← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62014: P Ez

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


44:01 [ai]ܘܐܗܦܟܢܝ ܠܐܘܪܚܐ ܕܬܪܥܐ ܒܪܝܐ ܕܡܩܕܫܐ ܕܚܐܿܪ ܠܡܕܢܚܐ܂ ܘܚܙܿܝܬܗ ܕܐܚܝܕ܂
44:02 [ai]ܘܐܡܪ ܠܝ ܡܪܝܐ܂ ܬܪܥܐ ܗܢܐ ܢܗܘܐ ܐܚܝܕ ܘܠܐ ܢܬܦܬܚ܂ ܘܐܢܫ ܠܐ ܢܥܘܠ ܒܗ܂ ܡܛܠ ܕܡܪܝܐ ܐܠܗܐ ܕܐܝܣܪܝܠ ܥܐܿܠ ܒܗ ܢܗܘܐ ܐܚܝܕ܂
44:03 [ai]ܡܕܒܪܢܐ ܢܬܒ ܒܗ܂ ܘܢܐܟܘܠ ܠܚܡܐ ܩܕܡ ܡܪܝܐ܂ ܡܢ ܐܘܪܚܐ ܕܬܪܥܐ ܕܐܣܟܘܦܬܐ ܢܥܘܠ܂ ܘܡܢܗܿ ܢܦܘܩ܂
44:04 [ai]ܘܐܥܠܢܝ ܠܐܘܪܚܐ ܕܬܪܥܐ ܓܪܒܝܝܐ ܕܩܕܡ ܒܝܬܐ ܘܚܙܿܝܬ ܕܐܬܡܠܝ ܒܝܬܐ ܫܘܒܚܗ ܕܡܪܝܐ܂ ܘܢܦܠܿܬ ܥܠ ܐ̈ܦܝ܂
44:05 [ai]ܘܐܡܪ ܠܝ ܡܪܝܐ܂ ܒܪܢܫܐ܂ ܣܝܡ ܒܠܒܟ ܘܚܙܝ ܒܥܝܢ̈ܝܟ܂ ܘܫܡܥ ܒܐ̈ܕܢܝܟ ܟܘܠ ܡܕܡ ܕܡܡܠܠ ܐܢܐ ܥܡܟ܂ ܘܟܠܗܘܢ ܢܡܘܣ̈ܘܗܝ ܕܒܝܬܐ ܘܟܠܗܝܢ ܨܘܪ̈ܬܗ܂ ܘܣܝܡ ܠܒܠܟ ܡ̈ܥܠܢܘܗܝ ܕܒܝܬܐ ܘܡܦܩ̈ܢܘܗܝ ܕܡܩܕܫܐ܂
44:06 [ai]ܘܐܡܪ ܠܒܝܬܐ ܕܐܝܣܪܝܠ ܡܡܪܡܪܢܐ܂ ܗܟܢܐ ܐܡܿܪ ܡܪܐ ܡܪ̈ܘܬܐ܂ ܠܐ ܟܕܘ ܠܟܘܢ ܟܠܗܿ ܛܢܦܘܬܟܘܢ ܕܒܝܬ ܐܝܣܪܝܠ܂
44:07 [ai]ܐܠܐ ܐܦ ܡܝܬܝܢ ܐܢܬܘܢ ܡܢ ܒܢ̈ܝ ܢܘܟܪ̈ܝܐ ܕܥܘܪ̈ܠܝܢ ܒܠܒܗܘܢ܂ ܘܥܘܪ̈ܠܝܢ ܒܒܣܪܗܘܢ܂ ܘܗܿܘܝܢ ܒܡܩܕܫܝ ܘܡܛܢܦܝܢ ܒܝܬܝ܂ ܘܡܩܪܒܝܢ ܐܢܬܘܢ ܥܠ ܠܚܡܝ ܬܪܒܐ ܘܕܡܐ܂ ܘܡܒܛܠܝܢ ܐܢܬܘܢ ܩܝܡܝ ܒܟܠܗܿ ܛܢܦܘܬܟܘܢ܂
