← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62017: P Am

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


01:01 [ai]ܦܬ̈ܓܡܘܗܝ ܕܥܡܘܣ ܕܗܘܐ ܡܢ ܢܩ̈ܕܐ ܕܒ̈ܢܝ ܬܩܘܥ܂ ܕܚܙܐ ܥܠ ܒܢ̈ܝ ܐܝܣܪܝܠ܂ ܒܝ̈ܘܡܘܗܝ ܕܥܘܙܝܐ ܡܠܟܐ ܕܝܗܘܕܐ܂ ܘܒܝ̈ܘܡܘܗܝ ܕܝܘܪܒܥܡ ܒܪ ܝܘܐܫ ܡܠܟܐ ܕܐܝܣܪܐܝܠ܂ ܬܪ̈ܬܝܢ ܫ̈ܢܝܢ ܡܢ ܩܕܡ ܙܘܥܐ܂
01:02 [ai]ܘܐܡܪ܂ ܡܪܝܐ ܡܢ ܨܗܝܘܢ ܢܢܗܡ܂ ܘܡܢ ܐܘܪܫܠܡ ܢܬܠ ܩܠܗ܂ ܘܢܬ̈ܒܢ ܒܐܒܠܐ ܕܝܪ̈ܐ ܕܪ̈ܥܘܬܐ܂ ܘܢܐܒܫ ܪܝܫܗ ܕܟܪܡܠܐ܂
01:03 [ai]ܗܟܢܐ ܐܡܪ ܡܪܝܐ܂ ܥܠ ܬܠܬܐ ܚ̈ܘܒܝܗܿ ܕܕܪܡܣܘܩ ܘܕܐܪ̈ܒܥܐ ܠܐ ܐܗܦܟ ܡܢܗܘܢ܂ ܥܠ ܕܕܫܘ ܒܣ̈ܟܐ ܕܦܪܙܠܐ ܠܓܠܥܕ܂
01:04 [ai]ܐܫܕܪ ܢܘܪܐ ܠܒܝܬܗ ܕܚܙܐܝܠ܂ ܘܬܐܟܘܠ ܣܚܪ̈ܬܗ ܕܒܪܗܕܕ܂
01:05 [ai]ܘܐܬܒܪ ܡܘ̈ܟܠܐ ܕܕܪܡܣܘܩ܂ ܘܐܘܒܕ ܥܡܘܪܐ ܡܢ ܦܩܥܬܐ ܕܐܘܢ܂ ܘܣܡܟ ܫܒܛܐ ܡܢ ܒܝܬ ܥܕܢ܂ ܘܢܫܬܒܘܢ ܥܡܐ ܕܐܪܡ ܠܩܝܪ ܐܡܪ ܡܪܝܐ܂
01:06 [ai]ܗܟܢܐ ܐܡܪ ܡܪܝܐ܂ ܥܠ ܬܠܬܐ ܚ̈ܘܒܝܗܿ ܕܥܐܙܐ ܘܕܐܪ̈ܒܥܐ ܠܐ ܐܗܦܟ/ܐܗܦܘܟ#3#/ ܡܢܗܘܢ܂ ܥܠ ܕܫܒܘ ܫܒܝܬܐ ܫܠܡܬܐ܂ ܕܢܫܠܡܘܢ ܠܐܕܘܡ܂
01:07 [ai]ܐܫܕܪ ܢܘܪܐ ܒܫܘܪ̈ܝܗܿ ܕܥܐܙܐ ܘܬܐܟܘܠ/ܕܬܐܟܘܠ#3#/ ܣܚܪ̈ܬܗܿ܂
01:08 [ai]ܘܐܘܒܕ ܥܡܘܪܐ ܡܢ ܐܫܕܘܕ܂ ܘܣܡܟ ܫܒܛܐ ܡܢ ܐܫܩܠܘܢ܂ ܘܐܗܦܟ ܐܝܕܝ ܥܠ ܥܩܪܘܢ܂ ܘܢܐܒܕܘܢ ܫܪܟܐ ܕܦܠܫܬ̈ܝܐ ܐܡܪ ܡܪܐ ܡܪ̈ܘܬܐ܂܀
01:09 [ai]ܗܟܢܐ ܐܡܪ ܡܪܝܐ܂ ܥܠ ܬܠܬܐ ܚ̈ܘܒܝܗܿ ܕܨܘܪ ܘܕܐܪ̈ܒܥܐ ܠܐ ܐܗܦܟ ܡܢܗܘܢ܂ ܥܠ ܕܐܫܠܡܘ ܫܒܝܬܐ ܫܠܡܬܐ ܠܐܕܘܡ܂ ܘܠܐ ܥܗܕܘ ܩܝܡܐ ܕܐܚܘܬܐ܂
01:10 [ai]ܐܫܕܪ ܢܘܪܐ ܒܫܘܪ̈ܝܗܿ ܕܨܘܪ ܘܬܐܟܘܠ ܣܚܪ̈ܬܗܿ܂܀
01:11 [ai]ܗܟܢܐ ܐܡܪ ܡܪܝܐ܂ ܥܠ ܬܠܬܐ ܚ̈ܘܒܘܗܝ ܕܐܕܘܡ ܘܕܐܪ̈ܒܥܐ ܠܐ ܐܗܦܟ ܡܢܗܘܢ܂ ܥܠ ܕܪܕܦ ܒܚܪܒܐ ܠܐܚܘܗܝ ܘܚܒܠ ܪ̈ܚܡܘܗܝ܂ ܘܢܛܪ ܠܥܠܡ ܪܘܓܙܗ܂ ܘܐܟܬܗ ܢܛܪ ܠܥܠܡܝܢ܂
01:12 [ai]ܐܫܕܪ ܢܘܪܐ ܠܬܝܡܢ܂ ܘܬܐܟܘܠ ܣܚܪ̈ܬܗܿ ܕܒܘܨܪ܂܀
01:13 [ai]ܗܟܢܐ ܐܡܪ ܡܪܝܐ܂ ܥܠ ܬܠܬܐ ܚ̈ܘܒܝܗܘܢ ܕܒܢ̈ܝ ܥܡܘܢ ܘܕܐܪܒܥܐ ܠܐ ܐܗܦܟ ܡܢܗܘܢ܂ ܥܠ ܕܦܪܬܘ ܒܛܢ̈ܬܐ ܕܓܠܥܕ ܕܢܪܘܚܘܢ ܬܚܘܡܗܘܢ܂
01:14 [ai]ܐܫܒܘܩ ܢܘܪܐ ܒܫܘܩ̈ܝܗܿ/ܒܫܘܪܝܗܿ#2#/ ܕܪܒܬ ܘܬܐܟܘܠ ܣܚܪ̈ܬܗܿ܂ ܒܩܥܬܐ ܒܝܘܡܐ ܕܩܪܒܐ܂ ܒܥܠܥܠܐ ܒܝܘܡܐ ܕܥܪܘܪܐ܂
01:15 [ai]ܘܢܐܙܠ ܡܠܟܘܡ ܒܫܒܝܬܐ܂ ܘܟܘܡܪ̈ܘܗܝ ܘܪ̈ܘܪܒܢܘܗܝ ܐܟܚܕܐ ܐܡܪ ܡܪܝܐ܀

next chapter