← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62025: P Ze

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


09:01 [ai]ܦܬܓܡܗ ܕܡܪܝܐ ‍<‍ܚܝܠܬܢܐ#3#‍>‍ ܥܠ ܐܪܥܐ ܕܚܕܪܟ ܘܕܕܪܡܣܘܩ ܩܘܪܒܢܗ܂ ܡܛܠ ܕܠܡܪܝܐ ܓܠܝܢ ܒܢ̈ܝ ܐܢܫܐ܂ ܘܟܠܗܘܢ ܫܒ̈ܛܐ ܕܐܝܣܪܝܠ܂
09:02 [ai]ܐܦ ܚܡܬ ܬܬܚܡ ܒܗܿ܂ ܘܨܘܪ ܘܨܝܕܢ ܕܛܒ ܐܬܚܟܡ܂
09:03 [ai]ܘܒܢܬ ܠܗܿ ܨܘܪ ܚܣܢܐ܂ ܘܟܢܫܬ ܣܐܡܐ ܐܝܟ ܥܦܪܐ܂ ܘܕܗܒܐ ܐܝܟ ܣܝܢܐ ܕܫ̈ܘܩܐ܂
09:04 [ai]ܡܛܠ ܗܢܐ ܡܪܝܐ ܢܘܒܕܝܗܿ܂ ܘܢܪܡܐ ܒܝܡܐ ܥܘܬܪܗܿ܂ ܘܗܝ ܒܢܘܪܐ ܬܬܐܟܠ܂
09:05 [ai]ܘܬܚܙܐ ܐܫܩܠܘܢ ܘܬܕܚܠ܂ ܘܥܐܙܐ ܬܬܟܪܗ ܛܒ܂ ܘܥܩܪܘܢ ܕܒܗܬ ܠܗ ‍<‍ܡܢ#3#‍>‍ ܣܒܪܗܿ܂ ܘܢܐܒܕ ܡܠܟܐ ܡܢ ܥܐܙܐ܂ ܘܐܫܩܠܘܢ ܠܐ ܬܬܒ܂
09:06 [ai]ܘܢܬܒܘܢ ܢܘܟܪ̈ܝܐ ܒܐܫܕܘܕ ܘܐܘܒܕ ܓܐܝܘܬܗܘܢ ܕܦܠܫܬ̈ܝܐ܂
09:07 [ai]ܘܐܥܒܪ ܕܡܗܘܢ ܡܢ ܦܘܡܗܘܢ܂ ܘܛܢܦܘܬܗܘܢ ܡܢ ܒܝܬ ܫܢܝ̈ܗܘܢ܂ ܘܢܫܬܚܪܘܢ ܐܦ ܗܢܘܢ ܠܐܠܗܢ܂ ܘܢܗܘܘܢ ܐܝܟ ܪ̈ܘܪܒܢܐ ܕܝܗܘܕܐ܂ ܘܥܩܪܘܢ ܬܗܘܐ ܐܝܟ ܥܒܪܘܢ܂
09:08 [ai]ܘܐܫܪܐ ܥܠ ܒܝܬܝ ܩܝܘܡܐ ܡܢ ܕܥܒܪ ܘܡܢ ܕܬܐܒ܂ ܘܠܐ ܢܥܒܪ ܥܠܝܗܘܢ ܬܘܒ ܡܫܥܒܕܢܐ܂ ܡܛܠ ܕܗܫܐ ܚܙܝܬ ܒܥܝܢ̈ܝ܂܀
