The Comprehensive Aramaic Lexicon

04:01 [ai]	ܫܡ̈ܥܝܢ ܦܬܓܡܐ ܗܢܐ ܡܘܫ̈ܚܐ ܕܒܝܫܢ܂ ܕܒ̈ܛܘܪܐ ܕܫܡܪܝܢ܂ ܕܛܠܡ̈ܢ ܠܡܣܟ̈ܢܐ ܘܐ̈ܠܨܢ ܠܒܝ̈ܫܐ܂ ܘܐܡܪ̈ܢ ܠܡܪ̈ܝܗܝܢ ܐܝܬܘ ܠܢ ܢܫܬܐ܂
04:02 [ai]	ܝܡܐ ܡܪܐ ܡܪ̈ܘܬܐ ܒܩܕܝܫܘܬܗ܂ ܕܗܐ ܝܘܡ̈ܬܐ ܐܬܝܢ ܥܠܝܟܝܢ܂ ܘܢܫܩܠܘܢܟܝܢ/ܕܢܫܩܠܘܢܟܝܢ#3#/ ܒܙܝܢܐ܂ ܘܚܪܬܟܝܢ ܒܩܕܣܐ ܕܨܝ̈ܕܐ܂
04:03 [ai]	ܘܠܬܘܪܥܬܐ ܬܪܗܛ ܐܢܬܬܐ ܠܩܘܒܠܗܿ܂ ܘܢܫܬ̈ܕܝܢ ܠܛܘܪܐ ܕܐܪܡܢܝ ܐܡܪ ܡܪܝܐ܀
04:04 [ai]	ܥܘܠܘ ܠܒܝܬ ܐܝܠ ܘܐܥܠܘ܂ ܘܒܓܠܓܠܐ ܐܣܓܘ ܠܡܥܠܘ܂ ܐܝܬܘ ܠܨܦܪܐ ܕܒܚܝ̈ܟܘܢ܂ ܘܠܬܠܬܐ ܝܘܡ̈ܝܢ ܡܥܣܪ̈ܝܟܘܢ܂
04:05 [ai]	ܘܐܣܩܘ ܡܢ ܚܡܝܥܐ ܬܘܕܝܬܐ܂ ܘܢܕܘܪܘ ܢܕܪ̈ܐ ܘܫܠܡܘ܂ ܡܛܠ ܕܗܟܢܐ ܪܚܡܬܘܢ ܒܢ̈ܝ ܐܝܣܪܐܝܠ ܐܡܪ ܡܪܝܐ܂
04:06 [ai]	ܐܦ ܐܢܐ ܝܗܒܬ ܠܟܘܢ ܩܗܝܘܬ ܫܢ̈ܐ ܒܟܠܗܝܢ ܡܕܝܢ̈ܬܟܘܢ/ܐܘܪ̈ܚܬܟܘܢ#3#/܂ \ܘܚܣܝܪܘܬ ܠܚܡܐ /ܘܚܣܝܪܘܬܐ ܕܠܚܡܐ#3#/ ܒܟܠܗܘܢ ܐܬܪ̈ܘܬܟܘܢ܂ ܘܠܐ ܐܬܦܢܝܬܘܢ ܠܘܬܝ ܐܡܪ ܡܪܝܐ܂
04:07 [ai]	ܐܦ ܐܢܐ ܟܠܝܬ ܡܢܟܘܢ ܡܛܪܐ܂ ܩܕܡ ܬܠܬܐ ܝܪ̈ܚܝܢ ܕܚܨܕܐ܂ ܘܐܚܬ ܡܛܪܐ ܥܠ ܡܕܝܢܬܐ ܚܕܐ ܘܥܠ ܚܕܐ ܠܐ ‍<‍ܐܚܬ#3#‍>‍܂ ܘܥܠ ܦܠܓܘܬܐ ܚܕܐ ܢܚܘܬ ܥܠܝܗܿ ܡܛܪܐ܂ ܘܡܢܬܐ ܕܠܐ ܢܚܘܬ ܥܠܝܗܿ ܡܛܪܐ ܬܐܒܫ܂
04:08 [ai]	ܘܢ̈ܬܟܢܫܢ ܬܪ̈ܬܝܢ ܬܠܬ ܡܕܝܢ̈ܢ ܠܡܕܝܢܬܐ ܚܕܐ܂ ܕܢܫܬ̈ܝܢ ܡ̈ܝܐ ܘܠܐ ܢܣܒ̈ܥܢ܂ ܘܠܐ ܐܬܦܢܝܬܘܢ ܠܘܬܝ ܐܡܪ ܡܪܝܐ܀܂
04:09 [ai]	ܡܚܝܬܟܘܢ ܒܫܘܒܐ ܘܒܝܪܩܢܐ ܘܒܒܪܕܐ܂ ܘܣܘܓܐܐ ܕܦܪ̈ܕܝܣܝܟܘܢ ܘܕܟܪ̈ܡܝܟܘܢ ܘܕܬܐ̈ܢܝܟܘܢ ܘܕܙܝ̈ܬܝܟܘܢ ܐܟܠ ܡܫܘܛܐ܂ ܘܠܐ ܐܬܦܢܝܬܘܢ ܠܘܬܝ ܐܡܪ ܡܪܝܐ܂
04:10 [ai]	ܫܕܪܬ ܒܟܘܢ ܡܘܬܢܐ ܒܐܘܪܚܐ ܕܡܨܪܝܢ܂ ܘܩܛܠܬ ܒܚܪܒܐ ܥܠܝܡ̈ܝܟܘܢ ܥܡ ܫܒܝܬܐ ܕܪ̈ܟܫܟܘܢ܂ ܘܐܡܚܝܬ ܪܝܚ ܣܪܝܘܬܟܘܢ ܒܐ̈ܦܝܟܘܢ܂ ܘܠܐ ܐܬܦܢܝܬܘܢ ܠܘܬܝ ܐܡܪ ܡܪܝܐ܀܂
04:11 [ai]	ܗܦܟܬ ܒܟܘܢ ܐܝܟ ܕܗܦܟ ܐܠܗܐ ܠܣܕܘܡ ܘܠܥܡܘܪܐ܂ ܘܗܘܝܬܘܢ ܐܝܟ ܐܘܕܐ ܕܐܬܦܨܝ ܡܢ ܫܠܗܒܝܬܐ ܘܠܐ ܐܬܦܢܝܬܘܢ ܠܘܬܝ ܐܡܪ ܡܪܝܐ܂
04:12 [ai]	ܡܛܠ ܗܠܝܢ ܗܟܢܐ ܐܥܒܕ ܠܟ ܐܝܣܪܝܠ ܒܚܪܬܐ܂ ܡܛܠ ܕܗܕܐ/ܕܗܟܢܐ#3#/ ܥܒܕ ܐܢܐ ܠܟ܂ ܐܬܛܝܒ ܐܝܣܪܝܠ ܕܬܩܪܐ ܠܐܠܗܟ܂
04:13 [ai]	ܡܛܠ ܕܡܿܢ ܕܒܪܐ ܪ̈ܘܚܐ ܘܒܪܐ ܛܘܪ̈ܐ܂ ܘܡܚܘܐ ܠܒܢ̈ܝ ܐܢܫܐ ܡܢܐ ܗܝ ܬܫܒܘܚܬܗ ܥܒܕ ܫܦܪܐ ܥܡܛܢܐ܂ ܘܕܪܟ ܥܠ ܪܘܡܗܿ ܕܐܪܥܐ܂ ܡܪܝܐ ܐܠܗܐ ܚܝܠܬܢܐ ܫܡܗ܂܀

next chapter