← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


40:01 [ai]ܒܫܢܬ ܥܣܪ̈ܝܢ ܘܚܡܫ ‍<‍ܫܢܝܢ#3#‍>‍ ܕܫܒܝܬܢ܂ ܒܪܝܫ ܫܢܬܐ ܒܥܣܪܬܐ ܒܝܪܚܐ܂ ܒܫܢܬ ܐܪ̈ܒܥܣܪܐ ܒܬܪ ܕܐܬܚܪܒܬ ܡܕܝܢܬܐ܂ ܒܗ ܒܝܘܡܐ ܗܢܐ܂ ܗܘܬ ܥܠܝ ܐܝܕܗ ܕܡܪܝܐ܂
40:02 [ai]ܘܐܝܬܝܢܝ ܠܬܡܢ ܒܚܙܘܐ ܕܐܠܗܐ܂ ܘܐܝܬܝܢܝ ܠܐܪܥܐ ܕܐܝܣܪܝܠ܂ ܘܐܫܪܝܢܝ ܥܠ ܛܘܪܐ ܕܛܒ ܪܡ܂ ܘܐܝܬ ܗܘܐ ܥܠܘܗܝ ܒܬܝܡܢܝܗ ܐܝܟ ܒܢܝܢܐ ܕܡܕܝܢܬܐ܂
40:03 [ai]ܘܐܝܬܝܢܝ ܠܬܡܢ܂ ܘܚܙܿܝܬ ܓܒܪܐ܂ ܘܚܙܘܗ ܐܝܟ ܚܙܘܐ ܕܢܚܫܐ܂ ܘܫܘܝܬܐ ܕܟܬܢܐ ܒܐܝܕܗ ܘܩܢܝܐ ܕܡܫܘܚܬܐ܂ ܘܩܐܿܡ ܗܘܐ ܒܬܪܥܐ܂
40:04 [ai]ܘܐܡܪ ܠܝ ܓܒܪܐ ܗܿܘ܂ ܒܪܢܫܐ܂ ܚܙܝ ܒ̈ܥܝܢܝܟ ܘܫܡܥ ܒܐ̈ܕܢܝܟ ܘܣܝܡ ܒܠܒܟ ܟܠ ܡܕܡ ܕܡܚܘܐ ܐܢܐ ܠܟ܂ ܡܛܠ ܕܠܡܚܘܝܘܬܟ ܗܘ ܐܬܝܿܬ ܠܗܪܟܐ܂ ܘܟܘܠ ܡܕܡ ܕܚܙܿܐ ܐܢܬ ܚܘܐ ܠܒܢ̈ܝ ܐܝܣܪܝܠ܂
40:05 [ai]ܘܚܙܿܝܬ ܫܘܪܐ ܕܟܪܟ ܠܗ ܠܒܝܬܐ ܗܿܘ܂ ܘܩܢܝܐ ܕܡܫܘܚܬܐ ܒܐܝܕܗ ܕܓܒܪܐ ܗܿܘ܂ ܘܫܬ ܐܡ̈ܝܢ ܗܿܘܐ ܗܘܐ ܘܦܫܟ܂ ܘܡܫܚ ܦܬܝܗ ܕܒܢܝܢܐ/ܕܒܝܬܐ#3#/ ܩܢܝܐ ܚܕ܂ ܘܪܘܡܗ ܩܢܝܐ ܚܕ܂
40:06 [ai]ܘܐܬܐ ܠܬܪܥܐ ܕܚܐܿܪ ܠܡܕܢܚܐ܂ ܘܣܠܩ ܒܕܪ̈ܓܘܗܝ܂ ܘܡܫܚ ܣܦܐ ܕܬܪܥܐ ܩܢܝܐ ܚܕ ܠܦܬܝܗ܂ ܘܣܦܐ ܐܚܪܢܐ ܩܢܝܐ ܚܕ ܠܦܬܝܗ܂
