← Back
The Comprehensive Aramaic Lexicon
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


43:01 [ai]ܘܐܘܒܠܢܝ ܠܬܪܥܐ ܕܚܐܿܪ ܠܡܕܢܚܐ܂
43:02 [ai]ܘܗܐ ܫܘܒܚܗ ܕܐܠܗܐ ܕܐܝܣܪܝܠ ܐܬܐ ܡܢ ܐܘܪܚܐ ܕܡܕܢܚܐ܂ ܘܩܠܗ ܐܝܟ ܩܠܐ ܕܡ̈ܝܐ ܣ̈ܓܝܐܐ܂ ܘܐܪܥܐ ܢܗܪܬ ܡܢ ܫܘܒܚܗ܂
43:03 [ai]ܐܝܟ ܚܙܘܐ ܕܚܙܿܝܬ ܟܕ ܐܬܿܝܬ ܠܡܚܒܠܘ ܠܡܕܝܢܬܐ܂ ܘܐܝܟ ܚܙܘܐ ܕܚܙܿܝܬ ܥܠ ܢܗܪ܆ܟܒܪ܂ ܘܢܦܠܿܬ ܥܠ ܐ̈ܦܝ܂
43:04 [ai]ܘܫܘܒܚܗ ܕܡܪܝܐ ܥܠ ܠܒܝܬܐ܂ ܒܐܘܪܚܐ ܕܬܪܥܐ ܕܚܐܿܪ ܠܡܕܢܚܐ܂
43:05 [ai]ܘܫܩܠܬܢܝ ܪܘܚܐ ܘܐܥܠܬܢܝ ܠܕܪܬܐ ܓܘܝܬܐ ܘܚܙܿܝܬ ܕܐܬܡܠܝ ܒܝܬܗ ܕܡܪܝܐ ܫܘܒܚܗ܂
43:06 [ai]ܘܫܡܥܿܬ ܡܕܡ ܕܐܡܪ ܠܝ ܡܢ ܓܘ ܒܝܬܐ܂ ܘܓܒܪܐ ܩܐܿܡ ܗܘܐ ܠܘܬܝ܂
43:07 [ai]ܘܐܡܪ ܠܝ܂ ܒܪ ܐܢܫܐ܂ ܐܬܪܐ ܕܟܘܪܣܝ ܘܐܬܪܐ ܕܦܪ̈ܣܬܐ ܕܪ̈ܓܠܝ܂ ܕܫܿܪܐ ܐܢܐ ܒܝܢܬ/ܒܝܬ#3#/ ܒܢ̈ܝ ܐܝܣܪܝܠ ܠܥܠܡ܂ ܘܬܘܒ ܠܐ ܢܬܛܢܦܘܢ ܕܒܝܬ ܐܝܣܪܝܠ܂ ܘܬܘܒ ܠܐ ܢܛܢܦܘܢ ܫܡܐ ܕܩܘܕܫܝ܂ ܗܢܘܢ ܘܡ̈ܠܟܝܗܘܢ ܒܙܢܝܘܬܗܘܢ܂ ܘܒܫ̈ܠܕܐ ܕܡ̈ܠܟܝܗܘܢ ܘܒܦܬܟܪ̈ܝܗܘܢ܂
43:08 [ai]ܕܥܒܿܕܝܢ ܗܘܘ ܬܪ̈ܥܝܗܘܢ ܥܠ ܓܢܒ ܬܪ̈ܥܝ܂ ܘܣ̈ܦܝܗܘܢ ܥܠ ܓܢܒ ܣ̈ܦܝ܂ ܘܐܣܬܐ ܗܘܬ ܒܝܢܝ ܘܠܗܘܢ܂ ܘܛܢܦܘ ܫܡܐ ܕܩܘܕܫܝ ܒܥܘܼܠܐ ܕܥܒܕܘ܂ ܘܐܣܝܿܦܬ ܐܢܘܢ ܒܪܘܓܙܝ܂
43:09 [ai]ܡܟܝܠ ܢܪܚܩܘܢ ܙܢܝܘܬܗܘܢ ܘܫ̈ܠܕܐ ܕܡ̈ܠܟܝܗܘܢ ܡܢ ܩܕܡܝ܂ ܘܐܫܪܐ ܒܝܢܬܗܘܢ ܠܥܠܡ܂ ܀ ܀
