← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


30:01 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
30:02 [ai]ܒܪ ܐܢܫܐ܂ ܐܬܢܒܐ ܘܐܡܪ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܐܝܠܠܘ ܘܐܡܪܘ܂ ܐܘܗܿ ܠܝܘܡܐ܂
30:03 [ai]ܕܩܪܝܒ ܗܘ ܝܘܡܐ܂ ܩܪܝܒ ܗܘ ܝܘܡܗ ܕܡܪܝܐ܂ ܝܘܡܐ ܕܥܢܢܐ ܘܙܒܢܐ ܕܥܡ̈ܡܐ܂
30:04 [ai]ܘܬܐܬܐ ܚܪܒܐ ܥܠ ܡܨܪܝܢ܂ ܘܢܗܘܐ ܒܘܠܗܝܐ ܒܟܘܫ܂ ܡܐ ܕܢܦܠܘ ܚܪ̈ܝܒܐ ܒܡܨܪܝܢ܂ ܘܢܣܒܘܢ ܥܘܬܪܗܿ ܘܢܥܩܪܘܢ ܫ̈ܬܐܣܝܗܿ܂
30:05 [ai]ܘܟܘܫ̈ܝܐ ܘܦܘ̈ܛܝܐ ܘܠܘܒ̈ܝܐ܂ ܘܟܠܗܿ ܥܪܒܝܐ ܘܟܘܒ܂ ܘܒܢ̈ܝ ܐܪܥܐ ܕܩܝܡܐ ܥܡܗܘܢ ܒܚܪܒܐ ܢܦܠܘܢ܂
30:06 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܢܦܠܘܢ ܣܡ̈ܟܝܗܿ ܕܡܨܪܝܢ܂ ܘܢܬܬܒܪ ܚܝܠܐ ܕܥܘܫܢܗܿ܂ ܡܢ ܡܓܕܠܐ ܕܣܘܢܐ ܒܚܪܒܐ ܢܦܠܘܢ ܒܗܿ܂ ܐܡܿܪ ܡܪܐ ܡܪ̈ܘܬܐ܂
30:07 [ai]ܘܢܚܪ̈ܒܢ ܒܝܢܬ ܐܪ̈ܥܬܐ ܕܚܪ̈ܒܢ܂ ܘܡܕܝܢ̈ܬܗܝܢ ܒܝܢܬ ܡܕܝܢ̈ܬܐ ܚܪ̈ܒܬܐ ܢܗ̈ܘܝܢ܂
30:08 [ai]ܘܢܕܥܘܢ ܕܐܢܐ ܐܢܐ ܡܪܝܐ܂ ‍<‍ܡܐ#3#‍>‍ ܕܫܒܩܿܬ ܢܘܪܐ ܒܡܨܪܝܢ ܘܐܬܬܒܪܘ ܟܘܠܗܘܢ ܡܥܕܪ̈ܢܝܗܿ܂
30:09 [ai]ܒܗ ܒܝܘܡܐ ܗܿܘ܂ ܢܦܩܘܢ ‍<‍ܟܠܗܘܢ#3#‍>‍ ܡܠܐ̈ܟܐ ܡܢ ܩܕܡܝ ܡܣܪܗܒܐܝܬ܂ ܠܡܚܒܠܘ ܠܟܘܫ ܕܝܬܿܒܐ ܒܫܠܝܐ܂ ܘܢܗܘܐ ܒܗܘܢ ܕܠܘܚܝܐ ܒܝܘܡܗܿ ܕܡܨܪܝܢ ܘܗܐ ܡܛܝ܂
30:10 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܡܫܠܡ ܐܢܐ ܥܘܬܪܗܿ ܕܡܨܪܝܢ܂ ܒܝܕ ܢܒܘܟܕܢܨܪ ܡܠܟܐ ܕܒܒܠ܂
30:11 [ai]ܠܗ ܘܠܥܫ̈ܝܢܐ ܕܥܡ̈ܡܐ ܕܐܬܿܝܢ ܠܡܚܒܠܘ ܠܐܪܥܐ܂ ܘܢܫܡܛܘܢ ܣ̈ܝܦܝܗܘܢ ܥܠ ܡܨܪܝܢ ܘܢܡܠܘܢܗܿ ܠܐܪܥܐ ܚܪ̈ܝܒܐ܂
30:12 [ai]ܘܐܥܒܕ ܢܗܪ̈ܘܬܐ ܠܚܒܠܐ܂ ܘܐܫܠܡܝܗܿ ܠܐܪܥܐ ܒܐܝܕܐ ܕܒܝ̈ܫܐ܂ ܘܐܚܪܒܝܗܿ ܠܐܪܥܐ ܒܡܠܐܗܿ ܒܐܝܕܐ ܕܢܘܟܪ̈ܝܐ܂ ܐܢܐ ܡܪܝܐ ܡܠܠܿܬ܂
