← Back
The Comprehensive Aramaic Lexicon
← Return to the Text Browser
click on the file description for more information
62020: P Mi

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


02:01 [ai]ܘܝ ܠܐܝܠܝܢ ܕܡܬܚܫܒܝܢ ܥܬܐ܂ ܘܥܒܕܝܢ ܒܝܫܬܐ ܥܠ ܡܫܟܒܗܘܢ܂ ܘܡܩܕܡܝܢ ܒܨܦܪܐ ܘܥܒܕܝܢ ܡܕܡ ܕܐܬܚܫܒܘ܂ ܘܫܩܠܝܢ ܐ̈ܝܕܝܗܘܢ ܠܘܬ ܐܠܗܐ܂
02:02 [ai]ܘܪܓܝܢ ܚ̈ܩܠܬܐ ܘܒܬ̈ܐ ܘܢܣܒܝܢ ܠܗܘܢ ܒܩܛܝܪܐ܂ ܘܛܠܡܝܢ ܠܓܒܪܐ ܒܩܢܝܢܗ ܘܒܝܪܬܘܬܗ܂
02:03 [ai]ܡܛܠ ܗܠܝܢ ܗܟܢܐ ܐܡܪ ܡܪܝܐ ܐܠܗܐ܂ ܗܐ ܡܬܚܫܒ ܐܢܐ ܒܝܫܬܐ ܥܠ ܫܪܒܬܐ ܗܕܐ܂ ܕܠܐ ܬܪܝܡܘܢ ܡܢܗܿ ܨܘܪܟܘܢ܂ ܘܠܐ ܬܗܠܟܘܢ ܒܩܘܡܬܐ ܦܫܝܛܬܐ܂ ܡܛܠ ܕܙܒܢܐ ܗܘ ܕܒܝܫܬܐ܂܀܀
02:04 [ai]ܒܗ ܒܝܘܡܐ ܗܿܘ܂ ܢܫܩܘܠ ܥܠܝܟܘܢ ܡܬܠܐ܂ ܘܒܩܝܢܬܐ ܢܐܠܐ ܐܘܠܝܬܐ܂ ܘܢܐܡܪ ܒܙܘܙܐ/ܕܒܙܘܙܐ#3#/ ܢܒܙܢ܂ ܘܦܠܓܘܬܗ ܕܥܡܝ ܒܫܘܝܬܐ ܢܦܠܓ܂ ܘܠܝܬ ܕܡܗܦܟ ܚ̈ܩܠܬܢ ܒܫܘܝܬܐ܂
02:05 [ai]ܡܛܠ ܗܢܐ ܠܐ ܢܗܘܐ ܠܟ ܕܡܫܚ ܒܫܘܝܬܐ ܘܡܦܠܓ ܒ̈ܦܨܐ܂ ܒܟܢܘܫܬܗ ܕܡܪܝܐ܂
02:06 [ai]ܠܐ ܬܕܡܥܘܢ ܕܡ̈ܥܐ܂ ܘܠܐ ܬܕܡܥܘܢ ܥܠ ܗܠܝܢ܂ ܕܠܐ ܢܕܪܟܟܘܢ ܚܣܕܐ
02:07 [ai]ܕܐܡܝܪ ܥܠ ܒܝܬܗ ܕܝܥܩܘܒ܂ ܕܐܪܓܙ ܪܘܚܗ ܕܡܪܝܐ ܒܗܠܝܢ ܨ̈ܢܥܬܗ܂ ܗܐ ܡ̈ܠܝ ܡܛܐ̈ܒܢ ܥܡ ܬܪ̈ܝܨܐ ܕܐܙܠ
02:08 [ai]ܘܐܬܡܠܝ܂ ܥܡܝ ܐܝܟ ܓܢܒܐ ܩܐܡ ܗܘܐ ܠܘܩܒܠ ܫܠܡܗ܂܀ ܡܫܟܗ ܬܫܛܘܢ ܕܬܥܒܪܘܢ ܣܒܪܗ܂ ܘܬܗܦܟܘܢ ܩܪܒܐ܂
02:09 [ai]ܢܫ̈ܐ ܕܥܡܝ ܬܫܕܘܢ/ܬܫܪܘܢ#3#/ ܡܢ ܒܝܬ ܦܘܢܩܝ̈ܗܝܢ܂ ܘܡܢ ܝ̈ܠܘܕܝܗܝܢ ܬܣܒܘܢ ܫܘܒܚܐ ܠܥܠܡ܂
02:10 [ai]ܩܘܡܘ ܙܠܘ ܡܛܠ ܕܠܐ ܗܘܬ ܗܕܐ ܢܝܚܬܐ܂ ܡܛܠ ܕܛܢܦܘܬܐ/ܕܠܛܢܦܘܬܐ#3#/ ܬܚܒܠ ܚܒܠܐ܂ ܘܚܒܠܗܿ ܢܥܫܢ܂
02:11 [ai]ܓܒܪܐ ܕܡܗܠܟ ܒܪܘܚܐ ܕܓܠܐܝܬ ܘܟܕܒܐܝܬ܂ ܐܛܦ ܠܟ ܚܡܪܐ ܘܪܘܝܘܬܐ܂ ܘܬܗܘܐ ܡܢ ܡܛܘܦܝܬܗ ܕܥܡܐ ܗܢܐ܂
02:12 [ai]ܡܟܢܫܘ ܐܟܢܫܟ ܠܟܠܟ ܝܥܩܘܒ ܘܡܩܪܒܘ ܐܩܪܒܟ ܫܪܟܗ ܕܐܝܣܪܐܝܠ ܐܟܚܕܐ܂ ܘܐܥܒܕܝܘܗܝ ܐܝܟ ܥܢܐ ܒܐܘܠܨܢܐ܂ ܘܐܝܟ ܓܙܪܐ ܒܓܘ ܪܒܥܗ ܕܡܓܢܝ ܡܢ ܐܢܫܐ܂
02:13 [ai]ܣܠܩ ܬܪܘܥܐ ܩܕܡܝܗܘܢ܂ ܬܪܥ ܬܘܪܥܬܐ ܘܥܒܪܘ ܘܢܦܩܘ ܒܗܿ܂ ܘܥܒܪ ܡܠܟܗܘܢ ܩܕܡܝܗܘܢ ܘܡܪܝܐ ܒܪܝܫܗܘܢ܂܀

next chapter