← Back
The Comprehensive Aramaic Lexicon
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


38:01 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
38:02 [ai]ܒܪܢܫܐ܂ ܣܝܡ ܐ̈ܦܝܟ ܥܠ ‍<‍ܕܒܝܬ#3#‍>‍ ܓܘܓ ܘܥܠ ܐܪܥܐ ܕܡܓܘܓ܂ ܡܕܒܪܢܐ ܘܪܝܫܐ ܕܡܫܟ ܘܕܬܘܒܝܠ ܘܐܬܢܒܐ ܥܠܘܗܝ ܘܐܡܪ܂
38:03 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܐܢܐ ܥܠܝܟ ܓܘܓ܂ ܡܕܒܪܢܐ ܘܪܝܫܐ ܕܡܫܟ ܘܕܬܘܒܝܠ܂
38:04 [ai]ܘܐܟܢܫܟ ܘܐܪܡܐ ܒܠܡܐ ܒܦܟܝ̈ܟ܂ ܘܐܦܩܟ ܡܢ ܐܬܪܟ ܠܟ ܘܠܟܠܗ ܚܝܠܟ܂ ܪ̈ܟܫܐ ܘܦܪ̈ܫܐ ܕܠܒܝܫ̈ܝܢ ܙܝܢܐ܂ ܟܠܗܘܢ ܟܢܫܐ ܪܒܐ܂ ܒܢܝܙܟܐ ܘܒܣ̈ܟܪܐ ܘܐ̈ܚܝܕܝ ܣ̈ܝܦܐ/ܣܟܪ̈ܐ#3#/܂
38:05 [ai]ܟܠܗܘܢ ܦܪ̈ܣܝܐ ܘܟܘܫ̈ܝܐ ܘܦܘ̈ܛܝܐ ܥܡܗܘܢ܂ ܒܣܟܪ̈ܐ ܘܒܣܢܘܪ̈ܬܐ܂
38:06 [ai]ܓܡܪ ܘܟܠܗ ܚܝܠܗܿ ܘܒܝܬ ܬܘܓܪܡܐ܂ ܘܫ̈ܦܘܠܝ ܓܪܒܝܐ ܘܟܠܗ ܚܝܠܗܘܢ܂ ܘܥܡ̈ܡܐ ܣ̈ܓܝܐܐ ܕܥܡܟ܂
38:07 [ai]ܐܬܛܝܒ ܐܢܬ ܘܟܠܗ ܟܢܫܟ ܕܟܢܝܫ ܥܡܟ܂ ܘܗܘܝ ܠܗܘܢ ܡܛܪܬܐ܂
38:08 [ai]ܡܢ ܝܘܡ̈ܬܐ ܩܕܡ̈ܝܐ ܐܬܦܩܕܬ܂ ܘܒܚܪܬܐ ܕܫܢ̈ܝܐ ܬܐܬܐ ܥܠ ܛܘܪ̈ܐ ܕܐܝܣܪܝܠ܂ ܘܥܠ ܐܪܥܐ ܕܐܫܬܝܢܬ ܡܢ ܚܪܒܐ܂ ܘܐܬܟܢܫܬ ܡܢ ܥܡ̈ܡܐ ܣ̈ܓܝܐܐ܂ ܘܝܬܒܘ ܒܗܿ ܟܠܗܘܢ ܒܫܠܝܐ܂
38:09 [ai]ܘܬܣܩ ܐܝܟ ܕܠܘܚܝܐ܂ ܘܐܝܟ ܥܢܢܐ ܕܡܟܣܝܐ ܠܐܪܥܐ܂ ܐܢܬ ܘܟܠܗ ܚܝܠܟ܂ ܘܥܡ̈ܡܐ ܣ̈ܓܝܐܐ ܕܥܡܟ ܀
38:10 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܒܗ ܒܝܘܡܐ ܗܿܘ܂ ܢܣܩ̈ܢ ܡ̈ܠܐ ܥܠ ܠܒܟ܂ ܘܬܬܚܫܒ ܡܚܫܒܬܐ ܒܝܫܬܐ܂
38:11 [ai]ܘܬܐܡܪ܂ ܐܣܩ ܥܠ ܐܪܥܐ ܟܗܝܢܬܐ܂ ܘܐܙܠ ܥܠ ܕܝܬܿܒܝܢ ܒܫܠܝܐ܂ ܕܠܐ ܫܘܪ̈ܐ ܘܠܐ ܣܘܟܪ̈ܐ܂ ܘܠܐ ܬܪ̈ܥܐ ܐܝܬ ܠܗܘܢ܂
38:12 [ai]ܕܬܫܒܐ ܫܒܝܬܐ ܘܬܒܘܙ ܒܙܬܐ܂ ܘܬܗܦܟ/ܘܬܗܦܘܟ#3#/ ܐܝܕܟ ܥܠ ܚܪ̈ܒܬܐ ܕܐܬܝܬܒ܂ ܘܥܠ ܥܡܐ ܕܐܬܟܢܫ ܡܢ ܥܡ̈ܡܐ܂ ܕܩܢܘ ܒܥܝܪܐ ܘܩܢܝܢܐ܂ ܘܝܬܿܒܝܢ ܥܠ ܫܘܦܪܗܿ ܕܐܪܥܐ܂
