← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


33:01 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
33:02 [ai]ܒܪܢܫܐ܂ ܡܠܠ ܥܡ ܒܢ̈ܝ ܥܡܟ ܘܐܡܪ ܠܗܘܢ܂ ܐܪܥܐ ܡܐ ܕܡܝܿܬܐ ܐܢܐ ܥܠܝܗܿ ܚܪܒܐ܂ ܢܕܒܪܘܢ ܥܡܐ ܕܐܪܥܐ ܓܒܪܐ ܚܕ ܡܢܗܘܢ܂ ܘܢܥܒܕܘܢܗ ܠܗܘܢ ܕܘܩܐ܂
33:03 [ai]ܘܡܐ ܕܚܙܐ ܚܪܒܐ ܕܐܬܿܝܐ ܥܠܝܗܘܢ܂ ܢܩܪܐ ܒܩܪܢܐ ܘܢܙܗܪ ܠܥܡܐ܂
33:04 [ai]ܘܡܿܢ ܕܫܡܿܥ ܩܠܐ ܕܩܪܢܐ ܘܠܐ ܡܙܕܗܪ܂ ܘܐܬܿܝܐ ܚܪܒܐ ܘܢܣܿܒܐ ܠܗ܂ ܕܡܗ ܒܪܝܫܗ܂
33:05 [ai]ܘܐܢ ܐܙܕܗܪ ܢܦܫܗ ܡܦܨܐ܂
33:06 [ai]ܕܘܩܐ ܕܝܢ ܡܐ ܕܚܙܐ ܚܪܒܐ ܕܐܬܿܝܐ܂ ܘܠܐ ܩܪܐ ܒܩܪܢܐ ܘܠܥܡܐ ܠܐ ܙܗܪ ܘܐܬܬ ܚܪܒܐ ܘܢܣܒܬ ܡܢܗܘܢ ܢܦܫܐ܂ ܗܿܝ ܢܦܫܐ ܒܚ̈ܛܗܝܗܿ ‍<‍ܗܘ#3#‍>‍ ܐܬܢܣܒܬ܂ ܘܕܡܗܿ ܡܢ ܐ̈ܝܕܘܗܝ ܕܕܘܩܐ ܐܬܒܥ/ܐܬܬܒܥ#2#/܂
33:07 [ai]ܐܢܬ ܕܝܢ ܒܪ ܐܢܫܐ܂ ܕܘܩܐ ܝܗܿܒܬܟ ܠܕܒܝܬ ܐܝܣܪܝܠ܂ ܕܬܫܡܥ/ܕܬܗܘܐ ܫܡܥ#3#/ ܡܢ ܦܘܡܝ ܡܠܬܐ ܘܬܙܗܪ ܐܢܘܢ ܡܢܝ܂
33:08 [ai]ܡܐ ܕܐܡܿܪܬ ܠܥܘܿܠܐ ܕܡܡܬ ܬܡܘܬ܂ ܘܠܐ ܐܡܼܪܬ ܠܗ ܠܥܘܿܠܐ ܕܢܙܕܗܪ ܡܢ ܐܘܪܚܗ܂ ܗܿܘ ܥܘܿܠܐ ܒܥܘܼܠܗ ܢܡܘܬ܂ ܘܕܡܗ ܡܢ ܐ̈ܝܕܝܟ ܐܬܒܥ܂
33:09 [ai]ܐܢܬ ܕܝܢ ܐܢ ܙܗܪܬܝܗܝ ܠܥܘܿܠܐ ܕܢܗܦܘܟ ܡܢ ܐܘܪܚܗ ܘܠܐ ܗܦܟ܂ ܗܘ ܒܥܘܼܠܗ ܢܡܘܬ܂ ܘܐܢܬ ܢܦܫܟ ܦܨܝܬ܂
