The Comprehensive Aramaic Lexicon

02:01 [ai]	ܐܬܟܢܫܘ ܘܐܬܐܣܪܘ ܥܡܐ ܕܠܐ ܪܕܐ/ܐܪܕܐ#3#/܂
02:02 [ai]	ܥܕܠܐ ܬܗܘܘܢ ܐܝܟ ܥܘܪܐ ܕܥܒܪ܂ ܘܥܕܠܐ ܬܐܬܐ ܥܠܝܟܘܢ ܚܡܬܐ ܕܪܘܓܙܗ ܕܡܪܝܐ܂ ܘܥܕܠܐ ܢܐܬܐ ܥܠܝܟܘܢ ܝܘܡܐ ܕܪܘܓܙܗ ܕܡܪܝܐ܂
02:03 [ai]	ܒܥܐܘܗܝ ܠܡܪܝܐ ܟܠܟܘܢ ܡܟܝ̈ܟܝܗܿ ܕܐܪܥܐ܂ ܘܥܒܕܘ ܕܝܢܐ܂ ܘܒܥܘ ܙܕܝܩܘܬܐ ܘܡܟܝܟܘܬܐ܂ ܟܒܪ ܬܣܬܬܪܘܢ ܒܝܘܡܐ ܕܪܘܓܙܗ ܕܡܪܝܐ܂
02:04 [ai]	ܡܛܠ ܕܥܐܙܐ ܫܒܝܩܬܐ ܬܗܘܐ܂ ܘܐܫܩܠܘܢ ܠܚܒܠܐ܂ ܠܐܫܕܘܕ ܒܛܗܪܐ ܢܕܒܪܘܢ܂ ܘܥܩܪܘܢ ܬܬܥܩܪ܂܀
02:05 [ai]	ܘܝ ܠܕܥܡܪܝܢ ܒܚܒܠ ܝܡܐ܂ ܘܠܥܡܐ ܕܩܪ̈ܛܐ܂ ܦܬܓܡܗ ܕܡܪܝܐ ܥܠܝܟܝܢ ܟܢܥܢ ܘܐܪܥܐ ܕܦܠܫܬ̈ܝܐ ܘܐܘܒܕܟܝܢ ܡܢ ܝܬܒܐ܂
02:06 [ai]	ܘܢܗܘܐ ܚܒܠ ܝܡܐ ܕܝܪ̈ܐ܂ ܘܩܪ̈ܛܐ ܒܝܬ ܡܪܥܝܬܐ ܠܓܙܪ̈ܐ ܕܥܢܐ܂
02:07 [ai]	ܘܢܗܘܐ ܚܒܠ ܝܡܐ ܠܫܪܟܐ ܕܒܝܬ ܝܗܘܕܐ܂ ܘܒܗܝܢ ܢܪܥܘܢ܂ ܘܒ̈ܒܬܐ ܕܐܫܩܠܘܢ ܒܪܡܫܐ ܢܪܒܥܘܢ܂ ܡܛܠ ܕܢܦܩܘܕ ܐܢܘܢ ܡܪܝܐ ܐܠܗܗܘܢ ܘܢܦܢܐ ܫܒܝܬܗܘܢ܂
02:08 [ai]	ܫܡܥܬ ܚܣܕܐ ܕܡܘܐܒ ܘܓܘܕܦܐ ܕܒܢ̈ܝ ܥܡܘܢ܂ ܕܚܣܕܘ ܠܥܡܝ ܘܐܬܪܘܪܒܘ ܥܠ ܬܚܘܡܗܘܢ܂
