← Back
The Comprehensive Aramaic Lexicon
← Return to the Text Browser
click on the file description for more information
62023: P Zep

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


03:01 [ai]ܐܘܝ ܡܕܝܢܬܐ ܝܕܝܥܬܐ ܘܦܪܝܩܬܐ ܡܕܝܢܬܗ ܕܝܘܢܢ܂
03:02 [ai]ܕܠܐ ܫܡܥܬ ܒܩܠܐ ܘܠܐ ܩܒܠܬ ܡܪܕܘܬܐ܂ ܘܒܡܪܝܐ ܠܐ ܣܒܪܬ܂ ܘܠܘܬ ܐܠܗܗܿ ܠܐ ܩܪܒܬ܂
03:03 [ai]ܪ̈ܘܪܒܢܝܗܿ ܒܓܘܗܿ ܐܝܟ ܐܪ̈ܝܘܬܐ ܢܗܡܝܢ܂ ܘܕܝܢ̈ܝܗܿ ܐܝܟ ܕܐ̈ܒܐ ܕܪܡܫܐ܂ ܘܠܐ ܡܟܬܪܝܢ ܠܨܦܪܐܿ
03:04 [ai]ܢܒܝ̈ܝܗܿ ܦܚܙܝܢ܂ ܘܓܒܪ̈ܐ ܐܢܘܢ ܥܿܘ̈ܠܐ܂ ܟܗ̈ܢܝܗܿ ܛܘܫܘ ܡܩܕܫܐ ܘܚܛܦܘ ܢܡܘܣܐ܂
03:05 [ai]ܘܡܪܝܐ ܙܕܝܩܐ ܒܓܘܗܿ ܘܠܐ ܥܒܕ ܥܘܠܐ܂ ܒܨܦܪܐ ܘܒܨܦܪܐ ܕܝ̈ܢܘܗܝ ܝܗܒ ܒܢܘܗܪܐ ܘܠܐ ܡܫܘܚܪ܂ ܘܥܿܘܠܐ ܠܐ ܝܕܥ ܒܗܬܬܐ܂
03:06 [ai]ܐܘܒܕܬ ܥܡ̈ܡܐ ܘܐܬܚܒܠܬ ‍{‍ܕܘܝܬܐ‍}‍‍<‍ܙܘܝܬܐ‍>‍܂ ܐܚܪܒܬ ܫ̈ܘܩܝܗܘܢ ܡܢ ܒܠܝ ܕܥܒܪ܂ ܨ̈ܕܝ ܡ̈ܕܝܢܬܗܘܢ ܡܢ ܒܠܝ ܐܢܫ ܘܡܢ ܒܠܝ ܕܝܬܒ܂
03:07 [ai]ܐܡܪܬ ܕܠܝ ܬܕܚܠܘܢ܂ ܘܡܢܝ ܬܩܒܠܘܢ ܡܪܕܘܬܐ܂ ܘܠܐ ܢܐܒܕ ܡܢ ‍<‍ܩܕܡ#3#‍>‍ ܥܝܢ̈ܝܗܿ ܟܠܡܕܡ ܕܦܩܕܬ ܥܠܝܗܿ܂ ܐܬܛܝܒܘ ܘܩܪܘܒܘ܂ ܘܚܒܠܘ ܟܠܗܝܢ ܨܢ̈ܥܬܗܘܢ܂܀
03:08 [ai]ܡܟܝܠ ܣܟܘ ܠܝ ܐܡܪ ܡܪܝܐ܂ ܠܝܘܡܐ ܕܩܐܡ ܐܢܐ ܠܣܗܕܘܬܐ܂ ܡܛܠ ܕܡܛܝ ܕܝܢܝ ܠܡܟܢܫܘ ܥܡ̈ܡܐ/ܠܥܡ̈ܡܐ#3#/ ܘܠܡܩܪܒܘ ܡ̈ܠܟܘܬܐ܂ ܠܡܐܫܕ ܥܠܝܗܘܢ ܪܘܓܙܝ ܘܟܠܗܿ ܚܡܬܐ ܕܪܘܓܙܝ܂ ܡܛܠ \ܕܒܢܘܪܐ ܕܛܢܢܝ /ܕܒܛܢܢܝ#3#/ ܬܬܐܟܠ ܟܠܗܿ ܐܪܥܐ܂
03:09 [ai]ܘܗܝܕܝܢ ܐܗܦܟ ܥܠ ܥܡ̈ܡܐ ܣܦܬܐ ܓܒܝܬܐ܂ ܕܢܩܪܘܢ ܟܠܗܘܢ ܒܫܡܗ ܕܡܪܝܐ܂ ܘܢܦܠܚܘܢܗ ܒܢܝܪܐ ܚܕ܂
