← Back
The Comprehensive Aramaic Lexicon
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


39:01 [ai]ܘܐܢܬ ܒܪܢܫܐ܂ ܐܬܢܒܐ ܥܠ ܓܘܓ ܘܐܡܪ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܐ ܐܢܐ ܥܠܝܟ ܓܘܓ܂ ܡܕܒܪܢܐ ܘܪܝܫܐ ܕܡܫܟ ܘܕܬܘܒܝܠ܂
39:02 [ai]ܘܐܫܝܢܟ ܘܐܟܢܫܟ܂ ܘܐܣܩܟ ܡܢ ܫ̈ܦܘܠܝ ܓܪܒܝܐ܂ ܘܐܝܬܝܟ ܠܛܘܪ̈ܐ ܕܐܝܣܪܝܠ܂
39:03 [ai]ܘܐܦܕ ܩܫܬܟ ܡܢ ܣܡܠܟ܂ ܘܓܐܪܟ ܡܢ ܝܡܝܢܟ܂
39:04 [ai]ܘܒܛܘܪ̈ܐ ܕܐܝܣܪܝܠ ܬܦܠ܂ ܐܢܬ ܘܟܠܗ ܚܝܠܟ܂ ܘܥܡ̈ܡܐ ܣ̈ܓܝܐܐ ܕܥܡܟ܂ ܠܦܪܚܬܐ ܕܓܦܐ/ܕܫܡܝܐ#3#/ ܘܠܚܝܘܬܐ ܕܐܪܥܐ ܝܗܒܿܬܟ ܠܡܐܟܘܠܬܐ܂
39:05 [ai]ܘܥܠ ܐ̈ܦܝ ܕܒܪܐ ܬܦܠ܂ ܡܛܠ ܕܐܢܐ ܡܠܠܿܬ ܐܡܿܪ ܡܪܐ ܡܪ̈ܘܬܐ܂
39:06 [ai]ܘܐܫܕܪ ܢܘܪܐ ܥܠ ܡܓܘܓ܂ ܘܥܠ ܝܬ̈ܒܝ ܓܙܪ̈ܬܐ ܕܒܫܠܝܐ܂ ܘܢܕܥܘܢ ܕܐܢܐ ܐܢܐ ܡܪܝܐ܂
39:07 [ai]ܘܫܡܐ ܕܩܘܕܫܝ ܐܘܕܥ ܒܓܘ ܥܡܝ ܐܝܣܪܝܠ܂ ܘܬܘܒ ܠܐ ܐܛܘܫ ܫܡܐ ܕܩܘܕܫܝ܂ ܘܢܕܥܘܢ ܥܡ̈ܡܐ ܕܐܢܐ ܐܢܐ ܡܪܝܐ ܩܕܝܫܐ ܕܐܝܣܪܝܠ܂
39:08 [ai]ܗܐ ܡܛܐ ܠܡܐܬܐ ܝܘܡܐ ܕܐܡܿܪܬ ܐܡܿܪ ܡܪܐ ܡܪ̈ܘܬܐ܂
39:09 [ai]ܘܢܦܩܘܢ ܥܡܘܪ̈ܐ ܕܩܘܪ̈ܝܐ ܕܐܝܣܪܝܠ܂ ܘܢܫܒܩܘܢ ܢܘܪܐ ܒܙܝܢܐ ܘܒܣܟܪ̈ܐ ܘܒܢܝܙ̈ܟܐ܂ ܘܒܩܫ̈ܬܬܐ ܘܒܓܐܪ̈ܐ܂ ܘܒܚ̈ܘܛܪܐ ܕܐ̈ܝܕܝܐ ܘܒܪ̈ܘܡܚܐ܂ ܘܢܘܩܕܘܢ ܡܢܗܘܢ ܒܢܘܪܐ ܫܒܥ ܫ̈ܢܝܢ܂
39:10 [ai]ܘܠܐ ܢܣܬܢܩܘܢ ܥܠ ܩܝ̈ܣܐ ܕܚܩܠܐ ܘܕܥܒܐ܂ ܐܠܐ ܡܢ ܙܝܢܗܘܢ ܢܘܩܕܘܢ ܒܢܘܪܐ܂ ܘܢܫܒܘܢ ܠܐܝܠܝܢ ܕܫܒܘ ܐܢܘܢ܂ ܘܢܒܙܘܢ ܠܐܝܠܝܢ ܕܒܙܘ ܐܢܘܢ ܐܡܿܪ ܡܪܐ ܡܪ̈ܘܬܐ܂
