The Comprehensive Aramaic Lexicon

02:01 [ai]	ܥܠ ܕܘܟܬܝ ܐܩܘܡ ܟܕ ܕܪܝܟ ܐܢܐ ܥܠ ܟܐܦܐ܂ ܘܐܚܘܪ ܘܐܚܙܐ ܡܢܐ ܡܡܠܠ ܥܡܝ܂ ܘܡܢܐ ܡܬܝܒ ܠܝ ܥܠ ܡܟܣܢܘܬܝ܂
02:02 [ai]	ܘܥܢܢܝ ܡܪܝܐ ܘܐܡܪ܂ ܟܬܘܒ ܚܙܘܐ ܘܦܪܫ ܥܠ ܠܘܚ̈ܐ܂ ܕܢܪܗܛ ܒܗ ܡܿܢ ܕܩܪܐ ܠܗ܂
02:03 [ai]	ܡܛܠ ܕܚܙܘܐ ܠܙܒܢܗ ܗܘܐ܂ ܘܐܬܐ ܩܨܐ ܘܠܐ ܡܟܕܒ܂ ܘܐܢ ܡܘܚܪ ܠܐ ܬܬܩܛܥ ܠܟܘܢ ܡܛܠ ܕܒܥܓܠ ܐܬܐ ܘܠܐ ܡܘܚܪ܂
02:04 [ai]	ܘܒܥܿܘܠܐ ܠܐ ܨܒܝܐ ܢܦܫܗ܂ ܘܙܕܝܩܐ ܒܗܝܡܢܘܬܐ ܢܚܐ܂
02:05 [ai]	ܘܓܒܪܐ ܡܪܚܐ ܘܝܥܢܐ ܠܐ ܣܒܥ܂ ܕܐܦܬܝ/ܕܦܬܝ#3#/ ܢܦܫܗ ܐܝܟ ܫܝܘܠ܂ ܘܠܐ ܣܒܥ ܐܝܟ ܡܘܬܐ܂ ܟܢܫ ܠܘܬܗ ܟܠܗܘܢ ܥܡ̈ܡܐ܂ ܘܩܪܒ ܠܘܬܗ ܟܠܗܝܢ ܐܡ̈ܘܬܐ܂
02:06 [ai]	ܗܠܝܢ ܟܠܗܘܢ ܡܬ̈ܠܐ ܢܣܒܘܢ ܥܠܘܗܝ܂ ܘܦܠܐ̈ܬܐ ܘܐܘܚ̈ܕܬܐ܂ ܘܢܐܡܪܘܢ܂ ܘܝ ܠܕܡܟܢܫ ܡܣܓܐ ܠܗ ܕܠܐ ܕܝܠܗ܂ ܥܕܡܐ ܠܐܡܬܝ ܡܥܫܢ ܥܠܘܗܝ ܥܢܢܐ ܕܣܝܢܐ܂
02:07 [ai]	ܗܐ ܡܢ ܫܠܝܐ ܢܩܘܡܘܢ ܡܢܟ̈ܬܢܝܟ܂ ܘܢܬܬܥܝܪܘܢ ܡܙܥܙܥ̈ܢܝܟ܂ ܘܬܗܘܐ ܠܗܘܢ ܠܒܙܬܐ܂
02:08 [ai]	ܡܛܠ ܕܐܢܬ ܒܙܬ ܥܡ̈ܡܐ ܣ̈ܓܝܐܐ܂ ܢܒܙܘܢܟ ܥܡ̈ܡܐ ܕܐܫܬܚܪܘ ܡܢ ܕܡܐ ܕܒܪܢܫܐ ܘܚܛܘܦܝܐ ܕܐܪܥܐ܂ ܕܡܕܝܢܬܐ ܘܕܟܠܗܘܢ ܥܡܘܪ̈ܝܗܿ܂
02:09 [ai]	ܘܝ ܠܕܥܠܒ ܘܡܟܢܫ ܒܝܫܬܐ ܠܢܦܫܗ܂ ܘܣܐܡ ܩܢܗ ܒܪܘܡܐ ܕܢܬܦܨܐ ܡܢ ܒܝܫܬܐ܂
