← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


36:01 [ai]ܘܐܢܬ ‍<‍ܕܝܢ#3#‍>‍ ܒܪ ܐܢܫܐ܂ ܐܬܢܒܐ ܥܠ ܛܘܪ̈ܐ ܕܐܝܣܪܝܠ܂ ܘܐܡܪ ܠܛܘܪ̈ܐ ܕܐܝܣܪܐܝܠ܂ ܫܡܥܘ ܦܬܓܡܗ \ܕܡܪܐ ܡܪ̈ܘܬܐ /ܕܡܪܝܐ#3#/܂
36:02 [ai]ܗܟܢܐ ܐܡܿܪ ܡܪܐ ܡܪ̈ܘܬܐ ܥܠ ܕܐܡܪ ܥܠܝܟܘܢ ܒܥܠܕܒܒܐ ܐܚܢܝ ܘܐܡܪ ܕܪ̈ܡܬܐ/ܪ̈ܡܬܐ#3#/ ܕܡܢ ܥܠܡ ܕܝܠܢ ܐ̈ܢܝܢ ܝܘܪܬܢܐ/ܝܘܬܪܢܐ#3#/܂
36:03 [ai]ܡܛܠ ܗܢܐ ܐܬܢܒܐ ܘܐܡܪ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܥܠ ܕܐܨܛܥܪܬܘܢ ܘܐܬܚܪܒܬܘܢ܂ ܘܐܬܓܕܦܬܘܢ ܡܢ ܐܝܠܝܢ ܕܚܕܝܪ̈ܝܢ ܠܟܘܢ܂ ܘܗܘܝܬܘܢ ܝܘܪܬܢܐ ܠܫܪܟܐ ܕܥܡ̈ܡܐ܂ ܘܢܦܠܬܘܢ ܒܡܡܠܠܐ ܕܠܫ̈ܢܐ ܘܒܪܢܝܐ ܕܥܡ̈ܡܐ܂
36:04 [ai]ܡܛܠ ܗܢܐ ܫܡܥܘ ܦܬܓܡܗ ܕܡܪܐ ܡܪ̈ܘܬܐ ܛܘܪ̈ܐ ܕܐܝܣܪܐܝܠ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܠܛܘܪ̈ܐ ܘܠܪ̈ܡܬܐ ܘܠܢܚ̈ܠܐ ܘܠܥܘܡ̈ܩܐ܂ ܘܠܚܪ̈ܒܬܐ ܕܨ̈ܕܝܢ ܘܠܡܕܝܢ̈ܬܐ ܕܐܫܬܒܩ܂ ܘܗ̈ܘܝ/ܕܗ̈ܘܝ#3#/ ܠܒܙܬܐ ܘܠܡܘܝܩܐ ܠܫܪܟܐ ܕܥܡ̈ܡܐ ܕܚܕܝܪ̈ܝܢ ܠܗܘܢ܂
36:05 [ai]ܡܛܠ ܗܢܐ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܒܢܘܪܐ ܕܛܢܢܝ ܡܠܿܠܬ ܥܠ ܫܪܟܐ ܕܥܡ̈ܡܐ ܘܥܠ ܟܠܗܿ ܐܕܘܡ܂ ܥܠ ܕܥܒܕܘ ܠܗܘܢ ܐܪܥܝ ܠܝܘܪܬܢܐ/ܝܘܪܬܢܐ#3#/܂ ܒܚܕܘܬܐ ܕܠܒܗܘܢ ܨܥܪܘ ܢܦܫ̈ܬܐ܂ ܕܢܫܒܘܢ ܐ̈ܢܝܢ ܘܢܒܙܘܢ ܐ̈ܢܝܢ܂
36:06 [ai]ܡܛܠ ܗܢܐ ܐܬܢܒܐ ܥܠ ܐܪܥܐ ܕܐܝܣܪܝܠ܂ ܘܐܡܪ ܠܛܘܪ̈ܐ ܘܠܪ̈ܡܬܐ ܘܠܢܚ̈ܠܐ ܘܠܥܘ̈ܡܩܐ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܐܢܐ ܡܠܿܠܬ ܒܛܢܢܝ ܘܒܚܡܬܝ܂ ܥܠ ܕܩܒܠܬܘܢ ܚܣܕܐ ܕܥܡ̈ܡܐ܂
