The Comprehensive Aramaic Lexicon

09:01 [ai]	ܚܙܝܬܗ ܠܡܪܝܐ ܕܩܐܡ ܥܠ ܡܕܒܚܐ܂ ܘܐܡܪ܂ ܡܚܝ ܠܚܙܘܪܐ/ܠܚܕܘܪܬܐ#1#/܂ ܘܢܙܘ̈ܥܢ ܐܣ̈ܟܦܬܐ܂ ܘܢܟܠܗܘܢ ܒܪܝܫ ܟܠܗܘܢ܂ ܘܚܪܬܗܘܢ ܒܚܪܒܐ ܐܩܛܠ܂ ܠܐ ܢܡܕ ܡܢܗܘܢ ܕܥܪܩ܂ ܘܠܐ ܢܫܬܘܙܒ ܡܢܗܘܢ ܕܡܬܦܨܐ܂
09:02 [ai]	ܐܢ ܢܚܬܘܢ ܠܫܝܘܠ܂ ܡܢ ܬܡܢ ܬܣܩ ܐܢܘܢ ܐܝܕܝ܂ ܘܐܢ ܢܣܩܘܢ ܠܫܡܝܐ ܡܢ ܬܡܢ ܐܚܬ ܐܢܘܢ܂
09:03 [ai]	ܘܐܢ ܢܛܫܘܢ ܒܪܝܫܗ ܕܟܪܡܠܐ܂ ܡܢ ܬܡܢ ܐܒܨܐ ܘܐܣܒ ܐܢܘܢ܂ ܘܐܢ ܢܛܫܘܢ ܡܢ ܩܕܡ ܥܝܢ̈ܝ܂ ܒܬܗ̈ܘܡܘܗܝ ܕܝܡܐ܂ ܬܡܢ ܐܦܩܘܕ ܠܚܘܝܐ ܘܢܢܟܬ ܐܢܘܢ܂
09:04 [ai]	ܘܐܢ ܢܐܙܠܘܢ ܒܫܒܝܐ ܩܕܡ ܒ̈ܥܠܕܒܒܝܗܘܢ܂ ܬܡܢ ܐܦܩܘܕ ܠܣܝܦܐ ܘܢܩܛܠ ܐܢܘܢ܂ ܘܐܣܝܡ ܥܝܢܝ ܥܠܝܗܘܢ ܠܒܝܫܬܐ ܘܠܐ ܠܛܒܬܐ܂
09:05 [ai]	ܐܡܪ ܡܪܐ ܡܪ̈ܘܬܐ ܚܝܠܬܢܐ܂ ܕܩܪܒ ܠܐܪܥܐ ܘܙܝܥܐ܂ ܘܝܬܒܝܢ ܒܐܒܠܐ ܟܠܗܘܢ ܥܡܘܪ̈ܝܗܿ܂ ܘܣܠܩ ܩܨܗܿ ܐܝܟ ܢܗܪܐ ܘܢܚܬ ܐܝܟ ܢܗܪܐ ܕܡܨܪܝܢ܂
09:06 [ai]	ܕܒܢܐ ܒܫܡܝܐ ܡܣܩܢ̈ܘܗܝ ܘܡܘܠܟܢܗ ܒܐܪܥܐ ܡܬܩܢ܂ ܕܩܪܐ ܠܡ̈ܝܐ ܕܝܡܐ ܘܐܫܕ ܠܗܘܢ ܥܠ ܐ̈ܦܝܗܿ ܕܐܪܥܐ ܡܪܝܐ ܚܝܠܬܢܐ ܫܡܗ܂
09:07 [ai]	ܗܐ ܐܝܟ ܒܢ̈ܝ ܟܘܫ̈ܝܐ ܐܢܬܘܢ ܠܝ ܒܢ̈ܝ ܐܝܣܪܝܠ ܐܡܪ ܡܪܝܐ܂ ܗܐ ܠܐܝܣܪܝܠ ܐܣܩܬ ܡܢ ܐܪܥܐ ܕܡܨܪܝܢ܂ ܘܠܦܠܫܬ̈ܝܐ ܡܢ ܩܦܕܘܩܝ ܘܠܐܪܡ ܡܢ ܩܝܪ܂