02:10 [ai]	ܐܬܪܥܝܬ ܒܗܬܬܐ ܠܒܝܬܟ܂ ܒܙܬ ܥܡ̈ܡܐ ܣ̈ܓܝܐܐ ܘܐܚܛܝܬ ܢܦܫܟ܂
02:11 [ai]	ܡܛܠ ܕܟܐܦܐ ܡܢ ܐܣܬܐ ܓܥܝܐ܂ ܘܣܟܬܐ ܡܢ ܩܝܣܐ ܥܢܝܐ܂܀
02:12 [ai]	ܘܝ ܠܕܒܢܐ ܡܕܝܢܬܐ ܒܕܡܐ܂ ܘܡܬܩܢ ܩܪܝܬܐ ܒܥܘܼܠܐ܂
02:13 [ai]	ܗܠܝܢ ܟܠܗܝܢ ܡܢ ܡܪܝܐ ܚܝܠܬܢܐ܂ ܢܬܛܪܦܘܢ ܥܡ̈ܡܐ ܒܢܘܪܐ܂ ܘܐ̈ܡܘܬܐ ܒܣܪܝܩܘܬܐ ܢܠܐܝ̈ܢ/ܢܐ̈ܠܝܢ#3#/܂
02:14 [ai]	ܡܛܠ ܕܬܬܡܠܐ ܐܪܥܐ ܠܡܕܥ ܐܝܩܪܗ ܕܡܪܝܐ܂ ܐܝܟ ܡ̈ܝܐ ܕܡܟܣܝܢ ܠܝܡܐ܂܀܀
02:15 [ai]	ܘܝ ܠܕܡܫܩܐ ܠܚܒܪܗ ܬܛܪܐ ܕܪܘܓܙܟ ܘܡܪܘܐ ܠܗ܂ ܕܢܚܘܪ ܒܦܘܪܣܝܗܘܢ܂
02:16 [ai]	ܣܒܥܬ ܨܥܪܐ ܡܢ ܐܝܩܪܐ܂ ܐܫܬܝ ܐܦ ܐܢܬ ܘܐܬܛܪܦ܂ ܢܗܦܘܟ ܥܠܝܟ ܟܣܐ ܕܝܡܝܢܗ ܕܡܪܝܐ܂ ܘܨܥܪܐ ܥܠ ܐܝܩܪܟ܂
02:17 [ai]	ܡܛܠ ܕܚܛܘܦܝܐ ܕܠܒܢܢ ܢܟܣܝܟ܂ ܘܒܙܬܐ ܕܚܝܘܬܐ ܬܕܠܚܟ܂ ܡܢ ܕܡܐ ܕܒܪ ܐܢܫܐ ܘܚܛܘܦܝܐ ܕܐܪܥܐ܂ ܕܡܕܝܢܬܐ ܘܕܟܠܗܘܢ ܥܡܘܪ̈ܝܗܿ܂
02:18 [ai]	ܡܢܐ ܐܘܬܪ ܓܠܝܦܐ ܕܓܠܦܗ ܐܘܡܢܗ܂ ܘܢܣܝܟܐ ܗܘ ܘܝܘܠܦܢܐ ܕܓܠܐ܂ ܕܐܬܬܟܠ ܠܒܐ ܕܐܘܡܢܗ ܥܠܘܗܝ܂ ܠܡܥܒܕ ܦܬܟܪܐ ܚܪܫܐ܂
02:19 [ai]	ܘܝ ܠܕܐܡܪ ܠܩܝܣܐ ܐܬܬܥܝܪ/ܕܐܬܬܥܝܪ#3#/܂ ܘܠܟܐܦܐ ܚܪܫܬܐ ܕܩܘܡܝ܂ ܣܪ̈ܝܩܝܢ ܐܢܘܢ ܘܕܗܒܐ ܩܪܝܡܝܢ܂ ܘܪܘܚܐ ܠܝܬ ܒܗܘܢ܂
02:20 [ai]	ܘܡܪܝܐ ܒܗܝܟܠܐ ܕܩܘܕܫܗ܂ ܬܙܘܥ ܡܢ ܩܕܡܘܗܝ ܟܠܗܿ ܐܪܥܐ܂܀

next chapter