36:07 [ai]ܡܛܠ ܗܢܐ ܗܟܢܐ ܐܡܿܪ ܡܪܐ ܡܪ̈ܘܬܐ܂ ‍<‍ܗܐ#3#‍>‍ ܐܢܐ ܐܪܝܡܿܬ ܐܝܕܝ ܥܠ ܥܡ̈ܡܐ ܕܚܕܝܪ̈ܝܢ ܠܟܘܢ܂ ܕܢܩܒܠܘܢ ܚܣܕܗܘܢ܂
36:08 [ai]ܐܢܬܘܢ ܕܝܢ ܛܘܪ̈ܐ ܕܐܝܣܪܝܠ܂ ܥܘ̈ܦܝܟܘܢ ܬܬܠܘܢ܂ ܘܦܐܪ̈ܝܟܘܢ ܬܪܒܘܢ ܠܥܡܝ ܐܝܣܪܝܠ܂ ܡܛܠ ܕܩܪܒܘ ܠܡܐܬܐ܂
36:09 [ai]ܘܗܐ ܡܬܦܢܐ ܐܢܐ ܥܠܝܟܘܢ܂ ܘܬܬܦܠܚܘܢ/ܕܬܬܦܠܚܘܢ#3#/ ܘܬܙܕܪܥܘܢ܂
36:10 [ai]ܘܐܣܓܐ ܥܠܝܟܘܢ ܒܢ̈ܝ ܐܢܫܐ ܕܟܠܗ ܒܝܬ ܐܝܣܪܝܠ܂ ܘܢܬܝ̈ܬܒܢ ܡܕܝܢ̈ܬܐ ܘܚܪ̈ܒܬܐ ܢܬ̈ܒܢܝܢ/ܢܬܝܬ̈ܒܢ#3#/܂
36:11 [ai]ܘܐܣܓܐ ܥܠܝܟܘܢ ܒ̈ܢܝܢܫܐ ܘܒܥܝܪܐ܂ ܘܢܟܒܪܘܢ/ܘܢܪܒܘܢ#2#/ ܘܢܣܓܘܢ܂ ܘܐܘܬܒܟܘܢ ܐܝܟ ܕܡܢ ܩܕܝܡ܂ ܘܐܛܐܒ ܠܟܘܢ ܐܝܟ ܕܡܢ ܪܫܝܬܐ܂ ܘܬܕܥܘܢ ܕܐܢܐ ܐܢܐ ܡܪܝܐ܂
36:12 [ai]ܘܐܗܠܟ ܒܟܘܢ ܒܢܝܢܫ̈ܐ ܠܥܡܝ ܐܝܣܪܐܝܠ܂ ܘܢܐܪܬܘܢܟܘܢ ܘܬܗܘܘܢ ܠܗܘܢ ܝܘܪܬܢܐ/ܠܝܘܪܬܢܐ#3#/܂ ܘܬܘܒ ܠܐ ܬܘܣܦܘܢ ܠܡܬܓܙܝܘ܂
36:13 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܥܠ ܕܐܡܿܪܝܢ ܠܟܝ ܐܟܠܬ ܒܢܝܢ̈ܫܐ ܐܢܬܝ ܘܡܓܙܝܬ ܥܡܗܿ܂
36:14 [ai]ܡܟܝܠ ܒܢܝܢ̈ܫܐ ܠܐ ܬܐܟܠܝܢ܂ ܘܥܡܟܝ ܬܘܒ ܠܐ ܬܓܙܝܢ ܐܡܿܪ ܡܪܐ ܡܪ̈ܘܬܐ܂
36:15 [ai]ܘܬܘܒ ܠܐ ܐܫܡܥ ܥܠܝܟܝ ܚܣܕܐ ܕܥܡ̈ܡܐ܂ ܘܨܥܪܗܘܢ ܬܘܒ ܠܐ ܬܩܒܠܝܢ܂ ܘܥܡܟܝ ܬܘܒ ܠܐ ܬܓܙܝܢ ܐܡܿܪ ܡܪܐ ܡܪ̈ܘܬܐ ܀
36:16 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
36:17 [ai]ܒܪ ܐܢܫܐ܂ ܕܒܝܬ ܐܝܣܪܝܠ ܝܬܿܒܝܢ/ܕܝܬܿܒܝܢ#3#/ ܒܐܪܥܗܘܢ܂ ܘܛܢܦܘܗܿ ܒܐܘܪ̈ܚܬܗܘܢ ܘܒܨܢ̈ܥܬܗܘܢ܂ ܘܐܝܟ ܛܡܐܘܬܐ ܕܟܦܣܢܝܬܐ܂ ܗܟܢܐ ܗܘܬ ܩܕܡܝ ܐܘܪܚܗܘܢ܂