33:10 [ai]ܐܢܬ ܕܝܢ ܒܪܢܫܐ܂ ܐܡܪ ܠܕܒܝܬ ܐܝܣܪܝܠ܂ ܗܟܢܐ ܐܡܪܬܘܢ܂ ܕܥܘܼܠܢ ܘܚ̈ܛܗܝܢ ܥܠܝܢ ܐܢܘܢ܂ ܘܒܗܘܢ ܡܬܡܣܝܢܢ܂ ܐܝܟܢܐ ܚܐܿܝܢ ܚܢܢ܂
33:11 [ai]ܐܡܪ ܠܗܘܢ܂ ܚܝ ܐܢܐ ܐܡܿܪ ܡܪܐ ܡܪ̈ܘܬܐ܂ ܕܠܐ ܨܿܒܐ ܐܢܐ ܒܡܘܬܗ ܕܥܘܿܠܐ܂ ܐܠܐ ܕܢܬܘܒ ܥܘܿܠܐ ܡܢ ܥܘܼܠܗ ܘܢܚܐ܂ ܬܘܒܘ ܘܐܬܦܢܘ ܡܢ ܐܘܪ̈ܚܬܟܘܢ ܒܝ̈ܫܬܐ܂ ܘܠܐ ܬܡܘܬܘܢ ܕܒܝܬ ܐܝܣܪܝܠ܂
33:12 [ai]ܐܢܬ ܕܝܢ ܒܪܢܫܐ܂ ܐܡܪ ܠܒ̈ܢܝ ܥܡܟ܂ ܙܕܝܩܘܬܗ ܕܙܕܝܩܐ ܠܐ ܡܦܨܝܐ ܠܗ ܒܝܘܡܐ ܕܚܛܿܐ܂ ܘܥܘܿܠܐ ܠܐ ܡܬܬܩܠ ܒܥܘܼܠܗ ܒܝܘܡܐ ܕܡܬܦܢܐ ܡܢ ܥܘܼܠܗ܂ ܘܙܕܝܩܐ ܠܐ ܚܝܿܐ/ܢܐܚܐ#3#/ ܒܝܘܡܐ ܕܚܛܿܐ܂
33:13 [ai]ܡܐ ܕܐܡܿܪܬ ‍<‍ܠܗ#3#‍>‍ ܠܙܕܝܩܐ ܕܡܚܐ ܢܚܐ܂ ܘܐܬܬܟܠ ܥܠ ܙܕܝܩܘܬܗ ܘܒܬܪܟܢ ܥܒܕ ܥܘܼܠܐ܂ ܟܘܠܗܿ ܙܕܝܩܘܬܗ ܕܥܒܕ ܠܐ ܬܬܕܟܪ ܠܗ܂ ܐܠܐ ܒܥܘܼܠܐ ܕܥܒܕ ܢܡܘܬ܂
33:14 [ai]ܘܡܐ ܕܐܡܿܪܬ ܠܥܘܿܠܐ ܕܡܡܬ ܬܡܘܬ܂ ܘܢܗܦܘܟ ܡܢ ܚ̈ܛܗܘܗܝ ܘܢܥܒܕ ܕܝܢܐ ܘܙܕܝܩܘܬܐ܂
33:15 [ai]ܘܡܫܟܢܐ ܕܢܣܒ ܢܦܢܐ܂ ܘܡܕܡ ܕܛܠܡ ܢܦܪܘܥ܂ ܘܒܦܘ̈ܩܕܢܐ ܕܚ̈ܝܐ ܢܗܠܟ܂ ܘܠܐ ܢܥܒܕ ܥܘܼܠܐ܂ ܡܚܐ ܢܚܐ ܘܠܐ ܢܡܘܬ܂
33:16 [ai]ܘܚ̈ܛܗܐ ܟܠܗܘܢ ܕܥܒܕ ܠܐ ܢܬܕܟܪܘܢ ܠܗ܂ ܐܠܐ ܒܕܝܢܐ ܘܒܙܕܝܩܘܬܐ ܕܥܒܕ ܢܚܐ܂
33:17 [ai]ܘܐܡܿܪܝܢ ܒ̈ܢܝ ܥܡܟ ܠܐ ܫܦܝܪܐ ܐܘܪܚܗ ܕܡܪܝܐ܂ ܐܘܪ̈ܚܬܗܘܢ ܗܘ ܕܝܠܗܘܢ ܠܐ ܫܦܝܪ̈ܢ܂