09:08 [ai]	ܗܐ ܥܝܢ̈ܘܗܝ ܕܡܪܐ ܡܪ̈ܘܬܐ ܒܡܠܟܘܬܐ ܚܛܝܬܐ ܘܐܘܒܕܝܗܿ ܡܢ ܐ̈ܦܝܗܿ ܕܐܪܥܐ܂ ܒܪܡ ܠܐ ܗܟܢܐ ܐܘܒܕܝܘܗܝ ܠܒܝܬܗ ܕܝܥܩܘܒ ܐܡܪ ܡܪܝܐ܂܀܀
09:09 [ai]	ܡܛܠ ܕܗܐ ܐܢܐ ܦܩܕ ܐܢܐ܂ ܘܐܒܕܪ ܒܟܠܗܘܢ ܥܡ̈ܡܐ ܠܕܒܝܬ ܐܝܣܪܝܠ܂ ܐܝܟ ܕܥܪܒܝܢ ܒܥܪܒܠܐ܂ ܘܠܐ/ܕܠܐ#3#/ ܢܦܠ ܕܩܝܩܗܘܢ ܥܠ ܐܪܥܐ܂
09:10 [ai]	ܒܚܪܒܐ ܢܦܠܘܢ ܟܠ ܚ̈ܛܝܘܗܝ ܕܥܡܝ܂ ܕܐܡܪܝܢ ܠܐ ܬܩܪܘܒ ܘܠܐ ܬܡܛܝܢ ܒܝܫܬܐ܂
09:11 [ai]	ܒܗ ܒܝܘܡܐ ܗܿܘ܂ ܐܩܝܡ ܡܫܟܢܗ ܕܕܘܝܕ ‍<‍ܐܝܢܐ#1##2#‍>‍ ܕܢܦܠ܂ ܘܐܣܘܓ ܬܘܪ̈ܥܬܗܘܢ܂ ܘܡܣ̈ܚܦܝܗܘܢ/ܘܡܣ̈ܚܦܬܗܘܢ#1##2#/ ܐܩܝܡ ܘܐܒܢܝܗܿ ܐܝܟ ܝܘܡ̈ܬܐ ܕܥܠܡ/ܕܡܢ ܥܠܡ#3#/܂ ܘܐܝܟ ܫܢ̈ܝܐ ܕܕܪ̈ܕܪܝܢ܂
09:12 [ai]	ܡܛܘܠ ܕܢܐܪܬܘܢ ܫܪܟܐ ܕܐܕܘܡ܂ ܘܟܠܗܘܢ ܥܡ̈ܡܐ ܕܐܬܩܪܝ ܫܡܝ ܥܠܝܗܘܢ܂ ܐܡܪ ܡܪܝܐ ܕܥܒܕ ܗܠܝܢ܂
09:13 [ai]	ܗܐ ܝܘܡ̈ܬܐ ܐܬܝܢ ܐܡܪ ܡܪܝܐ܂ ܘܢܕܪܟ ܐܕܪܐ ܠܩܛܦܐ܂ ܘܥܨܪܐ ܕܥܢ̈ܒܐ ܠܙܪܥܐ܂ ܘܢܪܕܘܢ ܛܘܪ̈ܐ ܚܠܝܘܬܐ܂ ܘܟܠܗܝܢ ܪ̈ܡܬܐ ܢܬܒ̈ܣܡܢ܂
09:14 [ai]	ܘܐܗܦܟ ܫܒܝܬܐ ܕܥܡܝ ܐܝܣܪܝܠ܂ ܘܢܒܢܘܢ ܡܕܝܢ̈ܬܐ ܚܪ̈ܒܬܐ ܘܢܬܒܘܢ܂ ܘܢܨܒܘܢ ܟܪ̈ܡܐ ܘܢܫܬܘܢ ܚܡܪܗܘܢ܂ ܘܢܫܬܠܘܢ ܦܪ̈ܕܝܣܐ ܘܢܐܟܠܘܢ ܦܐܪ̈ܝܗܘܢ܂
09:15 [ai]	ܘܐܨܘܒ ܐܢܘܢ ܒܐܪܥܗܘܢ܂ ܘܠܐ ܢܬܥܩܪܘܢ ܬܘܒ ܡܢ ܐܪܥܗܘܢ ܕܝܗܒܬ ܠܗܘܢ܂ ܐܡܪ ܡܪܝܐ ܐܠܗܟ܀

next chapter