← Back
The Comprehensive Aramaic Lexicon
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


29:01 [ai]ܒܫܢܬܐ ܥܣܝܪܝܬܐ ܒܝܪܚܐ ܕܥܣܪܐ ܒܬܪܥܣܪܐ܂ ܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
29:02 [ai]ܒܪܢܫܐ ܣܝܡ ܐ̈ܦܝܟ ܥܠ ܦܪܥܘܢ ܡܠܟܐ ܕܡܨܪܝܢ ‍<‍ܘܐܡܪ#3#‍>‍ ܘܐܬܢܒܐ ܥܠܘܗܝ܂ ܘܥܠ ܟܠܗܿ ܡܨܪܝܢ܂
29:03 [ai]ܡܠܠ ܘܐܡܪ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܐܢܐ ܥܠܝܟ ܦܪܥܘܢ ܡܠܟܐ ܕܡܨܪܝܢ܂ ܬܢܝܢܐ ܪܒܐ ܕܪܒܝܥ ܒܓܘ ܢܗܪ̈ܘܬܐ܂ ܘܐܡܿܪ ܕܕܝܠܝ/ܕܝܠܝ#3#/ ܗܘ ܢܗܪܐ ܘܐܢܐ ܥܒܿܕܬܗ܂
29:04 [ai]ܐܢܐ ܐܪܡܐ ܒܠܡܐ ܒܦܟܝ̈ܟ ܘܐܕܒܩ ܒ̈ܓܦܝܟ ܢܘ̈ܢܐ ܕܢܗܪܟ܂ ܘܐܣܩܟ ܡܢ ܓܘ ܢܗܪܟ܂ ܘܟܠܗܘܢ ܢܘ̈ܢܐ ܕܢܗܪܟ ܒܓܦܝ̈ܟ ܢܕܒܩܘܢ܂
29:05 [ai]ܘܐܪܡܝܟ ܒܡܕܒܪܐ ܠܟ ܘܠܟܠܗܘܢ ܢܘ̈ܢܐ ܕܢܗܪܟ܂ ܘܥܠ ܐ̈ܦܝ ܚܩܠܐ ܬܦܠ܂ ܘܠܐ ܬܬܟܢܫ ܘܠܐ ܬܬܚܡܠ܂ ܠܚܝܘܬܐ ܕܕܒܪܐ/ܕܐܪܥܐ#3#/ ܘܠܦܪܚܬܐ ܕܫܡܝܐ ܝܗܒܿܬܟ ܠܡܐܟܘܠܬܐ܂
29:06 [ai]ܘܢܕܥܘܢ ܟܠܗܘܢ ‍<‍ܥܡ̈ܡܐ#3#‍>‍ ܥܡܘܪ̈ܝܗܿ ܕܡܨܪܝܢ ܕܐܢܐ ܐܢܐ ܡܪܝܐ܂ ܥܠ ܕܗܘܝܬ ܐܝܟ ܚܘܛܪܐ ܕܩܢܝܐ ܠܕܒܝܬ ܐܝܣܪܝܠ܂
29:07 [ai]\ܟܕ ܐܚܕܘܟ /ܘܕܐܚܕܘܟ#3#/ ܒܐ̈ܝܕܝܗܘܢ ܒܙܥܬ ܐ̈ܝܕܝܗܘܢ܂ ܘܟܕ ܐܣܬܡܟܘ ܥܠܝܟ܂ ܐܬܬܒܪܬ ܘܐܪܥܠܬ ܚܨ̈ܝܗܘܢ܂
29:08 [ai]ܡܛܠ ܗܢܐ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܡܝܬܐ ܐܢܐ ܥܠܝܟ ܚܪܒܐ܂ \ܘܐܘܒܕ ܡܢܟ /ܘܡܘܒܕ ܐܢܐ ܡܢܟܝ#3#/ ܒܢ̈ܝ ܐܢܫܐ ܘܒܥܝܪܐ܂
29:09 [ai]ܘܬܗܘܐ ܐܪܥܐ ܕܡܨܪܝܢ ܠܚܒܠܐ ܘܠܚܘܪܒܐ܂ ܘܢܕܥܘܢ ܕܐܢܐ ܐܢܐ ܡܪܝܐ܂ ܥܠ ܕܐܡܿܪܬ ܕܕܝܠܝ/ܕܝܠܝ#3#/ ܗܘ ܢܗܪܐ ܘܐܢܐ ܥܒܿܕܬܗ܂
29:10 [ai]ܡܛܠ ܗܢܐ ܗܐ ܐܢܐ ܥܠܝܟ ܘܥܠ ܢܗܪܟ܂ ܘܐܬܠܝܗܿ ܠܐܪܥܐ ܕܡܨܪܝܢ ܠܚܒܠܐ ܘܠܚܘܪܒܐ܂ ܡܢ ܡܓܕܠܐ ܕܣܘܢܐ ܘܥܕܡܐ ܠܬܚܘܡܐ ܕܟܘܫ܂
