← Back
The Comprehensive Aramaic Lexicon
← Return to the Text Browser
click on the file description for more information
62025: P Ze

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


13:01 [ai]ܒܗ ܒܝܘܡܐ ܗܿܘ܂ ܢܗܘܐ ܡܒܘܥܐ ܕܡܬܦܬܚ ܠܕܒܝܬ ܕܘܝܕ ܘܠܥܡܘܪ̈ܝܗܿ ܕܐܘܪܫܠܡ܂ ܠܪܣܣܐ ܘܠܬܕܟܝܬܐ܂
13:02 [ai]ܒܗ ܒܝܘܡܐ ܗܿܘ ܐܡܪ ܡܪܝܐ ܚܝܠܬܢܐ܂ ܐܘܒܕ ܫܡܐ ܕܦܬܟܪ̈ܐ ܡܢ ܐܪܥܐ܂ ܘܬܘܒ ܠܐ ܢܬܕܟܪܘܢ܂ ܘܐܥܒܪ ܡܢ ܐܪܥܐ ܢܒ̈ܝܐ ܕܓ̈ܠܐ ܘܪ̈ܘܚܐ ܛܢ̈ܦܬܐ܂
13:03 [ai]ܘܐܢ ܬܘܒ ܢܬܢܒܐ ܓܒܪܐ܂ ܢܐܡܪܘܢ ܠܗ ܐܒܘܗܝ ܘܐܡܗ ܠܐ ܬܚܐ܂ ܡܛܠ ܕܕܓܠܘܬܐ ܡܠܠܬ ܒܫܡܗ ܕܡܪܝܐ܂ ܘܢܐܣܪܘܢܗ ܐܒܘܗܝ ܘܐܡܗ ܕܝܠܕܘܗܝ ܡܐ ܕܐܬܢܒܝ܂
13:04 [ai]ܒܗ ܒܝܘܡܐ ܗܿܘ܂ ܢܒܗܬܘܢ ܢܒ̈ܝܐ ܕܓ̈ܠܐ ܐܢܫ ܡܢ ܚܙܘܐ ܕܢܒܝܘܬܗ܂ ܘܠܐ ܢܬܟܒܢܘܢ ܡܫ̈ܟܐ ܕܣܥܪܐ ܡܛܠ ܕܟܕܒܘ܂
13:05 [ai]ܘܢܐܡܪ ܠܐ ܗܘܝܬ ܢܒܝܐ܂ ܐܠܐ ܓܒܪܐ ܐܢܐ ܕܦܠܚ ܒܐܪܥܐ/ܐܪܥܐ#3#/܂ ܘܒܪܢܫܐ ܐܛܢܢܝ ܡܢ ܛܠܝܘܬܝ܂
13:06 [ai]ܘܢܐܡܪܘܢ ܠܗ܂ ܡܢܐ ܐܢܝܢ ܗܠܝܢ ܡܚ̈ܘܬܐ ܕܒܐ̈ܝܕܝܟ܂ ܘܢܐܡܪ ܗܠܝܢ ܡܚ̈ܘܬܐ ܕܒܠܥܬ ܒܝܬ/ܡܢ#3#/ ܪ̈ܚܡܝ܂
13:07 [ai]ܣܝܦܐ ܐܬܬܥܝܪ ܥܠ ܪܥܝܐ ܕܝܠܝ܂ ܘܥܠ ܓܒܪܐ ܪܚܡܝ ܐܡܪ ܡܪܝܐ ܚܝܠܬܢܐ܂ ܡܚܝ ܠܪܥܝܐ ܘܬܬܒܕܪ ܥܢܗ܂ ܘܐܗܦܟ ܐܝܕܝ ܥܠ ܥ̈ܠܢܐ܂
13:08 [ai]ܘܢܗܘܐ ܒܟܠܗܿ ܐܪܥܐ ܐܡܪ ܡܪܝܐ܂ ܘܬܪ̈ܬܝܢ ܡ̈ܢܘܢ ܕܒܗܿ ܢܣܘܦܘܢ ܘܢܐܒܕܘܢ܂ ܘܬܘܠܬܐ ܢܫܬܚܪ ܒܗܿ܂
13:09 [ai]ܘܐܥܠܝܘܗܝ ܠܬܘܠܬܐ ܕܐܫܬܚܪ ܒܢܘܪܐ܂ ܘܐܨܪܘܦ ܐܢܘܢ ܐܝܟ ܕܨܪܦܝܢ ܠܣܐܡܐ܂ ܘܐܒܚܘܪ ܐܢܘܢ ܐܝܟ ܕܒܚܪܝܢ ܠܕܗܒܐ܂ ܗܘ ܢܩܪܐ ܒܫܡܝ ܘܐܢܐ ܐܥܢܝܘܗܝ܂ ܘܐܡܪ ܕܗܢܐ/ܗܢܐ#2#/ ܗܘ ܥܡܝ܂ ܘܗܘ ܢܐܡܪ ܡܪܝܐ ܐܠܗܝ܂

next chapter