← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62017: P Am

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


05:01 [ai]ܫܡܥܘ ܡܠܬܐ ܗܕܐ ܕܐܢܐ ܫܩܠ ܥܠܝܟܘܢ ܐܘܠܝܬܐ ܒܝܬ ܐܝܣܪܝܠ܂
05:02 [ai]ܢܦܠܬ ܘܠܐ ܬܘܣܦ ܠܡܩܡ ܒܬܘܠܬܐ ܕܐܝܣܪܝܠ܂ ܐܫܬܒܩܬ ܥܠ ܐܪܥܐ ܘܠܝܬ ܕܡܩܝܡ ܠܗܿ܂
05:03 [ai]ܡܛܠ ܕܗܟܢܐ ܐܡܪ ܡܪܐ ܡܪ̈ܘܬܐ܂ ܡܕܝܢܬܐ ܕܢܦܩܝܢ ܗܘܘ ܡܢܗܿ ܐܠܦ܂ ܢܫܬܚܪܘܢ ܒܗܿ ܡܐܐ܂ ܘܕܢܦܩܝܢ ܗܘܘ ܡܢܗܿ ܡܐܐ܂ ܢܫܬܚܪܘܢ ܒܗܿ ܥܣܪܐ ܠܕܒܝܬ ܐܝܣܪܝܠ܂
05:04 [ai]ܡܛܠ ܕܗܟܢܐ ܐܡܪ ܡܪܝܐ ܠܕܒܝܬ ܐܝܣܪܝܠ܂ ܒܥܐܘܢܝ/ܕܒܥܐܘܢܝ#3#/ ܠܝ ܘܚܝܘ܂
05:05 [ai]ܘܠܐ ܬܒܥܘܢ ܠܒܝܬ ܐܝܠ܂ ܘܠܓܠܓܠܐ ܠܐ ܬܥܠܘܢ܂ ܘܠܒܪܫܒܥ ܠܐ ܬܥܒܪܘܢ܂ ܡܛܠ ܕܓܠܓܠܐ ܡܫܬܒܝܘ ܬܫܬܒܐ܂ ܘܒܝܬ ܐܝܠ ܢܗܘܐ ܐܝܟ ܕܠܐ ܐܝܬܘܗܝ܂
05:06 [ai]ܒܥܘ ܠܡܪܝܐ ܘܚܝܘ܂ ܕܠܐ ܢܐܩܕ/ܢܐܒܕ#3#/ ܐܝܟ ܢܘܪܐ ܒܝܬ ܝܘܣܦ܂ ܘܢܐܟܘܠ ܠܒܝܬ ܐܝܠ/ܠܕܒܝܬ ܐܝܠ#2#/ ܘܠܝܬ ܕܡܕܥܟ܂
05:07 [ai]ܕܗܦܟܝܢ/ܗܦܟܝܢ#3#/ ܕܝܢܐ ܠܡܪܪ̈ܐ ܘܙܕܝܩܘܬܐ ܠܐܪܥܐ ܫܒܩܘ܂
05:08 [ai]ܠܡܿܢ ܕܥܒܕ ܟܝܡܐ ܘܥܝܘܬܐ܂ ܘܗܦܟ ܠܨܦܪܐ ܛ̈ܠܠܝ ܡܘܬܐ܂ ܘܐܝܡܡܐ ܠܠܠܝܐ ܐܚܫܟ܂ ܕܩܪܐ ܠܡ̈ܝܐ ܕܝܡܐ܂ ܘܐܫܕ ܐܢܘܢ ܥܠ ܐ̈ܦܝܗ ܕܐܪܥܐ܂ ܡܪܝܐ ܫܡܗ܂
05:09 [ai]ܕܡܫܠܛ ܚܠܫܐ ܥܠ ܥܫܝܢܐ܂ ܘܡܟܝܟܐ ܥܠ ܪܡܐ ܡܥܠܐ܂
05:10 [ai]ܣܢܝܢ/ܕܣܢܝܢ#3#/ ܒܬܪܥܐ ܠܡܣܟܢܐ/ܠܡܟܣܢܐ#5#/܂ ܘܠܡܿܢ ܕܡܡܠܠ ܬܪ̈ܝܨܬܐ ܡܣܠܝܢ܂
05:11 [ai]ܡܛܠ ܗܢܐ ܚܠܦ ܕܩܦܚܬܘܢ ܠܡܣܟܢܐ܂ ܘܩܘܪ̈ܒܢܐ ܓܒܝ̈ܐ ܢܣܒܬܘܢ ܡܢܗ܂ ܒܬ̈ܐ ܕܦܣܝܠܬܐ ܕܒܢܝܬܘܢ ܠܐ ܬܬܒܘܢ ܒܗܘܢ܂ ܘܟܪ̈ܡܐ ܕܪܓܬܐ ܕܢܨܒܬܘܢ ܠܐ ܬܫܬܘܢ ‍<‍ܡܢ#3#‍>‍ ܚܡܪܗܘܢ܂
05:12 [ai]ܡܛܠ ܕܝܕܥ ܐܢܐ ܕܣ̈ܓܝܐܝܢ ܚ̈ܘܒܝܟܘܢ ܘܥܫܝ̈ܢܝܢ ܚ̈ܛܗܝܟܘܢ܂ ܐ̈ܠܘܨܘܗܝ ܕܙܕܝܩܐ ܢܣܒܘ ܫܘܚܕܐ܂ ܘܠܡܣܟܢܐ ܒܬܪܥܐ ܨܠܘ܂
