← Back
The Comprehensive Aramaic Lexicon
← Return to the Text Browser
click on the file description for more information
62025: P Ze

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


14:01 [ai]ܗܐ ܝܘܡܐ ܕܡܪܝܐ ܐܬܐ܂ ܘܬܬܦܠܓ ܒܙܬܟܝ ܒܟܝ܂
14:02 [ai]ܘܐܟܢܫ ܠܟܠܗܘܢ ܥܡ̈ܡܐ ܠܐܘܪܫܠܡ ܠܩܪܒܐ܂ ܘܬܬܚܕ ܡܕܝܢܬܐ܂ ܘܢܬܒܙܘܢ ܒܬ̈ܐ ܘܢܫ̈ܐ ܢܨܛ̈ܥܪܢ܂ ܘܢܦܘܩ ܦܠܓܗܿ ܕܡܕܝܢܬܐ ܒܫܒܝܐ܂ ܘܦܠܓܗ ܕܥܡܐ ܠܐ ܢܐܒܕ ܡܢ ܡܕܝܢܬܐ܂
14:03 [ai]ܘܢܦܘܩ ܡܪܝܐ ܘܢܬܟܬܫ ܥܡ ܥܡ̈ܡܐ ܗܢܘܢ܂ ܐܝܟ ܝܘܡܐ ܕܐܬܟܬܫ ܒܝܘܡܐ ܕܩܪܒܐ܂
14:04 [ai]ܘܢܩ̈ܘܡܢ ܪ̈ܓܠܘܗܝ ܥܠ ܛܘܪܐ ܕܙܝ̈ܬܐ܂ ܕܠܘܩܒܠ/ܠܘܩܒܠ#3#/ ܐܘܪܫܠܡ ܒܡܕܢܚܝܗܿ/ܒܡܕܢܚܗܿ#3#/܂ ܘܢܬܦܠܓ ܛܘܪܐ ܕܙܝ̈ܬܐ܂ ܦܠܓܗ ܠܡܕܢܚܐ ܘܦܠܓܗ ܠܡܥܪܒܐ܂ ܘܢܗܘܐ ܒܗ ܢܚܠܐ ܕܛܒ ܪܒ/ܪܡ#3#/܂ ܘܢܫܬܒܩ ܦܠܓܗ ܕܛܘܪܐ ܠܓܪܒܝܐ ܘܦܠܓܗ ܠܬܝܡܢܐ܂
14:05 [ai]ܘܬܥܪܩܘܢ ܠܢܚܠܐ ܕܛܘܪ̈ܐ܂ ܡܛܠ ܕܢܡܛܐ ܢܚܠܗܘܢ ܕܛܘܪ̈ܐ ܠܐܘܠܨܢܐ܂ ܘܬܥܪܩܘܢ ܐܝܟ ܕܥܪܩܬܘܢ ܡܢ ܩܕܡ ܙܘܥܐ܂ ܕܗܘܐ ܒܝ̈ܘܡܘܗܝ ܕܥܘܙܝܐ ܡܠܟܐ ܕܝܗܘܕܐ܂ ܘܢܥܘܠ ܡܪܝܐ ܐܠܗܝ ܘܟܠܗܘܢ ܩܕܝܫ̈ܘܗܝ ܥܡܗ܂܀܀
14:06 [ai]ܒܗ ܒܝܘܡܐ ܗܿܘ܂ ܠܐ ܢܗܘܐ ܢܘܗܪܐ܂ ܐܠܐ ܥܪܝܐ ܘܓܠܝܕܐ܂
