← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


32:01 [ai]ܒܫܢܬ ܚܕܥܣܪܐ ܒܝܪܚܐ ܕܬܪ̈ܥܣܪ ܒܚܕ ܒܝܪܚܐ܂ ܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
32:02 [ai]ܒܪܢܫܐ܂ ܐܠܝ ܐܘܠܝܬܐ ܥܠ ܦܪܥܘܢ ܡܠܟܐ ܕܡܨܪܝܢ ܘܐܡܪ ܠܗ܂ ܠܐܪܝܐ ܕܥܡ̈ܡܐ ܐܬܕܡܝܬ܂ ܘܐܢܬ ܐܝܟ ܬܢܝܢܐ ܐܢܬ ܕܝܡ̈ܡܐ܂ ܕܩܪܬ ܒܢܗܪ̈ܘܬܟ ܘܕܠܚܬ ܡ̈ܝܐ ܒܪ̈ܓܠܝܟ܂ ܘܕܫܬ ܢܗܪ̈ܘܬܗܘܢ܂ ܀
32:03 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܦܪܣ ܐܢܐ ܡܨܝܕܬܝ ܥܠܝܟ ܒܟܢܘܫܝܐ ܕܥܡܡ̈ܐ ܣ̈ܓܝܐܐ܂ ܘܢܣܩܘܢܟ ܒܡܨܝܕܬܝ܂
32:04 [ai]ܘܐܫܕܝܟ ܒܐܪܥܐ ܘܥܠ ܐ̈ܦܝ ܚܩܠܐ ܐܣܚܦܟ܂ ܘܐܫܟܢ ܥܠܝܟ ܟܠܗܿ ܦܪܚܬܐ ܕܫܡܝܐ܂ ܘܐܣܒܥ ܡܢܟ ܟܠܗܿ ܚܝܘܬܐ ܕܐܪܥܐ܂
32:05 [ai]ܘܐܪܡܐ ܒܣܪܟ ܥܠ ܛܘܪ̈ܐ܂ ܘܢܬܡܠܘܢ ܢܚ̈ܠܐ ܡܢ ܪ̈ܡܬܟ܂
32:06 [ai]ܘܐܫܩܐ ܐܪܥܐ ܕܕܘܩ̈ܝܟ ܡܢ ܕܡܟ܂ ܘܛܘܪ̈ܐ ܘܢܚ̈ܠܐ ܢܬܡܠܘܢ ܡܢܟ܂
32:07 [ai]ܘܐܟܣܐ ܒܕܥܟܟ ܫܡܝܐ܂ ܘܐܥܡܛ ܟܘ̈ܟܒܝܗܘܢ܂ ܘܫܡܫܐ ܒܥܢ̈ܢܐ ܢܬܟܣܐ܂ ܘܣܗܪܐ ܠܐ ܢܢܗܪ ܢܘܗܪܗ܂
32:08 [ai]ܘܟܠܗܘܢ ܢܗܝܪ̈ܐ ܕܡܢܗܪ̈ܝܢ ܒܫܡܝܐ ܐܥܡܛ ܐܢܘܢ ܥܠܝܟ܂ ܘܐܥܒܕ ܚܫܘܟܐ/ܚܫܟܐ#3#/ ܒܐܪܥܟ ܐܡܿܪ ܡܪܐ ܡܪ̈ܘܬܐ܂
32:09 [ai]ܘܐ‍<‍ܬ‍>‍ܚܡܬ ܠܒܐ ܕܥܡ̈ܡܐ ܣ̈ܓܝܐܐ܂ ܡܐ ܕܐܝܬܝܬܿ ܬܒܪܟ ܒܝܬ ܥܡ̈ܡܐ܂ ܘܒܡܕܝܢ̈ܬܐ ܕܠܐ ܝܿܕܥ ܐܢܬ ܠܗܝܢ܂
32:10 [ai]ܘܐܬܡܗ ܥܠܝܟ ܥܡ̈ܡܐ ܣ̈ܓܝܐܐ܂ ܘܡ̈ܠܟܝܗܘܢ ܢܕܚܠܘܢ܂ ܡܐ ܕܐܒܪܩܿܬ ܣܝܦܝ ܥܠ ܐ̈ܦܝܗܘܢ܂ ܘܢܕܚܠܘܢ ܘܢܬܪܗܒܘܢ ܐܢܫ ܒܢܦܫܗ ܒܝܘܡܐ ܕܡܦܘܠܬܟ܂
32:11 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܚܪܒܗ ܕܡܠܟܐ ܕܒܒܠ ܬܐܬܐ ܥܠܝܟ܂
