ܛܝܐ ܓܒܪ̈ܐ ܩܪ̈ܒܬܢܐ ܗܘܘ ܒܚ̈ܝܠܝܟܝ܂ ܣܟܪ̈ܐ ܘܣܢܘܪ̈ܬܐ ܬܠܘ ܒܟܝ܂ ܘܗܘܘ ܠܟܝ ܫܘܒܚܐ܂
27:11 [ai]ܒܢ̈ܝ ܐܪܘܕ ܘܚܝ̈ܠܝܟܝ ܩܝܿܡܝܢ ܗܘܘ ܥܠ ܫܘܪ̈ܝܟܝ ܘܢܿܛܪܝܢ ܡ̈ܓܕܠܝܟܝ/ܒܡ̈ܓܕܠܝܟ#3#/܂ ܫ̈ܠܛܝܗܘܢ ܬܠܘ ܥܠ ܫܘܪ̈ܝܟܝ ܟܕ ܚܕܪܝܢ ܘܫܡܠܝܘ ܫܘܦܪܟܝ܂
27:12 [ai]ܬܪܫܝܫ ܒܝܬ ܬܐܓܘܪܬܟܝ ܘܣܘܓܐܐ ܕܥܘܬܪܟܝ܂ ܣܐܡܐ ܘܦܪܙܠܐ ܘܐܢܟܐ ܘܐܒܪܐ ܐܝܬܝܘ ܠܟܝ ܠܙܒܢܼܐ܂
27:13 [ai]ܝܘܢ ܘܬܘܒܝܠ ܘܡܫܟ ܬܓܪ̈ܝܟܝ܂ ܒܢ̈ܦܫܬܐ ܕܒܢ̈ܝ ܐܢܫܐ ܘܡ̈ܐܢܐ ܕܢܚܫܐ܂
27:14 [ai]ܡܢ ܒܝܬ ܬܘܓܪܡܐ܂ ܪ̈ܟܫܐ ܘܦܪ̈ܫܐ ܘܟܘ̈ܕܢܘܬܐ ܐܝܬܝܘ ܠܟܝ ܠܙܒܼܢܐ܂
27:15 [ai]ܒܢ̈ܝ ܕܪܢ ܬܓܪ̈ܝܟܝ܂ ܘܓܙܪ̈ܬܐ ܣܓܝܐ̈ܬܐ ܒܝܬ ܬܐܓܘܪܬܐ ܕܐ̈ܝܕܝܟܝ܂ ܩܪ̈ܢܬܐ ܕܡܫܚܐ ܘܠܒܘܢܬܐ ܐܝܬܝܘ ܠܟܝ ܩܘܪ̈ܒܢܐ܂
27:16 [ai]ܐܕܘܡ ܒܝܬ ܬܐܓܘܪܬܟܝ ܘܣܘܓܐܐ ܕܥܒܿܕܝ̈ܟܝ܂ ܐܪܓܘܢܐ ܘܒܘܨܐ ܘܦܬܟܐ ܘܬܟܠܬܐ ܘܫܪܝܐ ܘܦܬܘܬܟܐ ܐܝܬܝܘ ܠܟܝ ܠܙܒܢܼܐ܂
27:17 [ai]ܝܗܘܕܐ ܘܐܪܥܐ ܕܐܝܣܪܐܝܠ܂ ܗܢܘܢ ܐܢܘܢ ܬܓܪ̈ܝܟܝ܂ ܚ̈ܛܐ ܘܪܘܙܐ ܘܕܘܚܢܐ ܘܕܒܫܐ ܘܡܫܚܐ ܘܪ̈ܗܛܢܐ/ܘܐܪ̈ܗܛܢܐ#3#/ ܐܝܬܝܘ ܠܟܝ ܠܙܒܢܼܐ܂
27:18 [ai]ܕܪܡܣܘܩ ܒܝܬ ܬܐܓܘܪܬܟܝ ܘܣܘܓܐܐ ܕܥܒܿܕܝ̈ܟܝ ܘܣܘܓܐܐ ܕܥܘܬܪܟܝ܂ ܒܚܡܪܐ ܫܡܝܢܐ ܘܒܥܡܪܐ/ܘܥܡܪܐ#3#/ ܚܘܪܐ܂
