← Back
The Comprehensive Aramaic Lexicon
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


42:01 [ai]ܘܐܦܩܢܝ ܠܕܪܬܐ ܒܪܝܬܐ ܠܐܘܪܚܐ ܕܓܪܒܝܐ܂ ܘܐܥܠܢܝ ܠܐܟܣܕܪܐ ܕܠܘܩܒܠ ܓܙܝܪܬܐ܂ ܘܠܘܩܒܠ ܒܢܝܢܐ ܓܪܒܝܝܐ܂
42:02 [ai]ܠܘܩܒܠ ܐܘܪܟܐ ܕܐ̈ܡܐ ܕܬܪܥܐ ܓܪܒܝܝܐ܂ ܘܦܬܝܐ ܚܡܫܝܢ ܐ̈ܡܝܢ܂
42:03 [ai]ܠܘܩܒܠ ܬܪܥܐ ܕܕܪܬܐ ܓܘܝܬܐ܂ ܘܠܘܩܒܠ ܕܪ̈ܓܐ ܕܕܪܬܐ ܒܪܝܬܐ܂ ܕܒܢܝܢ ܚܕ ܥܠ ܚܕ ܥܠ ܬܠܬܐ ܕܪ̈ܝܢ܂
42:04 [ai]ܘܩܕܡ ܐܟܣܕܪ̈ܐ ܒܝܬ ܗܠܟܬܐ܂ ܥܣܪ̈ ܐ̈ܡܝܢ ܦܬܝܐ܂ ܘܐܘܪܟܐ ܡܐܐ ܐ̈ܡܝܢ܂ ܘܬܪܥܐ ܕܒܝܬ ܗܠܟܬܐ ܠܓܪܒܝܐ܂
42:05 [ai]ܘܐܟܣܕܪ̈ܐ ܥ̈ܠܝܬܐ ܙܥܘܪ̈ܝܢ ܗ̈ܘܝ܂ ܡܛܠ ܕܥܐܿܠܝܢ ܗܘܘ ܒܗܝܢ ܕܪ̈ܓܐ܂
42:06 [ai]ܡܬ̈ܠܬܢ ܗ̈ܘܝ ܓܝܪ܂ ܘܠܝܬ ܗܘܘ ܠܗܝܢ ܥܡ̈ܘܕܐ ܐܝܟ ܥܡ̈ܘܕܐ ܕܕܪܬܐ܂
42:07 [ai]ܡܛܠ ܗܢܐ ܙܥܘܪ̈ܝܢ ܗ̈ܘܝ ܡܢ ܬܚ̈ܬܝܬܐ ܘܡܢ ܡܨܥܝ̈ܬܐ܂ ܘܒܐܣܬܐ ܕܠܒܪ ܕܠܘܩܒܠ ܐܟܣܕܪ̈ܐ ܐܘܪܟܐ ܚܡܫܝܢ ܐ̈ܡܝܢ܂
42:08 [ai]ܡܛܠ ܕܐܘܪܟܐ ܕܐܟܣܕܪ̈ܐ ܕܕܪܬܐ ܒܪܝܬܐ ܚܡܫܝܢ ܐ̈ܡܝܢ܂ ܘܠܘܩܒܠ ܗܝܟܠܐ ܡܐܐ ܐܡ̈ܝܢ܂
42:09 [ai]ܘܬܪܥܐ ܕܐܟܣܕܪܐ ܕܡܥܠܢܐ ܡܕܢܚܝܐ ܕܥܐܿܠ ܠܕܪܬܐ ܒܪܝܬܐ܂
42:10 [ai]ܒܦܬܝܗܿ ܕܐܣܬܐ ܕܕܪܬܐ܂ ܡܥܠܢܐ/ܒܡܥܠܢܐ#1##2#/ ܡܕܢܚܝܐ ܩܕܡ ܓܙܝܪܬܐ܂ ܘܩܕܡ ܒܢܝܢܐ ܕܐܟܣܕܪ̈ܐ܂
42:11 [ai]ܘܐܘܪܚܐ ܩܕܡܝܗܝܢ܂ ܘܚܙܘܐ ܕܐܟܣܕܪ̈ܐ ܕܒܐܘܪܚܐ ܕܓܪܒܝܐ܂ ܐܘܪܟܗܝܢ ܐܝܟ ܦܬܝܗܝܢ܂ ܘܟܠܗܘܢ ܡܦܩܢ̈ܝܗܝܢ ܘܡܥ̈ܠܢܝܗܝܢ ܘܚܙܘܗܝܢ ܘܬܪ̈ܥܝܗܝܢ܂