39:11 [ai]ܒܗ ܒܝܘܡܐ ܗܿܘ܂ ܐܬܠ ܬܡܢ ܕܘܟܬܐ ܠܓܘܓ ܠܩܒܪܐ ܒܐܝܣܪܝܠ܂ ܢܚܠܐ ܪܒܐ ܕܒܡܕܢܚܝܗ ܕܝܡܐ܂ ܘܢܣܟܪܘܢܗ ܠܢܚܠܐ܂ ܘܢܩܒܪܘܢܗ ܬܡܢ ܠܓܘܓ ܘܠܟܠܗ ܚܝܠܗ܂ ܘܢܬܩܪܐ ܢܚܠܐ ܕܣܘܦܢܗ ܕܓܘܓ܂
39:12 [ai]ܘܠܫܒܥܐ ܝܪ̈ܚܝܢ ܢܩܒܪܘܢ ܐܢܘܢ ܕܒܝܬ ܐܝܣܪܝܠ܂ ܘܬܬܕܟܐ ܐܪܥܐ܂
39:13 [ai]ܘܢܩܒܪܘܢ ܐܢܘܢ ܟܠܗ ܥܡܐ ܕܐܪܥܐ܂ ܘܢܗܘܐ ܠܗܘܢ ܫܡܐ ܒܝܘܡܐ ܕܡܫܬܒܚ ܐܢܐ ܐܡܿܪ ܡܪܝܐ/ܡܪܐ ܡܪ̈ܘܬܐ#1##2#/܂
39:14 [ai]ܘܡܢ ܒܬܪ ܫܒܥܐ ܝܪ̈ܚܝܢ ܢܗܘܘܢ ܓܒܪ̈ܐ ܡܗܠܟܝܢ ܐܡܝܢܐܝܬ ܒܐܪܥܐ܂ ܘܩܒܿܪܝܢ ܠܐܝܠܝܢ ܕܐܫܬܚܪܘ ܒܐܪܥܐ ܕܬܬܕܟܐ܂
39:15 [ai]ܘܟܠ ܕܥܒܿܪ ܒܐܪܥܐ ‍<‍ܗܝܿ#3#‍>‍ ܘܚܿܙܐ ܓܪܡܐ ܕܒܪܢܫܐ܂ ܢܨܘܐ ܥܠ ܓܒܗ ܨܘܝܐ܂ ܥܕܡܐ ܕܐܬܿܝܢ ܫܩܿܠܝܢ ܠܗ ܗܿܢܘܢ ܕܩܒܿܪܝܢ ܒܢܚܠܐ ܕܓܘܓ܂
39:16 [ai]ܘܢܫܬܡܗ ܫܡܗܿ ܕܡܕܝܢܬܐ ܥܫܝܢܬܐ܂ ܘܢܕܟܘܢܗܿ ܠܐܪܥܐ ܀
39:17 [ai]ܐܢܬ ܕܝܢ ܒܪܢܫܐ܂ ܐܡܪ ܠܟܠܗܿ ܦܪܚܬܐ ܕܫܡܝܐ܂ ܘܠܟܠܗܿ ܚܝܘܬܐ ܕܕܒܪܐ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܐܬܟܢܫܘ ܘܬܘ ܡܢ ܟܠ ܕܘܟܐ܂ ܠܕܒܚܬܐ ܪܒܬܐ ܕܕܒܿܚ ܐܢܐ ܠܟܘܢ ܒܛܘܪ̈ܐ ܕܐܝܣܪܝܠ܂ ܘܬܐܟܠܘܢ ܒܣܪܐ ܘܬܫܬܘܢ ܕܡܐ܂
39:18 [ai]ܒܣܪܐ ܕܓܢܒܪ̈ܐ ܬܐܟܠܘܢ܂ ܘܕܡܐ ܕܪ̈ܘܪܒܢܐ ܕܐܪܥܐ ܬܫܬܘܢ܂ ܕܕܟܪ̈ܐ ܘܕܡ̈ܦܛܡܐ܂ ܘܕܬܝܫ̈ܐ ܘܕܬܘܪ̈ܐ܂ ܘܕܐܪ̈ܘܢܐ ܕܒܝܫܢ ܟܠܗܘܢ܂
39:19 [ai]ܘܬܐܟܠܘܢ ܒܣܪܐ ܘܬܣܒܥܘܢ܂ ܘܬܫܬܘܢ ܕܡܐ ܘܬܪܘܘܢ܂ ܡܢ ܕܒܚܬܐ ‍<‍ܪܒܬܐ#3#‍>‍ ܕܕܒܿܚ ܐܢܐ ܠܟܘܢ ‍<‍ܒܛܘܪ̈ܐ ܕܐܝܣܪܐܝܠ#3#‍>‍܂
