← Back
The Comprehensive Aramaic Lexicon
← Return to the Text Browser
click on the file description for more information
62025: P Ze

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


10:01 [ai]ܫܐܠܘ ܡܛܪܐ ܡܢ ܡܪܝܐ ܒܙܒܢܐ ܠܩܝܫܝܐ܂ ܘܡܪܝܐ ܥܒܕ ܪ̈ܣܝܣܐ܂ ܘܡܛܪܐ ܒܟܝܪܝܐ ܢܬܠ ܠܟܘܢ܂ ܕܢܪܒܐ ܥܣܒܐ ܒܕܒܪܐ܂
10:02 [ai]ܡܛܠ ܕܝܕܘ̈ܥܐ ܡܠܠܘ ܥܘܠܐ܂ ܘܩܨ̈ܘܡܐ ܚܙܘ ܕܓܠܘܬܐ܂ ܘܚ̈ܠܡܐ ܕܓ̈ܠܐ ܡܠܠܘ܂ ܘܒܝܐܘ ܒܣܪܝܩܘܬܐ܂ ܡܛܠ ܗܢܐ ܫܩܠܘ ܐܝܟ ܥܢܐ܂ ܘܐܬܡܟܟܘ ܕܠܝܬ ܠܗܘܢ ܪܥܝܐ܂
10:03 [ai]ܥܠ ܪ̈ܥܘܬܐ ܐܬܚܡܬ ܪܘܓܙܝ܂ ܘܠܓܙܪ̈ܐ ܐܦܩܘܕ ܡܛܠ ܕܦܩܕ ܡܪܝܐ ܚܝܠܬܢܐ ܠܓܙܪܗ ܠܕܒܝܬ ܝܗܘܕܐ܂ ܘܥܒܕ ܐܢܘܢ ܐܝܟ ܣܘܣܝܐ ܕܙܗܐ ܒܩܪܒܐ܂
10:04 [ai]ܡܢܗܘܢ ܙܘܝܬܐ ܘܡܢܗܘܢ ܣܟܬܐ܂ ܘܡܢܗܘܢ ܩܫܬܐ ܒܩܪܒܐ܂ ܘܡܢܗܘܢ ܢܦܩܘܢ ܟܠܗܘܢ ܫ̈ܠܝܛܢܝܗܘܢ ܐܝܟ ܚܕܐ܂
10:05 [ai]ܘܢܗܘܘܢ ܐܝܟ ܓܒܪ̈ܐ ܕܕܝܫܝܢ ܣܝܢܐ ܒܫ̈ܘܩܐ܂ ܒܩܪܒܐ ܢܬܟܬܫܘܢ܂ ܡܛܠ ܕܡܪܝܐ ܥܡܗܘܢ܂ ܘܢܒܗܬܘܢ ܪ̈ܟܒܝ ܪ̈ܟܫܐ܂
10:06 [ai]ܘܐܚܝܠ ܠܕܒܝܬ ܝܗܘܕܐ܂ ܘܐܦܪܘܩ ܠܕܒܝܬ ܝܘܣܦ ܘܐܦܢܐ ܐܢܘܢ܂ ܡܛܠ ܕܡܪܚܡ ܐܢܐ ܥܠܝܗܘܢ܂ ܘܢܗܘܘܢ ܐܝܟ ܕܠܐ ܛܥܝܬ ܐܢܘܢ܂ ܡܛܠ ܕܐܢܐ ܡܪܝܐ ܐܠܗܐ ܐܥܢܐ ܐܢܘܢ܂
10:07 [ai]ܘܢܗܘܘܢ ܐܝܟ ܓܢܒܪ̈ܐ ܕܐܦܪܝܡ܂ ܘܢܚܕܐ ܠܒܗܘܢ ܐܝܟ ܕܡܢ ܚܡܪܐ܂ ܘܒ̈ܢܝܗܘܢ ܢܚܙܘܢ ܘܢܚܕܘܢ܂ ܘܢܪܘܙ ܠܒܗܘܢ ܒܡܪܝܐ܂
10:08 [ai]ܐܫܪܩ ܠܗܘܢ ܘܐܟܢܫ ܐܢܘܢ܂ ܡܛܠ ܕܦܪܩ ܐܢܐ ܠܗܘܢ܂ ܘܢܣܓܘܢ ܐܝܟ ܕܣ̈ܓܝܐܝܢ ܗܘܘ܂
10:09 [ai]ܘܐܙܪܘܥ ܐܢܘܢ ܒܥܡ̈ܡܐ܂ ܘܒܐܬܪ̈ܘܬܐ ܪ̈ܚܝܩܐ ܢܫܒܚܘܢܢܝ܂ ܘܢܬܪܣܘܢ ܠܒ̈ܢܝܗܘܢ ܘܢܗܦܟܘܢ܂
10:10 [ai]ܘܐܗܦܟ ܐܢܘܢ ܡܢ ܐܪܥܐ ܕܡܨܪܝܢ܂ ܘܡܢ ܐܬܘܪ ܐܟܢܫ ܐܢܘܢ܂ ܘܠܐܪܥܐ ܕܓܠܥܕ ܘܠܠܒܢܢ/ܘܕܠܒܢܢ#3#/ ܐܝܬܐ ܐܢܘܢ܂ ܘܠܐ ܢܡ̈ܠܝܢ ܠܗܘܢ܂
10:11 [ai]ܘܢܥܒܪ ܒܝܡܐ ܐܘܠܨܢܐ܂ ܘܢܗܦܟ ܒܝܡܐ ܓ̈ܠܠܐ܂ ܘܢܒܗܬܘܢ ܟܠܗܘܢ ܥܘܡܩ̈ܘܗܝ/ܥܡܘܪ̈ܘܗܝ#3#/ ܕܢܗܪܐ܂ ܘܬܒܛܠ ܓܐܝܘܬܗ ܕܐܬܘܪܝܐ ܘܫܘܠܛܢܗ ܕܡܨܪܝܐ ܢܥܒܪ܂
10:12 [ai]ܘܐܚܝܠ ܐܢܘܢ ܒܡܪܝܐ܂ ܘܠܫܡܗ ܢܣܒܪܘܢ ܐܡܪ ܡܪܝܐ܂܀

next chapter