38:13 [ai]ܫܒܐ ܘܕܪܢ ܘܬܓܪ̈ܐ ܕܬܪܫܝܫ܂ ܘܟܠܗܝܢ ܩܘܪ̈ܝܐ ܢܐܡܪ̈ܢ ܠܟ܂ ܐܬܝܬ ܠܡܫܒܐ ܫܒܝܬܐ ܘܠܡܒܙ ܒܙܬܐ܂ ܘܟܢܫܬ ܟܢܘܫܝܟ ܕܬܫܩܘܠ/ܠܡܫܩܠ#3#/ ܣܐܡܐ ܘܕܗܒܐ܂ ܘܬܣܒ ܒܥܝܪܐ ܘܩܢܝܢܐ܂ ܘܬܕܒܪ ܕܒܪܬܐ ܪܒܬܐ܂
38:14 [ai]ܡܛܠ ܗܢܐ ܐܬܢܒܐ ܒܪܢܫܐ ܘܐܡܪ ܠܓܘܓ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܒܗ ܒܝܘܡܐ ܕܢܬܒ ܥܡܝ ܐܝܣܪܝܠ ܒܫܠܝܐ܂ ܬܕܥ
38:15 [ai]ܘܬܐܬܐ ܡܢ ܐܬܪܟ ܡܢ ܫ̈ܦܘܠܝ ܓܪܒܝܐ܂ ܘܥܡ̈ܡܐ ܣ̈ܓܝܐܐ ܕܥܡܟ܂ ܟܠܗܘܢ ܪ̈ܟܒܝ ܪ̈ܟܫܐ܂ ܟܢܘܫܝܐ ܪܒܐ ܘܚܝܠܐ ܣܓܝܐܐ܂
38:16 [ai]ܘܬܣܩ ܥܠ ܥܡܝ ܐܝܣܪܝܠ܂ ܐܝܟ ܥܢܢܐ ܕܡܟܣܝܐ ܠܐܪܥܐ܂ ܠܚܪܬܐ ܕܝܘܡ̈ܬܐ ܬܐܬܐ ܘܐܝܬܝܟ ܠܐܪܥܝ܂ ܕܢܕܥܘܢܢܝ/ܘܢܕܥܘܢܢܝ#3#/ ܥܡ̈ܡܐ ܡܐ ܕܐܬܩܕܫܿܬ ܒܟ ܠܥܢܝ̈ܗܘܢ܂
38:17 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܐܢܬ ܗܘ ܕܐܡܿܪܬ ܥܠܝܟ ܒܝ̈ܘܡܬܐ ܩܕܡ̈ܝܐ܂ ܒܐܝܕܐ ܕܥܒܼ̈ܕܝ ܢܒ̈ܝܐ ܕܐܝܣܪܝܠ܂ ܕܡܬܢܒܝܢ ܗܘܘ ܒܝ̈ܘܡܬܐ ܗܿܢܘܢ ܘܒܫ̈ܢܝܐ ܗܠܝܢ ܕܐܝܬܝܟ ܥܠܝܗܘܢ܂
38:18 [ai]ܒܗ ܒܝܘܡܐ ܗܿܘ ܕܢܐܬܐ ܓܘܓ ܥܠ ܐܪܥܐ ܕܐܝܣܪܝܠ ܐܡܿܪ ܡܪܐ ܡܪ̈ܘܬܐ܂ ܢܐܩܕ ܪܘܓܙܝ ܒܚܡܬܝ܂
38:19 [ai]ܘܒܛܢܢܝ܂ ܒܢܘܪܐ ܕܪܘܓܙܝ ܡܠܠܿܬ܂ ܕܒܗ/ܒܗ#3#/ ܒܝܘܡܐ ܗܿܘ܂ ܢܗܘܐ ܙܘܥܐ ܪܒܐ ܒܐܪܥܐ ܕܐܝܣܪܝܠ܂
38:20 [ai]ܘܢܙܘܥܘܢ ܡܢ ܩܕܡܘܗܝ ܢܘ̈ܢܐ ܕܝܡܐ܂ ܘܦܪܚܬܐ ܕܫܡܝܐ ܘܚܝܘܬܐ ܕܕܒܪܐ܂ ܘܟܠ ܪܚܫܐ ܕܪܚܿܫ ܒܐܪܥܐ܂ ܘܟܠܗܘܢ ܒܢ̈ܝ ܐܢܫܐ ܕܥܠ ܐ̈ܦܝ ܐܪܥܐ܂ ܘܢܣܬܚܦܘܢ ܛܘܪ̈ܐ ܘܢܦܠܘܢ ܡ̈ܓܕܠܐ܂ ܘܟܠܗܘܢ ܫܘܪ̈ܐ ܒܐܪܥܐ ܢܦܠܘܢ܂
38:21 [ai]ܘܐܩܪܐ ܥܠܘܗܝ ܚܪܒܐ ܒܟܠܗܘܢ ܛܘܪ̈ܝ ܐܡܿܪ ܡܪܐ ܡܪ̈ܘܬܐ܂ ܣܝܦܗ ܕܓܒܪܐ ܒܐܚܘܗܝ ܢܗܘܐ܂
38:22 [ai]ܘܐܕܘܢܝܘܗܝ ܒܡܘܬܐ ܘܒܕܡܐ܂ ܘܡܛܪܐ ܕܓܪܦ ܘܟܐ̈ܦܐ ܕܕܚܪܐ܂ ܘܢܘܪܐ ܘܟܒܪܝܬܐ ܐܚܬ ܥܠܘܗܝ ܘܥܠ ܪ̈ܘܪܒܢܘܗܝ܂ ܘܥܠ ܥܡ̈ܡܐ ܣ̈ܓܝܐܐ ܕܥܡܗ܂
38:23 [ai]ܘܐܪܒ/ܘܐܝܪܒ#3#/ ܘܐܬܩܕܫ ܠܥܝܢ ܥܡ̈ܡܐ ܣ̈ܓܝܐܐ܂ ܘܢܕܥܘܢ ܕܐܢܐ ܐܢܐ ܡܪܝܐ ܀܂

next chapter