05:13 [ai]ܡܛܠ ܗܢܐ ܡܿܢ ܕܡܣܬܟܠ ܒܙܒܢܐ ܗܿܘ ܢܫܬܘܩ ܠܗ܂ ܡܛܠ ܕܙܒܢܐ ܗܿܘ ܕܒܝܫܬܐ܂
05:14 [ai]ܒܥܘ ܛܒܬ̈ܐ ܘܠܐ ܒܝܫ̈ܬܐ ܕܬܚܘܢ܂ ܘܢܗܘܐ ܗܟܢܐ ܡܪܝܐ ܚܝܠܬܢܐ ܥܡܟܘܢ ܐܝܟ ܕܐܡܪܬܘܢ܂
05:15 [ai]ܣܢܘ ܒܝܫ̈ܬܐ ܘܪܚܡܘ ܛܒܬ̈ܐ܂ ܘܐܩܝܡܘ ܒܬܪܥܐ ܕܝܢܼܐ܂ ܟܒܪ ܢܪܚܡ ܡܪܝܐ ܐܠܗܐ ܚܝܠܬܢܐ ܥܠ ܫܪܟܗ ܕܝܘܣܦ܂
05:16 [ai]ܡܛܠ ܕܗܟܢܐ ܐܡܪ ܡܪܝܐ ܐܠܗܐ ܚܝܠܬܢܐ܂ ܒܟܠܗܘܢ ܫ̈ܘܩܐ ܡܪ̈ܩܕܬܐ܂ ܘܒܟܠܗܝܢ ܒܪ̈ܝܬܐ ܢܐܡܪܘܢ܂ ܗܘܝ ܗܘܝ܂ ܘܢܩܪܘܢ ܠܐܟܪ̈ܐ ܠܐܒܠܐ ܘܠܡܪ̈ܩܕܬܐ ܘܠܝܕ̈ܥܝ ܐܘ̈ܠܝܬܐ܂
05:17 [ai]ܘܒܟܠܗܘܢ ܟܪ̈ܡܐ ܡܪ̈ܩܕܬܐ܂ ܡܛܠ ܕܥܒܪ/ܕܥܒܕ#1##2#/ ܐܢܐ ܒܓܘܟܝ ܐܡܪ ܡܪܝܐ܂܀
05:18 [ai]ܘܝ ܠܕܪܓܝܢ ܠܝܘܡܗ ܕܡܪܝܐ܂ ܠܡܢܐ ܗܘܐ ܠܟܘܢ ܝܘܡܗ ܕܡܪܝܐ܂ ܕܚܫܘܟ ܗܘ ܘܠܐ ܢܗܝܪ܂
05:19 [ai]ܐܝܟ ܕܥܪܩ ܓܒܪܐ ܡܢ ܩܕܡ ܐܪܝܐ ܘܦܓܥܐ ܒܗ ܕܒܐ܂ ܘܥܐܠ ܠܒܝܬܐ ܘܣܡܟ ܐܝܕܗ ܥܠ ܐܣܬܐ ܘܢܟܬ ܠܗ ܚܘܝܐ܂
05:20 [ai]ܗܟܢܐ ܗܘ ܝܘܡܗ ܕܡܪܝܐ܂ ܚܫܘܟ ܗܘ ܘܠܐ ܢܗܝܪ܂ ܥܡܘܛ ܗܘ ܘܠܝܬ ܒܗ ܙܗܪܐ܂܀
05:21 [ai]ܣܢܝܬ ܘܐܣܠܝܬ ܥܕܥ̈ܐܕܝܟܘܢ܂ ܘܠܐ ܐܪܝܚ ܒܥܨܪ̈ܬܟܘܢ/ܥܨܪ̈ܬܟܘܢ#3#/܂
05:22 [ai]ܐܦܢ ܬܣܩܘܢ ܠܝ ܝܩ̈ܕܐ ܫ̈ܠܡܐ܂ ܒܩܘܪ̈ܒܢܝܟܘܢ ܠܐ ܐܨܛܒܐ܂ ܘܒܫܘܦܪܐ ܕܡ̈ܦܛܡܝܟܘܢ ܠܐ ܐܚܘܪ܂
05:23 [ai]ܐܥܒܪ ܡܢܝ ܩܠܐ ܕܙܡܪܟ܂ ܘܙܡܝܪܬܐ ܕܟܢܪܟ ܬܘܒ ܠܐ ܐܫܡܥ܂
05:24 [ai]ܘܢܬܓܠܐ ܕܝܢܼܐ ܐܝܟ ܡ̈ܝܐ܂ ܘܙܕܝܩܘܬܐ ܐܝܟ ܪܓܠܬܐ ܥܫܝܢܬܐ܂
05:25 [ai]ܕܠܡܐ ܕܒܚ̈ܐ ܘܩܘܪ̈ܒܢܐ ܩܪܒܬܘܢ ܠܝ ܐܪ̈ܒܥܝܢ ܫ̈ܢܝܢ ܒܡܕܒܪܐ ܒܝܬ/ܒ̈ܢܝ#3#/ ܐܝܣܪܝܠ܂
05:26 [ai]ܐܠܐ ܫܩܠܬܘܢ \ܡܫܟܢܗ ܕܡܠܟܘܡ /ܡܠܟܘܡ#3#/ ܘܟܘܢ ܨܠܡܟܘܢ܂ ܟܘܟܒܐ ܕܥܒܕܬܘܢ ܠܟܘܢ ܐܠܗܐ܂
05:27 [ai]ܐܫܒܝܟܘܢ ܠܗܠ ܡܢ ܕܪܡܣܘܩ܂ ܐܡܪ ܡܪܝܐ ܐܠܗܐ ܚܝܠܬܢܐ ܫܡܗ܂܀

next chapter