← Back
The Comprehensive Aramaic Lexicon
← Return to the Text Browser
click on the file description for more information
62025: P Ze

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


04:01 [ai]ܘܗܦܟ ܡܠܐܟܐ ܕܡܡܠܠ ܒܝ܂ ܘܐܥܝܪܢܝ ܐܝܟ ܓܒܪܐ ܕܡܬܬܥܝܪ ܡܢ ܫܢܬܗ܂
04:02 [ai]ܘܐܡܪ ܠܝ ܡܢܐ ܚܙܝܬ ܘܐܡܪܬ ܚܙܝܬ ܡܢܪܬܐ ܕܕܗܒܐ܂ ܘܟܦܬܐ ܥܠ ܪܝܫܗܿ܂ ܘܫܒܥܐ ܫܪ̈ܓܝܢ ܥܠܝܗܿ܂ ܘܫܒܥܐ ܫܒܥܐ ܦܘ̈ܡܝܢ ܠܫܪܓܐ ܕܐܝܬ ܒܪܝܫܗܿ܂
04:03 [ai]ܘܬܪ̈ܝܢ ܙܝ̈ܬܝܢ ܐܝܬ ܥܠܝܗܿ܂ ܚܕ ܡܢ ܝܡܝܢܗܿ ܕܟܦܬܐ ܘܚܕ ܡܢ ܣܡܠܗܿ܂
04:04 [ai]ܘܥܢܝܬ ܘܐܡܪܬ ܠܡܠܐܟܐ ܕܡܡܠܠ ܒܝ܂ ܡܢܐ ܐܢܘܢ ܗܠܝܢ ܡܪܝ܂
04:05 [ai]ܥܢܐ ܡܠܐܟܐ ܕܡܡܠܠ ܒܝ ܘܐܡܪ ܠܝ܂ ܠܐ ܝܕܥ ܐܢܬ ܡܢܐ ܐܢܘܢ ܗܠܝܢ܂ ܘܐܡܪܬ ܠܐ ܝܕܥ ܐܢܐ ܡܪܝ܂
04:06 [ai]ܘܐܡܪ ܠܝ܂ ܗܢܘ ܦܬܓܡܗ ܕܡܪܝܐ ܥܠ ܙܘܪܒܒܠ܂ ܠܐ ܒܚܝܠܐ ܘܠܐ ܒܥܘܫܢܐ܂ ܐܠܐ ܐܢ ܒܪܘܚ ܐܡܪ ܡܪܝܐ ܚܝܠܬܢܐ܂
04:07 [ai]ܡܢܐ ܐܢܬ ܛܘܪܐ ܪܒܐ ܩܕܡ ܙܘܪܒܒܠ܂ ܐܠܐ ܐܝܟ ܦܩܥܬܐ܂ ܘܐܦܩ ܠܟܐܦܐ ܪܫܝܬܐ ܕܫܘܝܘܬܐ ܘܕܪ̈ܚܡܐ܂܀
04:08 [ai]ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
04:09 [ai]ܐ̈ܝܕܘܗܝ ܕܙܘܪܒܒܠ ܣܡ ܫܬܐ̈ܣܘܗܝ ܕܒܝܬܐ ܗܢܐ܂ ܘܐ̈ܝܕܘܗܝ ܡܫ̈ܠܡܢ ܠܗ܂ ܘܬܕܥܘܢ ܕܡܪܝܐ ܚܝܠܬܢܐ ܫܕܪܢܝ ܠܘܬܟܘܢ/ܥܠܝܟܘܢ#3#/܂
04:10 [ai]ܡܛܠ ܕܡܢܘ ܫܐܛ ܠܝ̈ܘܡܬܐ ܙܥܘܪ̈ܐ܂ ܘܢܚܘܪܘܢ ܘܢܚܙܘܢ ܠܟܐܦܐ ܕܦܘܪܫܢܐ ܒܐ̈ܝܕܘܗܝ ܕܙܘܪܒܒܠ܂ ܗܠܝܢ ܐܢܝܢ ܫܒܥ ܥܝܢ̈ܘܗܝ ܕܡܪܝܐ ܕܚܝܪ̈ܢ ܒܟܠܗܿ ܐܪܥܐ܂
04:11 [ai]ܥܢܝܬ ܘܐܡܪܬ ܠܗ܂ ܘܡܢܐ ܐܢܘܢ ܗܠܝܢ ܬܪ̈ܝܢ ܙܝ̈ܬܝܢ܂ ܕܡܢ ܝܡܝܢܗܿ ܕܟܦܬܐ ܘܡܢ ܣܡܠܗܿ܂
04:12 [ai]ܥܢܝܬ ܕܬܪ̈ܬܝܢ ܙܒ̈ܢܝܢ ܘܐܡܪܬ ܠܗ܂ ܘܡܢܐ ܐܢܝܢ ܗܠܝܢ ܬܪ̈ܬܝܢ ܣܘ̈ܟܐ ܕܙܝܬܐ܂ ܕܒܝܢܬ ܬܪ̈ܝܢ ܢܚܝܪ̈ܝܢ ܕܕܗܒܐ܂ ܕܢܣܟܝܢ ܡܢܗܘܢ ܕܗܒܐ܂
04:13 [ai]ܘܐܡܪ ܠܝ ܠܐ ܝܕܥ ܐܢܬ ܡܢܐ ܐܢܘܢ ܗܠܝܢ܂ ܘܐܡܪܬ ܠܐ ܡܪܝ܂
04:14 [ai]ܘܐܡܪ ܠܝ܂ ܗܠܝܢ ܐܢܘܢ ܬܪ̈ܝܢ ܒܢ̈ܝ ܕܘܗܢܐ܂ ܕܩܝܡܝܢ ܩܕܡ ܡܪܐ ܕܟܠܗܿ ܐܪܥܐ܂܀

next chapter