← Back
The Comprehensive Aramaic Lexicon
← Return to the Text Browser
click on the file description for more information
62020: P Mi

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


06:01 [ai]ܫܡܥܘ ܡܟܝܠ ܡܕܡ ܕܐܡܪ ܡܪܝܐ܂ ܩܘܡ ܕܘܢ ܥܡ ܛܘܪ̈ܐ܂ ܘܢܫ̈ܡܥܢ ܩܠܟ ܪ̈ܡܬܐ܂
06:02 [ai]ܫܡܥܘ ܛܘܪ̈ܐ ܕܝܢܗ ܕܡܪܝܐ܂ ܘܥ̈ܘܡܩܐ ܕܫܬ̈ܐܣܝܗܿ ܕܐܪܥܐ܂ ܕܕܐܢ ܡܪܝܐ ܥܡ ܥܡܗ܂ ܘܠܐܝܣܪܝܠ ܡܟܣ܂
06:03 [ai]ܥܡܝ ܡܢܐ ܥܒܕܬ ܠܟ܂ ܐܘ ܒܡܢܐ ܐܟܪܝܬ ܠܟ ܐܣܗܕܝܢܝ܂
06:04 [ai]ܠܐ ܐܣܩܬܟ ܡܢ ܐܪܥܐ ܕܡܨܪܝܢ܂ ܘܡܢ ܒܝܬ ܥܒܕܘܬܐ ܦܪܩܬܟ܂ ܘܫܕܪܬ ܩܕܡܝܟ ܠܡܘܫܐ ܘܠܐܗܪܘܢ ܘܠܡܪܝܡ܂
06:05 [ai]ܥܡܝ ܐܬܕܟܪ ܗܟܝܠ ܡܢܐ ܐܬܪܥܝ ܥܠܝܟ ܒܠܩ ܡܠܟܐ ܕܡܘܐܒ܂ ܘܡܢܐ ܥܢܝܗܝ ܒܠܥܡ ܒܪ ܒܥܘܪ܂ ܡܢ ܣܛܝܡ ܘܥܕܡܐ ܠܓܠܓܠ܂ ܡܛܠ ܕܝܕܥ ܙܕܝܩܘܬܗ ܕܡܪܝܐ܀
06:06 [ai]ܒܡܢܐ ܐܩܕܡ ܠܡܪܝܐ ܘܐܫܦܪ ܠܐܠܗܐ ܡܪܝܡܐ܂ ܐܩܕܡܝܘܗܝ ܒܝܩ̈ܕܐ ܫ̈ܠܡܐ܂ ܐܘ ܒܥ̈ܓܠܐ ܒܢ̈ܝ ܫܢܬܐ܂
06:07 [ai]ܠܐ ܡܨܛܒܐ ܡܪܝܐ ܒܐ̈ܠܦܐ ܕܕܟܪ̈ܐ ܐܦ ܠܐ ܒܪ̈ܒܘܬܐ ܕܚܝܠܐ ܕܡܘ̈ܫܚܐ܂ ܐܢ ܐܬܠ ܒܘܟܪܝ ܥܘܠܐ ܗܘ ܠܝ܂ ܘܦܐܪ̈ܐ ܕܟܪܣܝ ܚܛܝܬܐ ܐܢܘܢ ܕܢܦܫܝ܂
06:08 [ai]ܚܘܝܬܟ ܒܪ ܐܢܫܐ ܡܕܡ ܕܡܥܕܪ ܕܬܒܥ ܠܟ ܡܪܝܐ܂ ܕܬܥܒܕ ܕܝܢܐ ܘܬܪܚܡ ܛܝܒܘܬܐ܂ ܘܬܗܘܐ ܥܬܝܕ ܠܡܐܙܠ ܒܬܪ ‍<‍ܡܪܝܐ#1##2#‍>‍ ܐܠܗܟ܂
06:09 [ai]ܩܠܗ ܕܡܪܝܐ ܥܠ ܡܕܝܢܬܐ܂ ܡܟܪܙ ܝܘܠܦܢܐ ܠܕܚ̈ܠܝ ܫܡܗ܂ ܫܡܥ ܫܒܛܐ ܡܿܢ ܢܣܗܕ܂
06:10 [ai]ܕܬܘܒ ܢܘܪܐ ܒܒܝܬܗ ܕܥܿܘܠܐ܂ ܘܐܘܨܪ̈ܐ ܕܥܘܼܠܐ ܘܟܝܠܬܐ ܙܥܘܪܬܐ ܕܥܬܐ܂
06:11 [ai]ܐܝܟܢܐ ܢܙܕܕܩܘܢ ܒܡܣ̈ܐܬܐ ܕܥܘܠܐ܂ ܘܒܡܪ̈ܣܘܦܐ ܕܡ̈ܬܩܠܐ ܕܢܟܠܐ܂
06:12 [ai]ܕܥܬܝܪ̈ܝܗܿ ܡܠܝܢ ܥܬܐ܂ ܘܥܡܘܪ̈ܝܗܿ ܡܡܠܠܝܢ ܕܓܠܘܬܐ܂ ܘܠܫܢܗܘܢ ܢܟܝܠ ܒܦܘܡܗܘܢ܂
06:13 [ai]ܐܦ ܐܢܐ ܐܫܪܐ ܠܡܡܚܝܟ܂ ܘܐܚܒܠܟ ܡܛܠ ܚ̈ܛܗܝܟ܂
06:14 [ai]ܘܬܐܟܘܠ ܘܠܐ ܬܣܒܥ܂ ܘܥܒܪܬܐ ܬܗܘܐ ܒܓܘܟ܂ ܘܬܕܪܟ ܘܠܐ ܬܦܨܐ܂ ܘܡܕܡ ܕܬܦܨܐ ܠܚܪܒܐ ܐܫܠܡ܂
06:15 [ai]ܐܢܬ ܬܙܪܘܥ ܘܠܐ ܬܚܨܘܕ܂ ܐܢܬ ܬܥܨܘܪ ܙܝܬ̈ܐ ܘܠܐ ܬܡܫܘܚ ܡܫܚܐ܂ ܘܬܥܨܘܪ ܚܡܪܐ ܘܠܐ ܬܫܬܐ܂
06:16 [ai]ܥܠ ܕܢܛܪܬ ܦܘܩ̈ܕܢܘܗܝ ܕܥܡܪܝ܂ ܘܟܠܗܘܢ ܥܒ̈ܕܐ ܕܒܝܬ ܐܚܒ܂ ܘܗܠܟܬܘܢ ܒܬܪ̈ܥܝܬܗܘܢ܂ ܡܛܠ ܗܢܐ ܝܗܒܬܗܿ ܒܬܡܗܐ܂ ܘܥܡܘܪ̈ܝܗܿ ܒܡܫܪܘܩܝܬܐ܂ ܘܚܣܕܗ ܕܥܡܝ ܬܩܒܠܘܢ܂܀

next chapter