← Back
The Comprehensive Aramaic Lexicon
← Return to the Text Browser
click on the file description for more information
62020: P Mi

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


01:01 [ai]ܦܬܓܡܐ ܕܡܪܝܐ ܕܗܘܐ ܥܠ ܡܝܟܐ ܡܐܪܫܝܐ܂ ܒܝ̈ܘܡܘܗܝ ܕܝܘܬܡ ܘܕܐܚܙ ܘܕܚܙܩܝܐ ܡ̈ܠܟܐ ܕܝܗܘܕܐ܂ ܕܚܙܐ ܥܠ ܫܡܪܝܢ ܘܥܠ ܐܘܪܫܠܡ܂
01:02 [ai]ܫܡܥܘ ܟܠܟܘܢ ܥܡ̈ܡܐ܂ ܘܨܘܬܝ ܐܪܥܐ ܒܡܠܐܗܿ܂ ܘܢܗܘܐ ܒܟܘܢ ܡܪܐ ܡܪ̈ܘܬܐ ܣܗܕܐ܂ ܡܪܝܐ ܡܢ ܗܝܟܠܐ ܕܩܘܕܫܗ܂
01:03 [ai]ܡܛܠ ܕܗܐ ܡܪܝܐ ܢܦܩ ܡܢ ܐܬܪܗ܂ ܘܢܚܬ ܘܕܪܟ ܥܠ ܪܘܡܗܿ ܕܐܪܥܐ܂
01:04 [ai]ܘܢܬܦܫܪܘܢ ܛܘܪ̈ܐ ܬܚܘܬܘܗܝ܂ ܘܥܘܡ̈ܩܐ ܢܬܬܠܚܘܢ܂ ܐܝܟ ܫܥܘܬܐ ‍<‍ܕܡܬܦܫܪܐ#3#‍>‍ ܡܢ ܩܕܡ ܢܘܪܐ܂ ܘܐܝܟ ܡܝ̈ܐ ܕܢܕܪܝܢ ܒܡܚܬܬܐ܂
01:05 [ai]ܗܠܝܢ ܟܠܗܝܢ ܡܛܠ ܥܘܠܗ ܕܝܥܩܘܒ܂ ܘܡܛܠ ܚ̈ܛܗܐ ܕܒܝܬ ܐܝܣܪܝܠ܂ ܡܢܐ ܗܘ ܥܘܠܗ ܕܝܥܩܘܒ ܐܠܐ ܐܢ ܫܡܪܝܢ܂ ܘܡܢܐ/ܘܡܢ#3#/ ܗܝ ܚܛܝܬܗ ܕܝܗܘܕܐ ܐܠܐ ܐܢ ܐܘܪܫܠܡ܂
01:06 [ai]ܘܐܥܒܕܝܗܿ ܠܫܡܪܝܢ ܒܝܬ/ܐܝܟ ܕܒܝܬ#3#/ ܕܒܪܐ ܕܚܩܠܐ ܘܢܨܒܬܐ ܕܟܪܡܐ܂ ܘܐܟܫܐ ܟܐ̈ܦܝܗܿ ܒܝܓܪܐ܂ ܘܐܓܠܐ ܫܬܐ̈ܣܝܗܿ܂
