← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62025: P Ze

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


01:01 [ai]ܒܝܪܚܐ ܕܬܡܢܝܐ ܒܚܕ ܒܝܪܚܐ܂ ܒܫܢܬ ܬܪ̈ܬܝܢ ܕܕܪܝܘܫ܂ ܗܘܐ ܦܬܓܡܗ ܕܡܪܝܐ ܥܠ ܙܟܪܝܐ ܒܪ ܒܪܟܝܐ ܒܪ ܥܕܘ ܢܒܝܐ ܠܡܐܡܪ܂
01:02 [ai]ܪܓܙ ܡܪܝܐ ܥܠ ܐ̈ܒܗܝܟܘܢ ܪܘܓܙܐ ‍<‍ܪܒܐ#3#‍>‍܂
01:03 [ai]ܐܡܪ ܠܗܘܢ܂ ܗܟܢܐ ܐܡܪ ܡܪܝܐ ܚܝܠܬܢܐ܂ ܐܬܦܢܘ ܠܘܬܝ ܐܡܪ ܡܪܝܐ ܚܝܠܬܢܐ ܘܐܬܦܢܐ ܥܠܝܟܘܢ ܐܡܪ ܡܪܝܐ ܚܝܠܬܢܐ܂
01:04 [ai]ܘܠܐ ܬܗܘܘܢ ܐܝܟ ܐܒ̈ܗܝܟܘܢ܂ ܕܐܟܪܙܘ ܥܠܝܗܘܢ ܢܒ̈ܝܐ ܩܕܡ̈ܝܐ ܘܐܡܪܘ܂ ܗܟܢܐ ܐܡܪ ܡܪܝܐ ܚܝܠܬܢܐ܂ ܐܬܦܢܘ ܡܢ ܐܘܪ̈ܚܬܟܘܢ ܒܝܫ̈ܬܐ ܘܡܢ ܥܒ̈ܕܝܟܘܢ ܒܝܫ̈ܐ܂ ܘܠܐ ܫܡܥܘ ܘܠܐ ܨܬܘܢܝ ܐܡܪ ܡܪܝܐ ‍<‍ܚܝܠܬܢܐ#1##2#‍>‍
01:05 [ai]ܐܝܟܐ ܐܢܘܢ ܐ̈ܒܗܝܟܘܢ ܘܢܒܝ̈ܝ܂ ܕܠܡܐ ܠܥܠܡ ܚܝ̈ܝܢ܂
01:06 [ai]ܠܦܬ̈ܓܡܝ ܕܝܢ ܘܠܦܘܩ̈ܕܢܝ ܕܦܩܕܬ ܠܥܒ̈ܕܝ ܢܒ̈ܝܐ܂ ܐܬܕܟܪܘ ܐܢܘܢ ܐ̈ܒܗܝܟܘܢ܂ ܘܐܬܪܥܝܘ ܘܐܡܪܘ܂ ܐܝܟ ܕܐܬܪܥܝ ܡܪܝܐ ܚܝܠܬܢܐ/ܐܠܗܐ#3#/ ܠܡܥܒܕ ܠܢ܂ ܐܝܟ ܐܘܪ̈ܚܬܢ ܘܐܝܟ ܨܢ̈ܥܬܢ ܗܟܢܐ ܥܒܕ ܠܢ܀܀܂
01:07 [ai]ܒܝܘܡ ܐܪ̈ܒܥܐ ܘܥܣܪ̈ܝܢ ܒܝܪܚܐ ܕܚܕܥܣܪ̈܂ ܕܗܘ ܫܒܛ܂ ܒܫܢܬ ܬܪ̈ܬܝܢ ܕܕܪܝܘܫ܂ ܗܘܐ ܦܬܓܡܗ ܕܡܪܝܐ ܥܠ ܙܟܪܝܐ ܒܪ ܒܪܟܝܐ ܒܪ ܥܕܘ ܢܒܝܐ ܠܡܐܡܪ܂
