← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62015: P Ho

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


09:01 [ai]ܠܐ ܬܚܕܐ ܐܝܣܪܝܠ ܘܠܐ ܬܕܘܨ ܐܝܟ ܥܡ̈ܡܐ܂ ܡܛܠ ܕܛܥܝܬ ܡܢ ܐܠܗܟ܂ ܘܪܚܡܬ ܡܘܗ̈ܒܬܐ ܡܢ ܟܘܠ ܐܕܪ̈ܐ܂
09:02 [ai]ܘܡܢ ܐܕܪܐ ܘܡܢ ܡܥܨܪܬܐ ܠܐ ܢܣܒܥܘܢ܂ ܘܡܫܚܐ ܢܟܕܒ ܒܗܘܢ܂
09:03 [ai]ܠܐ ܢܬܒܘܢ ܒܐܪܥܗ ܕܡܪܝܐ܂ ܐܠܐ ܢܗܦܘܟ ܐܦܪܝܡ ܠܡܨܪܝܢ܂ ܘܒܐܬܘܪ ܛܢܦܘܬܐ ܢܐܟܠܘܢ܂
09:04 [ai]ܠܐ ܢܢܩܘܢ ܠܡܪܝܐ ܚܡܪܐ܂ ܘܠܐ ܢܒܣܡܘܢ ܠܗ ܕܒܚ̈ܝܗܘܢ܂ ܐܝܟ ܠܚܡܐ ܗܘ ܠܗܘܢ ܕܐܘܠܨܢܐ܂ ܟܠ ܐ̈ܟܘܠܘܗܝ ܢܬܛܢܦܘܢ ܡܛܠ ܕܠܚܡܐ ܕܢܦܫܗܘܢ ܠܐ ܥܐܠ ܠܒܝܬܗ ܕܡܪܝܐ܂
09:05 [ai]ܡܢܐ ܬܥܒܕܘܢ ܠܝܘܡܐ ܕܥܐܕܐ܂ ܘܠܝܘܡܐ ܕܥܕܥܐܕܗ ܕܡܪܝܐ܂
09:06 [ai]ܡܛܠ ܕܗܢܘܢ ܐܙܠܘ ܒܒܙܬܐ܂ ܘܡܨܪܝܢ ܬܟܢܫ ܐܢܘܢ܂ ܘܡܦܣ ܬܩܒܘܪ ܐܢܘܢ܂ ܪܓܬܐ ܕܣܐܡܗܘܢ \ܢܘܟܪ̈ܝܐ ܢܐܪܬܘܢܗܿ /ܐܒܕܢܐ ܢܐܪܬܝܘܗܝ#3#/܂ ܘܟܘܒ̈ܐ ܒܡܫ̈ܟܢܝܗܘܢ܂
09:07 [ai]ܡܛܝܘ ܝܘܡ̈ܬܐ ܕܬܒܥܬܐ܂ ܩܪܒܘ ܝܘܡ̈ܬܐ ܕܦܘܪܥܢܐ܂ ܢܕܥ ܐܝܣܪܝܠ ܣܟܠܐ ܢܒܝܐ ܫܛܝܐ ܓܒܪܐ ܕܠܒܝܫܐ ܒܗ ܪܘܚܐ ܕܫܛܝܘܬܐ܂ ܡܢ ܣܘܓܐܐ ܕܥܘܠܟ ܐܬܝܬܪܬ ܫܪܝܚܘܬܟ܂
09:08 [ai]ܕܘܩܐ ܐܦܪܝܡ ܥܡ ܐܠܗܝ܂ ܢܒܝܐ ܦܚܐ ܕܬܘܩܠܬܐ ܥܠ ܟܠܗܝܢ ܐܘܪ̈ܚܬܗ܂ ܘܫܪܝܚܘܬܐ ܒܒܝܬܗ ܕܐܠܗܐ܂