33:18 [ai]ܘܟܕ ܢܗܦܘܟ ܙܕܝܩܐ ܡܢ ܙܕܝܩܘܬܗ ܘܢܥܒܕ ܥܘܼܠܐ ܒܥܘܠܗ ܢܡܘܬ܂
33:19 [ai]ܘܟܕ ܢܗܦܘܟ ܥܘܿܠܐ ܡܢ ܥܘܠܘܬܗ ܘܢܥܒܕ ܕܝܢܐ ܘܙܕܝܩܘܬܐ ܒܗܘܢ ܢܚܐ܂
33:20 [ai]ܘܐܡܿܪܝܢ ܐܢܬܘܢ ܠܐ ܫܦܝܪܐ ܐܘܪܚܗ ܕܡܪܝܐ܂ ܐܢܫ ܐܝܟ ܐܘܪ̈ܚܬܗ ܐܕܘܢܟܘܢ ܒܝܬ ܐܝܣܪܝܠ܂
33:21 [ai]ܒܫܢܬ ܚܕܥܣܪ̈ܐ ‍<‍ܕܫܒܝܬܢ#3#‍>‍ ܒܚܡܫܬܐ ܒܝܪܚܐ ܕܥܣܪܐ ܕܫܒܝܬܢ/#3#/܂ ܐܬܐ ܠܘܬܝ ܕܐܬܦܨܝ ܡܢ ܐܘܪܫܠܡ܂ ܘܐܡܪ ܠܝ ܐܬܚܪܒܬ ܡܕܝܢܬܐ܂
33:22 [ai]ܘܥܕ ܠܐ ܢܐܬܐ ܠܘܬܝ ܗܿܘ ܕܐܬܦܨܝ܂ ܗܘܬ ܐܝܕܗ ܕܡܪܝܐ ܥܠܝ ܒܪܡܫܐ܂ ܘܦܬܚ ܦܘܡܝ ܥܕܡܐ ܕܐܬܐ ܠܘܬܝ ܗܿܘ ܕܐܬܦܨܝ ܒܨܦܪܐ܂ ܘܟܕ ܐܬܦܬܚ ܦܘܡܝ ܬܘܒ ܠܐ ܐܬܬܚܕ܂
33:23 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
33:24 [ai]ܒܪܢܫܐ܂ ܐܝܠܝܢ ܕܥܡܿܪܝܢ ܒܚܪ̈ܒܬܐ ܗܠܝܢ ܕܐܪܥܐ ܕܐܝܣܪܝܠ ܐܡܿܪܝܢ܂ ܐܒܪܗܡ ܕܚܕ ܗܘܐ ܝܪܬ ܐܪܥܐ܂ ܚܢܢ ܕܣ̈ܓܝܐܐ ܚܢܢ ܠܐ ܝܪܬܝܢܢ ܠܗܿ܂
33:25 [ai]ܡܛܠ ܗܢܐ ܐܡܪ ܠܗܘܢ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܥܠ ܕܡܐ ܐܟܠܝܢ ܐܢܬܘܢ܂ ܘܥܝܢ̈ܝܟܘܢ ܠܦܬܟܪ̈ܝܟܘܢ ܡܪܝܡܝܢ ܐܢܬܘܢ܂ ܘܕܡܐ ܫܬܿܝܢ ܐܢܬܘܢ܂ ܘܨܒܿܝܢ ܐܢܬܘܢ ܠܡܐܪܬ ܐܪܥܐ܂