27:19 [ai]ܘܕܢ ܘܝܘܢ ܡܢ ܐܘܙܠ ܐܝܬܝܘ ܠܟܝ ܠܙܒܢܼܐ ܦܪܙܠܐ ܕܬܦܠܚܝܢ܂ ܘܩܝ̈ܣܐ ܘܩ̈ܢܝܐ ܐܝܬܝܘ ܠܟܝ ܠܙܒܢܼܐ܂
27:20 [ai]ܕܪܢ ܒܝܬ ܬܐܓܘܪܬܟܝ܂ ܐܝܬܝܘ ܠܟܝ ܣܘܓܐܐ ܕܒܥܝܪܐ ܛܪܩܬܐ܂
27:21 [ai]ܘܕܟܪ̈ܐ ܘܐܡܪ̈ܐ ܘܓ̈ܕܝܐ ܐܝܬܝܘ ܠܟܝ܂
27:22 [ai]ܬܓܪ̈ܐ ܕܫܒܐ ܘܕܪܥܡܐ܂ ܒܣ̈ܡܢܐ/ܒܣ̈ܡܡܢܐ#2#/ ܛܪ̈ܩܐ ܘܟܐ̈ܦܐ ܛܒ̈ܬܐ ܘܕܗܒܐ ܐܝܬܝܘ ܠܟܝ ܠܙܒܢܼܐ܂
27:23 [ai]ܚܪܢ ܘܟܢܐ ܘܥܕܢ ܬܓܪ̈ܝ ܫܒܐ܂ ܘܐܬܘܪ ܒܝܬ ܬܐܓܘܪܬܟܝ܂
27:24 [ai]ܗܠܝܢ ܐܢܘܢ ܬܓܪ̈ܝܟܝ܂ ܕܡܝܬܝܢ ܠܟܝ ܡܐ̈ܢܐ ܕܬܟܠܬܐ ܘܕܦܬܟܐ/ܘܦܬܟܐ#3#/܂ ܘܣ̈ܝܡܬܐ ܛܒ̈ܬܐ ܟܕ ܚ̈ܙܝܩܢ ܒܚ̈ܒܠܐ ܘܒܐ̈ܠܦܐ ܕܥܪܩܐ܂
27:25 [ai]ܒ̈ܢܝ ܬܪܫܝܫ ܕܒܡܥܪ̈ܒܝܟܝ ܐܝܬܝܘ ܠܟܝ ܡܘܒ̈ܠܐ܂ ܘܐܬܡܠܝܬܝ ܘܥܫܢܬܝ ܛܒ܂
27:26 [ai]ܘܒܠܒܐ ܕܝܡ̈ܡܐ ܘܒܡ̈ܝܐ ܣܓ̈ܝܐܐ ܐܥܠܘܟܝ ܕܒܪ̈ܝ ܠܩ̈ܝܟܝ܂ ܪܘܚܐ ܕܫܘܒܐ ܬܒܪܬܟܝ ܒܠܒܐ ܕܝܡ̈ܡܐ܂
27:27 [ai]ܘܥܘܬܪܟܝ ܘܐܓܪܟܝ ܕܡܢ ܡܥܪ̈ܒܝܟܝ܂ ܟܠܗܘܢ ܓܒܪ̈ܐ ܩܪ̈ܒܬܢܝܟܝ ܘܡܠܚ̈ܝܟܝ ܘܒ̈ܕܩܝ ܒܕܩ̈ܝܟܝ ܕܡܢ ܡܥܪ̈ܒܝܟܝ܂ ܟܠܗܘܢ ܓܒܪ̈ܐ ܩܪ̈ܒܬܢܝܟܝ ܘܟܠܗ ܟܢܫܐ ܕܒܓܘܟܝ܂ ܢܦܠܘܢ ܒܠܒܐ ܕܝܡ̈ܡܐ ܒܝܘܡܐ ܕܡܦܘܠܬܟܝ܂