42:12 [ai]ܐܝܟ ܬܪ̈ܥܐ ܕܐܟܣܕܪ̈ܐ ܕܒܐܘܪܚܐ ܕܬܝܡܢܐ܂ ܬܪܥܐ ܒܪܝܫ ܐܘܪܚܐ܂ ܐܘܪܚܐ ܒܐ̈ܦܝ ܐܣܬܐ܂ ܕܒܐܘܪܚܐ ܕܢܚܠܐ ܡܕܢܚܝܐ ܐܝܟ ܕܐܬܐ܂
42:13 [ai]ܘܐܡܪ ܠܝ܂ ܐܟܣܕܪ̈ܐ ܕܓܪܒܝܐ ܘܐܟܣܕܪ̈ܐ ܕܬܝܡܢܐ ܕܩܕܡ ܓܙܝܪܬܐ܂ ܗܠܝܢ ܐ̈ܢܝܢ ܐܟܣܕܪ̈ܐ܂ ܐܬܪ/ܕܐܬܪ#3#/ ܕܐܟܠܝܢ ܟܗ̈ܢܐ ܕܡܩܪ̈ܒܝܢ ܠܡܪܝܐ ܩܕܘܫ ܩ̈ܘܕܫܐ܂ ܬܡܢ ܣܝܿܡܝܢ ܩܕܘܫ ܩ̈ܘܕܫܐ܂ ܘܣܡܝܕܐ ܘܬܕܟܝܬܐ ܕܚ̈ܛܗܐ܂ ܡܛܠ ܕܐܬܪܐ ܗܘ ܩܕܝܫܐ܂
42:14 [ai]ܘܡܐ ܕܥܐܿܠܝܢ ܟܗ̈ܢܐ܂ ܠܐ ܢܦܩܿܝܢ ܡܢ ܩܘܕܫܐ ܠܕܪܬܐ ܒܪܝܬܐ܂ ܐܠܐ ܬܡܢ ܣܝܿܡܝܢ ܡܐ̈ܢܝܗܘܢ ܗܿܢܘܢ ܕܡܫܡܫܝܢ ܒܗܘܢ܂ ܡܛܘܠ ܕܩܘܕܫܐ ܐܢܘܢ܂ ܘܠܒܿܫܝܢ ܡܐ̈ܢܐ ܐ̈ܚܪܢܐ܂ ܘܡܩܪܒܝܢ ܩܘܪ̈ܒܢܐ ܚܠܦ ܥܡܐ܂
42:15 [ai]ܘܫܠܡ ܡ̈ܘܫܚܬܗ ܕܒܝܬܐ ܓܘܝܐ܂ ܘܐܦܩܢܝ ܠܐܘܪܚܐ ܕܬܪܥܐ ܕܚܐܪ ܠܡܕܢܚܐ܂ ܘܡܫܚܗ ܟܕ ܚܕܪ܂
42:16 [ai]ܘܡܫܚ ܠܪܘܚܐ ܕܡܕܢܚܐ܂ ܒܩܢܝܐ ܕܡܫܘܚܬܐ ܚܡܫܡܐܐ ܩ̈ܢܝܢ܂
42:17 [ai]ܘܡܫܚ ܠܪܘܚܐ ܕܓܪܒܝܐ܂ ܒܩܢܝܐ ܕܡܫܘܚܬܐ ܚܡܫܡܐܐ ܩ̈ܢܝܢ ܟܕ ܚܕܪ܂
42:18 [ai]ܘܡܫܚ ܠܪܘܚܐ ܕܬܝܡܢܐ܂ ܚܡܫܡܐܐ ܩ̈ܢܝܢ ܒܩܢܝܐ ܕܡܫܘܚܬܐ܂
42:19 [ai]ܘܡܫܚ ܠܪܘܚܐ ܕܡܥܪܒܐ܂ ܚܡܫܡܐܐ ܩ̈ܢܝܢ ܒܩܢܝܐ ܕܡܫܘܚܬܐ܂
42:20 [ai]ܠܐܪ̈ܒܥ ܪ̈ܘܚܘܗܝ ܡܫܚܗ܂ ܘܫܘܪܐ ܟܕ ܚܕܪ܂ ܐܘܪܟܗ ܚܡܫܡܐܐ ܘܦܬܝܗ ܚܡܫܡܐܐ܂ ܕܢܦܪܘܫ ܒܝܬ/ܡܢ#3#/ ܩܘܕܫܐ ܠܚܘܠܐ܂

next chapter