← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


37:01 [ai]ܘܗܘܬ ܥܠܝ ܐܝܕܗ ܕܡܪܝܐ܂ ܘܐܦܩܢܝ ܒܪܘܚܗ ܡܪܝܐ/ܕܡܪܝܐ#3#/܂ ܘܐܫܪܝܢܝ ܒܦܩܥܬܐ ܘܡܠܝܐ/ܕܡܠܝܐ#3#/ ܗܘܬ ܓܪ̈ܡܐ܂
37:02 [ai]ܘܐܥܒܪܢܝ ܥܠܝܗܘܢ ܚܕܪ̈ܝܗܘܢ܂ ܘܚܙܿܝܬ ܕܣܓܝܐܝܢ ܛܒ ܒܦܩܥܬܐ ܘܛܒ ܝܒܝܫܝܢ܂
37:03 [ai]ܘܐܡܪ ܠܝ܂ ܒܪܢܫܐ܂ ܚܐܿܝܢ ܓܪ̈ܡܐ ܗܠܝܢ܂ ܘܐܡܿܪܬ܂ ܐܢܬ ܗܘ ܝܕܥܿ ܡܪܐ ܡܪ̈ܘܬܐ܂
37:04 [ai]ܘܐܡܪ ܠܝ܂ ܐܬܢܒܐ ܥܠ ܓܪ̈ܡܐ ܗܠܝܢ ܘܐܡܪ ܠܗܘܢ ܓܪ̈ܡܐ ܝܒܝܫ̈ܐ܂ ܫܡܥܘ ܦܬܓܡܗ ܕܡܪܝܐ܂
37:05 [ai]ܗܟܢܐ ܐܡܿܪ ܡܪܐ ܡܪ̈ܘܬܐ ܠܓܪ̈ܡܐ ܗܠܝܢ܂ ܗܐ ܐܢܐ ܡܥܠ ܐܢܐ ܒܟܘܢ ܪܘܚܐ ܘܬܚܘܢ܂
37:06 [ai]ܘܐܬܠ ܥܠܝܟܘܢ ܓܝ̈ܕܐ܂ ܘܐܣܩ ܥܠܝܟܘܢ ܒܣܪܐ܂ ܘܐܩܪܘܡ ܥܠܝܟܘܢ ܡܫܟܐ܂ ܘܐܬܠ ܒܟܘܢ ܪܘܚܐ ܘܬܚܘܢ܂ ܘܬܕܥܘܢ ܕܐܢܐ ܐܢܐ ܡܪܝܐ܂
37:07 [ai]ܘܐܬܢܒܝܿܬ ܐܝܟ/ܐܝܟܢܐ#3#/ ܕܦܩܕܢܝ܂ ܘܟܕ ܐܬܢܒܝܿܬ܂ ܗܘܐ ܩܠܐ ܘܙܘܥܐ܂ ܘܩܪܒܘ ܓܪ̈ܡܐ ܓܪܡܐ ܠܘܬ ܫܪܝܬܗ܂
37:08 [ai]ܘܚܙܿܝܬ ܕܣܠܩ ܥܠܝܗܘܢ ܓܝ̈ܕܐ ܘܒܣܪܐ ܘܐܬܩܪܡ ܥܠܝܗܘܢ ܡܫܟܐ ܡܢ ܠܥܠ܂ ܘܪܘܚܐ ܠܝܬ ܗܘܬ ܒܗܘܢ܂
37:09 [ai]ܘܐܡܪ ܠܝ܂ ܐܬܢܒܐ ܥܠ ܪܘܚܐ܂ ܐܬܢܒܐ ܒܪܢܫܐ ‍<‍ܥܠ ܪܘܚܐ#3#‍>‍ ܘܐܡܪ ܠܪܘܚܐ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܬܝ ܪܘܚܐ ܡܢ ܐܪ̈ܒܥ ܪ̈ܘܚܐ܂ ܘܦܘܚܝ ܒܗܠܝܢ ܩ̈ܛܝܠܐ ܘܢܚܘܢ܂
37:10 [ai]ܘܐܬܢܒܝܿܬ ܐܝܟ ܕܦܩܕܢܝ܂ ܘܥܠܬ ܒܗܘܢ ܪܘܚܐ ܘܚܝܘ܂ ܘܩܡܘ ܥܠ ܪ̈ܓܠܝܗܘܢ܂ ܚܝܠܐ ܕܛܒ ܣܓܝ܂
