← Back
The Comprehensive Aramaic Lexicon
← Return to the Text Browser
click on the file description for more information
62020: P Mi

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


07:01 [ai]ܘܝ ܠܝ ܕܗܘܝܬ ܐܝܟ ܠܩܛܐ ܕܩܝܛܐ܂ ܘܐܝܟ ܒܘܥܪܐ ܕܩܛܦܐ܂ ܠܝܬ ܣܓܘܠܐ ܠܡܐܟܠ܂ ܘܠܒܟܪܬܐ ܪܓܬ ܢܦܫܝ܂
07:02 [ai]ܐܒܕ ܚܣܝܐ ܡܢ ܐܪܥܐ܂ ܘܠܝܬ ܕܬܪܝܨ ܒܒܢ̈ܝ ܐܢܫܐ܂ ܟܠܗܘܢ ܟܡܐ̈ܢܐ ܟܡܢܝܢ܂ ܘܓܒܪ ܠܐܚܘܗܝ ܨܝܕܝܢ ܠܐܒܕܢܐ܂
07:03 [ai]ܐ̈ܝܕܝܗܘܢ ܡܛܝ̈ܒܢ ܠܒܝܫܬܐ ܘܠܐ ܡܛܐܒܝܢ܂ ܫܠܝܛܐ ܫܐܠ ܕܗܒ܂ ܘܕܝܿܢܐ ܐܡܪ ܫܚܘܕ܂ ܘܪܒܐ ܡܡܠܠ ܨܒܝܢܐ ܕܢܦܫܗ܂ ܘܐܣܠܝܘ
07:04 [ai]ܛܒܬܗܘܢ ܐܝܟ ܐܘܪܩܥܬܐ ܕܐܟܠ ܣܣܐ܂ ܝܘܡܐ ܕܕܘܩܝ̈ܟܝ ܘܕܦܘܪܩܢܟܝ ܐܬܐ܂ ܡܟܝܠ ܢܗܘܐ ܒܝܬ ܒܟܝ̈ܗܘܢ܂
07:05 [ai]ܠܐ ܬܗܝܡܢܘܢ ܠܪ̈ܚܡܝܟܘܢ܂ ܘܠܐ ܬܬܟܠܘܢ ܥܠ ܩܪ̈ܝܒܝܟܘܢ܂ ܘܡܢ ܐܢܬܬܟ ܛܪ ܡ̈ܠܝ ܦܘܡܟ܂
07:06 [ai]ܡܛܠ ܕܒܪܐ ܡܨܥܪ ܠܐܒܘܗܝ܂ ܘܒܪܬܐ ܩܝܡܐ ܠܘܩܒܠ ܐܡܗܿ܂ ܘܟܠܬܐ ܠܘܩܒܠ ܚܡܬܗܿ܂ ܘܒ̈ܥܠܕܒܒܘܗܝ ܕܓܒܪܐ ܒܢ̈ܝ ܒܝܬܗ܂
07:07 [ai]ܐܢܐ ܕܝܢ ܠܡܪܝܐ ܐܚܘܪ܂ ܘܐܣܟܐ ܠܐܠܗܐ ܦܪܘܩܝ ܘܢܫܡܥܢܝ ܐܠܗܝ܂܀
07:08 [ai]ܠܐ ܬܚܕܝܢ ܠܝ ܒܥܠܕܒܒܬܝ܂ ܕܢܦܠܬ ܬܘܒ ܩܝܡܐ ܐܢܐ܂ ܘܕܝܬܒܬ ܒܚܫܘܟܐ ܡܪܝܐ ܡܢܗܪ ܠܝ܂
07:09 [ai]ܡܚܘܬܗ ܕܡܪܝܐ ܐܣܝܒܪ ܥܠ ܕܚܛܝܬ ܠܗ܂ ܥܕܡܐ ܕܢܕܘܢ ܕܝܢܝ ܘܢܥܒܕ ܬܒܥܬܝ܂ ܘܢܦܩܢܝ ܠܢܘܗܪܐ ܘܐܚܙܐ ܒܙܕܝܩܘܬܗ܂