29:11 [ai]ܠܐ ܬܥܒܪ ܒܗܿ ܪܓܠܐ ܕܒܪܢܫܐ܂ ܘܐܦܠܐ ܦܪܣܬܐ ܕܒܥܝܪܐ܂ ܘܠܐ ܬܬܒ ܐܪ̈ܒܥܝܢ ܫ̈ܢܝܢ܂
29:12 [ai]ܘܐܬܠܝܗܿ ܠܐܪܥܐ ܕܡܨܪܝܢ ܠܚܒܠܐ ܒܝܢܬ ܡܕܝܢ̈ܬܐ ܕܨ̈ܕܝܢ܂ ܘܢܗ̈ܘܝܢ ܡܕܝܢ̈ܬܗܿ ܠܚܒܠܐ ܐܪ̈ܒܥܝܢ ܫ̈ܢܝܢ܂ ܒܝܢܬ ܡܕܝ̈ܢܬܐ ܕܚܪ̈ܒܢ܂ ܘܐܒܕܪܝܗܿ ܠܡܨܪܝܢ ܒܥܡ̈ܡܐ܂ ܘܐܕܪܐ ܐܢܘܢ ܒܡ̈ܕܝܢܬܐ ܀܂
29:13 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܒܬܪ ܐܪ̈ܒܥܝܢ ܫܢ̈ܝܢ܂ ܐܟܢܫ ܐܢܘܢ ܠܡܨܪ̈ܝܐ ܡܢ ܥܡ̈ܡܐ ܕܐܬܒܕܪܘ ܒܝܢܬܗܘܢ܂
29:14 [ai]ܘܐܗܦܟ ܫܒܝܬܗܿ ܕܡܨܪܝܢ܂ ܘܐܘܬܒ ܐܢܘܢ ܒܐܪܥܐ ܕܦܬܪܘܣ܂ ܒܐܪܥܐ ܕܐܙܕܒܢܘ ܡܢܗܿ܂ ܘܢܗܘܘܢ ܬܡܢ ܡܠܟܘܬܐ ܡܟܝܟܬܐ܂
29:15 [ai]ܘܬܗܘܐ ܡܟܝܟܐ ܡܢ ܟܠܗܝܢ ܡ̈ܠܟܘܬܐ܂ ܘܬܘܒ ܠܐ ܬܫܬܩܠ ܥܠ ܥܡ̈ܡܐ܂ ܘܐܙܥܪ ܐܢܘܢ ܕܠܐ ܢܫܥܒܕܘܢ ܠܥܡ̈ܡܐ܂
29:16 [ai]ܘܬܘܒ ܠܐ ܢܗܘܘܢ ܠܕܒܝܬ ܐܝܣܪܝܠ ܠܣܒܪܐ ܘܠܥܘܗܕܢܐ ܕܥܘܼܠܐ܂ ܥܠ ܕܐܙܠܘ ܒܬܪܗܘܢ܂ ܘܢܕܥܘܢ ܕܐܢܐ ܐܢܐ ܡܪܐ ܡܪ̈ܘܬܐ܂
29:17 [ai]ܒܥܣܪ̈ܝܢ ܘܫܒܥ ܫ̈ܢܝܢ܂ ܒܝܪܚܐ ܩܕܡܝܐ ܒܚܕ ܒܝܪܚܐ܂ ܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
29:18 [ai]ܒܪܢܫܐ܂ ܢܒܘܟܕܢܨܪ ܡܠܟܐ ܕܒܒܠ܂ ܫܥܒܕ ܠܟܠܗ ܚܝܠܗ ܫܘܥܒܕܐ ܪܒܐ ܥܠ ܨܘܪ܂ ܒܟܠ/ܟܠ#3#/ ܪܝܫ ܩܘ̈ܕܚܬܐ܂ ܘܟܠ ܟܬܦ ܚܠܝܨܐ܂ ܘܐܓܪܐ ܠܐ ܐܬܝܗܒ ܠܗ܂ ܘܠܚܝܠܗ ܡܢ/ܥܠ#3#/ ܨܘܪ ܥܠ ܫܘܥܒܕܐ ܕܫܥܒܕܗ ܀
29:19 [ai]ܡܛܠ ܗܢܐ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܝܗܿܒ ܐܢܐ ܠܢܒܘܟܕܢܨܪ ܡܠܟܐ ܕܒܒܠ ܐܪܥܐ ܕܡܨܪܝܢ܂ ܘܢܫܩܘܠ ܩܢܝܢܗܿ ܘܢܫܒܐ ܫܒܝܬܗܿ ܘܢܒܘܙ ܒܙܬܗܿ܂ ܘܬܗܘܐ ܐܓܪܐ ܠܚܝܠܗ܂
29:20 [ai]ܘܚܠܦ ܦܥܠܘܬܐ ܕܥܒܕ ܒܨܘܪ܂ ܝܗܿܒܬ ܠܗ ܐܪܥܐ ܕܡܨܪܝܢ ܐܡܿܪ ܡܪܐ ܡܪ̈ܘܬܐ܂
29:21 [ai]ܒܗ ܒܝܘܡܐ ܗܿܘ܂ ܐܿܕܢܚ ܩܪܢܐ ܠܕܒܝܬ ܐܝܣܪܝܠ܂ ܘܐܦܬܚ ܦܘܡܟ ܒܝܢܬܗܘܢ܂ ܘܢܕܥܘܢ ܕܐܢܐ ܐܢܐ ܡܪܐ ܡܪ̈ܘܬܐ ܀܂

next chapter