← Back
The Comprehensive Aramaic Lexicon
← Return to the Text Browser
click on the file description for more information
62021: P Na

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


03:01 [ai]ܘܝ ܠܡܕܝܢܬܐ ܕܕܡܐ܂ ܕܟܠܗܿ ܟܕܒܘܬܐ ܘܡܠܝܐ ܥܘܠܐ܂ ܘܠܐ ܡܬܡܝܫ ܒܗܿ ܬܒܪܐ܂
03:02 [ai]ܩܠܐ ܕܫܘܛܐ ܘܩܠܐ ܕܙܘܥܐ ܕܓܝ̈ܓܠܐ ܣܘܣܝܐ ܕܢܦܪ ܘܡܪܟܒܬܐ ܕܡܢܕܝܐ܂
03:03 [ai]ܦܪܫܐ ܕܕܒܪ ܘܣܝܦܐ ܕܡܙܗܪ ܘܢܝܙܟܐ ܕܡܒܪܩ܂ ܘܣܘܓܐܐ ܕܩ̈ܛܝܠܐ ܘܥܘܫܢܐ ܕܫ̈ܠܕܐ܂ ܘܠܝܬ ܣܟܐ ܠܫ̈ܠܕܐ܂ ܢܬܬܩܠܘܢ ܒܗܝܢ ܒܫ̈ܠܕܝܗܘܢ܂
03:04 [ai]ܡܢ ܣܘܓܐܬ ܙܢܝܘܬܗܿ ܕܙܢܝܬܐ܂ ܫܦܝܪܬ ܚܙܘܐ ܘܡܪܬ ܚܪ̈ܫܐ܂ ܕܡܪܒܝܐ ܥܡܡ̈ܐ ܒܙܢܝܘܬܗܿ ܘܫܪ̈ܒܬܐ ܒܚܪ̈ܫܝܗܿ܂
03:05 [ai]ܗܐ ܐܢܐ ܥܠܝܟܝ ܐܡܪ ܡܪܝܐ ܚܝܠܬܢܐ܂ ܘܐܣܚܘܦ ܫ̈ܦܘܠܝܟܝ ܥܠ ܐ̈ܦܝܟܝ܂ ܘܐܚܘܐ ܦܘܪܣܝܟܝ ܠܥܡ̈ܡܐ ܘܨܥܪܟܝ ܠܡ̈ܠܟܘܬܐ܂
03:06 [ai]ܘܐܫܕܐ ܥܠܝܟܝ ܛܢܦܘܬܐ ܘܐܨܥܪܟܝ܂ ܘܐܥܒܕܟܝ ܠܚܙܘܐ܂
03:07 [ai]ܘܟܠ ܡܿܢ ܕܚܙܐ ܠܟܝ ܢܢܕ ܡܢܟܝ܂ ܘܢܐܡܪ ܐܬܒܙܬ ܢܝܢܘܐ܂ ܠܡܿܢ ܬܟܪܐ ܥܠܝܟܝ܂ ܘܐܝܡܟܐ ܐܒܥܐ ܠܟܝ ܡܒܝܐܢܐ܂
03:08 [ai]ܕܠܡܐ ܛܒܐ ܐܢܬܝ ܡܢ ܝܘܢ ܕܐܡܘܢ܂ ܕܝܬܒܐ ܒܢܗܪ̈ܘܬܐ ܘܡ̈ܝܐ ܚܕܝܪ̈ܝܢ ܠܗܿ܂ ܕܚܝܠܗܿ ܝܡܐ ܘܡ̈ܝܐ ܫܘܪܗܿ܂
03:09 [ai]ܟܘܫ ܘܡܨܪܝܢ ܥܘܫܢܗܿ܂ ܘܠܝܬ ܠܗܿ ܣܟ܂ ܦܘ̈ܛܝܐ ܘܠܘܒ̈ܝܐ ܗܘܘ ܒܥܘܕܪܢܗܿ܂