09:09 [ai]ܥܡܩܘ ܘܚܒܠܘ ܐܝܟ ܝܘ̈ܡܬܐ ܕܪܡܬܐ܂ ܡܟܝܠ ܢܬܕܟܪ ܥܘܠܗܘܢ ܘܢܦܩܘܕ ܚ̈ܛܗܝܗܘܢ܂
09:10 [ai]ܐܝܟ ܥܢ̈ܒܐ ܒܡܕܒܪܐ ܐܫܟܚܬ ܠܐܝܣܪܝܠ܂ ܘܐܝܟ ܬܬܐ ܒܟܪܬܐ ܚܙܝܬ ܠܐ̈ܒܗܝܗܘܢ܂ ܘܗܢܘܢ ܥܠܘ ܠܘܬ ܒܥܠ ܦܥܘܪ܂ ܘܐܬܢܙܪܘ ܠܒܗܬܬܐ܂ ܘܗܘܘ ܠܛܢܦܘܬܐ ܐܝܟ ܕܪܚܡܘ܂
09:11 [ai]ܐܦܪܝܡ ܐܝܟ ܦܪܚܬܐ ܦܪܚ ܐܝܩܪܗܘܢ ܡܢ ܝܠܕܐ ܘܡܢ ܟܪܣܐ ܘܡܢ ܒܛܢܐ܂
09:12 [ai]ܐܦܢ ܢܪܒܘܢ ܒܢ̈ܝܐ/ܠܒܢ̈ܝܐ#3#/܂ ܐܓܝܙ ܐܢܘܢ ܡܢ ܒܢ̈ܝ ܐܢܫܐ ܡܛܘܠ ܕܘܝ ܠܗܘܢ ܡܬܦܪܥ ܐܢܐ ܡܢܗܘܢ܂
09:13 [ai]ܐܦܪܝܡ ܐܝܟ ܕܚܙܝܬ ܠܨܘܪ ܕܫܬܝܠܐ ܒܒܢܝܢܝܗܿ܂ ܗܟܢܐ ܐܦܪܝܡ ܢܦܩ ܒܢ̈ܘܗܝ ܠܩܛܠܐ܂
09:14 [ai]ܗܒ ܠܗܘܢ ܡܪܝܐ ܡܕܡ ܕܝܗܒ ܐܢܬ܂ ܗܒ ܠܗܘܢ ܡܪܒܥܐ ܡܓܙܝܐ ܘܬ̈ܕܝܐ ܝܒܝܫ̈ܐ܂
09:15 [ai]ܟܠܗܝܢ ܒܝܫ̈ܬܗܘܢ ܒܓܠܓܠܐ܂ ܡܛܠ ܕܬܡܢ ܣܢܝܬ ܐܢܘܢ ܒܒܝܫܘܬܐ/ܒܒܝܫܬܐ#3#/ ܕܨܢ̈ܥܬܗܘܢ܂ ܡܢ ܒܝܬܝ ܐܦܩ ܐܢܘܢ܂ ܘܠܐ ܐܘܣܦ ‍<‍ܬܘܒ#1##2#‍>‍ ܠܡܪܚܡܘ ܥܠܝܗܘܢ܂ ܟܠܗܘܢ ܫ̈ܠܝܛܢܝܗܘܢ ܡܪܘܕܝܢ܂
09:16 [ai]ܡܚܐ ܐܦܪܝܡ ܥܩܪܐ܂ ܘܝܒܫ ܕܠܐ ܢܬܠ ܦܐܪ̈ܐ܂ ܘܐܢ ܢܘܠܕܘܢ ܒܢ̈ܝܐ܂ ܐܡܝܬ ܪܓܬܐ ܕܡ̈ܥܝܗܘܢ܂
09:17 [ai]ܘܢܣܠܐ ܐܢܘܢ ܐܠܗܝ ܥܠ ܕܠܐ ܫܡܥܘܗܝ܂ ܘܢܗܘܘܢ ܛܥܝܢ ܒܝܬ ܥܡ̈ܡܐ܂܀

next chapter