← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62015: P Ho

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


02:01 [ai]ܘܐܢ ܢܗܘܐ ܡܢܝܢܐ ܕܒܢ̈ܝ ܐܝܣܪܝܠ ܐܝܟ ܚܠܐ ܕܝܡܐ/ܕܒܝܡܐ#2#/܀ ܕܠܐ ܡܬܬܟܝܠ ܘܠܐ ܡܬܡܢܐ܃ ܘܢܗܘܐ ܒܐܬܪܐ ܕܐܬܐܡܪ ܠܗܘܢ ܠܐ ܥܡܝ ܐܢܬܘܢ ܬܡܢ ܢܬܩܪܘܢ ܒܢ̈ܝܐ ܠܐܠܗܐ ܚܝܐ܂
02:02 [ai]ܘܢܬܟܢܫܘܢ ܒ̈ܢܝ ܝܗܘܕܐ ܘܒܢ̈ܝ ܐܝܣܪܝܠ ܐܝܟ ܚܕܐ܂ ܘܢܥܒܕܘܢ ܠܗܘܢ ܪܝܫܐ ܚܕ ܘܢܣܩܘܢ ܡܢ ܐܪܥܐ܂ ܡܛܠ ܕܪܒ ܗܘ ܝܘܡܐ ܕܐܝܙܪܥܝܠ܂
02:03 [ai]ܩܪܘ ܠܐ̈ܚܝܟܘܢ ܥܡܝ ܘܠܐܚ̈ܘܬܟܘܢ ܪ̈ܚܝܡܬܐ/ܐܪ̈ܚܝܡܬܐ#2#/܂
02:04 [ai]ܕܘܢܘ ܥܡ ܐܡܟܘܢ ܕܘܢܘ܂ ܡܛܠ ܕܗܝ ܠܐ ܗܘܬ ܐܢܬܬܝ ܘܐܢܐ ܠܐ ܗܘܝܬ ܒܥܠܗܿ܂ ܬܥܒܪ ܙܢܝܘܬܗܿ ܡܢ ܐ̈ܦܝܗܿ ܘܓܘܪܗܿ ܡܢ ܒܝܢܬ ܬ̈ܕܝܗܿ܂
02:05 [ai]ܕܠܐ ܐܫܠܚܝܗܿ ܥܪܛܠ ܘܐܫܒܩܝܗܿ ܐܝܟ ܝܘܡܐ ܕܝܠܝܕܐ ܒܗ܂ ܘܐܥܒܕܝܗܿ ܐܝܟ ܡܕܒܪܐ ܘܐܝܟ ܐܪܥܐ ܨܗܝܬܐ ܘܐܡܝܬܝܗܿ ܒܨܗܝܐ܂
02:06 [ai]ܘܥܠ ܒ̈ܢܝܗܿ ܠܐ ܐܪܚܡ܂ ܡܛܠ ܕܒܢ̈ܝ ܙܢܝܬܐ ܐܢܘܢ܂
02:07 [ai]ܡܛܠ ܕܙܢܝܬ ܐܡܗܘܢ ܘܒܗܬܬ ܝܠܕܬܗܘܢ܂ ܘܐܡܪܬ ܐܙܠ ܒܬܪ ܪ̈ܚܡܝ܂ ܝܗ̈ܒܝ ܠܚܡܝ ܘܡ̈ܝ ܘܢܚ̈ܬܝ ܘܟܬ̈ܢܝ ܘܡܫܚܝ ܘܟܠ ܕܡܬܒܥܐ ܠܝ܂
02:08 [ai]ܡܛܠ ܗܠܝܢ ܗܐ ܣܐܓ ܐܢܐ ܐܘܪ̈ܚܬܗܿ ܒܕܪ̈ܕܪܐ܂ ܘܐܣܘܓ ܫܒܝ̈ܠܝܗܿ ܘܐܘܪܚܐ ܠܐ ܬܫܟܚ܂
02:09 [ai]ܘܬܐܙܠ ܒܬܪ ܪ̈ܚܡܝܗܿ ܘܠܐ ܬܕܪܟ ܐܢܘܢ܂ ܘܬܒܥܐ ܐܢܘܢ ܘܠܐ ܬܫܟܚ ܐܢܘܢ܂ ܘܬܐܡܪ ܐܗܦܘܟ ܐܙܠ ܠܝ ܠܘܬ ܒܥܠܝ ܩܕܡܝܐ܂ ܡܛܠ ܕܛܒ ܗܘܐ ܠܝ ܗܝ ܕܝܢ ܡܢ ܕܗܫܐ܂
02:10 [ai]ܗܝ ܕܝܢ ܠܐ ܝܕܥܬ ܕܐܢܐ ܝܗܒܬ ܠܗܿ ܥܒܘܪܐ ܘܚܡܪܐ ܘܡܫܚܐ ܘܣܐܡܐ ܘܕܗܒܐ ܐܣܓܝܬ ܠܗܿ ܘܡܢܗ ܥܒܕܘ ܒܥܠܐ܂
02:11 [ai]ܡܛܠ ܗܢܐ ܐܗܦܘܟ ܐܣܒ ܥܒܘܪܝ ܒܙܒܢܗ ܘܚܡܪܝ ܒܙܒܢܗ܂ ܘܐܣܒ ܥܡܪܝ ܘܟܬ̈ܢܝ ܕܝܗܒܬ ܠܗܿ ܕܬܟܣܐ ܦܘܪܣܝܗܿ܂