43:10 [ai]ܘܐܢܬ ܕܝܢ ܒܪܢܫܐ܂ ܚܘܝܗܝ ܠܒܝܬܐ ܗܢܐ ܠܒܝܬ/ܠܕܒܝܬ#3#/ ܐܝܣܪܝܠ܂ ܘܢܬܬܟܣܘܢ ܡܢ ܥܘܼܠܗܘܢ ܕܐܥܠܝܘ ܒܝ܂ ܘܢܡܫܚܘܢܗܿ ܠܕܡܘܬܗ܂
43:11 [ai]ܘܐܢ ܐܬܬܟܣܘ ܡܢ ܡܕܡ ܕܥܒܕܘ܂ ܨܘܪ̈ܬܗ ܕܒܝܬܐ ܘܛܘܝܒܗ ܘܡܥ̈ܠܢܘܗܝ ܘܡܦܩܢ̈ܘܗܝ܂ ܘܟܘܠܗܿ ܨܘܪܬܗ ܘܟܠܗܘܢ ܢܡܘ̈ܣܘܗܝ܂ ܘܟܠܗܝܢ ܨܘܪ̈ܬܗ ܚܘܐ ܐܢܘܢ܂ ܘܪܫܘܡ ܠܥܢܝ̈ܗܘܢ܂ ܕܢܛܪܘܢ ܟܠܗܝܢ ܨܘܪ̈ܬܗ ܘܟܘܠܗ ܪܘܫܡܗ ܘܢܥܒܕܘܢ ܐܢܘܢ܂
43:12 [ai]ܗܢܘ ܚܙܘܐ ܕܒܝܬܐ ܥܠ/ܕܥܠ#3#/ ܪܝܫ ܛܘܪܐ ܘܟܠܗܘܢ ܬܚ̈ܘܡܘܗܝ ܟܕ ܚܕܪ̈ܝܢ܂ ܩܕܘܫ ܩ̈ܘܕܫܐ ܐܢܘܢ܂
43:13 [ai]ܗܠܝܢ ܡܘܫ̈ܚܬܗ ܕܡܕܒܚܐ ܒܐܡܬܐ ܕܐܡܐ ܘܦܫܟ܂ ܥܘܒܗܿ ܕܐܡܬܐ ܐܡܐ܂ ܘܬܝܟܐ ܐܝܬ ܠܣܦܬܗ ܙܪܬ ܟܕ ܚܕܪ܂ ܘܗܟܢܐ ܒܓܒܗ܂
43:14 [ai]ܘܡܢ ܐܪܥܐ ܘܥܕܡܐ ܠܬܝܟܐ ܬܚܬܝܐ ܬܪ̈ܬܝܢ ܐܡ̈ܝܢ܂ ܘܦܬܝܗ ܐܡܬܐ ܚܕܐ܂ ܘܡܢ ܬܝܟܐ ܬܚܬܝܐ ܘܥܕܡܐ ܠܥܠܝܐ ܐܪ̈ܒܥ ܐ̈ܡܝܢ܂ ܘܦܬܝܐ ܐܡܐ܂
43:15 [ai]ܘܗܕܐܝܠ ܐܪ̈ܒܥ ܐ̈ܡܝܢ܂ ܘܡܢ ܗܕܐܝܠ ܘܠܥܠ ܩܪ̈ܢܬܐ ܐܪ̈ܒܥ܂
43:16 [ai]ܘܐܘܪܟܗ ܕܗܕܐܝܠ ܬܪ̈ܬܥܣܪܐ ܐܡܝܢ ܘܦܬܝܗ ܬܪ̈ܬܥܣܪܐ ‍<‍ܐ̈ܡܝܢ#3#‍>‍܂ ܡܪܒܥ ܠܐܪܒܥܐ ܣܛܪ̈ܘܗܝ܂
43:17 [ai]ܘܬܝܟܗ ܐܪ̈ܒܥܣܪܐ ܐܡ̈ܝܢ ܐܘܪܟܗ ܘܐܪ̈ܒܥܣܪܐ ܦܬܝܗ ܥܠ ܐܪܒܥܐ ܣܛܪ̈ܘܗܝ܂ ܘܬܝܟܗ ܘܬܚܘܡܐ ܕܚܕܪ ܠܗ ܦܠܓܘܬ ܐܡܐ܂ ܘܥܘܒܐ ܐܝܬ ܠܗ ܟܕ ܚܕܪ܂ ܘܕܪ̈ܓܘܗܝ ܚܝܿܪܝܢ ܠܡܕܢܚܐ܂
43:18 [ai]ܘܐܡܪ ܠܝ܂ ܒܪ ܐܢܫܐ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܗܠܝܢ ܢܡ̈ܘܣܘܗܝ ܕܡܕܒܚܐ ܒܝܘܡܐ ܕܡܬܥܒܕ܂ ܢܩܪܒܘܢ/ܬܩܪܒܘܢ#3#/ ܥܠܘܗܝ ܥܠܬܐ܂ ܘܢܐܫܕܘܢ/ܘܠܐ ܬܫܕܘܢ#3#/ ܥܠܘܗܝ ܕܡܐ܂