37:11 [ai]ܘܐܡܪ ܠܝ ܒܪܢܫܐ܂ ܗܠܝܢ ܓܪ̈ܡܐ ܟܠܗܘܢ ܕܒܢ̈ܝ ܐܝܣܪܝܠ ܐܢܘܢ܂ ܕܐܡܿܪܝܢ ܗܘܘ ܝܒܫܘ ܓܪ̈ܡܝܢ ܘܐܒܕ ܣܒܪܢ ܘܒܛܠܢ ܠܢ܂
37:12 [ai]ܡܛܠ ܗܢܐ ܐܬܢܒܐ ܘܐܡܪ ܠܗܘܢ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܦܬܿܚ ܐܢܐ ܩܒܪ̈ܝܟܘܢ܂ ܘܡܣܩ ܐܢܐ ܠܟܘܢ ܡܢ ܩܒܪ̈ܝܟܘܢ܂ ܘܡܝܬܐ ܐܢܐ ܠܟܘܢ ܠܐܪܥܐ ܕܐܝܣܪܝܠ܂
37:13 [ai]ܘܬܕܥܘܢ ܕܐܢܐ ܐܢܐ ܡܪܝܐ܂ ܡܐ ܕܦܬܿܚܬ ܩܒܪ̈ܝܟܘܢ܂ ܘܡܐ ܕܐܣܩܿܬܟܘܢ ܡܢ ܩܒܪ̈ܝܟܘܢ܂
37:14 [ai]ܐܬܠ ܪܘܚܝ ܒܟܘܢ ܘܬܚܘܢ܂ ܘܐܫܒܘܩܟܘܢ ܒܐܪܥܟܘܢ܂ ܘܬܕܥܘܢ ܕܐܢܐ ܐܢܐ ܡܪܝܐ܂ ܐܡܿܪܬ ܘܥܒܿܕ ܐܢܐ܂ ܐܡܿܪ ܡܪܐ ܡܪ̈ܘܬܐ܂
37:15 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
37:16 [ai]ܐܢܬ ܕܝܢ ܒܪ ܐܢܫܐ܂ ܣܒ ܠܟ ܩܝܣܐ ܚܕ܂ ܘܟܬܘܒ ܥܠܘܗܝ ܝܗܘܕܐ܂ ܘܒܢ̈ܝ ܐܝܣܪܐܝܠ ܚܒܪ̈ܘܗܝ܂ ܘܣܒ ܩܝܣܐ ܐܚܪܢܐ܂ ܘܟܬܘܒ ܥܠܘܗܝ ܝܘܣܦ ܒܩܝܣܐ ܕܐܦܪܝܡ܂ ܘܟܠܗܘܢ ܒܢ̈ܝ ܐܝܣܪܝܠ ܚܒܪ̈ܘܗܝ܂
37:17 [ai]ܘܩܪܒ ܐܢܘܢ ܚܕ ܠܘܬ ܚܕ܂ ܘܢܗܘܘܢ ܚܕ ܩܝܣ ܒܐܝܕܟ܂
37:18 [ai]ܘܐܢ ܐܡܪܘ ܠܟ ܒ̈ܢܝ ܥܡܟ ܚܘܢ ܡܢܐ ܐ̈ܢܝܢ ܗܠܝܢ܂
37:19 [ai]ܐܡܪ ܠܗܘܢ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ‍<‍ܐܢܐ#3#‍>‍ ܢܣܿܒ ܐܢܐ ܩܝܣܐ ܕܝܘܣܦ ܕܒܐܝܕܗ ܕܐܦܪܝܡ܂ ܘܫ̈ܒܛܐ ܕܐܝܣܪܝܠ/ܕܒܢ̈ܝ ܐܝܣܪܝܠ#3#/ ܚܒܪ̈ܘܗܝ܂ ܘܐܬܠ ܐܢܘܢ ܥܡ/ܥܠ#3#/ ܩܝܣܐ ܕܝܗܘܕܐ܂ ܘܐܥܒܕ ܐܢܘܢ ܚܕ ܩܝܣ܂ ܘܢܗܘܘܢ ܚܕ ܒܐܝܕܝ܂
37:20 [ai]ܘܩܝܣ̈ܐ ܕܟܬܿܒ ܐܢܬ/ܐܢܐ#2#/ ܥܠܝܗܘܢ܂ ܐܚܘܕ ܐܢܘܢ ܒܐܝܕܟ ܠܥܢܝ̈ܗܘܢ܂