40:07 [ai]ܘܦܪܘܣܬܕܐ ܩܢܝܐ ܚܕ ܠܐܘܪܟܗ ܘܩܢܝܐ ܚܕ ܠܦܬܝܗ܂ ܘܒܝܬ ܦܪ̈ܘܣܬܕܐ ܚܡܫ ܐ̈ܡܝܢ܂ ܘܣܦܗ ܕܬܪܥܐ ܡܢ ܠܓܘ ܡܢ ܦܪ̈ܘܣܬܕܐ ܕܬܪܥܐ ܩܢܝܐ ܚܕ܂
40:09 [ai]ܘܡܫܚܗ ܠܦܪܘܣܬܕܐ/ܦܪܘܣܬܕܐ#3#/ ܕܬܪܥܐ ܬܡܢܐ ܐ̈ܡܝܢ ܘܐܣܟܘܦܬܗ ܕܬܪܥܐ ܡܢ ܠܓܘ ܬܪ̈ܬܝܢ ܐ̈ܡܝܢ܂
40:10 [ai]ܘܓܘܗ ܕܬܪܥܐ ܡܕܢܚܝܐ܂ ܬܠܬܐ ܡܟܐ ܘܬܠܬܐ ܡܟܐ܂ ܘܡܫܘܚܬܐ ܚܕܐ ܠܬܠܬܝܗܘܢ܂ ‍<‍ܘܬܘܒ#3#‍>‍ ܘܡܫܘܚܬܐ ܚܕܐ ܠܦܪ̈ܘܣܬܕܐ ܕܡܟܐ/ܡܟܐ#3#/ ܘܡܟܐ܂
40:11 [ai]ܘܡܫܚ ܦܬܝܗ ܕܡܥܠܢܐ ܕܬܪܥܐ ܥܣܪ̈ ܐ̈ܡܝܢ܂ ܘܐܘܪܟܗ ܕܬܪܥܐ ܬܠܬܥܣܪ̈ܐ ܐ̈ܡܝܢ܂
40:12 [ai]ܘܬܚܘܡܐ ܕܩܕܡ ܐܣܟܘܦܬܐ܂ ܐܡܐ ܐܡܐ ܡܟܐ ܘܡܟܐ܂ ܘܓܘܗ ܫܬ ܐ̈ܡܝܢ ܡܟܐ ܘܫܬ ܐ̈ܡܝܢ ܡܟܐ܂
40:13 [ai]ܘܡܫܚܗ ܠܬܪܥܐ ܡܢ ܐܓܪܗ ܠܐܓܪܗ܂ ܦܬܝܐ ܥܣܪܝܢ ܘܚܡܫ ܐ̈ܡܝܢ܂ ܘܬܪܥܐ ܠܘܩܒܠ ܬܪܥܐ܂
40:14 [ai]ܘܥܒܕ ܩܕܡ/#1##2#/ ܐ̈ܦܝ ܬܪܥܐ ܫܬܝܢ ܐ̈ܡܝܢ܂ \ܘܩܕܡ ܐ̈ܦܝ /ܘܐ̈ܦܝ#3#/ ܬܪܥܐ ܐܚܪܢܐ ܒܪܝܐ ܫܬܝܢ ܐ̈ܡܝܢ܂
40:15 [ai]ܘܩܕܡ ܬܪܥܐ ܓܘܝܐ ܚܡܫܝܢ ܐ̈ܡܝܢ܂
40:16 [ai]ܘܟܘ̈ܐ ܕܫ̈ܛܝܦܢ ܡܢ ܠܓܘ ܘܩ̈ܛܝܢܢ ܡܢ ܠܒܪ܂ ܥܠ ܚ̈ܬܐ ܘܥܠ ܦܪ̈ܘܣܬܕܐ ܕܬܪܥܐ܂ ܘܟ̈ܘܐ ܚܕܪ̈ܢ ܗ̈ܘܝ ܠܗܘܢ ܡܢ ܠܓܘ܂
