The Comprehensive Aramaic Lexicon

06:01 [ai]	ܘܗܦܟܬ ܐܪܝܡܬ ܥܝܢ̈ܝ ܘܚܙܝܬ܂ ܘܗܐ ܐܪ̈ܒܥ ܡܪ̈ܟܒܢ ܢܦܩ̈ܢ ܡܢ ܒܝܢܬ ܬܪ̈ܝܢ ܛܘܪ̈ܝܢ܂ ܘܛܘܪ̈ܐ ܗܢܘܢ ܛܘܪ̈ܐ ܐܢܘܢ ܕܢܚܫܐ܂
06:02 [ai]	ܒܡܪܟܒܬܐ ܩܕܡܝܬܐ ܪ̈ܟܫܐ ܣܘ̈ܡܩܐ܂ ܘܒܡܪܟܒܬܐ ܕܬܪ̈ܬܝܢ ܪ̈ܟܫܐ ܐ̈ܘܟܡܐ܂
06:03 [ai]	ܘܒܡܪܟܒܬܐ ܕܬܠܬ ܪ̈ܟܫܐ ܚܘܪ̈ܐ܂ ܘܒܡܪܟܒܬܐ ܕܐܪ̈ܒܥ ܪ̈ܟܫܐ ܐܘܪ̈ܓܐ܂
06:04 [ai]	ܘܥܢܝܬ ܘܐܡܪܬ ܠܡܠܐܟܐ ܕܡܡܠܠ ܒܝ܂ ܡܢܐ ܐܢܘܢ ܗܠܝܢ ܡܪܝ܂
06:05 [ai]	ܥܢܐ ܡܠܐܟܐ ܘܐܡܪ ܠܝ܂ ܗܠܝܢ ܐܢܝܢ ܐܪ̈ܒܥ ܪ̈ܘܚܝ ܫܡܝܐ܂ ܕܩܝ̈ܡܢ ܗ̈ܘܝ ܩܕܡ ܡܪܐ ܕܟܠܗܿ ܐܪܥܐ܂
06:06 [ai]	ܕܐܝܬ ܒܗܿ ܪ̈ܟܫܐ ܐ̈ܘܟܡܐ܂ ܢܦܩܝܢ/ܕܢܦܩܝܢ#3#/ ܠܐܪܥܐ ܕܓܪܒܝܐ܂ ܘܚܘܪ̈ܐ ܢܦܩܝܢ ܒܬܪܗܘܢ܂ ܘܐܘܪ̈ܓܐ ܢܦܩܝܢ ܠܐܪܥܐ ܕܬܝܡܢܐ܂
06:07 [ai]	ܘܣ̈ܘܡܩܐ ܢܦܩܘ܂ ܘܒܥܘ ܠܡܐܙܠ ܠܡܗܠܟܘ ܒܐܪܥܐ܂ ܘܐܡܪ ܠܗܘܢ܂ ܙܠܘ ܗܠܟܘ ܒܐܪܥܐ܂ ܘܗܠܟܘ ܒܐܪܥܐ܂
06:08 [ai]	ܘܩܥܐ ܘܐܡܪ ܠܝ܂ ܚܙܝ ܗܠܝܢ ܕܢܦܩܝܢ ܠܐܪܥܐ ܕܓܪܒܝܐ܂ ܘܡܢܝܚܝܢ ܪܘܚܝ ܒܐܪܥܐ ܕܓܪܒܝܐ܂܀܀
06:09 [ai]	ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ܂
06:10 [ai]	ܣܒ ܡܢ ܫܒܝܬܐ܂ ܡܢ ܚܘܠܕܝ ܘܡܢ ܛܘܒܝܐ ܘܡܢ ܝܕܥܝܐ܂ ܘܬܐ ܒܝܘܡܐ ܗܿܘ܂ ܘܥܘܠ ܠܒܝܬ ܝܘܫܝܐ ܒܪ ܨܦܢܝܐ ܕܐܬܐ ܡܢ ܒܒܠ܂
06:11 [ai]	ܣܒ ܣܐܡܗ ܘܕܗܒܗ܂ ܘܥܒܕ ܟܠܝܠܐ܂ ܘܣܝܡ ܒܪܝܫܗ ܕܝܫܘܥ ܒܪ ܝܘܙܕܩ ܟܗܢܐ ܪܒܐ܂
06:12 [ai]	ܘܐܡܪ ܠܗ܂ ܗܟܢܐ ܐܡܪ ܡܪܝܐ ܚܝܠܬܢܐ܂ ܗܐ ܓܒܪܐ ܘܫܡܗ ܕܢܚܐ܂ ܘܡܢ ܠܬܚܬ ܢܕܢܚ܂
06:13 [ai]	ܘܗܘ ܢܒܢܐ ܗܝܟܠܗ ܕܡܪܝܐ܂ ܘܗܘ ܢܩܒܠ ܫܘܒܚܐ܂ ܘܢܬܒ ܘܢܫܬܠܛ ܥܠ ܟܘܪܣܝܗ܂ ܘܢܗܘܐ ܟܗܢܐ ܥܠ ܟܘܪܣܝܗ܂ ܘܡܠܼܟܐ ܕܫܠܡܐ ܢܗܘܐ ܒܝܬ ܬܪ̈ܝܗܘܢ܂
06:14 [ai]	ܘܟܠܝܠܐ ܢܗܘܐ ܠܚܘܠܕܝ ܘܠܛܘܒܝܐ ܘܠܝܕܥܝܐ܂ ܘܠܝܘܫܝܐ ܒܪ ܨܦܢܝܐ܂ ܠܕܘܟܪܢܐ ܒܗܝܟܠܗ ܕܡܪܝܐ܂
06:15 [ai]	ܘܢܐܬܘܢ ܪ̈ܚܝܩܐ ܘܢܒܢܘܢ ܗܝܟܠܗ ܕܡܪܝܐ܂ ܘܬܕܥܘܢ ܕܡܪܝܐ ܚܝܠܬܢܐ ܫܕܪܢܝ ܠܘܬܟܘܢ܂ ܐܢ ܬܫܡܥܘܢ ܒܩܠܗ ܕܡܪܝܐ ܐܠܗܟܘܢ܂܀

next chapter