← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62023: P Zep

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


01:01 [ai]ܦܬܓܡܗ ܕܡܪܝܐ ܕܗܘܐ ܥܠ ܨܦܢܝܐ ܒܪ ܟܘܫܝ܂ ܒܪ ܓܕܠܝܐ ܒܪ ܐܡܪܝܐ ܒܪܗ ܕܚܠܩܝܐ܂ ܒܝ̈ܘܡܬܗ ܕܝܘܫܝܐ ܒܪ ܐܡܘܢ ܡܠܟܐ ܕܝܗܘܕܐ܂
01:02 [ai]ܡܥܒܪܘ ܡܥܒܪ ܐܢܐ ܟܠ ܡܢ ܐ̈ܦܝܗܿ ܕܐܪܥܐ ܐܡܪ ܡܪܝܐ܂
01:03 [ai]ܡܥܒܪ ܐܢܐ ܒܢܝܢ̈ܫܐ ܘܒܥܝܪܐ܂ ܡܥܒܪ ܐܢܐ ܦܪܚܬܐ ܕܫܡܝܐ ܘܢ̈ܘܢܐ ܕܝܡܐ܂ ܘܬܘܩܠܬܐ ܐܝܬܐ ܥܠ ܚ̈ܛܝܐ܂ ܘܐܘܒܕ ܒܢܝܢ̈ܫܐ ܡܢ ܐ̈ܦܝܗܿ ܕܐܪܥܐ ܐܡܪ ܡܪܝܐ܂
01:04 [ai]ܘܐܪܝܡ ܐܝܕܝ ܥܠ ܝܗܘܕܐ ܘܥܠ ܟܠܗܘܢ ܥܡܘܪ̈ܝܗܿ ܕܐܘܪܫܠܡ܂ ܘܐܘܒܕ ܡܢ ܐܬܪܐ ܗܢܐ ܫܪܟܗ ܕܒܥܠܐ܂ ܘܫܡܐ ܕܟܘܡܪ̈ܐ ܥܡ ܕܟܗ̈ܢܐ܂
01:05 [ai]ܘܠܟܠ ܕܣܓܕܝܢ ܗܘܘ ܥܠ ܐܓܪ̈ܐ ܠܚ̈ܝܠܘܬܐ ܕܫܡܝܐ܂ ܘܠܟܠ ܕܣܓܕܝܢ ܗܘܘ ܘܝܡܝܢ ܒܡܪܝܐ ܘܝܡܝܢ ܒܡܠܟܘܡ܂
01:06 [ai]ܘܠܟܠ ܕܗܦܟܝܢ ܡܢ ܡܪܝܐ܂ ܘܠܟܠ ܕܠܐ ܒܥܝܢ ܠܡܪܝܐ ܘܠܐ/ܘܠܟܠ ܕܠܐ#3#/ ܡܥܩܒܝܢ ܥܠܘܗܝ܂
01:07 [ai]ܕܚܠܘ ܡܢ ܩܕܡ ܡܪܐ ܡܪ̈ܘܬܐ܂ ܡܛܠ ܕܩܪܝܒ ܗܘ ܝܘܡܗ ܕܡܪܝܐ܂ ܘܛܝܒ ܡܪܝܐ ܕܒܚ̈ܐ ܘܙܡܢ ܩܪ̈ܘܗܝܿ܀
01:08 [ai]ܘܢܗܘܐ ܒܝܘܡܐ ܕܕܒܚܗ ܕܡܪܝܐ܂ ܐܦܩܘܕ ܥܠ ܪ̈ܘܪܒܢܐ ܘܥܠ ܒܢ̈ܝ ܡ̈ܠܟܐ܂ ܘܥܠ ܟܠ ܕܠܒܫܝܢ ܗܘܘ ܠܒܘ̈ܫܐ ܢܘܟܪ̈ܝܐ܂
01:09 [ai]ܘܐܦܩܘܕ ܥܠ ܟܠܗܘܢ ܚ̈ܛܘܦܐ ܘܒܙܘ̈ܙܐ ܒܝܘܡܐ ܗܿܘ܂ ܕܡܠܝܢ ܗܘܘ ܒܝܬ ܡܕܢܝ̈ܗܘܢ ܚܛܘܦܝܐ ܘܢܟܠܐ܂܀
