← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62017: P Am

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


07:01 [ai]ܗܟܢܐ ܚܘܝܢܝ ܡܪܐ ܡܪ̈ܘܬܐ܂ ܒܪܝܬܐ ܕܩܡܨܐ ܒܪܝܫ ܡܘܥܝܬܐ ܕܠܩܫܐ܂ ܘܗܘ ܠܩܫܐ ܒܬܪ/ܒܝܬ#3#/ ܓܙܐ ܗܘܐ ܕܡܠܟܐ܂
07:02 [ai]ܘܟܕ ܓܡܪ ܠܡܐܟܠܗ ‍<‍ܠܟܠܗ#3#‍>‍ ܠܥܣܒܐ ܕܐܪܥܐ ܐܡܪܬ܂ ܡܪܐ ܡܪ̈ܘܬܐ ܚܣܢܝ܂ ܡܢܘ ܢܩܝܡܝܘܗܝ ܠܝܥܩܘܒ ܡܛܠ ܕܙܥܘܪ ܗܘ܂
07:03 [ai]ܐܗܦܟܝܗܿ ܡܪܝܐ ܠܗܕܐ ܘܠܐ ܬܗܘܐ܂
07:04 [ai]ܗܟܢܐ ܚܘܝܢܝ ܡܪܐ ܡܪ̈ܘܬܐ܂ ܘܗܐ ܩܪܐ ܠܡܕܢ ܒܢܘܪܐ ܡܪܐ ܡܪ̈ܘܬܐ܂ ܘܐܟܠܬ ܠܬܗܘܡܐ ܪܒܐ ܘܐܟܠܬ ܠܦܠܓܘܬܐ܂
07:05 [ai]ܘܐܡܪܬ܂ ܡܪܐ ܡܪ̈ܘܬܐ ܚܣܢܝ܂ ܡܢܘ ܢܩܝܡܝܘܗܝ ܠܝܥܩܘܒ ܡܛܠ ܕܙܥܘܪ ܗܘ܂
07:06 [ai]ܐܗܦܟܝܗܿ ܡܪܝܐ ܠܗܕܐ ܘܐܦ ܗܝ ܠܐ ܬܗܘܐ܂
07:07 [ai]ܗܟܢܐ ܚܘܝܢܝ܂ ܘܗܐ ܡܪܝܐ ܩܐܡ ܥܠ ܫܘܪܐ ܕܐܕܡܘܣ܂ ܘܒܐܝܕܗ ܐܕܡܘܣ܂
07:08 [ai]ܘܐܡܪ܂ ܠܝ ܡܪܝܐ܂ ܡܢܐ ܚܙܝܬ ܥܡܘܣ܂ ܘܐܡܪܬ ܐܕܡܘܣ܂ ܘܐܡܪ ܠܝ ܡܪܝܐ܂ ܗܐ ܐܢܐ ܣܐܡ ܐܢܐ ܐܕܡܘܣ ܒܓܘ ܥܡܝ ܐܝܣܪܝܠ܂ ܘܠܐ ܐܘܣܦ ܬܘܒ ܕܐܥܒܪ ܐܢܘܢ܂
07:09 [ai]ܘܢܚܪ̈ܒܢ ܦܪ̈ܟܐ ܕܓܘܚܟܐ܂ ܘܡܩ̈ܕܫܐ ܕܐܝܣܪܝܠ ܢܚܪܒܘܢ܂ ܘܐܩܘܡ ܥܠ ܒܝܬ ܝܘܪܒܥܡ ܒܚܪܒܐ܂
07:10 [ai]ܘܫܠܚ ܐܡܘܨܝܐ ܟܘܡܪܐ ܕܒܝܬ ܐܝܠ ܠܘܬ ܝܘܪܒܥܡ ܡܠܟܐ ܕܐܝܣܪܝܠ ܘܐܡܪ ܠܗ܂ ܡܪܕ ܥܠܝܟ ܥܡܘܣ ܒܓܘ ܒܝܬ ܐܝܣܪܝܠ܂ ܘܠܐ ܡܫܟܚܐ ܐܪܥܐ ܠܡܣܝܒܪܘ ܡ̈ܠܘܗܝ܂
07:11 [ai]ܡܛܠ ܕܗܟܢܐ ܐܡܪ ܥܡܘܣ ܕܒܚܪܒܐ ܢܬܩܛܠ ܝܘܪܒܥܡ ܘܐܝܣܪܝܠ ܒܫܒܝܐ ܢܫܬܒܐ ܡܢ ܐܪܥܗ܂
07:12 [ai]ܘܐܡܪ ܐܡܘܨܝܐ ܠܥܡܘܣ܂ ܚܙܝܐ܂ ܥܪܘܩ ܙܠ ܠܟ ܠܐܪܥܐ ܕܝܗܘܕܐ܂ ܘܐܟܘܠ ܬܡܢ ܠܚܡܐ ܘܬܡܢ ܬܬܢܒܐ܂
07:13 [ai]ܘܒܝܬ ܐܝܠ ܠܐ ܬܘܣܦ ܬܘܒ ܠܡܬܢܒܝܘ܂ ܡܛܠ ܕܡܩܕܫܐ ܗܘ ܕܡܠܟܐ ܘܒܝܬ ܡܠܟܘܬܐ ܗܘ܂
07:14 [ai]ܘܥܢܐ ܥܡܘܣ ܘܐܡܪ ܠܐܡܘܨܝܐ܂ ܐܢܐ ܠܐ ܗܘܝܬ ܢܒܝܐ ܐܦ ܠܐ ܒܪ ܢܒ̈ܝܐ܂ ܐܠܐ ܪܥܝܐ ܐܢܐ ܘܠܩܛ ܫܩ̈ܡܐ܂
07:15 [ai]ܘܕܒܪܢܝ ܡܪܝܐ ܡܢ ܒܣܬܪ ܥܢܐ܂ ܘܐܡܪ ܠܝ ܡܪܝܐ܂ ܙܠ ܐܬܢܒܐ ܥܠ ܥܡܝ ܐܝܣܪܝܠ܂
07:16 [ai]ܡܟܝܠ ܫܡܥ ܡܠܬܗ ܕܡܪܝܐ܂ ܐܢܬ ܐܡܪܬ ܕܠܐ ܬܬܢܒܐ ܥܠ ܕܒܝܬ ܐܝܣܪܝܠ܂ ܘܠܐ ܬܠܦ ܠܕܒܝܬ ܐܝܣܚܩ܂܀
07:17 [ai]ܡܛܠ ܗܢܐ ܗܟܢܐ ܐܡܪ ܡܪܝܐ܂ ܐܢܬܬܟ ܒܡܕܝܢܬܟ ܬܙܢܐ܂ ܘܒܢܝܟ ܘܒܢ̈ܬܟ ܒܚܪܒܐ ܢܦܠܘܢ܂ ܘܐܪܥܟ ܒܫܘܝܬܐ ܬܬܦܠܓ܂ ܘܐܢܬ ܒܐܪܥܐ ܛܡܐܬܐ ܬܡܘܬ܂ ܘܐܝܣܪܝܠ ܒܫܒܝܐ ܢܫܬܒܐ ܡܢ ܐܪܥܗ܂܀

next chapter