← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


34:01 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
34:02 [ai]ܒܪ ܐܢܫܐ܂ ܐܬܢܒܐ ܥܠ ܪ̈ܥܘܬܐ ܕܐܝܣܪܝܠ܂ ܐܬܢܒܐ ܘܐܡܪ ܠܗܘܢ܂ ܪ̈ܥܘܬܐ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܐܘ ܪ̈ܥܘܬܐ ܕܐܝܣܪܝܠ ܕܪܥܿܝܢ ܠܗܘܢ܂ ܠܐ ܗܘܐ ܠܥܢܐ ܪܥܿܝܢ ܪ̈ܥܘܬܐ܂
34:03 [ai]ܫܡܝ̈ܢܐ ܐܟܠܝܢ ܐܢܬܘܢ܂ ܘܥܡܿܪܗܘܢ ܠܒܿܫܝܢ ܐܢܬܘܢ܂ ܘܡ̈ܦܛܡܐ ܕܒܿܚܝܢ ܐܢܬܘܢ܂ ܘܥܢܐ ܠܐ ܪܥܿܝܢ ܐܢܬܘܢ܂
34:04 [ai]ܠܕܟܪܝܗܐ ܠܐ ܚܝܠܬܘܢ܂ ܘܕܡܪܥܐ ܠܐ ܐܣܝܬܘܢ܂ ܘܕܬܒܝܪܐ ܠܐ ܥܨܒܬܘܢ܂ ܘܕܛܥܝܐ ܠܐ ܐܗܦܟܬܘܢ܂ ܘܕܐܒܝܕܐ ܠܐ ܒܥܝܬܘܢ܂ ܐܠܐ ܒܩܛܝܪܐ ܫܥܒܕܬܘܢ ܐ̈ܢܝܢ܂
34:05 [ai]ܘܐܬܒܕܪ ܥܢܝ ܡܢ ܒܠܝ ܪܥܝܿܐ܂ ܘܗ̈ܘܝ ܡܐܟܘܠܬܐ ܠܟܘܠܗܿ ܚܝܘܬܐ ܕܕܒܪܐ܂
34:06 [ai]ܘܛܥܬ ܥܢܝ ܒܟܠܗܘܢ ܛܘܪ̈ܐ܂ ܘܥܠ ܟܘܠ ܪܡܬܐ ܕܪܡܐ܂ ܘܒܟܠܗܿ ܐܪܥܐ ܐܬܒܕܪܬ ܥܢܝ܂ ܘܠܝܬ ܕܬܒܿܥ ܐܦ ܠܐ ܕܡܟܢܫ܂
34:07 [ai]ܡܛܠ ܗܢܐ ܫܡܥܘ ܪ̈ܥܘܬܐ ܦܬܓܡܗ ܕܡܪܝܐ܂
34:08 [ai]ܚܝ ܐܢܐ ܐܡܿܪ ܡܪܐ ܡܪ̈ܘܬܐ܂ ܥܠ ܕܗܘܬ ܥܢܝ ܠܒܙܬܐ܂ ܘܗܘܬ ܥܢܝ ܡܐܟܘܠܬܐ/ܠܡܐܟܘܠܬܐ#3#/ ܠܟܠܗܿ ܚܝܘܬܐ ܕܕܒܪܐ ܡܢ ܒܠܝ ܪܥܝܿܐ܂ ܘܠܐ ܪܥܘ/ܒܥܘ#3#/ ܪ̈ܥܘܬܐ ܠܥܢܝ܂ ܐܠܐ ܪܥܘ ܪ̈ܥܘܬܐ ܢܦܫܗܘܢ/ܠܢܦܫܗܘܢ#3#/܂ ܘܠܥܢܝ ܠܐ ܪܥܘ܂
34:09 [ai]ܡܛܠ ܗܢܐ ܪ̈ܥܘܬܐ ܫܡܥܘ ܦܬܓܡܗ ܕܡܪܝܐ܂
34:10 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܐܢܐ ܥܠ ܪ̈ܥܘܬܐ܂ ܘܐܬܒܥ ܥܢܝ ܒܐ̈ܝܕܝܗܘܢ܂ ܘܐܒܛܠ ܐܢܘܢ ܕܠܐ/ܘܠܐ#3#/ ܢܪܥܘܢ ܬܘܒ ܠܥܢܝ܂ ܘܐܦܨܐ ܠܥܢܝ ܡܢ ܦܘܡܗܘܢ܂ ܘܬܘܒ ܠܐ ܢܗ̈ܘܝܢ ܠܗܘܢ ܠܡܐܟܘܠܬܐ/ܡܐܟܘܠܬܐ#3#/ ܀