32:12 [ai]ܒܚܪܒܐ ܕܓܢܒܪ̈ܐ ܐܪܡܐ ܥܘܫܢܟ܂ ܘܕܟܠܗܘܢ ܥܫ̈ܝܢܐ ܕܥܡ̈ܡܐ܂ ܘܢܒܙܘܢ ܥܘܫܢܗܿ ܕܡܨܪܝܢ܂ ܘܢܬܒܙܙ ܟܠܗ ܥܘܬܪܗܿ܂
32:13 [ai]ܘܐܘܒܕ ܒܥܝܪܗܿ ܡܢ ܡ̈ܝܐ ܣ̈ܓܝܐܐ܂ ܘܬܘܒ ܪܓܠܐ ܕܒܪܢܫܐ ܠܐ ܬܕܠܚ ܐܢܘܢ܂ ܐܦ ܠܐ ܦܪܣܬܐ ܕܒܥܝܪܐ܂
32:14 [ai]ܗܝܕܝܢ ܐܬܩܢ ܡܝܝ̈ܗܘܢ܂ ܘܢܗܪ̈ܘܬܗܘܢ ܐܪܕܐ ܐܝܟ ܡܫܚܐ܂ ܐܡܿܪ ܡܪܐ ܡܪ̈ܘܬܐ܂
32:15 [ai]ܡܐ ܕܥܒܿܕܬܗܿ ܠܐܪܥܐ ܕܡܨܪܝܢ ܠܚܒܠܐ܂ ܘܬܚܪܒ ܐܪܥܐ ܒܡܠܐܗܿ܂ ܡܐ ܕܡܚܿܝܬ ܠܟܠܗܘܢ ܥܡܘܪ̈ܝܗܿ܂ ܘܢܕܥܘܢ ܕܐܢܐ ܐܢܐ ܡܪܝܐ܂
32:16 [ai]ܐܘܠܝܬܐ ܗܝ܂ ܘܒܢ̈ܬܗܘܢ ܕܥܡ̈ܡܐ ܐ̈ܠܝܢ ܠܗܿ܂ ܥܠ ܡܨܪܝܢ ܘܥܠ ܟܠܗ ܥܘܬܪܗܿ ܢܐ̈ܠܝܢܗܿ ܐܡܿܪ ܡܪܐ ܡܪ̈ܘܬܐ܂ ܀
32:17 [ai]ܒܫܢܬ ܚܕܥܣܪ̈ܐ ܒܚܡܫܥܣܪܐ ܒܝܪܚܐ܂ ܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
32:18 [ai]ܒܪܢܫܐ܂ ܐܠܝ ܐܘܠܝܬܐ ܥܠ ܚܝܠܗܿ ܕܡܨܪܝܢ܂ ܘܐܚܬܝܗܝ ܥܡܗܿ ܠܒܝܬ ܥܡ̈ܡܐ ܥܫܝ̈ܢܐ܂ ܠܐܪܥܐ ܬܚܬܝܬܐ ܥܡ ܢܚ̈ܬܝ ܓܘܒܐ܂
32:19 [ai]ܡܢ ܡ̈ܝܐ ܒܣ̈ܝܡܐ ܚܘܬ ܘܕܡܟ ܥܡ ܥܘܪ̈ܠܐ܂
32:20 [ai]ܘܥܡ ܩ̈ܛܝܠܝ ܣܝܦܐ ܢܦܠܘܢ ܘܢܢܥܓܘܢܗ ܘܠܟܠܗ ܚܝܠܗ܂
32:21 [ai]ܢܡܠܠܘܢ ܥܡ ܓܕܘܕܝ̈ܗܘܢ ܫ̈ܠܝܛܢܐ/ܫܠܝܛܐ#3#/ ܕܥܡ̈ܡܐ ܡܢ ܓܘ ܫܝܘܠ ܘܢܚܬܘܢ ܘܢܫܟܒܘܢ ܥܘܪ̈ܠܐ ܥܡ ܩ̈ܛܝܠܝ ܣܝܦܐ܂
32:22 [ai]ܬܡܢ ܐܬܘܪ ܘܟܠܗ ܟܢܫܗܿ/ܚܝܠܗܿ#3#/ ܚܕܪ ܩܒܪܗ܂ ܟܠܗܘܢ ܩ̈ܛܝܠܐ ܕܢܦܠܘ ܒܣܝܦܐ܂
32:23 [ai]ܕܥܒܕܘ ܩܒܪܗ ܒܫ̈ܦܘܠܝ ܓܘܒܐ܂ ܘܗܘܐ ܟܢܫܗ ܚܕܪ ܩܒܪܗ܂ ܟܠܗܘܢ ܩܛܝ̈ܠܐ ܕܢܦܠܘ ܒܣܝܦܐ܂ ܥܠ ܕܥܒܕܘ ܬܒܪܐ ܒܐܪܥܐ ܕܚ̈ܝܐ܂