44:08 [ai]ܘܠܐ ܢܿܛܪܝܢ ܐܢܬܘܢ ܢܛܘܪ̈ܬܐ ܕܡܩܕܫܝ܂ ܐܠܐ ܥܒܕܬܘܢ ܢܛܪ̈ܝ ܡܛܪܬܐ ܕܡܩܕܫܝ ܢܛܘܪ̈ܝܟܘܢ ܕܝܠܟܘܢ܂
44:09 [ai]ܗܟܢܐ ܐܡܿܪ ܡܪܐ ܡܪ̈ܘܬܐ܂ ܟܠ ܒܪ ܢܘܟܪ̈ܝܐ ܕܥܪܘܠ ܒܠܒܗ ܘܥܪܘܠ ܒܒܣܪܗ܂ ܠܐ ܢܥܘܠ ܠܡܩܕܫܝ܂ ܘܠܐ ܒܪ ܢܘܟܪ̈ܝܐ ܕܐܝܬ ܒܝܢܬ ܒܢ̈ܝ ܐܝܣܪܝܠ܂
44:10 [ai]ܘܐܦܠܐ ܠܘܝ̈ܐ ܕܦܪܩܘ ܡܢܝ܂ ܟܕ ܛܥܘ ܒܢ̈ܝ ܐܝܣܪܝܠ ܡܢܝ ܒܬܪ ܦܬܟܪ̈ܝܗܘܢ܂ ܘܩܒܠܘ ܥܘܼܠܗܘܢ܂
44:11 [ai]ܘܗܘܘ ܒܡܩܕܫܝ܂ ܘܡܫܡܫܝܢ ܗܘܘ ܒܬܪܥܐ ܕܒܝܬܐ܂ ܗܢܘܢ ܢܟܣܘܢ ܝܩ̈ܕܐ ܫܠܡܐ ܘܕܒܚ̈ܐ ܕܥܡܐ܂ ܘܗܢܘܢ ܢܩܘܡܘܢ ܩܕܡܝܗܘܢ ܘܢܫܡܫܘܢ ܐܢܘܢ܂
44:12 [ai]ܥܠ ܕܫܡܫܘ ܐܢܘܢ ܩܕܡ ܦܬܟܪ̈ܝܗܘܢ܂ ܘܗܘܘ ܠܬܘܩܠܬܐ ܕܥܘܼܠܐ ܠܒܢ̈ܝ ܐܝܣܪܝܠ܂ ܡܛܠ ܗܢܐ ܐܪܝܡܿܬ ܐܝܕܝ ܥܠܝܗܘܢ ܐܡܿܪ ܡܪܐ ܡܪ̈ܘܬܐ܂ ܘܩܒܠܘ ܥܘܼܠܗܘܢ܂
44:13 [ai]ܘܠܐ ܢܩܪܒܘܢ ܩܕܡܝ ܠܡܫܡܫܘܬܢܝ܂ ܘܠܐ ܢܬܩܪܒܘܢ ܠܟܠܗܘܢ ܩ̈ܘܕܫܝ ܒܝܬ ܩܕܘܫ ܩ̈ܘܕܫܐ܂ ܘܢܩܒܠܘܢ ܟܠܗܿ ܒܗܬܬܗܘܢ ܘܟܘܠܗܿ ܛܢܦܘܬܗܘܢ ܕܥܒܕܘ܂
44:14 [ai]ܘܐܥܒܕ ܐܢܘܢ ܢܛܪ̈ܝ ܡܛܪܬܐ ܕܒܝܬܐ܂ ܘܥܿܒ̈ܕܝ ܥܒܿܕܐ ܕܟܠ ܡܕܡ ܕܗܿܘܐ ܒܗ܂