02:12 [ai]ܡܟܝܠ ܐܓܠܐ ܦܘܪܣܝܗܿ ܩܕܡ ܪ̈ܚܡܝܗܿ܂ ܘܐܢܫ ܠܐ ܢܦܨܝܗܿ ܡܢ ܐ̈ܝܕܝ܂
02:13 [ai]ܘܐܒܛܠ ܟܠܗܿ ܚܕܘܬܗܿ܂ ܥܕܥ̈ܐܕܝܗܿ ܘܪܝܫ ܝܪ̈ܚܝܗܿ ܘܫܒܬܗܿ ܘܟܠܗܘܢ ܥܐ̈ܕܝܗܿ܂
02:14 [ai]ܘܐܚܪܒ ܓܘ̈ܦܢܝܗܿ ܘܬܐ̈ܢܝܗܿ܂ ܕܐܡܪܬ ܕܡܘܗ̈ܒܬܐ ܐܢܝܢ ܕܝܗܒܘ ܠܝ ܪ̈ܚܡܝ܂ ܘܐܥܒܕ ܐܢܝܢ ܥܒܐ܂ ܘܬܐܟܘܠ ܐܢܝܢ ܚܝܘܬ ܒܪܐ܂
02:15 [ai]ܘܐܦܩܘܕ ܥܠܝܗܿ ܝܘܡ̈ܬܐ ܕܒܥܠܐ܂ ܕܣܝܡܐ ܗܘܬ ܒܗܘܢ ܒܣ̈ܡܐ܂ ܘܫܩܠܬ ܩܕܫ̈ܝܗܿ ܘܡܪ̈ܓܢܝܬܗܿ ܘܐܙܠܬ ܒܬܪ ܪ̈ܚܡܝܗܿ܂ ܘܠܝ ܛܥܬ ܐܡܪ ܡܪܝܐ܂܀
02:16 [ai]ܡܛܠ ܗܠܝܢ ܗܐ ܡܫܕܠ ܐܢܐ ܠܗܿ ܘܡܘܒܠ ܐܢܐ ܠܗܿ ܠܡܕܒܪܐ܂ ܘܐܡܠܐ ܒܠܒܗܿ܂
02:17 [ai]ܘܐܬܠ ܠܗܿ ܟܪ̈ܡܝܗܿ ܡܢ ܬܡܢ܂ ܘܥܘܡܩܐ ܕܥܟܪ ܕܢܬܦܬܚ ܣܘܟܠܗܿ܂ ܘܬܬܡܟܟ ܬܡܢ ܐܝܟ ܝܘܡ̈ܝ ܛܠܝܘܬܗܿ܂ ܘܐܝܟ ܝܘܡܐ ܕܣܠܩܬ ܒܗ ܡܢ ܐܪܥܐ ܕܡܨܪܝܢ܂܀
02:18 [ai]ܘܢܗܘܐ ܒܝܘܡܐ ܗܿܘ ܐܡܪ ܡܪܝܐ܂ ܬܩܪܝܢܝ ܓܒܪܝ ܘܠܐ ܬܘܒ ܬܩܪܝܢܝ ܒܥܠܝ܂
02:19 [ai]ܘܐܥܒܪ/ܘܐܘܒܕ#3#/ ܫܡܐ ܕܒܥܠܐ ܡܢ ܦܘܡܗܿ܂ ܘܠܐ ܢܬܕܟܪܘܢ ܬܘܒ ܫܡܗ܂
02:20 [ai]ܘܐܩܝܡ ܠܗܘܢ ܩܝܡܐ ܒܝܘܡܐ ܗܿܘ ܥܡ ܚܝܘܬܐ ܕܕܒܪܐ ܘܥܡ ܦܪܚܬܐ ܕܫܡܝܐ ܘܪܚܫܐ ܕܐܪܥܐ܂ ܘܩܫܬܐ ܘܣܝܦܐ ܘܩܪܒܐ ܐܒܛܠ ܡܢ ܐܪܥܐ܂ ܘܐܫܪܐ ܐܢܘܢ ܒܣܒܪܐ܂
02:21 [ai]ܘܐܡܟܪܟܝ ܠܝ ܠܥܠܡ܂ ܘܐܡܟܪܟܝ ܠܝ ܒܙܕܝܩܘܬܐ ܘܒܕܝܢܐ ܘܒܛܝܒܘܬܐ ܘܒܪ̈ܚܡܐ܂
02:22 [ai]ܘܐܡܟܪܟܝ ܠܝ ܒܗܝܡܢܘܬܐ ܘܬܕܥܝܢ ܠܡܪܝܐ܂܀
02:23 [ai]ܘܢܗܘܐ ܒܝܘܡܐ ܗܿܘ ܐܡܪ ܡܪܝܐ܂ ܐܥܢܐ ܠܫܡܝܐ܂ ܘܗܢܘܢ ܢܥܢܘܢ ܠܐܪܥܐ܂
02:24 [ai]ܘܐܪܥܐ ܬܥܢܐ ܠܥܒܘܪܐ ܘܠܚܡܪܐ ܘܠܡܫܚܐ܂ ܘܗܢܘܢ ܢܥܢܘܢ ܠܐܝܙܪܥܝܠ܂
02:25 [ai]ܘܐܙܪܥܝܗܿ ܠܝ ܒܐܪܥܐ܂ ܘܐܪܚܡ/ܘܐܬܪܚܡ#3#/ ܥܠ ܠܐ ܐܬܪܚܡܬ܂ ܘܐܩܪܐ ܠܠܐ ܥܡܝ ܥܡܝ܂ ܘܗܘ ܢܩܪܝܢܝ ܐܠܗܝ܀

next chapter