Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants
| 01:01 [ai] | ܦܬܓܡܗ ܕܡܪܝܐ ܕܗܘܐ ܥܠ ܗܘܫܥ ܒܪ ܒܪܝ܂ ܒܝ̈ܘܡܘܗܝ ܕܥܘܙܝܐ ܘܕܝܘܬܡ |
| 01:02 [ai] | ܪܝܫ ܦܬܓܡܗ ܕܡܪܝܐ ܕܗܘܐ ܥܠ ܗܘܫܥ܂ ܐܡܪ ܡܪܝܐ ܠܗܘܫܥ܂ ܙܠ ܣܒ ܠܟ ܐܢܬܬܐ ܕܡܙܢܝܐ ܘܒ̈ܢܝܐ ܕܡܙܢܝܢ܂ ܡܛܠ ܕܡܙܢܝܘ ܬܙܢܐ ܐܪܥܐ ܡܢ ܒܬܪܗ ܕܡܪܝܐ܂ |
| 01:03 [ai] | ܘܐܙܠ ܘܢܣܒ ܠܗ ܠܓܡܪ ܒܪܬ ܕܒܠܝܡ܂ ܘܒܛܢܬ ܘܝܠܕܬ ܠܗ ܒܪܐ܂ |
| 01:04 [ai] | ܘܐܡܪ ܠܗ ܡܪܝܐ܂ ܩܪܝ ܫܡܗ ܐܝܙܪܥܝܠ܂ ܡܛܠ ܕܥܕ ܩܠܝܠ ܬܒܥ ܐܢܐ ܕܡܗ ܕܐܝܙܪܥܝܠ ܥܠ ܒܝܬܐ ܕܝܗܘ ܘܐܒܛܠ ܡܠܟܘܬܐ ܕܒܝܬ ܐܝܣܪܝܠ܂ |
| 01:05 [ai] | ܒܗ ܒܝܘܡܐ ܗܿܘ܂ ܐܬܒܪܝܗܿ ܠܩܫܬܐ ܕܐܝܣܪܝܠ ܒܥܘܡܩܐ ܕܐܝܙܪܥܝܠ܂ |
| 01:06 [ai] | ܘܒܛܢܬ ܬܘܒ ܘܝܠܕܬ ܒܪܬܐ܂ ܘܐܡܪ ܠܝ ܡܪܝܐ܂ ܩܪܝ ܫܡܗܿ ܠܐ ܐܬܪܚܡܬ܂ ܡܛܠ ܕܠܐ ܡܘܣܦ ܐܢܐ ܬܘܒ ܠܡܪܚܡܘ ܥܠ ܕܒܝܬ ܐܝܣܪܝܠ܂ ܐܠܐ ܡܫܩܠ ܫܩܠ ܐܢܐ ܠܗܘܢ܂ |
| 01:07 [ai] | ܥܠ ܒܝܬܐ ܕܝܢ ܕܝܗܘܕܐ ܐܪܚܡ܂ ܘܐܦܪܘܩ ܐܢܘܢ ܒܡܪܝܐ ܐܠܗܗܘܢ܂ ܠܐ ܒܩܫܬܐ ܐܦܪܘܩ ܐܢܘܢ܂ |
| 01:08 [ai] | ܘܚܣܠܬ ܠܕܠܐ ܐܬܪܚܡܬ ܘܒܛܢܬ ܬܘܒ ܘܝܠܕܬ ܒܪܐ܂ |
| 01:09 [ai] | ܘܐܡܪ ܠܝ ܡܪܝܐ܂ ܩܪܝ ܫܡܗ ܠܐ ܥܡܝ܂ ܡܛܠ ܕܐܢܬܘܢ ܠܐ ܥܡܝ ܐܢܬܘܢ܂ ܘܐܢܐ ܠܐ ܐܗܘܐ ܠܟܘܢ <ܐܠܗܐ#3#>܂܀ |