27:28 [ai]ܠܩܠܐ ܕܐܝܠܠܬܐ ܕܣ̈ܦܢܝܟܝ/ܕܣܦ̈ܝܢܝܟܝ#3#/ ܢܙܘܥܘܢ ܕܚܕܪܝܟܝ܂
27:29 [ai]ܘܢܚܬܘܢ ܡܢ ܣܦܝܢ̈ܝܗܘܢ ܟܠܗܘܢ ܕܒܪ̈ܝ ܠܩ̈ܐ/ܠܝܩ̈ܝܟܝ#3#/܂ ܘܡ̈ܠܚܐ ܘܟܠܗܘܢ ܣ̈ܦܢܐ ܕܝܡܐ/ܕܝܡܡܐ#3#/ ܒܐܪܥܐ ܢܩܘܡܘܢ܂
27:30 [ai]ܘܢܝܠܠܘܢ ܥܠܝܟܝ ܝܠܠܬܐ ܪܒܬܐ ܘܡܪܝܪܬܐ܂ ܘܢܪܡܘܢ ܥܦܪܐ ܒܪ̈ܝܫܝܗܘܢ ܘܢܬܦܠܦܠܘܢ ܒܩܛܡܐ܂
27:31 [ai]ܘܢܓܙܘܢ ܥܠܝܟܝ ܪ̈ܝܫܝܗܘܢ ܘܢܬܟܒܢܘܢ ܣܩ̈ܐ܂ ܘܢܒܟܘܢ ܥܠܝܟܝ ܡܪܝܪܐܝܬ ܒܡܪ̈ܩܕܬܐ܂
27:32 [ai]ܘܢܐܠܘܢ ܥܠܝܟܝ ܒܢܝܗܘܢ ܐ̈ܘܠܝܬܐ ܘܢܐܡܪܘܢ܂ ܡܿܢ \ܗܝ ܐܝܬ ܗܘܬ /ܐܢܬܝ ܗܘܝܬ#3#/ ܐܝܟ ܨܘܪ ܕܝܬܿܒܐ ܗܘܬ ܒܓܘ ܝܡܐ܂
27:33 [ai]ܟܕ ܢܦܩ ܩܢܝܢܟܝ ܡܢ ܝܡܐ܂ ܐܣܒܥܬܝ ܥܡ̈ܡܐ ܣ̈ܓܝܐܐ܂ ܘܡܢ ܣܘܓܐܐ ܕܥܘܬܪܟܝ ܘܕܬܐܓܘܪܬܟܝ ܐܥܬܪܬܝ ܡ̈ܠܟܐ ܕܐܪܥܐ܂
27:34 [ai]ܒܙܿܒܢܐ ܕܐܬܬܒܪܬܝ ܘܢܦܠܬܝ ܒܥ̈ܘܡܩܘܗܝ ܕܝܡܐ܂ ܬܐܓܘܪܬܟܝ ܘܟܠܗ ܟܢܫܟܝ ܢܦܠܘ ܒܓܘܟܝ܂
27:35 [ai]ܟܠܗܘܢ ܥܡܪ̈ܝ ܓܙܪ̈ܬܐ ܬܡܗܘ ܥܠܝܟܝ܂ ܘܡ̈ܠܟܝܗܘܢ ܬܘܪܘ ܘܕܡܥܘ ܐ̈ܦܝܗܘܢ܂
27:36 [ai]ܬܓܪ̈ܐ ܕܥܡ̈ܡܐ ܐܫܪܩܘ ܥܠܝܟܝ܂ ܠܐܒܕܢܐ ܗܘܝܬܝ ܘܠܝܬ ܐܢܬܝ ܠܥܠܡ܂

next chapter