01:10 [ai]ܘܢܗܘܐ ܒܝܘܡܐ ܗܿܘ ܐܡܪ ܡܪܝܐ܂ ܩܠܐ ܕܩܥܬܐ ܡܢ ܬܪܥܐ ܕܨܝ̈ܕܐ܂ ܘܝܠܠܬܐ ܡܢ ܐܚܪܢܐ܂ ܘܬܒܪܐ ܪܒܐ ܡܢ ܪܡܬܐ܂܀
01:11 [ai]ܐܝܠܠܘ ܥܡܘܪ̈ܝܗܿ ܕܡܟܬܫ܂ ܡܛܠ ܕܬܘܪ ܟܠܗ ܥܡܐ ܕܟܢܥܢ܂ ܘܐܒܕܘ ܟܠ ܫܩ̈ܠܝ/ܫܩ̈ܝܠܝ#2#/ ܣܐܡܐ܂
01:12 [ai]ܘܢܗܘܐ ܒܗ ܒܙܒܢܐ/ܒܝܘܡܐ#3#/ ܗܿܘ ܐܡܪ ܡܪܝܐ܂ ܐܒܨܝܗܿ ܠܐܘܪܫܠܡ ܒܫܪܓܐ܂ ܘܐܦܩܘܕ ܥܠ ܓܒܪ̈ܐ ܕܫܝܛܝܢ ܠܢܛܘܪܗܘܢ܂ ܘܐܡܪܝܢ ܒܠܒܗܘܢ ܠܐ/ܕܠܐ#1##2#/ ܡܛܐܒ ܡܪܝܐ ܐܦ ܠܐ ܡܒܐܫ܂
01:13 [ai]ܢܗܘܐ ܩܢܝܢܗܘܢ ܠܒܙܬܐ܂ ܘܒܬ̈ܝܗܘܢ ܠܚܒܠܐ܂ ܘܢܒܢܘܢ ܒܬ̈ܐ ܘܠܐ ܢܬܒܘܢ ܒܗܘܢ܂ ܘܢܨܒܘܢ ܟܪ̈ܡܐ ܘܠܐ ܢܫܬܘܢ ܚܡܪܗܘܢ܂
01:14 [ai]ܩܪܝܒ ܗܘ ܝܘܡܗ ܪܒܐ ܕܡܪܝܐ܂ ܩܪܝܒ ܗܘ ܛܒ ܘܡܣܪܗܒ ܩܠܐ ܕܝܘܡܗ ܕܡܪܝܐ܂ ܡܪܝܪ ܘܩܫܐ ܘܥܫܝܢ܂
01:15 [ai]ܝܘܡܐ ܗܘ ܕܐܟܬܐ ܝܘܡܐ ܗܘ܂ ܝܘܡܐ ܗܘ ܕܐܘܠܨܢܐ ܘܕܥܩܬܐ܂ ܝܘܡܐ ܗܘ ܕܕܘܘܕܐ ܘܕܚܒܠܐ܂ ܝܘܡܐ ܗܘ ܕܚܫܘܟܐ ܘܕܥܡܛܢܐ܂ ܝܘܡܐ ܗܘ ܕܥܢܢܐ ܘܕܥܪܦܠܐ܂
01:16 [ai]ܝܘܡܐ ܗܘ ܕܩܪܢܐ ܘܕܩܥܬܐ܂ ܥܠ ܡܕܝ̈ܢܬܐ ܥܫܝܢ̈ܬܐ ܘܥܠ ܙܘܝ̈ܬܐ ܪ̈ܡܬܐ܂
01:17 [ai]ܘܐܠܨ ܠܒܢ̈ܝ ܐܢܫܐ ܕܢܗܠܟܘܢ ܐܝܟ ܥܘܝܪ̈ܐ܂ ܥܠ ܕܚܛܘ ܠܡܪܝܐ܂ ܘܢܬܐܫܕ ܕܡܗܘܢ ܐܝܟ ܥܦܪܐ ܘܒܣܪܗܘܢ ܐܝܟ ܟܒ̈ܝܐ܂
01:18 [ai]ܘܕܗܒܗܘܢ ܘܣܐܡܗܘܢ ܠܐ ܢܫܟܚ ܠܡܦܨܝܘ ܐܢܘܢ ܒܝܘܡܐ ܕܪܘܓܙܗ ܕܡܪܝܐ܂ ܘܒܢܘܪܐ ܕܛܢܢܗ ܬܬܐܟܠ ܟܠܗܿ ܐܪܥܐ܂ ܡܛܠ ܕܕܠܘܚܝܐ ܘܣܘܦܢܐ ܥܒܕ ܡܪܝܐ ܥܠ/ܥܡ#3#/ ܟܠܗܘܢ ܥܡܘܪ̈ܝܗܿ ܕܐܪܥܐ܂܀

next chapter