14:07 [ai]ܘܢܗܘܐ ܝܘܡܐ ܚܕ܂ ܘܝܘܡܐ ܗܿܘ ܢܬܝܕܥ ܠܡܪܝܐ܂ ܠܐ ܠܠܝܐ ܘܠܐ ܐܝܡܡܐ܂ ܘܠܥܕܢ ܪܡܫܐ ܢܗܘܐ ܢܘܗܪܐ܂
14:08 [ai]ܒܗ ܒܝܘܡܐ ܗܿܘ܂ ܢܦܩܘܢ ܡ̈ܝܐ ܚܝ̈ܐ ܡܢ ܐܘܪܫܠܡ܂ ܦܠܓܗܘܢ ܠܝܡܐ ܡܕܢܚܝܐ܂ ܘܦܠܓܗܘܢ ܠܝܡܐ ܡܥܪܒܝܐ܂ ܩܝܛܐ ܘܣܬܘܐ܂
14:09 [ai]ܘܢܗܘܐ ܡܪܝܐ ܡܠܟܐ ܥܠ ܟܠܗܿ ܐܪܥܐ܂ ܒܗ ܒܝܘܡܐ ܗܿܘ܂ ܢܗܘܐ ܡܪܝܐ ܚܕ܂ ܘܫܡܗ ܚܕ܂
14:10 [ai]ܘܢܚܕܪܝܗܿ ܠܟܘܠܗܿ ܐܪܥܐ ܐܝܟ ܦܩܥܬܐ܂ ܕܡܢ/ܡܢ#3#/ ܓܒܥ ܘܥܕܡܐ ܠܪܡܘܢ ܕܒܬܝܡܢܝܗܿ/ܕܒܬܝܡܢܗܿ#3#/ ܕܐܘܪܫܠܡ܂ ܘܬܬܪܝܡ ܘܬܬܒ ܒܕܘܟܬܗܿ܂ ܡܢ ܬܪܥܐ/ܐܪܥܐ#3#/ ܕܒܢܝܡܝܢ܂ ܘܥܕܡܐ ܠܐܬܪܐ/ܠܐܬܪܐ#3#/ ܕܬܪܥܐ ܩܕܡܝܐ܂ ܘܥܕܡܐ ܠܬܪܥܐ ܕܙܘܝܬܐ܂ ܘܡܢ ܡܓܕܠܐ ܕܚܢܢܐܝܠ܂ ܘܥܕܡܐ ܠܡܥܨܪܬܐ ܕܡܠܟܐ܂
14:11 [ai]ܢܬܒܘܢ ܒܗܿ܂ ܘܬܘܒ ܚܪܡܐ/ܚܪܒܐ#3#/ ܠܐ ܢܗܘܐ܂ ܘܬܬܒ ܐܘܪܫܠܡ ܒܫܠܝܐ܂
14:12 [ai]ܘܗܕܐ ܬܗܘܐ ܡܚܘܬܐ ܕܢܡܚܐ ܡܪܝܐ ܠܟܠܗܘܢ ܥܡ̈ܡܐ ܕܡܬܚܝܠܝܢ ܥܠ ܐܘܪܫܠܡ܂ ܢܬܡܣܐ ܒܣܪܗܘܢ ܟܕ ܩܝܡܝܢ ܥܠ ܪ̈ܓܠܝܗܘܢ܂ ܘܥܝܢ̈ܝܗܘܢ ܢܬܡܣ̈ܝܢ ܒܕܘܟܝܬ̈ܗܝܢ܂ ܘܠܫܢܗܘܢ ܢܬܡܣܐ ܒܦܘܡܗܘܢ܂܀
14:13 [ai]ܒܗ ܒܝܘܡܐ ܗܿܘ܂ ܬܗܘܐ ܒܗܘܢ ܬܘܗܬܐ ܪܒܬܐ ܕܡܪܝܐ܂ ܘܢܐܚܕܘܢ ܐܢܫ ܠܚܒܪܗ܂ ܘܬܕܒܩ ܐܝܕܗ ܒܐܝܕܐ ܕܚܒܪܗ܂
14:14 [ai]ܘܐܦ ܝܗܘܕܐ ܢܬܟܬܫ ܒܐܘܪܫܠܡ܂ ܘܢܟܢܫ ܩܢܝܢܐ ܕܟܠܗܘܢ ܥܡ̈ܡܐ ܕܚܕܝܪ̈ܝܢ ܠܗܿ܂ ܕܗܒܐ ܘܣܐܡܐ܂ ܘܢܚ̈ܬܐ ܕܛܒ ܣ̈ܓܝܐܝܢ܂
