← Back
The Comprehensive Aramaic Lexicon
← Return to the Text Browser
click on the file description for more information
62025: P Ze

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


03:01 [ai]ܘܚܘܝܢܝ ܠܝܫܘܥ ܟܗܢܐ ܪܒܐ܂ ܟܕ ܩܐܡ ܩܕܡ ܡܠܐܟܗ ܕܡܪܝܐ܂ ܘܣܛܢܐ ܩܐܡ ܗܘܐ ܡܢ ܝܡܝܢܗ ܕܢܟܝܘܗܝ܂
03:02 [ai]ܘܐܡܪ ܡܠܐܟܗ ܕܡܪܝܐ ܠܣܛܢܐ܂ ܣܛܢܐ ܢܓܥܘܪ ܒܟ ܡܪܝܐ܂ ܢܓܥܘܪ ܒܟ ܡܪܝܐ ܕܓܒܗܿ ܠܐܘܪܫܠܡ܂ ܗܢܘ ܐܘܕܐ ܕܐܬܦܠܛ ܡܢ ܢܘܪܐ܂
03:03 [ai]ܘܝܫܘܥ ܠܒܝܫ ܗܘܐ ܡܐ̈ܢܐ ܨ̈ܐܐ܂ ܘܩܐܡ ܗܘܐ ܩܕܡ ܡܠܐܟܗ ܕܡܪܝܐ܂
03:04 [ai]ܘܥܢܐ ܡܠܐܟܐ ܘܐܡܪ ܠܗܢܘܢ ܕܩܝܡܝܢ ܩܕܡܘܗܝ܂ ܐܥܒܪܘ ܡܢܗ ܡܐ̈ܢܐ ܨ̈ܐܐ܂ ܘܐܥܒܪܘ ܡܢܗ ܡܐ̈ܢܐ ܨ̈ܐܐ܂ ܘܐܡܪ ܠܗ܂ ܚܙܝ ܕܐܥܒܪܬ ܡܢܟ ܥܘܠܟ܂ ܘܐܠܒܫܬܟ ܡܐ̈ܢܐ ܛܒ̈ܐ܂
03:05 [ai]ܘܐܡܪ ܢܣܝܡܘܢ ܟܠܝܠܐ ܕܟܝܐ ܒܪܝܫܗ܂ ܘܣܡܘ ܟܠܝܠܐ ܕܟܝܐ ܒܪܝܫܗ܂ ܘܐܠܒܫܘܗܝ ܡܐ̈ܢܐ ܛܒ̈ܐ܂ ܘܡܠܐܟܗ ܕܡܪܝܐ ܩܐܡ܂
03:06 [ai]ܘܐܣܗܕ ܡܠܐܟܗ ܕܡܪܝܐ ܒܝܫܘܥ ܘܐܡܪ܂
03:07 [ai]ܗܟܢܐ ܐܡܪ ܡܪܝܐ܂ ܚܝܠܬܢܐ ܐܢ ܒܐܘܪܚܝ ܬܐܙܠ ܘܦܘܩ̈ܕܢܝ ܬܛܪ܂ ܐܢܬ ܬܕܘܢܝܘܗܝ ܠܒܝܬܝ ܘܬܛܪ ܕܪܬܝ܂ ܘܐܬܠ ܠܟ ܕܡܗܠܟܝܢ ܒܝܢܬ ܗܠܝܢ ܕܩܝܡܝܢ܂
03:08 [ai]ܫܡܥ ܝܫܘܥ ܟܗܢܐ ܪܒܐ܂ ܐܢܬ ܘܚܒܪ̈ܝܟ ܗܠܝܢ ܕܩܝܡܝܢ/ܕܝܬܒܝܢ#2#/ ܩܕܡܝܟ܂ ܡܛܠ ܕܓܒܪ̈ܐ ܐܢܬܘܢ ܕܬܕܡܘܪܬܐ܂ ܕܗܐ ܡܝܬܐ ܐܢܐ ܠܥܒܕܝ ܕܢܚܐ܂
03:09 [ai]ܡܛܠ ܕܗܐ ܟܐܦܐ ܕܝܗܒܬ ܩܕܡ ܝܫܘܥ܂ ܥܠ ܟܐܦܐ ܚܕܐ ܫܒܥ ܥܝܢ̈ܝܢ܂ ܗܐ ܦܬܚ ܐܢܐ ܬܪ̈ܥܝܗܿ ܐܡܪ ܡܪܝܐ ܚܝܠܬܢܐ܂ ܘܐܡܘܫ ܥܘܠܗܿ ܕܐܪܥܐ ܗܿܝ ܒܝܘܡܐ ܗܿܘ܂
03:10 [ai]ܒܗ ܒܝܘܡܐ ܗܿܘ ܐܡܪ ܡܪܝܐ ܚܝܠܬܢܐ܂ ܬܩܪܘܢ ܐܢܫ ܠܚܒܪܗ ܬܚܝܬ ܓܦܬܐ ܘܬܚܝܬ ܬܬܐ܀

next chapter