37:21 [ai]ܘܐܡܪ ܠܗܘܢ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܢܣܿܒ ܐܢܐ ܠܒܢ̈ܝ ܐܝܣܪܝܠ ܡܢ ܒܝܢܬ ܥܡ̈ܡܐ ܕܐܙܠܘ ܠܘܬܗܘܢ/ܒܬܪܗܘܢ#3#/܂ ܘܐܟܢܫ ܐܢܘܢ ܘܐܝܬܐ ܐܢܘܢ ܠܐܪܥܗܘܢ܂
37:22 [ai]ܘܐܥܒܕ ܐܢܘܢ ܥܡܐ ܚܕ ܒܐܪܥܐ܂ ܒܛܘܪ̈ܐ ܕܐܝܣܪܝܠ܂ ܘܚܕ ܡܠܟܐ ܢܗܘܐ ܠܟܠܗܘܢ/ܠܗܘܢ#3#/܂ ܘܬܘܒ ܠܐ ܢܗܘܘܢ ܬܪ̈ܝܢ ܥܡ̈ܡܝܢ܂ ܘܬܘܒ ܠܐ ܢܬܦܠܓܘܢ ܠܬܪ̈ܬܝܢ ܡ̈ܠܟܘܢ܂
37:23 [ai]ܘܬܘܒ ܠܐ ܢܬܛܢܦܘܢ ܒܦܬܟܪ̈ܝܗܘܢ܂ ܘܒ̈ܛܢܦܘܬܗܘܢ ܘܒܟܠܗ ܥܘܼܠܗܘܢ܂ ܘܐܦܪܘܩ/ܘܐܦܩ#3#/ ܐܢܘܢ ܡܢ ܟܠܗ ܒܝܬ ܡܥܡܪܗܘܢ ܕܚܛܘ ܒܗ܂ ܘܐܕܟܐ ܐܢܘܢ ܘܢܗܘܘܢ ܠܝ ܥܡܐ܂ ܘܐܢܐ ܐܗܘܐ ܠܗܘܢ ܐܠܗܐ܂
37:24 [ai]ܘܥܒܼܕܝ ܕܘܝܕ ܢܡܠܟ ܥܠܝܗܘܢ܂ ܘܪܥܝܿܐ ܚܕ ܢܗܘܐ ܠܟܠܗܘܢ܂ ܘܒܕܝܢ̈ܝ ܢܗܠܟܘܢ܂ ܘܦܘܩ̈ܕܢܝ ܢܛܪܘܢ ܘܢܥܒܕܘܢ ܐܢܘܢ܂
37:25 [ai]ܘܢܬܒܘܢ ܒܐܪܥܐ ܕܝܗܿܒܬ ܠܥܒܕܝ ܝܥܩܘܒ܂ ܕܝܬܒܘ ܒܗܿ ܐ̈ܒܗܝܗܘܢ܂ ܘܢܬܒܘܢ ܒܗܿ ܗܢܘܢ ܘܒ̈ܢܝܗܘܢ ܘܒܢ̈ܝ ܒ̈ܢܝܗܘܢ ܠܥܠܡ܂ ܘܕܘܝܕ ܥܒܼܕܝ ܢܗܘܐ ܠܗܘܢ ܡܕܒܪܢܐ ܠܥܠܡ܂
37:26 [ai]ܘܐܩܝܡ ܠܗܘܢ ܩܝܡܐ ܕܫܠܡܐ ‍<‍ܘܐܗܘܐ ܠܗܘܢ ܐܠܗܐ#3#‍>‍܂ ܘܩܝܡܐ ܕܥܠܡ/ܠܥܠܡ#3#/ ܢܗܘܐ ܥܡܗܘܢ܂ ܘܐܣܓܐ ܐܢܘܢ܂ ܘܐܬܠ ܡܩܕܫܝ ܒܝܢܬܗܘܢ ܠܥܠܡ܂
37:27 [ai]ܘܢܗܘܐ ܒܝܬ ܡܫܪܝ ܒܗܘܢ ‍<‍ܘܐܗܘܐ ܠܗܘܢ ܐܠܗܐ#3#‍>‍܂ ܘܗܢܘܢ ܢܗܘܘܢ ܠܝ ܥܡܐ܂
37:28 [ai]ܘܢܕܥܘܢ ܥܡ̈ܡܐ ܕܐܢܐ ܐܢܐ ܡܪܝܐ ܕܡܩܕܫ ܐܢܐ ܠܐܝܣܪܝܠ܂ ܡܐ ܕܗܘܐ ܒܗܘܢ ܡܩܕܫܝ ܠܥܠܡ܂

next chapter