44:15 [ai]ܘܟܗ̈ܢܐ ܘܠܘ̈ܝܐ ܒܢ̈ܝ ܨܕܘܩ܂ ܕܢܛܪܘ ܡܛܪܬܐ ܕܡܩܕܫܝ܂ ܟܕ ܛܥܘ ܒܢ̈ܝ ܐܝܣܪܝܠ ܡܢܝ܂ ܗܢܘܢ ܢܩܼܪܒܘܢ ܠܘܬܝ ܠܡܫܡܫܘܬܢܝ܂ ܘܗܢܘܢ ܢܩܘܡܘܢ ܩܕܡܝ܂ ܘܢܩܪܒܘܢ ܠܝ ܬܪܒܐ ܘܕܡܐ ܐܡܿܪ ܡܪܐ ܡܪ̈ܘܬܐ܂
44:16 [ai]ܗܢܘܢ ܢܥܠܘܢ ܠܡܩܕܫܝ܂ ܘܗܢܘܢ ܢܩܪܒܘܢ ܠܦܬܘܪܝ܂ ܕܢܫܡܫܘܢܢܝ ܘܢܛܪܘܢ ܢܛܘܪ̈ܬܝ܂
44:17 [ai]ܘܡܐ ܕܥܐܿܠܝܢ ܒܬܪܥܐ ܕܕܪܬܐ ܓܘܝܬܐ܂ ܡܐ̈ܢܐ ܕܟܬܢܐ ܢܠܒܫܘܢ܂ ܘܕܥܡܪܐ ܠܐ ܢܠܒܫܘܢ܂ ܘܡܐ ܕܡܫܡܫܝܢ ܒܬܪܥܐ ܕܕܪܬܐ ܓܘܝܬܐ܂ ܐܦ ܠܓܘ܂
44:18 [ai]ܡܨܢ̈ܦܬܐ ܕܟܬܢܐ ܢܣܝܡܘܢ ܒܪ̈ܝܫܝܗܘܢ܂ ܘܦܪ̈ܙܘܡܐ ܕܟܬܢܐ ܢܐܣܪܘܢ ܒܚ̈ܨܝܗܘܢ܂
44:19 [ai]ܘܡܐ ܕܢܿܦܩܝܢ ܠܕܪܬܐ ܒܪܝܬܐ ܠܘܬ ܥܡܐ܂ ܢܫܠܚܘܢ ܡܐ̈ܢܝܗܘܢ ܕܡܫܡܫܝܢ ܒܗܘܢ܂ ܘܢܫܒܩܘܢ ܐܢܘܢ ܒܐܟܣܕܪܐ ܕܩܘܕܫܐ܂ ܘܢܠܒܫܘܢ ܡܐ̈ܢܐ ܐ̈ܚܪܢܐ܂ ܕܠܐ ܢܩܕܫܘܢܗ ܠܥܡܐ ܒܡ̈ܐܢܝܗܘܢ܂
44:20 [ai]ܪ̈ܝܫܝܗܘܢ ܠܐ ܢܓܪܥܘܢ܂ ܘܩ̈ܘܨܬܗܘܢ ܠܐ ܢܪܒܘܢ܂ ܐܠܐ ܡܣܦܪܘ ܢܣܦܪܘܢ ܪ̈ܝܫܝܗܘܢ܂
44:21 [ai]ܘܚܡܪܐ ܠܐ ܢܫܬܘܢ ܟܗ̈ܢܐ ܡܐ ܕܥܐܿܠܝܢ ܠܕܪܬܐ ܓܘܝܬܐ܂
44:22 [ai]ܘܐܪܡܠܬܐ ܘܫܒܝܩܬܐ ܠܐ ܢܣܒܘܢ ܠܗܘܢ ܢܫ̈ܐ܂ ܐܠܐ ܐܢ ܒܬܘܠܬܐ ܡܢ ܙܪܥܐ ܕܐܝܣܪܝܠ ܐܘ ܐܪܡܠܬܐ ܕܡܪܡܠܐ ܡܢ ܟܗܢܐ ܢܣܒܘܢ܂
44:23 [ai]ܘܢܠܦܘܢ ܠܥܡܝ ܒܝܬ ܩܘܕܫܐ ܠܚܘܠܐ܂ ܘܢܘܕܥܘܢܗ/ܘܢܕܥܘܢܗ#3#/ ܒܝܬ ܡܣܝܒܐ ܠܕܟܝܐ܂
