← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


28:01 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
28:02 [ai]ܒܪܢܫܐ܂ ܐܡܪ ܠܪܒܐ ܕܨܘܪ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܥܠ ܕܐܬܬܪܝܡ ܠܒܟ ܘܐܡܪܬ ܕܐܠܗܐ ܐܢܐ܂ ܘܡܘܬܒܐ ܕܐܠܗܐ ܝܬܒܿܬ ܒܠܒܐ ܕܝܡ̈ܡܐ܂ ܘܒܪܢܫܐ ܐܢܬ ܘܠܐ ܗܘܝܬ/ܐܢܬ#3#/ ܐܠܗܐ܂ ܘܚܫܒܬ ܠܒܟ ܐܝܟ ܠܒܐ ܕܐܠܗܐ܂
28:03 [ai]ܕܠܡܐ ܚܟܝܡ ܐܢܬ ܡܢ ܕܢܝܐܝܠ܂ ܐܘ ܟܣ̈ܝܬܐ ܚܼܙܝܬ ܒܚܟܝܡܘܬܟ܂
28:04 [ai]ܘܒܣܘܟܠܟ ܥܒܕܬ ܠܟ ܚܝܠܐ܂ ܘܚܡܠܬ ܣܐܡܐ ܘܕܗܒܐ ܒܝܬ ܓܙܝ̈ܟ܂
28:05 [ai]ܒܣܘܓܐܐ ܕܚܟܡܬܟ ܘܕܬܐܓܘܪܬܟ܂ ܐܣܓܝܬ ܥܘܬܪܟ ܘܐܬܬܪܝܡ ܠܒܟ ܒܥܘܬܪܟ܂
28:06 [ai]ܡܛܠ ܗܢܐ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܥܠ ܕܚܫܒܬ ܠܒܟ ܐܝܟ ܠܒܐ ܕܐܠܗܐ܂
28:07 [ai]ܗܐ ܡܝܬܐ ܐܢܐ ܥܠܝܟ ܢܘܟܪ̈ܝܐ ܥܫ̈ܝܢܐ ܕܥܡ̈ܡܐ܂ ܘܢܫܡܛܘܢ ܣܝ̈ܦܝܗܘܢ ܥܠ ܫܘܦܪܗ ܕܚܟܡܬܟ܂ ܘܢܛܢܦܘܢ ܫܘܒܚܟ܂
28:08 [ai]ܘܢܚܬܘܢܟ ܠܚܒܠܐ܂ ܘܬܡܘܬ ܡܘܬܐ ܕܩ̈ܛܝܠܐ ܒܠܒܐ ܕܝܡ̈ܡܐ܂
28:09 [ai]ܕܠܡܐ ܐܡܿܪ ܐܢܬ ܩܕܡ ܩܛܘ̈ܠܝܟ ܕܐܠܗܐ ܐܢܐ܂ ܡܛܠ ܕܒܪܢܫܐ ܐܢܬ ܒܐܝܕܐ ܕܩ̈ܛܘܠܝܟ ܘܠܐ ܗܘܝܬ ܐܠܗܐ܂
28:10 [ai]ܒܐܝܕܐ ܕܥܘܪ̈ܠܐ ܢܘܟܪ̈ܝܐ ܬܡܘܬ܂ ܡܛܠ ܕܐܢܐ ܡܠܿܠܬ ܐܡܿܪ ܡܪܐ ܡܪ̈ܘܬܐ ܀܂
28:11 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
28:12 [ai]ܒܪ ܐܢܫܐ܂ ܐܠܝ ܐܘܠܝܬܐ ܥܠ ܡܠܟܐ ܕܨܘܪ ܘܐܡܪ ܠܗ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܐܢܬ ܛܒܥܐ ܐܢܬ ܕܕܡܘܬܐ ܕܡܠܐ ܚܟܡܬܐ܂ ܘܟܠܝܠܐ ܕܫܘܒܚܐ܂
28:13 [ai]ܒܥܕܢ ܦܪܕܝܣܗ ܕܐܠܗܐ ܗܘܝܬ܂ ܘܟܠܗܝܢ ܟܐ̈ܦܐ ܛܒ̈ܬܐ ܐܬܚܙܩܬ܂ ܣܪܕܘܢ ܘܩܪܟܕܢܐ ‍<‍ܘܐܝܣܦܘܢ#3#‍>‍ ܘܐܙܡܪܓܕܐ܂ ܘܒܪܘܠܐ ܘܣܦܝܠܐ܂ ܘܐܝܣܦܘܢ ܘܩܪܘܣܛܠܘܣ܂ ܘܡܪ̈ܓܢܝܬܐ ܘܕܗܒܐ ܡܠܝܬ ܒܝܬ ܓܙܝ̈ܟ܂ ܘܟܐ̈ܦܐ ܛܒ̈ܬܐ ܒܝܬ ܚ̈ܡܠܝܟ܂ ܡܢ ܝܘܡܐ ܕܐܬܒܪܝܬ܂