40:17 [ai]ܘܐܥܠܢܝ ܠܕܪܬܐ ܒܪܝܬܐ܂ ܘܚܙܿܝܬ ܕܪ̈ܓܐ ܟܕ ܚܕܪܐ܂ ܬܠܬܝܢ ܕܪ̈ܓܝܢ ܚܕ ܠܥܠ ܡܢ ܚܕ܂
40:18 [ai]ܘܕܪ̈ܓܐ ܕܥܠ ܓܢܒ ܬܪܥܐ ܕܠܘܩܒܠ ܐܘܪܟܗܘܢ ܕܕܪ̈ܓܐ܂
40:19 [ai]ܘܡܫܚ ܦܬܝܗ ܡܢ ܩܕܡ ܬܪܥܐ ܕܕܪܬܐ܂ ܡܐܐ ܐ̈ܡܝܢ ܠܡܕܢܚܐ ܘܠܓܪܒܝܐ܂
40:20 [ai]ܘܬܪܥܐ ܕܩܕܡܘܗܝ ܡܢ ܓܪܒܝܝܗܿ ܕܕܪܬܐ܂ ܡܫܚ ܐܘܪܟܗ ܘܦܬܝܗ܂
40:21 [ai]ܘܡܫܘܚܬܗ ܬܠܬܐ ܡܟܐ ܘܬܠܬܐ ܡܟܐ܂ ܐܝܟ ܡܫܘܚܬܗ ܕܬܪܥܐ ܩܕܡܝܐ܂ ܚܡܫܝܢ ܐܡ̈ܝܢ ܐܘܪܟܗ܂ ܘܦܬܝܗ ܥܣܪ̈ܝܢ ܘܚܡܫ܂
40:22 [ai]ܘܟܘ̈ܘܗܝ ܘܦܪ̈ܘܣܬܕܘܗܝ܂ ܐܝܟ ܡܫܘܚܬܐ ܕܬܪܥܐ ܕܚܐܿܪ ܠܡܕܢܚܐ܂ ܘܒܫܒܥܐ ܕܪ̈ܓܝܢ ܣܠܩܿܝܢ ܠܗ܂ ܘܐܣܟܘܦܬܐ ܐܝܬ ܩܕܡܝܗܘܢ܂
40:23 [ai]ܘܬܪ̈ܥܐ ܕܕܪܬܐ ܓܘܝܬܐ ܕܠܘܩܒܠ ܬܪܥܐ ܕܓܪܒܝ ܡܕܢܚ܂ ܡܫܚ ܡܢ ܬܪܥܐ ܠܬܪܥܐ ܡܐܐ ܐ̈ܡܝܢ܂
40:24 [ai]ܘܐܘܒܠܢܝ ܠܐܘܪܚܐ/ܠܪܘܚܐ#3#/ ܕܬܝܡܢܐ܂ ܘܚܙܿܝܬܗ ܠܬܪܥܐ ܕܬܝܡܢܐ ‍<‍ܕܐܚܝܕ#3#‍>‍܂ ܘܡܫܚ ܦܪ̈ܘܣܬܕܘܗܝ ܘܩܝܡ̈ܬܗ ܐܝܟ ܗܠܝܢ ܡܘܫ̈ܚܬܐ܂
40:25 [ai]ܘܟܘ̈ܐ ܐܝܬ ܠܗ ܘܠܦܪ̈ܘܣܬܕܘܗܝ ܟܕ ܚܕܪ̈ܝܢ܂ ܐܝܟ ܗܠܝܢ ܟ̈ܘܐ܂ ܘܚܡܫܝܢ ܐ̈ܡܝܢ ܐܘܪܟܗ܂ ܘܥܣܪ̈ܝܢ ܘܚܡܫ ܦܬܝܗ܂