43:19 [ai]ܘܐܬܠ ܠܟܗ̈ܢܐ ܘ̈ܠܠܘܝܐ ܕܡܢ ܙܪܥܗ ܕܨܕܘܩ܂ ܕܡܬܩܪܒܝܢ ܠܘܬܝ ܐܡܿܪ ܡܪܐ ܡܪ̈ܘܬܐ ܠܡܫܡܫܘܬܢܝ܂ ܬܘܪܐ ܒܪ ܒܩܪܐ ‍<‍ܕܠܝܬ ܒܗ ܡܘܡܐ#3#‍>‍ ܠܬܕܟܝܬܐ ܕܚ̈ܛܗܐ܂
43:20 [ai]ܘܬܣܒ ܡܢ ܕܡܗ܂ ܘܬܪܘܣ ܒܐܪ̈ܒܥ/ܥܠ ܐܪ̈ܒܥ#3#/ ܩܪ̈ܢܬܗ ܕܡܕܒܚܐ܂ ܘܒܐܪ̈ܒܥ ܙܘ̈ܝܬܐ ܕܬܝܟܗ ܘܒܬܚܘܡܐ ܕܚܕܪ ܠܗ܂ ܘܬܪܘܣ ܥܠܘܗܝ ܘܢܬܕܟܐ܂
43:21 [ai]ܘܬܣܒ ܬܘܪܐ ܕܬܕܟܝܬܐ܂ ܘܢܣܩܘܢܗ ܥܠ ܓܢܒܗ ܕܒܝܬܐ ܠܒܪ ܡܢ ܡܩܕܫܐ܂
43:22 [ai]ܘܒܝܘܡܐ ܕܬܪ̈ܝܢ܂ ܩܪܒ ܠܬܕܟܝܬܐ ܨܦܪܝܐ ‍<‍ܚܕ#3#‍>‍ ܕܥ̈ܙܐ܂ ܕܠܝܬ ܒܗ ܡܘܡܐ܂ ܘܢܕܟܘܢ ܠܡܕܒܚܐ ܐܝܟ ܕܕܟܝܘܗܝ ܒܬܘܪܐ܂
43:23 [ai]ܘܡܐ ܕܫܡܠܝܬ ܠܡܕܟܝܘ܂ ܩܪܒ ܬܘܪܐ ܒܪ ܒܩܪܐ ܕܠܝܬ ܒܗ ܡܘܡܐ܂ ܘܕܟܪܐ ܡܢ ܥܢܐ ܕܠܝܬ ܒܗ ܡܘܡܐ܂
43:24 [ai]ܘܩܪܒ ܐܢܘܢ ܩܕܡ ܡܪܝܐ܂ ܘܢܪܡܘܢ ܥܠܝܗܘܢ ܟܗ̈ܢܐ ܡܠܚܐ܂ ܘܢܩܪܒܘܢ ܐܢܘܢ ܝܩ̈ܕܐ ܫ̈ܠܡܐ ܠܡܪܝܐ܂
43:25 [ai]ܬܩܪܒܘܢ ܫܒܥܐ ܝܘ̈ܡܝܢ܂ ܨܦܪܝܐ ܚܕ ܒܝܘܡܐ ܠܬܕܟܝܬܐ܂ ܘܬܘܪܐ ܚܕ ܒܪ ܒܩܪܐ܂ ܘܕܟܪܐ ܡܢ ܥܢܐ ܕܠܝܬ ܒܗ ܡܘܡܐ܂ ܢܗܘܘܢ ܡܩܪܒܝܢ ܫܒܥܐ ܝܘܡ̈ܝܢ܂
43:26 [ai]ܘܢܕܟܘܢܗ ܠܡܕܒܚܐ ܘܢܫܡܠܘܢ ܐ̈ܝܕܝܗܘܢ܂
43:27 [ai]ܘܡܐ ܕܫܠܡܘ/ܕܓܡܪܘ#3#/ ܝܘܡ̈ܬܐ ܡܢ ܝܘܡܐ ܕܫܒܥܐ ܘܠܗܠ܂ ܗܝܕܝܢ ܢܩܪܒܘܢ ܟܗ̈ܢܐ ܥܠ ܡܕܒܚܐ ܝܩ̈ܕܝܗܘܢ ܫ̈ܠܡܐ ܘܩܘܪ̈ܒܢܝܗܘܢ ܘܐܨܛܒܐ ܒܗܘܢ ܐܡܿܪ ܡܪܐ ܡܪ̈ܘܬܐ܂

next chapter