34:11 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܬܒܿܥ ܐܢܐ ܥܢܝ/ܠܥܢܝ#3#/ ܘܣܥܿܪ ܐܢܐ ܠܗܝܢ܂
34:12 [ai]ܐܝܟ ܕܣܥܿܪ ܪܥܿܝܐ ܠܓܙܪܗ ܒܝܘܡܐ ܕܙܝܩܐ/ܙܕܝܩܐ#2#/܂ ܗܟܢܐ ܐܣܥܪܝܗܿ ܠܥܢܝ܂ ܘܐܟܢܫ ܐܢܘܢ ܡܢ ܟܘܠܗܘܢ ܐܬܪ̈ܘܬܐ ܕܐܬܒܕܪܘ ܒܗܘܢ܂ ܒܝܘܡܐ ܕܥܢܢܐ ܘܕܥܪܦܠܐ܂
34:13 [ai]ܘܐܦܩ ܐ̈ܢܝܢ ܡܢ ܥܡ̈ܡܐ܂ ܘܐܟܢܫ ܐܢܝ̈ܢ ܡܢ ܡ̈ܕܝܢܬܐ܂ ܘܐܝܬܐ ܐ̈ܢܝܢ ܠܐܪܥܗܝܢ܂ ܘܐܪܥܐ ܐ̈ܢܝܢ ܒܛܘܪ̈ܐ ܕܐܝܣܪܝܠ܂ ܘܒܢܚ̈ܠܐ ܘܒܟܠܗ ܝܬܒܐ ܕܐܪܥܐ܂
34:14 [ai]ܒܝܬ ܪܥܝܼܐ ܛܒܐ ܐܪܥܐ ܐ̈ܢܝܢ܂ ܘܒܛܘܪ̈ܐ ܪ̈ܡܐ ܕܐܝܣܪܝܠ ܢܗܘܐ ܕܝܪܗܝܢ܂ ܬܡܢ ܢܪ̈ܒܥܢ ܒܕܝܪܐ ܛܒܐ܂ ܘܪܥܝܼܐ ܫܡܝܢܐ ܢܪ̈ܥܝܢ ܒܛܘܪ̈ܐ ܕܐܝܣܪܝܠ܂
34:15 [ai]ܐܢܐ ܐܪܥܐ ܠܥܢܝ܂ ܘܐܢܐ ܐܪܒܥ ܐ̈ܢܝܢ ܐܡܿܪ ܡܪܐ ܡܪ̈ܘܬܐ܂
34:16 [ai]ܕܐܒܝܕܐ ܐܒܥܐ܂ ܘܕܛܥܝܐ ܐܗܦܟ܂ ܘܕܬܒܝܪܐ ܐܥܨܘܒ܂ ܘܕܟܪܝܗܐ ܐܚܝܠ܂ ܘܕܫܡܝܢܐ ܘܕܥܫܝܢܐ ܐܛܪ܂ ܘܐܪܥܐ ܐ̈ܢܝܢ ܒܕܝܢܐ܂
34:17 [ai]ܠܟܝܢ ܕܝܢ ܥܢܝ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܕܐܿܢ ܐܢܐ ܒܝܬ ܢܩܝܐ ܠܢܩܝܐ܂ ܘܒܝܬ ܕܟܪܐ ܠܕܟܪܐ܂
34:18 [ai]ܠܐ ܣܿܦܩ ܠܟܘܢ ܪ̈ܥܘܬܐ ܪܥܝܼܐ ܛܒܐ ܕܪܥܿܝܢ ܐܢܬܘܢ܂ ܘܫܪܟܐ ܕܪܥܝܟܘܢ ܕܝܫܿܝܢ ܐܢܬܘܢ ܒܪ̈ܓܠܝܟܘܢ܂ ܘܡ̈ܝܐ ܫܬܿܝܢ ܐܢܬܘܢ܂ ܘܫܪܟܐ ܕܡܘܬܪܝܢ ܐܢܬܘܢ܂ ܕܠܚܿܝܢ ܐܢܬܘܢ ܒܪ̈ܓܠܝܟܘܢ܂
34:19 [ai]ܘܥܢܝ ܪ̈ܥܝ ܕܘܫܐ ܕܪ̈ܓܠܝܟܘܢ܂ ܘܐܫܬܝ ܡ̈ܝܐ ܕܕܠܚ ܪ̈ܓܠܝܟܘܢ܂
34:20 [ai]ܡܛܠ ܗܢܐ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܕܐܿܢ ܐܢܐ ܒܝܬ ܢܩܝܐ ܫܡܝܢܬܐ ܠܢܩܝܐ ܡܚܝܠܬܐ܂