07:10 [ai]ܘܬܚܙܐ ܒܥܠܕܒܒܬܝ ܘܬܟܣܝܗܿ ܒܗܬܬܐ܂ ܕܐܡܪܐ ܗܘܬ ܠܝ ܐܝܟܘ ܡܪܝܐ ܐܠܗܟܝ܂ ܥܝܢ̈ܝ ܢܚ̈ܙܝܢ ܒܗܿ܂ ܡܟܝܠ ܬܗܘܐ ܠܕܝܫܐ ܐܝܟ ܣܝܢܐ ܕܫ̈ܘܩܐ܂
07:11 [ai]ܝܘܡܐ ܗܘ ܠܡܒܢܐ ܣܝܓܝ̈ܟܝ܂ ܝܘܡܐ ܗܘ ܕܬܫܬܩܠܝܢ܂
07:12 [ai]ܝܘܡܐ ܗܘ ܕܙܒܢܟܝ ܢܐܬܐ܂ ܕܡܢ ܐܬܘܪ ܘܡܢ ܡܕܝܢ̈ܬܐ ܥܫܝ̈ܢܬܐ܂ ܘܡܢ ܨܘܪ ܘܥܕܡܐ ܠܢܗܪܐ܂ ܘܡܢ ܝܡܐ ܘܥܕܡܐ ܠܝܡܐ܂ ܘܥܕܡܐ ܠܗܘܪ ܛܘܪܐ܂
07:13 [ai]ܘܬܗܘܐ ܐܪܥܐ ܠܚܒܠܐ ܠܥܡܘܪ̈ܝܗܿ܂ ܡܛܘܠ ܦܐܪ̈ܐ ܕܥܒ̈ܕܝܗܘܢ܂
07:14 [ai]ܪܥܝ ܠܥܡܟ ܒܫܒܛܟ ܘܠܥܢܐ ܕܝܪܬܘܬܟ܂ ܢܫܪܘܢ ܒܠܚܘܕܝܗܘܢ ܐܝܟ ܥܢܐ ܒܓܘ ܟܪܡܠܐ܂ ܢܪܥܘܢ ܒܡܬܢܝܢ ܘܒܓܠܥܕ܂ ܐܝܟ ܝܘܡ̈ܬܐ ܕܡܢ ܥܠܡ܂
07:15 [ai]ܘܐܝܟ ܝܘܡܐ ܕܢܦܩܘ ܒܗ ܡܢ ܐܪܥܐ ܕܡܨܪܝܢ܂ ܐܚܘܐ ܐܢܘܢ ܬܕܡܪ̈ܬܐ܂
07:16 [ai]ܘܢܚܙܘܢ ܥܡ̈ܡܐ ܘܢܒܗܬܘܢ ܡܢ ܟܠܗܿ ܓܢܒܪܘܬܗܘܢ܂ ܢܣܝܡܘܢ ܐ̈ܝܕܝܗܘܢ ܥܠ ܦܘܡܗܘܢ ܘܐ̈ܕܢܝܗܘܢ ܢܬܚܪ̈ܫܢ܂
07:17 [ai]ܘܢܠܚܟܘܢ ܥܦܪܐ ܐܝܟ ܚܘܝܐ ܘܐܝܟ ܚ̈ܘܠܕܝ ܐܪܥܐ ܢܪܓܙܘܢ ܡܢ ܫܒܝ̈ܠܝܗܘܢ܂ ܘܡܢ ܡܪܝܐ ܐܠܗܢ ܢܙܘܥܘܢ ܘܢܕܚܠܘܢ܂
07:18 [ai]ܠܝܬ ܐܠܗܐ ܐܟܘܬܟ܂ ܕܫܒܩ ܥܘܠܐ ܘܡܥܒܪ ܚܛܝܬܐ ܕܫܪܟܐ ܕܝܪܬܘܬܗ܂ ܘܠܐ ܐܚܕ ܐܢܬ ܐܟܬܐ ܠܥܠܡ ܡܛܠ ܕܒܛܝܒܘܬܐ ܨܒܝܬ܂
07:19 [ai]ܢܬܦܢܐ ܘܢܪܚܡ ܥܠܝܢ܂ ܘܢܟܢܘܫ ܟܠܗ ܥܘܠܢ܂ ܘܢܫܕܐ ܒܥܘܡ̈ܩܘܗܝ ܕܝܡܐ ܟܠܗܘܢ ܚܛܗ̈ܝܢ܂
07:20 [ai]ܬܬܠ ܩܘܫܬܐ ܠܝܥܩܘܒ ܘܛܝܒܘܬܐ ܠܐܒܪܗܡ܂ ܕܝܡܝܬ ܠܐ̈ܒܗܝܢ ܡܢ ܝܘܡ̈ܬܐ ܕܡܢ ܥܠܡ/ܩܕܝܡ#1##2#/܂

next chapter