30:13 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܡܘܒܕ ܐܢܐ ܦܬܟܪ̈ܐ܂ ܘܡܒܛܠ ܐܢܐ ܕܚ̈ܠܬܐ ܡܢ ܡܦܣ܂ ܘܬܘܒ ܪܒܐ ܠܐ ܢܗܘܐ ܒܐܪܥܐ ܕܡܨܪܝܢ܂
30:14 [ai]ܘܐܒܛܠܝܗܿ ܠܐܪܥܐ ܕܦܬܪܘܣ ܘܐܫܒܘܩ ܢܘܪܐ ܒܨܥܢ ܘܐܥܒܕ ܕܝܢܐ ܒܢܘ܂
30:15 [ai]ܘܐܫܘܕ ܪܘܓܙܝ ܥܠ ܣܝܢ ܥܘܫܢܗܿ ܕܡܨܪܝܢ܂ ܘܐܘܒܕ ܥܘܬܪܗܿ ܕܢܘ܂
30:16 [ai]ܘܐܫܒܘܩ ܢܘܪܐ ܒܡܨܪܝܢ܂ ܘܢܬܕܠܚ ܣܝܢ ܘܢܘ ܬܬܪܥ ܘܡܦܣ ܬܗܘܐ ܠܡܦܘܠܬܐ܂
30:17 [ai]ܘܐܝܟ ܡ̈ܝܐ ܢܗܘܘܢ ܓܕܘ̈ܕܐ ܕܡܦܝܒܣܬ/ܕܡܦܟܘܕ#3#/܂ ܘܒܣܝܦܐ/ܘܒܚܪܒܐ#3#/ ܢܦܠܘܢ ܘܒܫܒܝܐ ܢܐܙܠܘܢ܂
30:18 [ai]ܘܒܬܚܦܝܣ ܢܥܪܒ ܝܘܡܐ܂ ܡܐ ܕܬܒܿܪܬ ܬܡܢ ܚܘܛܪܗܿ ܕܡܨܪܝܢ܂ ܘܒܛܠ ܡܢܗܿ ܫܘܒܚܐ ܕܥܘܫܢܗܿ܂ ܘܬܟܣܝܗܿ ܥܢܢܐ܂ ܘܒܢ̈ܬܗܿ ܢܐ̈ܙܠܢ ܒܫܒܝܐ܂
30:19 [ai]ܘܐܥܒܕ ܕܝܢܐ ܒܡܨܪܝܢ܂ ܘܢܕܥܘܢ ܕܐܢܐ ܐܢܐ ܡܪܝܐ ܀
30:20 [ai]ܒܫܢܬ ܚܕܥܣܪ̈ܐ ܒܫܒܥܬܐ ܒܝܪܚܐ ܩܕܡܝܐ܂ ܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
30:21 [ai]ܒܪܢܫܐ܂ ܕܪܥܗ ܕܦܪܥܘܢ ܡܠܟܐ ܕܡܨܪܝܢ ܬܒܿܪܬ܂ ܘܠܐ ܡܬܥܨܒ ܕܬܗܘܐ ܠܗ ܐܣܝܘܬܐ܂ ܘܠܐ ܢܬܬܣܝܡ ܥܠܘܗܝ ܡܠܓܡܐ܂ ܘܠܐ ܢܬܥܨܒ ܘܠܐ ܢܬܚܠܡ ܕܢܐܚܘܕ ܣܝܦܐ܂
30:22 [ai]ܡܛܠ ܗܢܐ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܐܢܐ ܥܠ ܦܪܥܘܢ ܡܠܟܐ ܕܡܨܪܝܢ܂ ܘܐܬܒܪ ܕܪ̈ܥܘܗܝ ܥܫܝ̈ܢܐ܂ ܘܐܪܡܐ ܣܝܦܐ ܡܢ ܐ̈ܝܕܘܗܝ܂
30:23 [ai]ܘܐܒܕܪܝܗܿ ܠܡܨܪܝܢ ܒܥܡ̈ܡܐ܂ ܘܐܕܪܐ ܐܢܘܢ ܒܡ̈ܕܝܢܬܐ܂
30:24 [ai]ܘܐܚܝܠ ܕܪ̈ܥܘܗܝ ܕܡܠܟܐ ܕܒܒܠ܂ ܘܐܬܠ ܣܝܦܝ ܒܐܝ̈ܕܘܗܝ܂ ܘܢܦܣܘܩ/ܘܢܦܣܩ#1##2#/ ܕܪ̈ܥܘܗܝ ܕܦܪܥܘܢ܂ ܘܢܬܬܢܚ ܬܐ̈ܢܚܬܐ ܕܩ̈ܛܝܠܐ ܩܕܡܘܗܝ܂
30:25 [ai]ܘܐܥܫܢ ܕܪ̈ܥܘܗܝ ܕܡܠܟܐ ܕܒܒܠ܂ ܘܕܪ̈ܥܘܗܝ ܕܦܪܥܘܢ ܢܦܠܘܢ܂ ܘܢܕܥܘܢ ܕܐܢܐ ܐܢܐ ܡܪܝܐ܂ ܡܐ ܕܝܗܒܿܬ ܣܝܦܝ ܒܐ̈ܝܕܘܗܝ ܕܡܠܟܐ ܕܒܒܠ܂ ܘܫܡܛܗ ܥܠ ܐܪܥܐ ܕܡܨܪܝܢ܂
30:26 [ai]ܘܐܒܕܪܝܗܿ ܠܡܨܪܝܢ ܒܥܡ̈ܡܐ܂ ܘܐܕܪܐ ܐܢܘܢ ܒܡܕܝܢܬ̈ܐ܂ ܘܢܕܥܘܢ ܕܐܢܐ ܐܢܐ ܡܪܝܐ ܀

next chapter