40:26 [ai]ܘܒܫܒܥܐ ܕܪ̈ܓܝܢ ܣܠܩܿܝܢ ܠܗ܂ ܘܐܣܟܘܦܬܐ ܐܝܬ ܩܕܡܘܗܝ܂ ܘܕܩ̈ܠܐ ܐܝܬ ܠܗ ܚܕ ܡܟܐ ܘܚܕ ܡܟܐ܂ ܥܠ ܦܪ̈ܘܣܬܕܘܗܝ܂
40:27 [ai]ܘܬܪ̈ܥܐ ܕܕܪܬܐ ܓܘܝܬܐ ܕܒܐܘܪܚܐ/ܘܒܪܘܚܐ#3#/ ܕܬܝܡܢܐ܂ ܡܫܚ ܡܢ ܬܪܥܐ ܠܬܪܥܐ ܡܐܐ ܐ̈ܡܝܢ܂
40:28 [ai]ܘܐܥܠܢܝ ܠܕܪܬܐ ܓܘܝܬܐ ܒܬܪܥܐ ܕܬܝܡܢܐ/ܬܝܡܢܝܐ#3#/܂ ܘܡܫܚܗ ܠܬܪܥܐ ܬܝܡܢܝܐ/ܕܬܝܡܢܝܐ#3#/ ܐܝܟ ܗܠܝܢ ܡܘܫܚ̈ܬܐ܂
40:29 [ai]ܘܓܘܗ ܘܦܪ̈ܘܣܬܕܘܗܝ ܘܐ̈ܣܟܦܬܗ܂ ܐܝܟ ܗܠܝܢ ܐ̈ܢܝܢ ܡܘܫ̈ܚܬܐ܂ ܘܟ̈ܘܐ ܐܝܬ ܠܗ ܘܠܦܪ̈ܘܣܬܕܘܗܝ ܟܕ ܚܕܪ܂ ܚܡܫܝܢ ܐ̈ܡܝܢ ܐܘܪܟܗ܂ ܘܥܣܪ̈ܝܢ ܘܚܡܫ ܦܬܝܗ܂
40:30 [ai]ܘܬܝ̈ܟܘܗܝ ܚܕܪ̈ܝܢ ܠܗ܂ ܐܘܪܟܗܘܢ ܥܣܪ̈ܝܢ ܘܚܡܫ ܐ̈ܡܝܢ܂ ܘܦܬܝܗܘܢ ܚܡܫ ܐ̈ܡܝܢ܂
40:31 [ai]ܘܦܪ̈ܘܣܬܕܐ ܕܕܪܬܐ ܒܪܝܬܐ ܕܩ̈ܠܐ ܐܝܬ ܒܗܘܢ܂ ܘܕܪ̈ܓܝܗܘܢ ܬܡܢܝܐ܂
40:32 [ai]ܘܐܥܠܢܝ ܠܕܪܬܐ ܓܘܝܬܐ ܒܐܘܪܚܐ ܕܡܕܢܚܐ ܘܡܫܚܗ ܠܬܪܥܐ ܐܝܟ ܗܠܝܢ ܡܘܫ̈ܚܬܐ܂
40:33 [ai]ܘܓܘܗ ܘܦܪ̈ܘܣܬܕܘܗܝ ܘܐܣ̈ܟܦܬܗ܂ ܘܟ̈ܘܐ ܐܝܬ ‍<‍ܗ̈ܘܝ#3#‍>‍ ܠܗ ܘܠܦܪ̈ܘܣܬܕܘܗܝ ܟܕ ܚܕܪ܂ ܐܘܪܟܐ ܚܡܫܝܢ ܐܡ̈ܝܢ܂ ܘܦܬܝܐ ܥܣܪ̈ܝܢ ܘܚܡܫ܂
40:34 [ai]ܘܐܣܟܘܦܬܐ ܕܕܪܬܐ ܒܪܝܬܐ܂ ܘܕܩ̈ܠܐ ܐܝܬ ܒܦܪ̈ܘܣܬܕܐ ܡܟܐ ܘܡܟܐ܂ ܘܬܡܢܝܐ ܠܗ ܕܪ̈ܓܝܢ܂