01:08 [ai]ܚܙܝܬ ܒܠܠܝܐ ܓܒܪܐ ܕܪܟܝܒ ܥܠ ܣܘܣܝܐ ܣܘܡܩܐ܂ ܘܩܐܡ ܒܝܢܬ/ܒܝܬ#3#/ ܐ̈ܝܠܢܐ ܕܡ̈ܛܠܠܝܢ܂ ܘܒܬܪܗ ܪ̈ܟܫܐ ܣܘ̈ܡܩܐ ܘܦܝ̈ܣܟܝܐ ܘܚܘܪ̈ܐ܂
01:09 [ai]ܘܐܡܪܬ ܡܢܐ ܐܢܘܢ ܗܠܝܢ ܡܪܝ܂ ܥܢܐ ܡܠܐܟܐ ܕܡܡܠܠ ܒܝ ܘܐܡܪ ܠܝ܂ ܐܢܐ ܐܚܘܝܟ ܡܢܐ ܐܢܘܢ ܗܠܝܢ܂
01:10 [ai]ܥܢܐ ܓܒܪܐ ܕܩܐܡ ܒܝܢܬ ܐܝ̈ܠܢܐ ܘܐܡܪ ܠܝ܂ ܗܠܝܢ ܐܢܘܢ ܕܫܕܪ ܡܪܝܐ ܠܡܗܠܟܘ ܒܐܪܥܐ܂
01:11 [ai]ܘܥܢܘ ܘܐܡܪܘ ܠܡܠܐܟܗ ܕܡܪܝܐ ܕܩܐܡ ܒܝܢܬ ܐܝ̈ܠܢܐ܂ ܗܠܟܢ ܒܐܪܥܐ܂ ܘܟܠܗ܂ ܐܪܥܐ ܝܬܒܐ ܘܫܠܝܐ܂
01:12 [ai]ܘܥܢܐ ܡܠܐܟܗ ܕܡܪܝܐ ܘܐܡܪ܂ ܡܪܝܐ ܚܝܠܬܢܐ܂ ܥܕ ܐܡܬܝ ܠܐ ܡܪܚܡ ܐܢܬ ܥܠ ܐܘܪܫܠܡ ܘܥܠ ܡܕܝܢ̈ܬܐ ܕܝܗܘܕܐ܂ ܕܪܓܙܬ ܥܠܝܗܝܢ ܗܐ ܫܒܥܝܢ ܫܢܝ̈ܢ܂
01:13 [ai]ܘܥܢܐ ܡܪܝܐ ܠܡܠܐܟܐ ܕܡܡܠܠ ܒܝ܂ ܡ̈ܠܐ ܫܦܝܪ̈ܬܐ ܘܦܬ̈ܓܡܐ ܕܒܘܝܐܐ܂
01:14 [ai]ܘܐܡܪ ܠܝ ܡܠܐܟܐ ܕܡܡܠܠ ܒܝ܂ ܐܟܪܙ ܘܐܡܪ܂ ܗܟܢܐ ܐܡܪ ܡܪܝܐ ܚܝܠܬܢܐ܂ ܛܢܬ ܒܐܘܪܫܠܡ ܘܒܨܗܝܘܢ ܛܢܢܐ ܪܒܐ܂
01:15 [ai]ܘܪܘܓܙܐ ܪܒܐ ܪܓܙ ܐܢܐ ܥܠ ܥܡ̈ܡܐ ܕܡܬܪܓܫܝܢ܂ ܐܢܐ ܓܝܪ ܪܓܙܬ ܩܠܝܠ܂ ܘܗܢܘܢ ܥܕܪܘ ܠܒܝܫܬܐ܂
01:16 [ai]ܡܛܠ ܗܠܝܢ ܗܟܢܐ ܐܡܪ ܡܪܝܐ ܚܝܠܬܢܐ܂ ܐܬܦܢܝܬ ܥܠ ܐܘܪܫܠܡ ܒܪ̈ܚܡܝܢ܂ ܘܒܝܬܝ ܝܗܒ ܐܢܐ ܒܓܘܗܿ ܐܡܪ ܡܪܝܐ ܚܝܠܬܢܐ܂ ܘܫܘܝܬܐ ܬܬܡܬܚ ܥܠ ܐܘܪܫܠܡ܂
01:17 [ai]ܬܘܒ ܐܟܪܙ ܘܐܡܪ܂ ܗܟܢܐ ܐܡܪ ܡܪܝܐ ܚܝܠܬܢܐ܂ ܡܟܝܠ ܢܣܬܪ̈ܩܢ ܡܕܝܢ̈ܬܐ ܡܢ ܛܒ̈ܬܐ܂ ܘܢܒܢܐ ܬܘܒ ܡܪܝܐ ܠܨܗܝܘܢ܂ ܘܢܓܒܐ ܬܘܒ ܠܐܘܪܫܠܡ܂܀

next chapter