The Comprehensive Aramaic Lexicon

03:01 [ai]	ܫܡܥܘ ܡܠܬܐ ܗܕܐ ܕܐܡܪ ܡܪܝܐ ܥܠܝܟܘܢ ܒܢ̈ܝ/ܒܝܬ#2#/ ܐܝܣܪܝܠ܂ ܥܠ ܟܠܗܿ ܫܪܒܬܐ ܕܐܣܩܬ ܡܢ ܐܪܥܐ ܕܡܨܪܝܢ܂ ܘܐܡܪܬ
03:02 [ai]	ܕܠܟܘܢ ܒܠܚܘܕ ܝܕܥܬ ܡܢ ܟܠܗܘܢ ܥܡ̈ܡܐ܂ ܘܡܢ ܟܠܗܝܢ ܫܪ̈ܒܬܐ ܕܐܪܥܐ܂ ܡܛܠ ܗܢܐ ܐܦܩܘܕ ܥܠܝܟܘܢ ܟܠܗܘܢ ܚ̈ܘܒܝܟܘܢ܂
03:03 [ai]	ܕܠܡܐ ܐܙܠܝܢ ܬܪ̈ܝܢ ܐܟܚܕܐ ܐܠܐ ܐܢ ܐܬܘܥܕܘ܂
03:04 [ai]	ܕܠܡܐ ܢܗܡ ܐܪܝܐ ܒܥܒܐ ܡܐ ܕܠܝܬ ܠܗ ܓܙܪܐ܂ ܐܘ ܕܠܡܐ ܡܪܝܡ ܩܠܗ ܐܪܝܐ ܡܢ ܡܪܒܘܥܝܬܗ ܐܠܐ ܐܢ ܬܒܪ܂
03:05 [ai]	ܕܠܡܐ ܢܦܠܐ ܨܦܪܐ ܒܦܚܐ ܒܐܪܥܐ ܒܠܥܕ ܡܢ ܨܿܝܕܐ܂ ܐܘ ܕܠܡܐ ܫܘܪ ܦܚܐ ܡܢ ܐܪܥܐ ܘܐܚܕ܂
03:06 [ai]	ܕܠܡܐ ܡܬܩܪܐ ܫܝܦܘܪܐ ܒܡܕܝܢܬܐ ܘܥܡܐ ܠܐ ܙܐܥ ܐܘ ܕܠܡܐ ܗܘܝܐ ܒܝܫܬܐ ܒܡܕܝܢܬܐ ܕܡܪܝܐ ܠܐ ܥܒܕ܂
03:07 [ai]	ܡܛܠ ܕܠܐ ܥܒܕ ܡܪܐ ܡܪ̈ܘܬܐ ܡܕܡ܂ ܐܠܐ ܐܢ ܓܠܐ ܪܐܙܗ ܠܥܒ̈ܕܘܗܝ ܢܒ̈ܝܐ܂
03:08 [ai]	ܐܪܝܐ ܢܗܡ ܡܿܢ ܠܐ ܢܕܚܠ܂ ܡܪܐ ܡܪ̈ܘܬܐ ܡܠܠ ܡܿܢ ܠܐ ܢܬܢܒܐ܂܀
03:09 [ai]	ܐܫܡܥܘ ܥܠ ܣܚܪ̈ܬܗܿ ܕܐܫܕܘܕ܂ ܘܥܠ ܣܚܪ̈ܬܗܿ ܕܐܪܥܐ ܕܡܨܪܝܢ܂ ܘܐܡܪܘ܂ ܐܬܟܢܫܘ ܟܠܟܘܢ ܠܛܘܪܐ ܕܫܡܪܝܢ܂ ܘܚܙܘ ܕܠܘܚܝܐ ܣܓܝܐܐ ܕܒܓܘܗܿ/ܒܓܘܗܿ#3#/ ܘܥܫܘܩܝܐ ܕܒܗܿ܂
03:10 [ai]	ܘܠܐ ܝܕܥܝܢ ܠܡܥܒܕ ܡܟܣܢܘܬܐ ܐܡܪ ܡܪܝܐ܂ ܘܚܡܠܝܢ ܚܛܘܦܝܐ ܘܒܙܬܐ ܒܣܚܪ̈ܬܗܘܢ܂܀
03:11 [ai]	ܡܛܠ ܕܗܟܢܐ ܐܡܪ ܡܪܝܐ܂ ܐܘܠܨܢܐ ܢܚܕܪܝܗܿ ܠܐܪܥܐ܂ ܘܢܚܘܬ ܡܢܗܿ ܥܘܫܢܗܿ ܘܢܬ̈ܒܙܢ ܣܚܪ̈ܬܗܿ
03:12 [ai]	ܗܟܢܐ ܐܡܪ ܡܪܝܐ܂ ܐܝܟ ܕܡܥܕܐ ܪܥܝܐ ܡܢ ܦܘܡܐ ܕܐܪܝܐ ܬܪ̈ܬܝܢ ܟܪ̈ܥܝܢ ܐܘ ܛܪܦܐ ܕܐܕܢܐ܂ ܗܟܢܐ ܢܬܦܨܘܢ ܒܢ̈ܝ ܐܝܣܪܝܠ ܕܝܬܒܝܢ ܒܫܡܪܝܢ܂ ܒܚܘܛܪܐ ܕܡܢ ܫܠܝ ܘܒܥܡܐ ܕܡܢ ܕܪܡܣܘܩ܂܀܀
03:13 [ai]	ܫܡܥܘ ܘܐܣܗܕܘ ܒܒܝܬܐ ܕܝܥܩܘܒ܂ ܐܡܪ ܡܪܐ ܡܪ̈ܘܬܐ ܚܝܠܬܢܐ ܐܠܗܐ ܕܐܝܣܪܝܠ܂
03:14 [ai]	ܡܛܘܠ ܕܒܝܘܡܐ ܕܦܩܕ ܐܢܐ ܥܘܠܗ ܕܐܝܣܪܝܠ ܥܠܘܗܝ܂ ܐܦܩܘܕ ܥܠ ܡܕܒ̈ܚܐ ܕܒܝܬ ܐܝܠ܂ ܘܢܬ̈ܓܕܡܢ ܩܪ̈ܢܬܗܘܢ ܕܡܕܒ̈ܚܐ ܘܢܦ̈ܠܢ ܥܠ ܐܪܥܐ܂
03:15 [ai]	ܘܐܘܒܕ ܒܝܬ ܣܬܘܐ ܥܡ ܒܝܬ ܩܝܛܐ܂ ܘܢܐܒܕܘܢ ܒܬ̈ܐ ܕܫܢܐ܂ ܘܢܣܘܦܘܢ/ܘܢܣܬܚܦܘܢ#3#/ ܒܬ̈ܐ ܣ̈ܓܝܐܐ ܐܡܪ ܡܪܝܐ܀܂

next chapter