28:14 [ai]ܘܗܘܝܬ ܥܡ ܟܪܘܒܐ ܕܡܫܝܚ ܘܡܛܠ܂ ܘܝܗܒܿܬܟ ܒܛܘܪܐ ܕܩܘܕܫܗ ܕܐܠܗܐ܂ ܘܗܘܝܬ ܒܝܢܬ/ܒܝܬ#3#/ ܟܐ̈ܦܐ ܕܢܘܪܐ܂
28:15 [ai]ܘܗܠܟܬ ܕܠܐ ܡܘܡ ܒܐܘܪ̈ܚܬܟ܂ ܡܢ ܝܘܡܐ ܕܐܬܒܪܝܬ ܘܥܕܡܐ ܕܐܫܬܟܚ ܒܟ ܥܘܼܠܐ܂
28:16 [ai]ܒܣܘܓܐܐ ܕܬܐܓܘܪܬܟ ܡܠܝܬ ܓܘܟ ܥܘܼܠܐ ܘܚܛܝܬ܂ ܘܩܛܠܿܬܟ ܡܢ ܛܘܪܗ ܕܐܠܗܐ܂ ܘܐܘܒܕܟ ܟܪܘܒܐ ܕܡܛܠ ܡܢ ܓܘ ܟܐ̈ܦܐ ܕܢܘܪܐ܂
28:17 [ai]ܥܠ ܕܐܬܬܪܝܡ ܠܒܟ ܒܫܘܦܪܟ܂ ܐܬܚܒܠܬ ܚܟܡܬܟ \ܥܡ ܫܘܦܪܟ /ܒܫܘܦܪܟ#3#/܂ ܘܒܐܪܥܐ ܫܕܝܿܬܟ ܩܕܡ ܡ̈ܠܟܐ܂ ܘܝܗܒܿܬܟ ܠܗܘܢ ܠܚܙܘܐ܂
28:18 [ai]ܒܣܘܓܐܐ ܕܥܬܟ ܘܒܥܘܼܠܐ ܕܬܐܓܘܪܬܟ ܛܢܦܬ ܡܩܕܫܟ܂ ܐܿܦܩ ܢܘܪܐ ܡܢ ܓܘܟ ܘܗܝ ܬܐܟܠܟ܂ ܘܐܥܒܕܟ ܩܛܡܐ ܒܐܪܥܐ ܠܥܝܢ ܟܠ ܕܚܙܿܝܢ ܠܟ܂
28:19 [ai]ܘܟܠ ܕܝܕܥܿܝܢ ܠܟ ܒܝܬ ܥܡܡ̈ܐ ܢܬܡܗܘܢ ܥܠܝܟ܂ ܕܗܿܘܐ ܐܢܬ ܠܐܒܕܢܐ ܘܠܝܬ ܐܢܬ ܠܥܠܡ܂
28:20 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
28:21 [ai]ܒܪܢܫܐ܂ ܣܝܡ ܐ̈ܦܝܟ ܠܨܝܕܢ/ܥܠ ܨܝܕܢ#3#/܂ ܘܐܬܢܒܐ ܥܠܝܗܿ܂
28:22 [ai]ܘܐܡܪ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܐܢܐ ܥܠܝܟܝ ܨܝܕܢ܂ ܘܐܫܬܒܚ ܒܟܝ ܘܢܕܥܘܢ ܕܐܢܐ ܐܢܐ ܡܪܝܐ܂ ܡܐ ܕܥܒܿܕܬ ܒܗܿ ܕܝܢ̈ܝ ܘܐܬܩܕܫܿܬ ܒܗܿ܂
28:23 [ai]ܘܫܿܕܪܬ ܥܠܝܗܿ ܡܘܬܢܐ ܘܕܡܐ ܒܫ̈ܘܩܝܗܿ܂ ܘܢܦܠܘܢ ܚܪ̈ܝܒܝܗܿ ܒܓܘܗܿ ܒܚܪܒܐ ܕܬܚܕܪܝܗ ܘܢܕܥܘܢ ܕܐܢܐ ܐܢܐ ܡܪܝܐ܂
28:24 [ai]ܘܬܘܒ ܠܐ ܢܗܘܐ ܠܕܒܝܬ ܐܝܣܪܝܠ ܓ̈ܕܕܐ ܡܪ̈ܝܪܬܐ ܘܟܐܒܐ ܕܡܢܘܠ܂ ܡܢ ܟܠܗܘܢ ܕܚܕܝܪ̈ܝܢ ܠܗܘܢ ܘܡܨܥܪܝܢ ܠܗܘܢ܂ ܘܢܕܥܘܢ ܕܐܢܐ ܐܢܐ ܡܪܐ ܡܪ̈ܘܬܐ ܀܂
28:25 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܡܐ ܕܟܢܫܿܬ ܠܕܒܝܬ ܐܝܣܪܝܠ ܡܢ ܥܡ̈ܡܐ ܕܐܬܒܕܪܘ ܒܝܢܬܗܘܢ܂ ܘܐܬܩܕܫܿܬ ܒܗܘܢ ܠܥܝܢ ܥܡ̈ܡܐ܂ ܘܢܬܒܘܢ ܒܐܪܥܐ ܕܝܗܿܒܬ ܠܥܒܼܕܝ ܝܥܩܘܒ܂
28:26 [ai]ܘܢܬܒܘܢ ܒܗܿ ܒܫܠܝܐ܂ ܘܢܒܢܘܢ ܒ̈ܬܐ ܘܢܨܒܘܢ ܟܪ̈ܡܐ ܘܢܬܒܘܢ ܒܣܒܪܐ܂ ܡܐ ܕܥܒܿܕܬ ܕܝ̈ܢܐ ܡܢ ܟܠܗܘܢ ܥܡ̈ܡܐ ܕܚܕܪ̈ܝܗܘܢ ܕܡܗܪ̈ܝܢ ܠܗܘܢ܂ ܘܢܕܥܘܢ ܕܐܢܐ ܐܢܐ ܡܪܝܐ ܐܠܗܗܘܢ܂

next chapter