01:07 [ai]ܘܟܠܗܘܢ ܓܠܝ̈ܦܝܗܿ ܡܬܬܒܪܘ ܢܬܬܒܪܘܢ܂ ܘܟܠܗܝܢ ܕܚ̈ܠܬܗܿ ܢܐܩ̈ܕܢ ܒܢܘܪܐ܂ ܘܟܠܗܘܢ ܦܬܟܪ̈ܝܗܿ ܐܥܒܕ ܠܚܒܠܐ܂ ܡܛܠ ܕܡܢ ܐܓܪܐ ܕܙܢܝܬܐ ܐܬܟܢܫܘ܂ ܘܠܐܓܪܐ ܕܙܢܝܬܐ ܢܗܦܟܘܢ܂
01:08 [ai]ܥܠ ܗܠܝܢ ܐܪܩܕܝ ܘܐܝܠܠܝ ܘܗܠܟܝ ܚܦܝܝ ܘܥܪܛܠ܂ ܘܥܒܕܝ ܡܪܩܘܕܬܐ ܐܝܟ ܕܝܪܘܪܐ܂ ܘܐܒܠܐ ܐܝܟ ܕܒܪܬ ܝܪܘܪܐ܂
01:09 [ai]ܡܛܠ ܕܟܝܒܐ ܗܝ ܡܚܘܬܗܿ ܘܡܛܬ ܠܝܗܘܕܐ܂ ܘܩܪܒܬ ܥܕܡܐ ܠܬܪܥܗ ܕܥܡܝ ܠܐܘܪܫܠܡ܂
01:10 [ai]ܒܓܬ ܠܐ ܬܚܕܘܢ ܘܡܒܟܐ ܠܐ ܬܒܟܘܢ܂ ܒ̈ܒܬܐ ܕܥܘܦܪܐ ܐܬܦܠܦܠܘ ܒܥܦܪܐ܂
01:11 [ai]ܥܒܕܝ ܠܟܝ ܥܡܘܪܬܐ ܕܫܦܝܪ܂ ܥܪܛܠ ܢܦܩܬ ܘܠܐ ܒܗܬܬ ܥܡܘܪܬܐ ܕܨܥܢ܂ ܡܪܩܘܕܬܐ ܕܒܝܬ ܐܘܨܝܠ ܬܣܒ ܡܢܟܘܢ ܡܚܘܬܗܿ܂
01:12 [ai]ܡܛܠ ܕܐܬܟܪܗܬ ܠܛܒܬܐ ܥܡܘܪܬܐ ܕܡܪܕܬ܂ ܥܠ ܕܢܚܬܬ ܒܝܫܬܗܿ ܡܢ ܩܕܡ ܡܪܝܐ܂ ܥܠ ܬܪ̈ܥܝܗܿ ܕܐܘܪܫܠܡ܂
01:13 [ai]ܦܓܕܬ ܡܪ̈ܟܒܬܐ ܕܪ̈ܟܫܐ ܥܡܘܪܬܐ ܕܠܟܝܫ܂ ܪܝܫ ܚܛܝܬܐ ܗܝ ܠܒܪܬ ܨܗܝܘܢ܂ ܡܛܠ ܕܒܟܝ ܐܫܬܟܚܘ ܚ̈ܛܗܘܗܝ ܕܐܝܣܪܝܠ܂
01:14 [ai]ܡܛܠ ܗܢܐ/ܗܕܐ#3#/ ܬܬܠܝܢ ܫܘܒܩܢܐ ܠܝܪܬܘܬܐ ܕܓܬ܂ ܒܬ̈ܐ ܕܣܪܝܩܘܬܐ ܗܘܘ ܠܣܪܝܩܘܬܐ ܠܡ̈ܠܟܐ ܕܐܝܣܪܝܠ܂
01:15 [ai]ܐܝܬܐ ܠܟܝ ܬܘܒ ܝܪ̈ܘܬܐ ܥܡܘܪܬܐ ܕܡܐܪܫܐ ܥܕܡܐ ܠܥܠܡ ܢܥܠܐ ܐܝܩܪܗ ܕܐܝܣܪܝܠ܂
01:16 [ai]ܡܪܘܛܝ ܘܓܘܙܝ ܥܠ ܒܢ̈ܝ ܡܦܢܩܘܬܟܝ܂ ܐܣܓܝ ܡܪܛܟܝ ܐܝܟ ܕܢܫܪܐ܂ ܡܛܠ ܕܐܫܬܒܝܘ ܡܢܟܝ܀

next chapter