14:15 [ai]ܘܗܟܢܐ ܬܗܘܐ ܡܚܘܬܐ ܕܣܘܣܝܐ ܘܕܟܘܕܢܝܐ܂ ܘܕܓܡܠܐ ܘܕܚܡܪܐ܂ ܘܕܟܘܠܗܿ ܒܥܝܪܐ ܕܬܗܘܐ ܒܡܫܪ̈ܝܬܐ ܗܠܝܢ܂ ܐܝܟ ܡܚܘܬܐ ܗܕܐ܂
14:16 [ai]ܘܢܗܘܐ ܟܠ ‍<‍ܡܿܢ#1##2#‍>‍ ܕܡܫܬܚܪ ܡܢ ܟܠܗܘܢ ܥܡ̈ܡܐ ܕܐܬܝܢ ܥܠ ܐܘܪܫܠܡ܂ ܢܣܩܘܢ ܡܢ ܫܢܐ ܠܫܢܐ܂ ܠܡܣܓܕ \ܠܡܠܟܐ ܡܪܝܐ /ܠܡܪܝܐ#3#/ ܚܝܠܬܢܐ܂ ܘܠܡܥܒܕ ܥܕܥܐܕܐ ܕܡ̈ܛܠܠܐ܂
14:17 [ai]ܘܢܗܘܐ ܡܿܢ ܕܠܐ ܢܣܩ ܡܢ ܟܠܗܝܢ ܫܪ̈ܒܬܐ ܕܐܪܥܐ ܠܐܘܪܫܠܡ܂ ܠܡܣܓܕ ܠܡܠܟܐ ܡܪܝܐ ܚܝܠܬܢܐ܂ ܠܐ ܢܚܘܬ ܥܠܝܗܘܢ ܡܛܪܐ܂
14:18 [ai]ܘܐܢ ܫܪܒܬܐ ܕܡܨܪܝܢ ܠܐ ܬܣܩ ܘܠܐ ܬܐܬܐ܂ ܐܦ ܥܠܝܗܘܢ ܬܗܘܐ ܡܚܘܬܐ ܕܢܡܚܐ ܡܪܝܐ ܠܥܡ̈ܡܐ܂ ܐܝܠܝܢ ܕܠܐ ܣܠܩܝܢ ܠܡܥܒܕ ܥܕܥܐܕܐ ܕܡ̈ܛܠܠܐ܂
14:19 [ai]ܘܗܕܐ ܬܗܘܐ ܚܛܝܬܗܿ ܕܡܨܪܝܢ ܘܚܛܝܬܐ ܕܟܠܗܘܢ ܥܡ̈ܡܐ܂ ܐܝܠܝܢ ܕܠܐ ܣܠܩܝܢ ܠܡܥܒܕ ܥܕܥܐܕܐ ܕܡ̈ܛܠܐ܂
14:20 [ai]ܒܗ ܒܝܘܡܐ ܗܿܘ܂ ܢܗܘܐ ܥܠ ܦܓܘܕܬܗ ܕܣܘܣܝܐ ܩܘܕܫܐ ܠܡܪܝܐ܂ ܘܢܗܘܘܢ ܩܕܣ̈ܐ ܕܒܒܝܬܗ ܕܡܪܝܐ܂ ܐܝܟ ܦܝ̈ܠܣܐ ܕܩܕܡ ܡܕܒܚܐ܂
14:21 [ai]ܘܢܗܘܐ ܟܠ ܩܕܣܐ ܕܒܝܗܘܕܐ ܘܒܐܘܪܫܠܡ܂ ܩܘܕܫܐ ܠܡܪܝܐ ܚܝܠܬܢܐ܂ ܘܢܐܬܘܢ ܟܘܠ ܕܡܕܒܚܝܢ܂ ܢܣܒܘܢ ܡܢܗܘܢ ܘܢܒܫܠܘܢ ܒܗܘܢ܂ ܘܠܐ ܢܗܘܐ ܬܘܒ ܟܢܥܢܝܐ ܒܒܝܬܗ ܕܡܪܝܐ ܚܝܠܬܢܐ ܒܝܘܡܐ ܗܿܘ܂܀

next chapter