33:26 [ai]ܩܝܿܡܝܢ ܐܢܬܘܢ ܥܠ ܣܝ̈ܦܝܟܘܢ ܘܥܒܿܕܝܢ ܐܢܬܘܢ ܛܢܦܘܬܐ܂ ܘܐܢܫ ܐܢܬܬ ܚܒܪܗ ܡܛܢܦܝܢ ܐܢܬܘܢ܂ ܘܨܒܿܝܢ ܐܢܬܘܢ ܠܡܐܪܬ ܐܪܥܐ܂
33:27 [ai]ܐܡܪ ܠܗܘܢ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܚܝ ܐܢܐ܂ ܕܟܠ ܕܒܚܪ̈ܒܬܐ ܐܢܘܢ ܒܚܪܒܐ ܢܦܠܘܢ܂ ܘܟܠ ܕܒܚܩܠܐ ܡܐܟܘܠܬܐ ܠܚܝܘܬܐ ܐܬܠ ܐܢܘܢ܂ ܘܟܘܠ ܕܒܦܥܪ̈ܐ ܘܒܡܥܪ̈ܐ ܒܡܘܬܢܐ ܢܡܘܬܘܢ܂
33:28 [ai]ܘܐܥܒܕܝܗܿ ܠܐܪܥܐ ܠܚܒܠܐ ܘܠܬܡܗܐ܂ ܘܢܒܛܠ ܡܢܗܿ ܫܘܒܚܐ ܕܥܘܫܢܗܿ܂ ܘܢܨܕܘܢ ܛܘܪ̈ܐ ܕܐܝܣܪܝܠ ܡܢ ܒܠܝ ܕܥܒܪ܂
33:29 [ai]ܘܢܕܥܘܢ ܕܐܢܐ ܐܢܐ ܡܪܝܐ܂ ܡܐ ܕܥܒܿܕܬܗܿ ܠܐܪܥܐ ܠܚܒܠܐ ܘܠܬܡܗܐ܂ ܡܛܠ ܟܠܗܿ ܛܢܦܘܬܐ ܕܥܒܕܘ܂
33:30 [ai]ܐܢܬ ܕܝܢ ܒܪܢܫܐ܂ ܒ̈ܢܝ ܥܡܟ ܕܪܢܿܝܢ ܒܟ ܥܠ ܓܢܒ ܐ̈ܣܐ ܘܒܬܪ̈ܥܐ ܕܒ̈ܬܐ܂ ܘܡܡܠܠܝܢ ܚܕ ܥܡ ܚܕ ܓܒܪܐ ܥܡ ܐܚܘܗܝ ܘܐܡܿܪܝܢ܂ ܬܘ ܫܡܥܘ ܡܢܐ ܦܬܓܡܐ ܢܦܩ ܡܢ ܩܕܡ ܡܪܝܐ܂
33:31 [ai]ܘܐܬܿܝܢ ܠܘܬܟ ܥܡܐ ܘܝܬܿܒܝܢ ܩܕܡܝܟ܂ ܘܫܡܿܥܝܢ ܦܬ̈ܓܡܝܟ ܘܠܐ ܥܒܿܕܝܢ ܠܗܘܢ܂ ܡܛܠ ܕܕܓܠܘܬܐ ܒܦܘܡܗܘܢ܂ ܘܒܬܪ ܬܪ̈ܥܝܬܐ ܗܘ ܕܠܒܗܘܢ ܐܙܿܠܝܢ܂
33:32 [ai]ܘܚܫܝܒ ܐܢܬ ܠܗܘܢ ܐܝܟ ܙܡܝܪܬܐ܂ ܘܐܝܟ ܩܠܐ ܫܦܝܪܐ ܘܐܝܟ ܟܢܪܐ ܚܠܝܐ܂ ܘܫܡܿܥܝܢ ܦܬ̈ܓܡܝܟ ܘܠܐ ܥܒܿܕܝܢ ܠܗܘܢ܂
33:33 [ai]ܡܐ ܕܗܘܘ ܕܝܢ ܦܬܓܡ̈ܝܟ܂ ܗܝܕܝܢ ܢܕܥܘܢ ܕܢܒܝܐ ܐܢܬ ܒܝܢܬܗܘܢ܂

next chapter