03:10 [ai]ܡܢ ܥܒܪ ܢܗܪ̈ܘܬܐ ܕܟܘܫ ܢܝܬܘܢ ܠܝ ܕܒܚ̈ܐ
03:11 [ai]ܒܝܘܡܐ ܗܿܘ܂ ܠܐ ܬܒܗܬܝܢ ܡܢ ܟܘܠܗܝܢ ܨܢ̈ܥܬܟܝ ܕܐܥܠܝܬܝ ܒܝ܂ ܘܗܝܕܝܢ ܐܥܒܪ ܡܢܟܝ ܥܘܫܢܐ ܕܓܐܝܘܬܟܝ܂ ܘܠܐ ܬܘܣܦܝܢ ܬܘܒ ܠܡܬܪܘܪܒܘ ܥܠ ܛܘܪܐ ܕܩܘܕܫܝ܂
03:12 [ai]ܘܐܘܬܪ ܒܓܘܟܝ ܥܡܐ ܡܣܟܢܐ ܘܡܟܝܟܐ܂ ܘܢܣܒܪܘܢ ܒܫܡܗ ܕܡܪܝܐ܂
03:13 [ai]ܘܐܝܠܝܢ ܕܐܫܬܚܪܘ/ܕܐܫܬܘܚܪܘ#3#/ ܡܢ ܕܒܝܬ ܐܝܣܪܝܠ܂ ܠܐ ܢܥܒܕܘܢ ܥܘܠܐ ܘܠܐ ܢܡܠܠܘܢ ܕܓܠܘܬܐ܂ ܘܠܐ ܢܫܬܟܚ ܒܦܘܡܗܘܢ ܠܫܢܐ ܕܢܟܠܐ܂ ܡܛܠ ܕܗܢܘܢ ܢܪܥܘܢ ܘܢܪܒܥܘܢ܂ ܘܠܐ ܢܗܘܐ ܠܗܘܢ ܡܗܪܢܐ܂
03:14 [ai]ܫܒܚܝ ܒܪܬ ܨܗܝܘܢ ܘܝܒܒ ܐܝܣܪܝܠ܂ ܚܕܝ ܘܕܘܨܝ ܒܟܠܗ ܠܒܟܝ ܒܪܬ ܐܘܪܫܠܡ܂
03:15 [ai]ܐܥܒܪ ܡܪܝܐ ܕܝܢ̈ܝܟܝ܂ ܘܐܦܪܩ ܡܢܟܝ ܒ̈ܥܠܕܒܒܝܟܝ ܡܠܟܗ ܕܐܝܣܪܝܠ܂ ܡܪܝܐ ܒܓܘܟܝ ܬܘܒ ܠܐ ܬܚܙܝܢ ܒܝܫܬܐ܂
03:16 [ai]ܒܗ ܒܝܘܡܐ ܗܿܘ܂ ܢܬܐܡܪ ܠܐܘܪܫܠܡ ܠܐ ܬܕܚܠܝܢ܂ ܘܠܨܗܝܘܢ ܠܐ ܢܬܪ̈ܦܝܢ ܐ̈ܝܕܝܟܝ܂
03:17 [ai]ܡܪܝܐ ܐܠܗܟܝ ܒܓܘܟܝ܂ ܓܢܒܪܐ ܘܦܪܘܩܐ܂܀܀ ܢܒܣܡܟܝ ܒܚܕܘܬܐ ܘܢܚܕܬܟܝ ܒܚܘܒܗ܂ ܘܢܕܝܨܟܝ ܒܬܫܒܘܚܬܐ
03:18 [ai]ܐܝܟ ܕܒܝܘܡܐ ܕܥܕܥܐܕܐ܂ ܘܐܥܒܪ ܡܢܟܝ ܐܝܠܝܢ ܕܡܡܠܠܝܢ ܗܘܘ ܥܠܝܟܝ ܚܣܕܐ܂
03:19 [ai]ܗܐ ܥܒܕ ܐܢܐ ܠܟܠܗܘܢ/ܠܗܘܢ#3#/܂ ܟܕ ܡܡܟܟܝܢ ܒܓܘܟܝ ܒܙܒܢܐ ܗܿܘ܂ ܘܐܦܪܘܩ ܠܟܒܝܫܬܐ ܘܠܪܚܝܩܬܐ ܐܟܢܫ܂ ܘܐܥܒܕ ܐܢܘܢ ܠܫܡܐ ܘܠܬܫܒܘܚܬܐ ܒܟܠܗܿ ܐܪܥܐ ܕܒܗܬܬܗܘܢ܂
03:20 [ai]ܒܗ ܒܙܒܢܐ ܗܿܘ ܐܝܬܝܟܘܢ܂ ܘܒܗ ܒܙܒܢܐ ܗܿܘ ܐܟܢܫܟܘܢ܂ ܘܐܬܠܟܘܢ ܠܫܡܐ ܘܠܬܫܒܘܚܬܐ ܒܟܠܗܘܢ ܥܡ̈ܡܐ ܕܐܪܥܐ܂ ܡܐ ܕܡܗܦܟ ܐܢܐ ܫܒܝܬܟܘܢ ܠܥܢܝ̈ܗܘܢ/ܠܥܝ̈ܢܝܟܘܢ#3#/ ܐܡܪ ܡܪܝܐ܂

next chapter