39:20 [ai]ܘܬܣܒܥܘܢ ܡܢ ܦܬܘܪܝ܂ ܒܣܪܐ ܕܪ̈ܟܫܐ ܘܕܪ̈ܟܒܝܗܘܢ܂ ܘܕܓܢܒܪ̈ܐ ܘܕܟܠܗܘܢ ܓܒܪ̈ܐ ܩܪ̈ܒܬܢܐ ܐܡܿܪ ܡܪܐ ܡܪ̈ܘܬܐ܂
39:21 [ai]ܘܐܥܒܕ ܫܘܒܚܝ ܒ̈ܥܡܡܐ܂ ܘܢܚܙܘܢ ܟܘܠܗܘܢ ܥܡ̈ܡܐ ܕܝܢܐ ܕܥܒܿܕܬ܂ ܘܐܝܕܝ ܕܣܡܿܬ ܒܗܘܢ܂
39:22 [ai]ܘܢܕܥܘܢ ܕܒܝܬ ܐܝܣܪܝܠ܂ ܕܐܢܐ ܐܢܐ ܡܪܝܐ ܐܠܗܗܘܢ܂ ܡܢ ܝܘܡܐ ܗܿܘ ܘܠܗܠ܂
39:23 [ai]ܘܢܕܥܘܢ ܥܡ̈ܡܐ܂ ܕܡܛܠ ܥܘܼܠܗܘܢ ܐܫܬܒܝܘ ܒܢ̈ܝ ܐܝܣܪܝܠ ܕܐܥܠܝܘ ܒܝ܂ ܘܐܗܦܟܿܬ ܐ̈ܦܝ ܡܢܗܘܢ܂ ܘܐܫܠܡܿܬ ܐܢܘܢ ܒܐܝܕܐ ܕܣ̈ܢܐܝܗܘܢ܂ ܘܢܦܠܘ ܟܘܠܗܘܢ ܒܚܪܒܐ܂
39:24 [ai]ܘܐܝܟ ܛܢܦܘܬܗܘܢ ܘܐܝܟ ܥܘܼܠܗܘܢ ܦܪܥܿܬ ܐܢܘܢ܂ ܘܐܗܦܟܿܬ ܐ̈ܦܝ ܡܢܗܘܢ܂
39:25 [ai]ܡܛܠ ܗܢܐ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܡܟܝܠ ܡܦܢܐ ܐܢܐ ܫܒܝܬܗ ܕܝܥܩܘܒ܂ ܘܡܪܚܡ ܐܢܐ ܥܠ ܟܠܗ ܒܝܬ ܐܝܣܪܝܠ܂ ܘܛܐܿܢ ܐܢܐ ܡܛܠ ܫܡܐ ܕܩܘܕܫܝ܂
39:26 [ai]ܘܢܩܒܠܘܢ ܟܘܠܗܿ ܒܗܬܬܗܘܢ܂ ܘܥܘܼܠܗܘܢ ܕܐܥܠܝܘ ܒܝ܂ ܡܐ ܕܝܬܒܘ ܒܐܪܥܗܘܢ ܒܫܠܝܐ܂ ܘܠܝܬ ܠܗܘܢ ܡܗܪܢܐ܂
39:27 [ai]ܡܐ ܕܟܢܫܿܬ ܐܢܘܢ ܡܢ ܥܡ̈ܡܐ܂ ܘܩܪܒܿܬ ܐܢܘܢ ܡܢ ܡ̈ܕܝܢܬܐ ܕܒ̈ܥܠܕܒܒܝܗܘܢ܂ ܘܐܬܩܕܫܿܬ ܒܗܘܢ ܠܥܝܢ ܥܡ̈ܡܐ ܣ̈ܓܝܐܐ܂
39:28 [ai]ܘܢܕܥܘܢ ܕܐܢܐ ܐܢܐ ܡܪܝܐ ܐܠܗܗܘܢ܂ ܐܫܒܝܿܬ ܐܢܘܢ ܠܒܝܬ ܥܡ̈ܡܐ܂ ܘܐܢܐ ܐܟܢܫ ܐܢܘܢ ܠܐܪܥܗܘܢ܂ ܘܠܐ ܐܘܬܪ ܡܢܗܘܢ ܬܡܢ܂
39:29 [ai]ܘܠܐ ܐܗܦܟ ܐ̈ܦܝ ܡܢܗܘܢ܂ ܐܠܐ ܐܫܘܕ ܪܘܚܝ ܥܠ ܟܘܠܗ ܒܝܬ ܐܝܣܪܝܠ܂ ܐܡܿܪ ܡܪܐ ܡܪ̈ܘܬܐ܂

next chapter