02:09 [ai]	ܡܛܠ ܗܠܝܢ/ܗܢܐ#3#/ ܚܝ ܐܢܐ ܐܡܪ ܡܪܝܐ ܚܝܠܬܢܐ ܐܠܗܐ ܕܐܝܣܪܝܠ ܕܡܘܐܒ ܐܝܟ ܣܕܘܡ ܬܗܘܐ܂ ܘܒܢ̈ܝ ܥܡܘܢ ܐܝܟ ܥܡܘܪܐ ܕܐܬܚܒܠܬ ܢܨܒܬܗܝܢ܂ ܘܐܒܕ ܡܠܘܚܗܝܢ ܘܗ̈ܘܝ ܚܒܠܐ/ܠܚܒܠܐ#3#/ ܠܥܠܡ܂ ܫܪܟܗ ܕܥܡܝ ܢܒܙܘܢ ܐܢܝܢ ܘܡܕܡ ܕܐܫܬܚܪ ܡܢ ܥܡܝ ܢܐܪܬܘܢ ܐܢܝܢ܂
02:10 [ai]	ܗܕܐ ܬܗܘܐ ܠܗܘܢ ܚܠܦ ܓܐܝܘܬܗܘܢ܂ ܥܠ ܕܚܣܕܘ ܘܐܬܪܘܪܒܘ ܥܠ ܥܡܗ ܕܡܪܝܐ ܚܝܠܬܢܐ ܥܠ ܐܝܣܪܝܠ܂
02:11 [ai]	ܐܬܓܠܝ ܡܪܝܐ ܥܠܝܗܘܢ܂ ܕܢܘܒܕ ܠܟܠܗܘܢ ܡ̈ܠܟܝܗܿ ܕܐܪܥܐ܂ ܘܢܣܓܕܘܢ ܠܗ ܐܢܫ ܡܢ ܐܬܪܗ܂ ܟܠܗܝܢ ܓܙܪ̈ܬܐ ܕܝܡ̈ܡܐ/ܕܥ̈ܡܡܐ#3#/܂
02:12 [ai]	ܐܦ ܐܢܬܘܢ ܟܘܫ̈ܝܐ ܩ̈ܛܝܠܝ ܚܪܒܐ ‍<‍ܐܢܬܘܢ#2#‍>‍܂
02:13 [ai]	ܘܢܪܝܡ ܐܝܕܗ ܥܠ ܓܪܒܝܝܐ/ܥܡ̈ܡܐ#3#/ ܘܢܘܒܕ ܠܐܬܘܪܝܐ܂ ܘܢܥܒܕܝܗܿ ܠܢܝܢܘܐ ܠܚܒܠܐ ܘܠܨܕܝܐ ܐܝܟ ܡܕܒܪܐ܂
02:14 [ai]	ܘܢܪܒܥܘܢ ܒܓܘܗܿ ܓܙܪ̈ܐ܂ ܘܟܠܗܝܢ ܚܝ̈ܘܬܐ ܕܥܡ̈ܡܐ܂ ܐܦ ܩܩ̈ܐ ܘܩܘ̈ܦܕܐ ܒܒ̈ܬܝܗܿ ܢܒܘܬܘܢ܂ ܘܚܝ̈ܘܬܐ ܢܢܗ̈ܡܢ ܒܓܘܗܿ܂ ܘܚܪܒܐ ܒܬܪ̈ܥܝܗܿ܂ ܡܛܘܠ ܕܥܩܪܗܿ ܐܬܦܪܣܝ܂
02:15 [ai]	ܗܕܐ ܗܝ ܡܕܝܢܬܐ ܥܫܝܢܬܐ ܕܝܬܒܐ ܗܘܬ ܒܫܠܝܐ܂ ܘܐܡܪܐ ܗܘܬ ܒܠܒܗܿ ܐܢܐ/ܕܐܢܐ#3#/ ܐܢܐ ܘܠܝܬ ܬܘܒ ܐܟܘܬܝ܂ ܐܝܟܢܐ ܗܘܬ ܠܚܒܠܐ ܘܒܝܬ ܡܪܒܥܐ ܠܚܝ̈ܘܬܐ܂ ܟܠ ܡܿܢ ܕܢܥܒܪ ܥܠܝܗܿ ܢܬܡܗ ܘܢܫܪܩ܂ ܘܢܢܝܦ ܒܐܝܕܗ ܘܢܐܡܪ܂܀

next chapter