03:10 [ai]ܐܦ ܗܝ ܒܫܒܝܬܐ ܐܙܠܬ܂ ܘܝ̈ܠܘܕܝܗܿ ܐܫܬܩܦܘ܂ ܒܪܝܫ ܟܘܠܗܘܢ ܫ̈ܘܩܝܗܿ܂ ܘܥܠ ܝܩܝܪ̈ܝܗܿ ܐܪܡܝܘ ܦܨ̈ܐ܂ ܘܟܠܗܘܢ ܪ̈ܘܪܒܢܝܗܿ ܐܬܐܣܪܘ ܒܫܫ̈ܠܬܐ܂
03:11 [ai]ܐܦ ܐܢܬܝ ܬܕܘܝܢ/ܬܪܘܝܢ#5#/ ܘܬܗܘܝܢ ܫܝܛܬܐ܂ ܐܦ ܐܢܬܝ ܬܒܥܝܢ ܥܘܕܪܢܐ ܡܢ ܒ̈ܥܠܕܒܒܝܟܝ܂
03:12 [ai]ܟܠܗܘܢ ܟܪ̈ܟܝܟܝ ܐܝܟ ܬܐ̈ܢܐ ܐܢܘܢ ܒܟܪ̈ܬܐ܂ ܕܡܐ ܕܒܫܠ ܢ̈ܦܠܢ ܒܦܘܡܗ ܕܐܟܘܠܐ܂
03:13 [ai]ܘܥܡܟܝ ܐܝܟ ܢܫ̈ܐ ܐܢܘܢ ܒܓܘܟܝ܂ ܢܬܦܬܚܘܢ ܬܪ̈ܥܐ ܕܐܪܥܟܝ ܠܒ̈ܥܠܕܒܒܝܟܝ܂ ܘܬܐܟܘܠ ܢܘܪܐ ܠܡܘܟ̈ܠܝܟܝ܂
03:14 [ai]ܡ̈ܝܐ ܒܐܘܠܨܢܐ ܡܠܝ ܠܟܝ ܘܐܥܫܢܝ ܟܪ̈ܟܝܟܝ܂ ܥܘܠܝ ܒܣܝܢܐ ܘܕܘܫܝ ܒܛܝܢܐ܂ ܘܐܥܫܢܝ ‍{‍ܡܘܠܟܢܐ‍}‍‍<‍ܡܠܒܢܐ‍>‍܂
03:15 [ai]ܬܡܢ ܬܐܟܠܟܝ ܢܘܪܐ ܘܬܘܒܕܟܝ ܚܪܒܐ܂ ܘܬܐܟܠܟܝ ܐܝܟ ܙܚܠܐ܂ ܥܠ ܕܥܫܢܬܝ ܐܝܟ ܙܚܠܐ ܘܣܓܝܬܝ ܐܝܟ ܩܡܨܐ܂
03:16 [ai]ܘܐܣܓܝܬܝ ܬܓܪ̈ܝܟܝ ܛܒ ܡܢ ܟܘ̈ܟܒܝ ܫܡܝܐ܂ ܙܚܠܐ ܫܠܚ ܘܦܪܚ܂
03:17 [ai]ܢܙܝܪ̈ܝܟܝ ܐܝܟ ܩܡܨܐ܂ ܘܟܬܝܫ̈ܝܟܝ ܐܝܟ ܩܡܨܐ ܕܣܒܝܟ ܒܣܝܓܐ ܒܝܘܡܐ ܩܪܝܪܐ܂ ܕܡܐ ܕܕܢܚܬ ܫܡܫܐ܂ ܡܫܩܠ ܘܠܐ ܡܬܝܕܥܐ ܕܘܟܬܗ܂
03:18 [ai]ܢܡܘ ܚܒܪ̈ܝܟܝ ܡ̈ܠܟܐ ܕܐܬܘܪ ܘܫܪܘ ܩܪ̈ܝܒܝܟܝ܂ ܐܬܒܕܪܘ ܥܡܟܝ ܥܠ ‍<‍ܪ̈ܝܫܝ#3#‍>‍ ܛܘܪ̈ܐ ܘܠܝܬ ܠܗܘܢ ܡܟܢܫܢܐ܂
03:19 [ai]ܠܝܬ ܕܟܐܒ ܠܗ ܥܠ ܬܒܪܟܝ ܟܝܒܐ ܗܝ ܡܚܘܬܟܝ܂ ܟܠ ܕܫܡܥܘ ܫܡܥܼܟܼܝ ܢܩܫܘ ܟܦܐ܂ ܥܠܝܟܝ܂ ܡܛܠ ܕܥܠ ܟܘܠ ܐܢܫ ܐܡܝܢܐܝܬ ܥܒܪܬ ܒܝܫܬܟܝ܂

next chapter