36:18 [ai]ܘܐܫܿܕܬ ܪܘܓܙܝ ܥܠܝܗܘܢ܂ ܡܛܠ ܕܡܐ ܕܐܫܕܘ ܒܐܪܥܐ ܘܛܢܦܘܗܿ ܒܦܬܟܪ̈ܝܗܘܢ܂
36:19 [ai]ܘܒܿܕܪܬ ܐܢܘܢ ܒܥܡ̈ܡܐ ܘܕܪܝܬ ܐܢܘܢ ܒܡ̈ܕܝܢܬܐ܂ ܘܐܝܟ ܐܘܪ̈ܚܬܗܘܢ ܘܐܝܟ ܨܢ̈ܥܬܗܘܢ ܕܢܿܬ ܐܢܘܢ܂
36:20 [ai]ܘܐܙܿܠܘ ܠܒܝܬ ܥܡ̈ܡܐ܂ ܘܛܘܫܘ ܫܡܐ ܕܩܘܕܫܝ܂ ܘܐܡܿܪܝܢ ܗܘܘ ܠܗܘܢ ܥܡ̈ܡܐ܂ ܗܠܝܢ ܥܡܗ ܐܢܘܢ ܕܐܠܗܐ ܘܡܢ ܐܪܥܗ ܢܦܩܘ܂
36:21 [ai]ܘܚܣܿܬ ܥܠ ܫܡܐ ܕܩܘܕܫܝ܂ ܕܛܘܫܘܗܝ ܕܒܝܬ ܐܝܣܪܝܠ ܒܝܬ ܥܡ̈ܡܐ ܕܐܙܠܘ ܠܘܬܗܘܢ܂
36:22 [ai]ܡܛܠ ܗܢܐ ܐܡܪ ܠܕܒܝܬ ܐܝܣܪܝܠ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܠܐ ܗܘܐ ܡܛܠܬܟܘܢ ܥܒܿܕ ܐܢܐ ܒܝܬ/ܒܢ̈ܝ#3#/ ܐܝܣܪܝܠ܂ ܐܠܐ ܡܛܠ ܫܡܐ ܕܩܘܕܫܝ܂ ܕܛܘܫܬܘܢ ܒܥܡ̈ܡܐ/ܒܝܬ ܥܡ̈ܡܐ#3#/ ܕܐܙܠܬܘܢ ܠܘܬܗܘܢ܂
36:23 [ai]ܕܐܩܕܫ ܫܡܝ ܪܒܐ܂ ܕܐܬܛܘܫ ܒܝܬ ܥܡ̈ܡܐ ܕܛܘܫܬܘܢܝܗܝ ܒܝܢܬܗܘܢ܂ ܘܢܕܥܘܢ ܥܡ̈ܡܐ ܕܐܢܐ ܐܢܐ ܡܪܝܐ܂ ܐܡܿܪ ܡܪܐ ܡܪ̈ܘܬܐ܂ ܡܐ ܕܐܬܩܕܫܿܬ ܒܟܘܢ ܠܥ̈ܢܝܗܘܢ܂
36:24 [ai]ܘܐܕܒܪܟܘܢ ܡܢ ܥܡ̈ܡܐ܂ ܘܐܟܢܫܟܘܢ ܡܢ ܡܕܝ̈ܢܬܐ܂ ܘܐܝܬܝܟܘܢ ܠܐܪܥܟܘܢ ‍<‍ܘܢܕܥܘܢ ܕܐܢܐ ܐܢܐ ܡܪܝܐ#3#‍>‍܂
36:25 [ai]ܘܐܪܘܣ ܥܠܝܟܘܢ ܡ̈ܝܐ ܕܟ̈ܝܐ܂ ܘܐܕܟܝܟܘܢ ܡܢ ܟܠܗܿ ܛܢܦܘܬܟܘܢ ܘܡܢ ܟܠܗܘܢ ܦܬܟܪ̈ܝܟܘܢ܂
36:26 [ai]ܘܐܬܠ ܠܟܘܢ ܠܒܐ ܚܕܬܐ܂ ܘܪܘܚܐ ܚܕܬܐ ܐܬܠ ܒܓܘܟܘܢ܂ ܘܐܥܒܪ ܠܒܐ ܕܟܐܦܐ ܡܢ ܒܣܪܟܘܢ܂ ܘܐܬܠ ܠܟܘܢ ܠܒܐ ܕܒܣܪܐ܂
36:27 [ai]ܘܐܬܠ ܪܘܚܝ ܒܓܘܟܘܢ܂ ܘܐܥܒܕ ܕܒܦܘ̈ܩܕܢܝ ܬܗܠܟܘܢ܂ ܘܕܝܢ̈ܝ ܬܛܪܘܢ ܘܬܥܒܕܘܢ ܐܢܘܢ܂
36:28 [ai]ܘܬܬܒܘܢ ܒܐܪܥܐ ܕܝܗܿܒܬ ܠܐ̈ܒܗܝܟܘܢ܂ ܘܬܗܘܘܢ ܠܝ ܥܡܐ܂ ܘܐܢܐ ܐܗܘܐ ܠܟܘܢ ܐܠܗܐ܂
