The Comprehensive Aramaic Lexicon

08:01 [ai]	ܗܟܢܐ ܚܘܝܢܝ ܡܪܐ ܡܪ̈ܘܬܐ܂ ܘܗܐ ܢܝܫܐ ܕܩܨܐ܂
08:02 [ai]	ܘܐܡܪ ܠܝ ܡܪܝܐ܂ ܡܢܐ ܚܙܝܬ ܥܡܘܣ܂ ܘܐܡܪܬ ܢܝܫܐ ܕܩܨܐ܂ ܘܐܡܪ ܠܝ ܡܪܝܐ܂ ܡܛܝ ܩܨܐ ܥܠ ܥܡܝ ܐܝܣܪܝܠ܂ ܘܠܐ ܐܘܣܦ ܬܘܒ ܠܡܥܒܪܘܬܗ ܡܢܗܘܢ܂
08:03 [ai]	ܘܢ̈ܦܠܢ ܬܫ̈ܒܚܬܗ ܕܗܝܟܠܐ ܒܝܘܡܐ ܗܿܘ܀ ܒܗ ܒܝܘܡܐ ܗܿܘ ܐܡܪ ܡܪܐ ܡܪ̈ܘܬܐ܂ ܢܣ̈ܓܝܢ ܫ̈ܠܕܐ ܒܟܠ ܐܬܪ܂ ܘܢܫ̈ܬܕܝܢ ܠܐܒܕܢܐ܂
08:04 [ai]	ܫܡܥܘ ܗܠܝܢ ܕܫܝܛܝܢ ܠܡܣ̈ܟܢܐ܂ ܘܡܒܛܠܝܢ ܠܒܝܫ̈ܐ ܕܐܪܥܐ܂
08:05 [ai]	ܘܐܡܪܝܢ ܕܐܡܬܝ ܢܥܒܪ ܝܪܚܐ ܘܢܙܒܢ ܥܒܘܪܐ܂ ܘܬܥܒܪ ܫܒܬܐ ܘܢܦܬܚ ܐܘܨܪ̈ܐ܂ ܘܢܙܥܪ ܟܝ̈ܠܬܐ ܘܢܘܪܒ ܡܬ̈ܩܠܐ܂ ܘܢܥܒܕ ܡܣܐ̈ܬܐ ܕܢܟܠܐ܂
08:06 [ai]	ܘܢܙܒܢ ܒܟܣܦܐ ܠܡܣ̈ܟܢܐ܂ ܘܒܝ̈ܫܐ ܚܠܦ ܡܫ̈ܝܐ܂ ܘܫܬ ܐܘܨܪ̈ܐ ܢܙܒܢ܂
08:07 [ai]	ܝܡܐ ܡܪܝܐ ܬܩܝܦܗ ܕܝܥܩܘܒ܂ ܕܠܐ ܐܛܥܐ ܠܥܠܡ ܟܠܗܘܢ ܥܒ̈ܕܝܗܘܢ܂
08:08 [ai]	ܡܛܠ ܗܠܝܢ ܠܐ ܬܙܘܥ ܐܪܥܐ܂ ܘܢܬܒܘܢ ܒܐܒܠܐ ܟܘܠܗܘܢ ܥܡܘܪ̈ܝܗܿ܂ ܘܢܣܩ ܩܨܗܿ ܐܝܟ ܢܗܪܐ܂ ܘܢܕܚܘܩ ܘܢܚܘܬ ܐܝܟ ܢܗܪܐ ܕܡܨܪܝܢ܂܀܀
08:09 [ai]	ܘܢܗܘܐ ܒܝܘܡܐ ܗܘ ܐܡܪ ܡܪܝܐ܂ ܐܥܪܒ ܫܡܫܐ ܒܛܗܪܐ܂ ܘܐܚܫܟ ܠܐܪܥܐ/ܐܪܥܐ#3#/ ܒܝܘܡܐ ܢܗܝܪܐ܂
08:10 [ai]	ܘܐܗܦܟ ܥܕܥܐ̈ܕܝܟܘܢ ܠܐܒܠܐ܂ ܘܟܠܗܝܢ ܙܡܝܪ̈ܬܟܘܢ ܠܐܘ̈ܠܝܬܐ܂ ܘܐܚܙܘܩ ܣ̈ܩܐ ܒܟܠܗܘܢ ܚ̈ܨܝܟܘܢ܂ \ܘܥܠ ܟܠܗܘܢ /ܘܒܟܠܗܘܢ#1##2#/ ܪ̈ܝܫܝܟܘܢ ܩܘ̈ܕܚܬܐ܂ ܘܐܥܒܕܝܗܿ ܐܝܟ ܐܒܠܐ ܕܝܚܝܕܐ/ܕܐܝܚܝܕܝܐ#3#/܂ ܘܚܪܬܗ ܐܝܟ ܝܘܡܐ ܡܪܝܪܐ܂
08:11 [ai]	ܗܐ ܝܘܡ̈ܬܐ ܐܬ̈ܝܢ ܐܡܪ ܡܪܝܐ܂ ܘܐܫܕܪ ܟܦܢܐ ܒܐܪܥܐ/ܥܠ ܐܪܥܐ#3#/܂ ܠܐ ܕܟܦܢ ܠܠܚܡܐ/ܠܚܡܐ#2#/ ܘܠܐ ܕܨܗܐ ܠܡ̈ܝܐ܂ ܐܠܐ ܠܡܫܡܥ ܦܬܓܡܗ ܕܡܪܝܐ܂
08:12 [ai]	ܘܢܬܟܢܫܘܢ ܡܢ ܝܡܐ ܘܥܕܡܐ ܠܝܡܐ܂ ܘܡܢ ܓܪܒܝܐ ܘܥܕܡܐ ܠܡܕܢܚܐ܂ ܘܢܪܗܛܘܢ ܠܡܒܥܐ ܦܬܓܡܗ ܕܡܪܝܐ ܘܠܐ ܢܫܟܚܘܢ܂
08:13 [ai]	ܒܗ ܒܝܘܡܐ ܗܿܘ܂ ܢܬܛܪ̈ܦܢ ܒܬ̈ܘܠܬܐ ܫܦܝܪ̈ܬܐ ܘܓܕܘ̈ܕܐ ܒܨܗܝܐ/ܢܫܬܩܦܘܢ#3#/܂
08:14 [ai]	ܕܝܡܝܢ ܗܘܘ ܒܦܬܟܪ̈ܐ ܕܫܡܪܝܢ ܘܐܡܪܝܢ܂ ܚܝ ܐܠܗܟ ܕܢ܂ ܘܚܝܐ ܐܘܪܚܐ ܕܒܪܫܒܥ܂ ܘܢܦܠܘܢ ܘܠܐ ܢܩܘܡܘܢ܀܀܂

next chapter