32:24 [ai]ܬܡܢ ܥܝܠܡ ܘܟܠܗ ܚܝܠܗܿ ܚܕܪ ܩܒܪܗ܂ ܟܠܗܘܢ ܩ̈ܛܝܠܐ ܕܢܦܠܘ ܒܣܝܦܐ܂ ܘܢܚܬܘ ܥܘܪ̈ܠܐ ܠܐܪܥܐ ܬܚܬܝܬܐ܂ ܥܠ ܕܥܒܕܘ ܬܒܪܐ ܒܐܪܥܐ ܕܚ̈ܝܐ܂ ܘܩܒܠܘ ܨܥܪܗܘܢ ܥܡ ܢܚ̈ܬܝ ܓܘܒܐ܂
32:25 [ai]ܘܒܝܢܬ/ܘܒܝܬ#3#/ ܩ̈ܛܝܠܐ ܥܒܕܘ ܠܗ ܡܫܟܒܐ ܡܨܥܬ ܚܝܠܗ܂ ܘܚܕܝܪ̈ܝܢ ܠܩܒܪܗ܂ ܟܘܠܗܘܢ ܥܘܪ̈ܠܐ ܕܩ̈ܛܝܠܝܢ ܒܣܝܦܐ܂ ܥܠ ܕܥܒܕܘ ܬܒܪܐ ܒܐܪܥܐ ܕܚܝ̈ܐ܂ ܘܩܒܠܘ ܨܥܪܗܘܢ ܥܡ ܢܚ̈ܬܝ ܓܘܒܐ܂ ܘܒܝܢܬ ܩ̈ܛܝܠܐ ܐܬܚܫܒܘ/ܐܬܚܒܫܘ#3#/܂
32:26 [ai]ܬܡܢ ܡܫܟ ܘܬܘܒܝܠ ܘܟܘܠܗ ܚܝܠܗܿ ܚܕܪ ܩܒܪܗ܂ ܟܘܠܗܘܢ ܥܘܪ̈ܠܐ ܕܩܛܝ̈ܠܝܢ ܒܣܝܦܐ܂ ܥܠ ܕܥܒܕܘ ܬܒܪܐ ܒܐܪܥܐ ܕܚܝ̈ܐ܂
32:27 [ai]ܠܐ ܢܫܟܒܘܢ ܥܡ ܓܢܒܪ̈ܐ ܕܢܦܠܝܢ ܡܢ ܥܘܪ̈ܠܐ܂ ܕܢܚܬܘ ܠܫܝܘܠ ܒܡܐ̈ܢܝ ܩܪܒܗܘܢ܂ ܘܣܡܘ ܣܝ̈ܦܝܗܘܢ ܬܚܝܬ ܪ̈ܝܫܝܗܘܢ܂ ܘܗܘܐ ܥܘܼܠܗܘܢ ܥܠ ܓܪ̈ܡܝܗܘܢ܂ ܥܠ ܕܥܒܕܘ ܒܓܢܒܪܘܬܗܘܢ ܬܒܪܐ ܒܐܪܥܐ ܕܚܝ̈ܐ܂
32:28 [ai]ܐܢܬ ܕܝܢ ܒܝܢܬ/ܒܝܬ#3#/ ܥܘܪ̈ܠܐ ܬܫܟܒ܂ ܘܬܕܡܟ ܥܡ ܩ̈ܛܝܠܝ ܣܝܦܐ܂
32:29 [ai]ܬܡܢ ܐܕܘܡ ܘܡ̈ܠܟܝܗܿ ܘܟܠܗܘܢ ܪ̈ܘܪܒܢܝܗܿ܂ ܕܐܬܚܫܒܘ/ܐܬܚܫܒܘ#3#/ ܒܓܢܒܪܘܬܗܘܢ ܥܡ ܩ̈ܛܝܠܝ ܣܝܦܐ܂ ܥܡ ܥܘܪ̈ܠܐ ܢܕܡܟܘܢ ܘܥܡ ܢܚ̈ܬܝ ܓܘܒܐ܂
32:30 [ai]ܬܡܢ ܫ̈ܠܝܛܢܐ ܕܓܪܒܝܐ ܘܟܠܗܘܢ ܨܝ̈ܕܢܝܐ܂ ܕܢܚܬܘ ܥܡ ܩ̈ܛܝܠܝ ܣܝܦܐ܂ ܟܕ ܒܗܬܘ ܘܐܬܬܒܪܘ ܡܢ ܓܢܒܪܘܬܗܘܢ܂ ܘܕܡܟܘ ܥܘܪ̈ܠܐ ܥܡ ܩ̈ܛܝܠܝ ܣܝܦܐ܂ ܘܩܒܠܘ ܒܗܬܬܗܘܢ ܥܡ ܢܚ̈ܬܝ ܓܘܒܐ܂
32:31 [ai]ܠܗܠܝܢ ܢܚܙܐ ܦܪܥܘܢ ܘܢܬܒܝܐ܂ ܥܠ ܟܠܗ ܚܝܠܗ ܩ̈ܛܝܠܝ ܣܝܦܐ܂ ܦܪܥܘܢ ܗܘ ܘܟܠܗ ܚܝܠܗ ܐܡܿܪ ܡܪܐ ܡܪ̈ܘܬܐ܂
32:32 [ai]ܥܒܿܕܬ ܓܝܪ ܬܒܪܗ ܒܐܪܥܐ ܕܚ̈ܝܐ ܘܐܕܡܿܟܬܗ ܒܝܢܬ ܥܘܪ̈ܠܐ ܥܡ ܩ̈ܛܝܠܝ ܣܝܦܐ܂ ܦܪܥܘܢ ܗܘ ܘܟܠܗ ܚܝܠܗ ܐܡܿܪ ܡܪܐ ܡܪ̈ܘܬܐ܂

next chapter