40:35 [ai]ܘܐܥܠܢܝ ܠܬܪܥܐ ܕܓܪܒܝܐ/ܓܪܒܝܝܐ#3#/܂ ܘܡܫܚ ܐܝܟ ܗܠܝܢ ܡܘܫ̈ܚܬܐ܂
40:36 [ai]ܘܓܘܗ ܘܦܪ̈ܘܣܬܕܘܗܝ ܘܐ̈ܣܟܦܬܗ܂ ܘܟܘ̈ܐ ܚܕܪ̈ܢ ܠܗ܂ ܐܘܪܟܗ ܚܡܫܝܢ ܐܡܝܢ܂ ܘܦܬܝܗ ܥܣܪ̈ܝܢ ܘܚܡܫ ‍<‍ܐܡ̈ܝܢ#3#‍>‍܂
40:37 [ai]ܘܦܪ̈ܘܣܬܕܐ ܕܕܪܬܐ ܒܪܝܬܐ܂ ܘܕܩ̈ܠܐ ܐܝܬ ܒܦܪ̈ܘܣܬܕܐ ܡܟܐ ܘܡܟܐ܂ ܘܬܡܢܝܐ ܠܗ ܕܪ̈ܓܝܢ܂
40:38 [ai]ܘܐܟܣܕܪܐ ܬܪܥܗ ܒܦܪܘܣܬܕܐ ܕܬܪܥܐ܂ ܘܬܡܢ ܣܝܿܡܝܢ ܝܩ̈ܕܐ ܫ̈ܠܡܐ܂
40:39 [ai]ܘܒܦܪ̈ܘܣܬܕܐ ܕܬܪܥܐ܂ ܬܪ̈ܝܢ ܦܬܘܪ̈ܝܢ ܡܟܐ ܘܬܪ̈ܝܢ ܦܬܘܪ̈ܝܢ ܡܟܐ܂ ܠܡܟܣ ܥܠܝܗܘܢ ܝܩ̈ܕܐ ܫ̈ܠܡܐ܂ ܘܩܘܪ̈ܒܢܐ ܘܬܕܟܝܬܐ/ܕܬܕܟܝܬܐ#3#/ ܕܚ̈ܛܗܐ܂
40:40 [ai]ܘܒܣܛܪܐ ܕܬܪܥܐ ܓܪܒܝܝܐ ܕܠܒܪ/ܠܒܪ#3#/ ܡܢ ܝܩ̈ܕܐ ܫ̈ܠܡܐ ܬܪ̈ܝܢ ܦܬܘܪ̈ܝܢ܂ ܘܒܣܛܪܐ ܐܚܪܢܐ ܕܦܪܘܣܬܕܐ/ܒܦܪܘܣܬܕܐ#3#/ ܬܪ̈ܝܢ ܦܬܘܪ̈ܝܢ܂
40:41 [ai]ܐܪ̈ܒܥܐ ܦܬܘܪ̈ܝܢ ܡܟܐ ܘܐܪ̈ܒܥܐ ܦܬܘܪ̈ܝܢ ܡܟܐ ܒܦܪ̈ܘܣܬܕܘܗܝ ܕܬܪܥܐ܂ ܘܬܡܢܝܐ ܐܢܘܢ ܦܬܘܪ̈ܝܢ ܕܢܟܣܝܢ ܥܠܝܗܘܢ܂
40:42 [ai]ܘܐܪ̈ܒܥܐ ܦܬܘܪ̈ܝܢ ܕܟܐܦܐ ܕܦܣܝܠܬܐ ܠܝܩ̈ܕܐ ܫ̈ܠܡܐ܂ ܐܘܪܟܗ ܐܡܐ ܘܦܠܓ ܘܦܬܝܗ ܐܡܐ ܘܦܠܓ܂ ܘܥܠܝܗܘܢ ܣܝܿܡܝܢ ܡܐ̈ܢܐ ܕܢܟܣܿܝܢ ܗܘܘ ܒܗܘܢ ܝܩ̈ܕܐ ܫ̈ܠܡܐ ܘܕܒܚܬܐ܂
