← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62015: P Ho

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


07:01 [ai]ܡܐ ܕܐܣܝܬ ܠܐܝܣܪܝܠ ܘܐܬܓܠܝ ܥܘܠܗ ܕܐܦܪܝܡ ܘܒܝܫܬܗܿ ܕܫܡܪܝܢ܂ ܡܛܠ ܕܥܒܕܘ ܫܘܩܪܐ ܩܕܡܝ܂ ܘܓܢܒܐ ܥܐܠ ܗܘܐ ܘܡܫܠܚ ܓܝܣܐ ܒܫ̈ܘܩܐ܂
07:02 [ai]ܘܠܐ ܐܡܪܝܢ ܒܠܒܗܘܢ ܕܟܠܗܝܢ ܒܝܫ̈ܬܗܘܢ ܥܗܕ ܐܢܐ܂ ܡܟܝܠ ܢܚܕܪ̈ܢ ܐܢܘܢ ܨ̈ܢܥܬܗܘܢ ܕܗ̈ܘܝ ܩܕܡ ܐ̈ܦܝ܂
07:03 [ai]ܒܒܝܫܘܬܗܘܢ/ܒܒܝ̈ܫܬܗܘܢ#3#/ ܚܕܝܘ ܠܡ̈ܠܟܐ ܘܒܕܓܠܘܬܗܘܢ܂
07:04 [ai]ܟܠܗܘܢ ܫ̈ܠܝܛܢܝܗܘܢ ܓܝܪܝܢ/ܓܝܕܝܢ#2#/ ܐܝܟ ܬܢܘܪܐ ܕܝܩܕ ܠܡܐܦܝܬܐ܂ ܢܒܛܠ ܡܢ ܡܕܝܢܬܐ ܠܐܫ ܠܝܫܐ ܥܕܡܐ ܕܚܡܥ܂
07:05 [ai]ܝܘܡܐ ܕܡ̈ܠܟܝܢ ܫܪܝܘ ܪ̈ܘܪܒܢܐ ܠܡܪܓܙ ܡܢ ܚܡܪܐ܂ ܢܓܕܘ ܐ̈ܝܕܝܗܘܢ ܥܡ ܒܝܫ̈ܐ܂
07:06 [ai]ܡܛܠ ܕܚܡ ܠܒܗܘܢ ܐܝܟ ܬܢܘܪܐ ܒܟܡܐܢܗܘܢ܂ ܘܟܠܗ ܠܠܝܐ ܥܬܩ ܪܘܓܙܗܘܢ ܘܒܨܦܪܐ ܝܩܕ ܗܘܐ ܐܝܟ ܢܘܪܐ/ܬܢܘܪܐ#3#/ ܘܫܠܗܒܝܬܐ܂
07:07 [ai]ܟܠܗܘܢ ܚܡܘ ܐܝܟ ܬܢܘܪܐ ܘܐܟܠܘ ܠܕܝܢ̈ܝܗܘܢ܂ ܟܠܗܘܢ ܡ̈ܠܟܝܗܘܢ ܢܦܠܘ܂ ܘܠܝܬ ܒܗܘܢ ܕܩܪܐ ܠܝ܂
07:08 [ai]ܐܦܪܝܡ ܒܥܡ̈ܡܐ ܐܬܚܠܛ܂ ܐܦܪܝܡ ܗܘܐ ܚܚܘܪܬܐ ܕܥܕܠܐ ܐܬܐܦܝܬ ܐܬܐܟܠܬ܂
07:09 [ai]ܗܟܢܐ ܐܟܠܘ ܢܘܟܪ̈ܝܐ ܚܝܠܗ ܘܠܐ ܝܕܥ܂ ܘܚܘܪ̈ܬܐ ܢܦܩ ܠܗ ܘܠܐ ܝܕܥ܂
07:10 [ai]ܘܐܬܡܟܟ ܐܝܩܪܗ ܕܐܝܣܪܝܠ ܩܕܡܘܗܝ܂ ܘܠܐ ܐܬܦܢܝܘ ܠܘܬ ܡܪܝܐ ܐܠܗܗܘܢ ܘܠܐ ܒܥܐܘܗܝ܂
07:11 [ai]ܘܗܘܐ ܐܦܪܝܡ ܐܝܟ ܝܘܢܐ ܫܒܪܬܐ ܕܠܝܬ ܒܗܿ ܠܒܐ܂ ܠܡܨܪܝܢ ܐܬܘ ܘܠܐܬܘܪ ܐܙܠܘ܂
07:12 [ai]ܠܐܬܪ ܕܢܐܙܠܘܢ ܐܦܪܘܣ ܥܠܝܗܘܢ ܡܨܝܕܬܝ܂ ܘܐܝܟ ܦܪܚܬܐ ܕܫܡܝܐ ܐܚܬ ܐܢܘܢ܂ ܘܐܪܕܐ/ܘܐܕܪܐ#3#/ ܐܢܘܢ ܐܝܟ ܫܡܥܐ ܕܣܗܕܘܬܗܘܢ܂
07:13 [ai]ܘܝ ܠܗܘܢ ܕܢܕܘ ܡܢܝ܂ ܒܝܫܬܐ ܐܝܬܐ ܥܠܝܗܘܢ ܥܠ ܕܐܥܠܝܘ ܒܝ܂ ܐܢܐ ܓܝܪ ܦܪܩܬ ܐܢܘܢ ܘܗܢܘܢ ܡܠܠܘ ܥܠܝ ܕܓܠܘܬܐ܂
07:14 [ai]ܘܠܐ ܓܥܘ ܠܘܬܝ ܡܢ ܟܠܗ ܠܒܗܘܢ܂ ܐܠܐ ܐܝܠܠܘ ܥܠ ܡܫܟܒܗܘܢ܂ ܥܠ ܥܒܘܪܐ ܘܥܠ ܚܡܪܐ ܡܬܟܬܫܝܢ ܘܡܪܕܘ ܒܝ/ܥܠܝ#3#/܂
07:15 [ai]ܘܐܢܐ ܪܕܝܬ/ܐܪܕܝܬ#1##2#/ ܘܐܥܫܢܬ ܕܪܥܗܘܢ܂ ܘܥܠܝ ܐܬܚܫܒܘ ܒܝܫܬܐ܂
07:16 [ai]ܐܬܗܦܟܘ ܥܠ ܠܐ ܡܕܡ܂ ܘܗܘܘ ܐܝܟ ܩܫܬܐ ܢܟܝܠܬܐ܂ ܢܦܠܘܢ ܒܚܪܒܐ ܪ̈ܘܪܒܢܝܗܘܢ ܡܢ ܡܪܚܘܬܐ ܕܠܫܢܗܘܢ܂ ܗܢܘ ܥܘܪܙܠܗܘܢ ܕܒܐܪܥܐ/ܒܐܪܥܐ#3#/ ܕܡܨܪܝܢ܀

next chapter