36:29 [ai]ܘܐܦܪܘܩܟܘܢ ܡܢ ܟܠܗܿ ܛܢܦܘܬܟܘܢ܂ ܘܐܩܪܐ ܠܥܒܘܪܐ ܘܐܣܓܝܘܗܝ܂ ܘܠܐ ܐܝܬܐ ܥܠܝܟܘܢ ܟܦܢܐ܂
36:30 [ai]ܘܐܣܓܐ ܦܐܪ̈ܐ ܕܐ̈ܝܠܢܐ ܘܥ̈ܠܠܬܐ ܕܐܪܥܐ܂ ܘܬܘܒ ܠܐ ܬܩܒܠܘܢ ܚܣܕܐ ܕܟܦܢܐ ܒܝܬ ܥܡ̈ܡܐ܂
36:31 [ai]ܘܬܬܕܟܪܘܢ ܬܡܢ ܐܘܪ̈ܚܬܟܘܢ ܒܝܫ̈ܬܐ ܘܨܢ̈ܥܬܟܘܢ ܫ̈ܛܝܬܐ܂ ܘܢܬܩ̈ܡܛܢ ܐ̈ܦܝܟܘܢ ܒܥܘܼܠܟܘܢ ܘܒ̈ܛܢܦܘܬܟܘܢ܂
36:32 [ai]ܘܕܥܘ ܕܠܐ ܗܘܐ ܡܛܠܬܟܘܢ ܥܒܿܕ ܐܢܐ ܗܠܝܢ ܐܡܿܪ ܡܪܐ ܡܪ̈ܘܬܐ܂ ܒܗܬܘ ܘܐܬܬܟܣܘ ܡܢ ܐܘܪ̈ܚܬܟܘܢ ܒܝܫ̈ܬܐ܂ ܘܠܐ ܬܡܘܬܘܢ ܕܒܝܬ/ܒܝܬ#3#/ ܐܝܣܪܐܝܠ܂
36:33 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܒܝܘܡܐ ܕܡܕܟܐ ܐܢܐ ܠܟܘܢ ܡܢ ܟܠܗ ܥܘܼܠܟܘܢ܂ ܡܘܬܒ ܐܢܐ ܡܕܝܢ̈ܬܐ ܘܒܢܿܐ ܐܢܐ ܚܪ̈ܒܬܐ܂
36:34 [ai]ܘܐܪܥܐ ܕܚܪܒܐ ܗܘܬ ܬܬܦܠܚ ܕܨܕܝܐ ܗܘܬ ܒܥܝܢ̈ܝ ܟܠ ܕܥܒܿܪ܂
36:35 [ai]ܘܢܐܡܪܘܢ ܐܪܥܐ ܗܿܝ ܚܪܒܬܐ܂ ܗܘܬ ܐܝܟ ܦܪܕܝܣܐ ܕܥܕܢ ܘܡ̈ܕܝܢܬܐ ܕܚܪ̈ܒܢ ܗ̈ܘܝ ܘܡܣܚ̈ܦܢ܂ ܗ̈ܘܝ ܟܪ̈ܟܐ ܥܫ̈ܝܢܐ܂
36:36 [ai]ܘܢܕܥܘܢ ܥܡ̈ܡܐ ܕܡܫܬܚܪ̈ܝܢ ܚܕܪ̈ܝܟܘܢ܂ ܕܐܢܐ ܡܪܝܐ ܒܢܿܐ ܐܢܐ ܡܣ̈ܚܦܬܐ ܘܢܨܿܒ ܐܢܐ ܚܪ̈ܒܬܐ܂ ܐܢܐ ܡܪܝܐ ܐܡܿܪܬ ܘܥܒܿܕ ܐܢܐ܂
36:37 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܬܘܒ ܒܗܕܐ ܬܒܿܥ ܐܢܐ ܠܕܒܝܬ ܐܝܣܪܝܠ܂ ܕܐܥܒܕ ܠܗܘܢ ܘܐܣܓܐ ܐܢܘܢ܂ ܐܝܟ ܥܢܐ ܕܒܢܝܢ̈ܫܐ܂
36:38 [ai]ܐܝܟ ܥܢܐ ܩܕܝܫ̈ܬܐ܂ ܐܝܟ ܥܢܐ ܕܐܘܪܫܠܡ ܒܙܒܢܐ ܕܥܕܥܐ̈ܕܝܗܿ܂ ܗܟܢܐ ܢܗ̈ܘܝܢ ܡ̈ܕܝܢܬܐ ܕܚܪ̈ܒܢ ܗ̈ܘܝ܂ ܘܢ̈ܬܡܠܝܢ ܥܢܐ ܕܒܢܝܢܫ̈ܐ܂ ܘܢܕܥܘܢ ܕܐܢܐ ܐܢܐ ܡܪܝܐ ܀܂

next chapter