09:09 [ai]ܕܘܨܝ ܛܒ ܒܪܬ ܨܗܝܘܢ܂ ܘܩܥܝ ܒܪܬ ܐܘܪܫܠܡ܂ ܗܐ/ܕܗܐ#3#/ ܡܠܟܟܝ ܐܬܐ ܠܟܝ܂ ܙܕܝܩܐ ܘܦܪܘܩܐ ܘܡܟܝܟܐ܂ ܘܪܟܝܒ ܥܠ ܚܡܪܐ ܘܥܠ ܥܝܠܐ ܒܪ ܐܬܢܐ܂
09:10 [ai]ܘܢܘܒܕ ܡܪܟܒܬܐ ܡܢ ܐܦܪܝܡ ܘܣܘܣܝܐ ܡܢ ܐܘܪܫܠܡ܂ ܢܬܒܪ ܩܫܬܐ ܒܩܪܒܐ ܘܢܡܠܠ ܫܠܡܐ ܥܡ/ܥܠ#3#/ ܥܡ̈ܡܐ܂ ܘܢܫܠܛ/ܘܢܫܬܠܛ#3#/ ܡܢ ܝܡܐ ܠܝܡܐ܂ ܘܡܢ ܢܗܪܐ ܥܕܡܐ ܠܣ̈ܘܦܝܗܿ ܕܐܪܥܐ܂
09:11 [ai]ܘܐܦ ܐܢܬ ܒܕܡܐ ܕܕܝܬܩܐ ܕܝܠܟ܂ \ܫܪܝܬ ܐܣܝܪ̈ܐ /ܫܪܐ ܐܢܬ ܠܐܣܝܪ̈ܐ#3#/ ܡܢ ܓܘܒܐ ܕܠܝܬ ܒܗ ܡ̈ܝܐ܂
09:12 [ai]ܬܒܘ ܒܚܣܢܐ ܐܣܝܪ̈ܐ ܕܟܢܘܫܬܐ܂ ܘܚܠܦ \ܚܕ ܝܘܡ /ܝܘܡܐ ܚܕ#3#/ ܬܪ̈ܝܢ ܦܪܥ ܐܢܐ ܠܟܘܢ܂
09:13 [ai]ܡܛܠ ܕܡܬܚܬ ܩܫܬܝ ܥܠ ܝܗܘܕܐ ܘܡܠܝܬ ܥܠ ܐܦܪܝܡ܂ ܘܫܕܝܬ ܒܢܝܟܝ ܨܗܝܘܢ ܥܠ ܒܢܝܟܝ ܝܘܢ܂ ܘܥܒܕܬܟ ܐܝܟ ܣܝܦܐ ܕܓܢܒܪ̈ܐ܂
09:14 [ai]ܘܡܪܝܐ ܥܠܝܗܘܢ ܢܬܓܠܐ܂ ܘܢܦܘܩ ܓܐܪܗ ܐܝܟ ܒܪܩܐ܂ ܘܡܪܐ ܡܪ̈ܘܬܐ ܢܩܪܐ ܒܩܪܢܐ܂ ܘܢܐܙܠ ܒܥܠܥܠܐ ܠܬܝܡܢܐ܂
09:15 [ai]ܘܡܪܝܐ ܚܝܠܬܢܐ ܢܓܢ ܥܠܝܗܘܢ܂ ܘܢܐܟܠܘܢ ܘܢܟܒܫܘܢ ܟܐ̈ܦܐ ܒܩܠܥܐ܂ ܘܢܫܬܘܢ ܕܠܘܚܝܐ ܐܝܟ ܚܡܪܐ܂ ܘܢܬܡܠܘܢ ܐܝܟ ܡܙܓܐ܂ ܘܐܝܟ ܙܘܝܬܐ ܕܡܕܒܚܐ܂
09:16 [ai]ܘܢܦܪܘܩ ܐܢܘܢ ܡܪܝܐ ܐܠܗܗܘܢ ܒܝܘܡܐ ܗܿܘ ܠܥܡܗ ܐܝܟ ܥܢܐ܂ ܡܛܠ ܕܟܐ̈ܦܐ ܗ̈ܘܝ ܩܕܝܫ̈ܬܐ ܕܫ̈ܕܝܢ ܗ̈ܘܝ ܒܐܪܥܗܿ܀
09:17 [ai]ܡܐ ܛܒ ܘܡܐ ܫܦܝܪ ܥܒܘܪܐ ܠܓܕܘ̈ܕܐ܂ ܘܚܡܪܐ ܡܒܣܡ ܒ̈ܬܘܠܬܐܿ܀

next chapter