34:21 [ai]ܥܠ ܕܣܚ̈ܦܢ ܗ̈ܘܝ ܒ̈ܓܒܝܗܝܢ ܘܒܟܬ̈ܦܬܗܝܢ܂ ܘܒܩܪ̈ܢܬܗܝܢ ܡܕܩܪ̈ܢ ܗ̈ܘܝ ܠܟܠܗܝܢ ܟܪ̈ܝܗܬܐ܂ ܥܕܡܐ ܕܒܕܪ ܐܢܝ̈ܢ ܠܒܪ܂
34:22 [ai]ܘܐܦܪܩܝܗܿ ܠܥܢܝ܂ ܘܬܘܒ ܠܐ ܬܗܘܐ ܠܗܘܢ ܠܒܙܬܐ܂ ܘܐܕܘܢ ܒܝܬ ܢܩܝܐ ܠܢܩܝܐ ܘܒܝܬ ܕܟܪܐ ܠܕܟܪܐ܂
34:23 [ai]ܘܐܩܝܡ ܥܠܝܗܝܢ ܪܥܿܝܐ܂ ܘܢܪܥܐ ܐ̈ܢܝܢ ܕܘܝܕ ܥܒܼܕܝ܂ ܗܘ ܢܪܥܐ ܐ̈ܢܝܢ ܘܗܘ ܢܗܘܐ ܠܗܝܢ ܪܥܿܝܐ܂
34:24 [ai]ܘܐܢܐ ܡܪܝܐ ܐܗܘܐ ܠܗܘܢ ܐܠܗܐ܂ ܘܕܘܝܕ ܥܒܼܕܝ ܢܗܘܐ ܫܠܝܛܐ ܒܝܢܬܗܘܢ܂
34:25 [ai]ܘܐܩܝܡ ܠܗܘܢ ܩܝܡܐ ܕܫܠܡܐ܂ ܘܐܒܛܠ ܚܝܘܬܐ ܒܝܫܬܐ ܡܢ ܐܪܥܐ܂ ܘܢܥܡܪܘܢ ܒܡܕܒܪܐ ܒܫܠܝܐ܂ ܘܢܕܡܟܘܢ ܒܥܒܐ܂
34:26 [ai]ܘܐܬܠ ܠܗܘܢ ܒܘܪܟܬܝ ܚܕܪ ܪܡܬܝ܂ ܘܐܚܬ ܡܛܪܐ ܒܙܒܢܗ܂ ܘܢܗܘܐ ܡܛܪܐ ܕܒܘܪܟܬܐ܂
34:27 [ai]ܘܐܝ̈ܠܢܐ ܕܐܪܥܐ ܢܥܒܕܘܢ ܦܐܪ̈ܐ܂ ܘܐܪܥܐ ܬܬܠ ܥ̈ܠܠܬܗܿ܂ ܘܢܬܒܘܢ ܒܐܪܥܗܘܢ ܒܣܒܪܐ܂ ܘܢܕܥܘܢ ܕܐܢܐ ܐܢܐ ܡܪܝܐ܂ ܡܐ ܕܬܒܿܪܬ ܢܝܪܗܘܢ܂ ܘܦܨܝܿܬ ܐܢܘܢ ܡܢ ܐܝܕܐ ܕܡܫ̈ܥܒܕܢܝܗܘܢ܂
34:28 [ai]ܘܬܘܒ ܠܐ ܢܗܘܘܢ ܒܙܬܐ ܠܥܡ̈ܡܐ܂ ܐܦ ܠܐ ܬܐܟܘܠ ܐܢܘܢ ܚܝܘܬ ܒܪܐ܂ ܘܢܬܒܘܢ ܒܣܒܪܐ܂ ܘܠܐ ܢܗܘܐ ܠܗܘܢ ܡܗܪܢܐ܂
34:29 [ai]ܘܐܩܝܡ ܠܗܘܢ ܢܨܒܬܐ ܕܫܠܡܐ܂ ܘܬܘܒ ܠܐ ܢܫܬܢܩܘܢ ܒܟܦܢܐ ܒܐܪܥܐ܂ ܘܬܘܒ ܠܐ ܢܩܒܠܘܢ ܚܣܕܐ ܕܥܡ̈ܡܐ܂
34:30 [ai]ܘܢܕܥܘܢ ܕܐܢܐ ܐܢܐ ܡܪܝܐ ܐܠܗܗܘܢ܂ ܘܗܢܘܢ ܐܢܘܢ ܥܡܝ ܕܒܝܬ ܐܝܣܪܝܠ ܐܡܿܪ ܡܪܐ ܡܪ̈ܘܬܐ܂
34:31 [ai]ܐܢܬܝܢ ܕܝܢ ܥܢܝ ܥܢܐ ܕܡܪܥܝܬܝ܂ ܒܢ̈ܝ ܐܢܫܐ ܐܢܬܝܢ܂ ܘܐܢܐ ܐܢܐ ܡܪܝܐ ܐܠܗܟܝܢ ܐܡܿܪ ܡܪܐ ܡܪ̈ܘܬܐ ܀ ܀܂

next chapter