44:24 [ai]ܘܥܠ ܕܝ̈ܢܐ ܗܢܘܢ ܢܩܘܡܘܢ ܠܡܕܢ܂ ܘܒܕܝܢ̈ܝ ܢܕܘܢܘܢ܂ ܘܢܡܘ̈ܣܝ ܘܦܘܩ̈ܕܢܝ ܢܛܪܘܢ܂ ܒܟܠܗܘܢ ܙܒ̈ܢܐ ܕܡܘ̈ܥܕܝ܂ ܘܫ̈ܒܝ ܢܩܕܫܘܢ܂
44:25 [ai]ܘܥܠ ܡܝܬܐ ܕܒܪܢܫܐ ܠܐ ܢܥܠܘܢ ܕܠܐ ܢܣܬܝܒܘܢ܂ ܐܠܐ ܐܢ ܒܐܒܘܗܝ ܐܘ ܒܐܡܗ܂ ܐܘ ܒܒܪܗ ܐܘ ܒܒܪܬܗ܂ ܐܘ ܒܐܚܘܗܝ ܐܘ ܒܚܬܗ ܒܬܘܠܬܐ ܕܠܐ ܗܘܬ ܠܓܒܪܐ ܢܣܬܝܒܘܢ܂
44:26 [ai]ܘܡܢ ܒܬܪ ܕܡܣܬܝܒ܂ ܢܡܢܐ ܠܗ ܫܒܥܐ ܝܘܡ̈ܝܢ ܘܗܝܕܝܢ ܢܬܕܟܐ܂
44:27 [ai]ܘܒܝܘܡܐ ܕܥܐܿܠ ܠܡܩܕܫܐ ܠܕܪܬܐ ܓܘܝܬܐ ܠܡܫܡܫܘ ܒܩܘܕܫܐ/ܒܡܩܕܫܐ#3#/܂ ܢܩܪܒ ܬܕܟܝܬܗ ܐܡܿܪ ܡܪܐ ܡܪ̈ܘܬܐ܂
44:28 [ai]ܘܬܗܘܐ ܠܗܘܢ ܝܘܪܬܢܐ/ܠܝܘܪܬܢܐ#3#/܂ ܐܢܐ ܐܢܐ ܝܘܪܬܢܗܘܢ܂ ܘܡܢܬܐ ܠܐ ܬܬܠܘܢ ܠܗܘܢ ܒܐܝܣܪܝܠ܂ ܐܢܐ ܐܢܐ ܡܢܬܗܘܢ܂
44:29 [ai]ܣܡܝܕܐ ܘܬܕܟܝܬܐ ܕܚ̈ܛܗܐ ܗܢܘܢ ܢܐܟܠܘܢ܂ ܘܟܘܠ ܚܪܡܐ ܕܒܐܝܣܪܝܠ ܕܝܠܗܘܢ ܢܗܘܐ܂
44:30 [ai]ܘܪܝܫ ܟܠ ܒܘܟܪ̈ܐ/ܒܟܪ̈ܐ#3#/ ܕܟܠܗ ܦܘܪܫܢܟܘܢ ܕܦܪܫܿܝܢ ܐܢܬܘܢ ܕܟܗ̈ܢܐ ܢܗܘܐ܂ ܘܪܝܫ ܐܨ̈ܘܬܟܘܢ ܗܒܘ ܠܟܗ̈ܢܐ܂ ܕܬܗܘܐ/ܘܬܗܘܐ#3#/ ܒܘܪܟܬܐ ܒܒܬ̈ܝܟܘܢ܂
44:31 [ai]ܘܟܠ ܕܡܫܢܩ/ܕܡܕܝܫ#3#/ ܘܬܒܝܪ/ܘܕܬܒܝܪ#1##2#/ ܡܢ ܦܪܚܬܐ ܘܡܢ ܚܝܘܬܐ ܠܐ ܢܐܟܠܘܢ ܟܗ̈ܢܐ܂

next chapter