40:43 [ai]ܘܣ̈ܦܘܬܗܘܢ/ܘܣܦܬܗܘܢ ܕܚܕ ܡܢܗܘܢ#3#/ ܦܫܟ ܦܫܟ ܟܕ ܚܕܪܝܢ܂ ܘܥܠ ܦܬܘܪ̈ܐ ܣܝܿܡܝܢ ܗܘܘ ܒܣܪܐ ܕܩܘܪ̈ܒܢܐ܂
40:44 [ai]ܘܠܒܪ ܡܢ ܬܪܥܐ ܓܘܝܐ ܚ̈ܢܘܬܐ ܕܪ̈ܘܪܒܢܐ܂ ܒܕܪܬܐ ܓܘܝܬܐ ܕܒܣܛܪܐ ܕܬܪܥܐ ܓܪܒܝܝܐ܂ ܘܐ̈ܦܝܗܘܢ ܠܬܝܡܢܐ܂ ܚܕ ܡܢ ܣܛܪܐ ܕܬܪܥܐ ܡܕܢܚܝܐ ܕܠܘܩܒܠ/ܠܘܩܒܠ#3#/ ܪܘܚܐ ܕܓܪܒܝܐ܂
40:45 [ai]ܘܐܡܪ ܠܝ܂ ܗܕܐ ܐܟܣܕܪܐ ܕܚܝܪܐ ܠܬܝܡܢܐ ܠܟܗ̈ܢܐ ܕܢܛܿܪܝܢ ܡܛܪܬܐ ܕܒܝܬܐ܂
40:46 [ai]ܘܐܟܣܕܪܐ ܕܚܝܪܐ ܠܓܪܒܝܐ܂ ܠܟܗ̈ܢܐ ܒܢ̈ܝ ܨܕܘܩ ܕܢܛܿܪܝܢ ܡܛܪܬܐ ܕܡܕܒܚܐ܂ ܕܡܬܩܪܒܝܢ ܡܢ ܒܢ̈ܝ ܠܘܝ ܠܡܫܡܫܘ ܬܫܡܫܬܗ ܕܡܪܝܐ܂
40:47 [ai]ܘܡܫܚ ܠܕܪܬܐ ܐܘܪܟܗܿ ܡܐܐ ܐܡ̈ܝܢ܂ ܘܦܬܝܗܿ ܡܐܐ ܐܡ̈ܝܢ ܡܪܒܥܐܝܬ܂ ܘܡܕܒܚܐ ܐܝܬ ܗܘܐ ܩܕܡ ܒܝܬܐ܂
40:48 [ai]ܘܐܝܬܝܢܝ ܠܐܣܟܘܦܬܗ ܕܒܝܬܐ܂ ܘܡܫܚ ܠܐܣܟܘܦܬܐ܂ ܚܡܫ ܐ̈ܡܝܢ ܡܟܐ ܘܚܡܫ ܐܡ̈ܝܢ ܡܟܐ܂ ܘܦܬܝܗ ܕܬܪܥܐ܂ ܬܠܬ ܐܡ̈ܝܢ ܡܟܐ ܘܬܠܬ ܐ̈ܡܝܢ ܡܟܐ܂
40:49 [ai]ܘܐܘܪܟܗܿ ܕܐܣܟܘܦܬܐ ܥܣܪ̈ܝܢ ܐ̈ܡܝܢ܂ ܘܦܬܝܗܿ ܚܕܥܣܪ̈ܐ ܐ̈ܡܝܢ܂ ܘܒܕܪ̈ܓܐ ܣܠܿܩܝܢ ܠܗܿ܂ ܘܥܡ̈ܘܕܐ ܩܝܿܡܝܢ ܥܠ ܦܪ̈ܘܣܬܕܐ ܚܕ ܡܟܐ ܘܚܕ ܡܟܐ܂

next chapter