← Back
The Comprehensive Aramaic Lexicon
← Return to the Text Browser
click on the file description for more information
62015: P Ho

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


10:01 [ai]ܓܦܬܐ ܕܫܒ̈ܘܩܐ ܐܝܣܪܝܠ ܕܥܒܕܬ ܦܐܪ̈ܐ܂ ܐܝܟ ܣܘܓܐܐ ܕܦܐܪ̈ܝܗܿ ܐܣܓܝܘ ܡܕܒܚ̈ܐ܂ ܘܐܝܟ ܛܘܒܐ ܕܐܪܥܗܘܢ ܒܢܘ ܥ̈ܠܘܬܐ܂
10:02 [ai]ܐܬܦܠܓ ܠܒܗܘܢ ܘܡܢ ܗܫܐ ܢܬܚܝܒܘܢ܂ ܗܘ ܢܣܚܘܦ ܡܕܒܚ̈ܝܗܘܢ ܘܢܒܘܙ ܥ̈ܠܘܬܗܘܢ܂
10:03 [ai]ܡܛܘܠ ܕܡܟܝܠ ܢܐܡܪܘܢ ܠܝܬ ܠܢ ܡܿܠܟܐ܂ ܡܢ ܡܪܝܐ ܠܐ ܕܚܠܢ܂ ܡܠܟܐ ܡܢܐ ܢܥܒܕ ܠܢ܂
10:04 [ai]ܡܠܠܘ ܡ̈ܠܐ ܕܥ̈ܠܠܬܐ ܕ̈ܓܠܬܐ܂ ܦܣܩܘ ܕܝܬܩܐ ܘܦܪܥܘ ܕܝܢܐ ܐܝܟ ܝܥܪܐ ܒܚܩܠܐ ܕܐܪܥܐ ܒܝܪܬܐ܂
10:05 [ai]ܠܥܓܠܐ ܕܒܝܬ ܐܘܢ ܢܗܘܘܢ ܬܘ̈ܬܒܐ ܥܡܘܪ̈ܐ ܕܫܡܪܝܢ܂ ܡܛܠ ܕܝܬܒܘ ܥܠܘܗܝ ܒܐܒܠܐ ܥܡܗ ܘܟܘܡܪ̈ܘܗܝ܂ ܘܥܠܘܗܝ ܢܚܕܘܢ ܘܥܠ ܐܝܩܪܗ ܕܥܒܪ ܡܢܗ܂
10:06 [ai]ܘܐܦ ܠܗܼ ܠܐܬܘܪ ܢܘܒܠܘܢ ܩܘܪ̈ܒܢܐ ܠܡܠܟܐ ܕܝܪܒ܂ ܒܗܬܬܐ ܢܩܒܠ ܐܦܪܝܡ ܘܐܝܣܪܝܠ ܢܒܗܬ ܒܬܪܥܝܬܗ܂
10:07 [ai]ܫܕܬ ܫܡܪܝܢ ܡܠܟܗ܂ ܐܝܟ ܓܠܐ ܥܠ ܐ̈ܦܝ ܡ̈ܝܐ܂
10:08 [ai]ܘܢܚܪ̈ܒܢ ܦܪ̈ܟܐ ܕܐܘܢ ܚܛܝܬܗ ܕܐܝܣܪܝܠ܂ ܟܘ̈ܒܐ ܘܕܪ̈ܕܪܐ ܢܐܥܘܢ ܒܡܕܒܚ̈ܝܗܘܢ܂ ܘܢܐܡܪܘܢ ܠܛܘܪ̈ܐ ܕܟܣܐܘܢ܂ ܘܠܪ̈ܡܬܐ ܕܢܦ̈ܠܢ ܥܠܝܗܘܢ܂
10:09 [ai]ܡܢ ܝܘܡ̈ܬܐ ܕܪܡܬܐ ܚܛܝܬ ܐܝܣܪܝܠ܂ ܬܡܢ ܢܩܘܡܘܢ ܘܠܐ ܢܕܪܟ ܐܢܘܢ܂ ܩܪܒܐ ܒܪܡܬܐ ܥܠ ܒܢܝܐ ܕܥܘܠܐ܂
10:10 [ai]ܒܟܐܬܝ ܐܪܕܐ ܐܢܘܢ܂ ܘܢܬܟܢܫܘܢ ܥܠܝܗܘܢ ܥܡ̈ܡܐ ܡܐ ܕܡܬܪܕܝܢ ܥܠ ܬܪ̈ܬܝܗܝܢ ܣ̈ܟܠܘܬܗܘܢ܂
10:11 [ai]ܐܦܪܝܡ ܥܓܠܬܐ ܡܠܦܬܐ ܕܪܚܡܐ ܠܡܕܪܟܘ܂ ܘܐܢܐ ܥܒܪܬ ܥܠ ܨܘܪܗܿ ܐܪܟܒ ܠܐܦܪܝܡ ܘܢܕܪܟ ܝܗܘܕܐ ܘܢܒܘܙ ܝܥܩܘܒ܂
10:12 [ai]ܙܪܘܥܘ ܠܟܘܢ ܙܕܝܩܘܬܐ܂ ܘܚܨܘܕܘ ܦܘܡܗܿ ܕܛܝܒܘܬܐ܂ ܐܢܗܪܘ ܠܟܘܢ ܫܪܓܐ܂ ܡܛܘܠ ܕܙܒܢܐ ܗܘ ܠܡܒܥܝܗ ܠܡܪܝܐ܂ ܥܕ ܐܬܐ ܘܡܚܘܐ ܠܟܘܢ ܙܕܝܩܘܬܗ܂
10:13 [ai]ܕܒܪܬܘܢ ܚܛܝܬܐ ܘܥܘܠܐ܂ ܘܚܨܕܬܘܢ ܘܐܟܠܬܘܢ ܦܐܪ̈ܐ ܕܕܓܠܘܬܐ܂ ܡܛܠ ܕܐܬܬܟܠܬܘܢ ܒܐܘܪ̈ܚܬܟܘܢ ܘܒܣܘܓܐܐ ܕܓܢܒܪܘܬܟܘܢ܂
10:14 [ai]ܢܩܘܡ ܐܒܕܢܐ ܒܥܡܟ܂ ܘܟܠܗܘܢ ܟܪ̈ܟܝܟ ܢܬܒܙܘܢ܂ ܐܝܟ ܒܙܬܐ ܕܫܠܡܐ ܡܢ ܒܝܬ ܐܝܠ ܒܝܘܡܐ ܕܩܪܒܐ܂ ܐܡܐ ܥܠ ܒܢ̈ܝܗܿ ܫܩܦܘ܂
10:15 [ai]ܗܟܢܐ ܥܒܕܘ ܠܟܘܢ ܒܝܬ ܐܝܠ ܡܢ ܩܕܡ ܒܝܫܘܬ ܒܝܫܘܬܟܘܢ܂ ܒܫܦܪܐ/ܒܨܦܪܐ#3#/ ܬܘܪ ܘܒܗܬ ܡܠܟܐ ܕܐܝܣܪܝܠ܂܀

next chapter