The Comprehensive Aramaic Lexicon

02:01 [ai]	ܗܟܢܐ ܐܡܪ ܡܪܝܐ܂ ܥܠ ܬܠܬܐ ܚ̈ܘܒܘܗܝ ܕܡܘܐܒ ܘܕܐܪ̈ܒܥܐ ܠܐ ܐܗܦܟ/ܐܗܦܘܟ#3#/ ܡܢܗܘܢ܂ ܥܠ ܕܐܘܩܕܘ ܓܪ̈ܡܘܗܝ ܕܡܠܟܐ ܕܐܕܘܡ ܠܣܝܕܐ/ܠܣܝܪܐ#3#/܂
02:02 [ai]	ܐܫܕܪ ܢܘܪܐ ܥܠ ܡܘܐܒ܂ ܘܬܐܟܘܠ ܣܚܪ̈ܬܗܿ ܕܩܪܝܘܬ܂ ܘܢܡܘܬ ܡܘܐܒ ܒܕܠܘܚܝܐ܂ ܒܩܥܬܐ ܘܒܩܠܐ ܕܫܝܦܘܪܐ܂
02:03 [ai]	ܘܐܘܒܕ ܕܝܿܢܐ ܡܢ ܓܘܗ܂ ܘܟܠܗܘܢ ܪ̈ܘܪܒܢܘܗܝ ܐܚܪܘܒ ܥܡܗ ܐܡܪ ܡܪܝܐ܂܀
02:04 [ai]	ܗܟܢܐ ܐܡܪ ܡܪܝܐ܂ ܥܠ ܬܠܬܐ ܚ̈ܘܒܘܗܝ ܕܝܗܘܕܐ ܘܕܐܪ̈ܒܥܐ ܠܐ ܐܗܦܟ ܡܢܗܘܢ܂ ܥܠ ܕܐܣܠܝܘ ܢܡܘܣܗ ܕܡܪܝܐ ܘܦܘܩ̈ܕܢܘܗܝ ܠܐ ܢܛܪܘ܂ ܘܐ̈ܛܥܝ ܐܢܘܢ ܣܪ̈ܝܩܬܐ ܕܐܙܠܘ ܐ̈ܒܗܝܗܘܢ ܒܬܪܗܝܢ܂
02:05 [ai]	ܐܫܕܪ ܢܘܪܐ ܒܝܗܘܕܐ܂ ܘܬܐܟܘܠ ܣܚܪ̈ܬܗܿ ܕܐܘܪܫܠܡ܂܀
02:06 [ai]	ܗܟܢܐ ܐܡܪ ܡܪܝܐ܂ ܥܠ ܬܠܬܐ ܚ̈ܘܒܘܗܝ ܕܐܝܣܪܝܠ ܘܕܐܪ̈ܒܥܐ ܠܐ ܐܗܦܟ ܡܢܗܘܢ܂ ܥܠ ܕܙܒܢܘ ܠܙܕܝܩܐ ܒܟܣܦܐ܂ ܘܠܡܣܟܢܐ ܡܛܠ ܡܣ̈ܢܐ܂
02:07 [ai]	ܕܕܝܫܝܢ ܥܠ ܥܦܪܐ ܕܐܪܥܐ܂ ܘܡܩܦܚܝܢ ܠܡܣ̈ܟܢܐ܂ ܘܐܘܪܚܐ/ܒܐܘܪܚܐ#3#/ ܕܒܝܫ̈ܐ ܨܠܘ/ܐܙܠܘ#3#/܂ ܘܓܒܪܐ ܘܐܒܘܗܝ ܐܙܠܝܢ ܠܘܬ ܐܢܬܬܐ܂ ܡܛܠ ܕܢܛܢܦܘܢ ܫܡܐ ܕܩܘܕܫܝ܂
02:08 [ai]	ܘܥܠ ܠܒ̈ܘܫܐ ܚ̈ܒܠܐ ܚܙܩܝܢ ܗܘܘ ܥܠ ܓܒ ܟܠ ܡܕܒܚ܂ ܘܚܡܪܐ ܥܬܝܩܐ ܫܬܝܢ ܗܘܘ ܒܝܬ ܐ̈ܠܗܝܗܘܢ܂
02:09 [ai]	ܘܐܢܐ ܐܘܒܕܬ ܠܐܡܘܪܝܐ ܡܢ ܩܕܡܝܗܘܢ܂ ܕܪܘܡܗ ܐܝܟ ܪܘܡܐ ܕܐܪܙܐ܂ ܘܚܣܝܢ ܗܘܐ ܐܝܟ ܒܠܘܛܐ܂ ܐܘܒܕܬ ܦܐܪ̈ܘܗܝ ܡܢ ܠܥܠ ܘܥܩܪ̈ܘܗܝ ܡܢ ܠܬܚܬ܂
02:10 [ai]	ܘܐܢܐ ܐܣܩܬܟܘܢ ܡܢ ܐܪܥܐ ܕܡܨܪܝܢ܂ ܘܕܒܪܬܟܘܢ ܒܡܕܒܪܐ ܐܪ̈ܒܥܝܢ ܫܢܝ̈ܢ܂ ܘܐܝܬܝܬܟܘܢ ܠܐܬܪܐ ܗܢܐ ܠܡܐܪܬ ܐܪܥܐ ܕܐܡܘܪ̈ܝܐ܂
02:11 [ai]	ܘܐܩܝܡܬ ܡܢ ܒ̈ܢܝܟܘܢ ܢܒ̈ܝܐ܂ ܘܡܢ ܥܠܝ̈ܡܝܟܘܢ ܢܙܝܪ̈ܐ܂ ܕܠܡܐ ܠܐ ܐܝܬܝܗܝܢ ܗܠܝܢ ܒܢ̈ܝ ܐܝܣܪܝܠ ܐܡܪ ܡܪܝܐ܂
02:12 [ai]	ܘܐܫܩܝܬܘܢ ܠܢܙܝܪ̈ܐ ܚܡܪܐ܂ ܘܠܢܒ̈ܝܐ ܦܩܕܬܘܢ ܕܠܐ ܢܬܢܒܘܢ܂
02:13 [ai]	ܗܐ ܐܢܐ ܡܥܝܩ ܐܢܐ ܬܚܘܬܝܟܘܢ܂ ܐܝܟ ܕܡܥܝܩܐ ܥܓܠܬܐ ܕܡܠܝܐ ܫܒ̈ܠܐ܂
02:14 [ai]	ܘܢܐܒܕ ܪܗܛܐ ܡܢ ܩܠܝܠܐ܂ ܘܕܥܫܝܢ ܠܐ ܢܚܡܣܢ ܚܝܠܗ܂ ܘܕܓܢܒܪ ܠܐ ܢܦܨܐ ܢܦܫܗ܂
02:15 [ai]	ܘܩܫܬܐ ܠܐ ܢܩܘܡ܂ ܘܕܩܠܝܠ ܒܪܗܛܗ ܠܐ ܢܬܦܨܐ܂ ܘܦܪܫܐ ܠܐ ܢܫܘܙܒ ܢܦܫܗ܂
02:16 [ai]	ܘܕܥܫܝܢ ܠܒܗ ܐܝܟ ܕܓܢܒܪܐ܂ ܥܪܛܠ ܢܥܪܘܩ ܒܝܘܡܐ ܗܿܘ ܐܡܪ ܡܪܝܐ܂܀

next chapter