← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62026: P Ma

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

01:01 [ai]ܚܙܘܐ ܕܦܬܓܡ̈ܘܗܝ ܕܡܪܝܐ ܥܠ ܐܝܣܪܝܠ ܒܝܕ ܡܠܐܟܝ܂
01:02 [ai]ܪܚܡܬܟܘܢ ܐܡܪ ܡܪܝܐ܂ ܘܐܡܪܝܢ ܐܢܬܘܢ ܒܡܢܐ ܪܚܡܬܢ܂ ܕܠܡܐ ܥܣܘ ܠܐ ܗܘܐ ܐܚܘܗܝ ܕܝܥܩܘܒ ܐܡܪ ܡܪܝܐ܂ ܕܪܚܡܬ ܠܝܥܩܘܒ
01:03 [ai]ܘܠܥܣܘ ܣܢܝܬ܂ ܥܒܕܬ ܛܘܪ̈ܘܗܝ ܠܚܒܠܐ܂ ܘܝܪܬܘܬܗ ܠܕܝܪ̈ܐ ܕܡܕܒܪܐ܂
01:04 [ai]ܘܐܢ ܢܐܡܪܘܢ ܐ̈ܕܘܡܝܐ ܐܬܡܣܟܢܢ܂ ܢܗܦܘܟ ܢܒܢܐ ܚܪ̈ܒܬܐ܂ ܗܟܢܐ ܐܡܪ ܡܪܝܐ ‍<‍ܚܝܠܬܢܐ#2#‍>‍܂ ܗܢܘܢ ܢܒܢܘܢ ܘܐܢܐ ܐܣܚܘܦ܂ ܘܢܩܪܘܢ ܐܢܘܢ ܬܚܘܡܐ ܕܚܛܝܬܐ܂ ܘܥܡܐ ܕܪܓܙ ܥܠܘܗܝ ܡܪܝܐ ܠܥܠܡ܂
01:05 [ai]ܘܥܝܢ̈ܝܟܘܢ ܢܚ̈ܙܝܢ܂ ܐܢܬܘܢ ܕܝܢ ܬܐܡܪܘܢ܂ ܢܐܪܒ ܡܪܝܐ ܠܥܠ ܡܢ ܬܚܘܡܐ ܕܐܝܣܪܝܠ܂
01:06 [ai]ܒܪܐ ܡܝܩܪ ܠܐܒܘܗܝ ܘܥܒܕܐ ܠܡܪܗ܂ ܐܢ ܐܒܐ ܐܢܐ ܐܝܟܘ ܕܡܝܩܪܝܢ ܐܢܬܘܢ ܠܝ܂ ܘܐܢ ܡܪܐ/ܡܪܝܐ#3#/ ܐܢܐ ܐܝܟܘ ܗܘ ܕܕܚܠܝܢ ܐܢܬܘܢ ܡܢܝ܂ ܐܡܪ ܡܪܝܐ ܚܝܠܬܢܐ܂ ܠܟܘܢ ܟܗ̈ܢܐ ܕܒܙܝܢ ܐܢܬܘܢ ܫܡܝ܂ ܘܐܢ ܐܡܪܝܢ ܐܢܬܘܢ ܒܡܢܐ ܐܒܙܢ ܫܡܟ܂
01:07 [ai]ܥܠ ܕܡܩܪܒܝܢ ܐܢܬܘܢ ܥܠ ܡܕܒܚܝ ܠܚܡܐ ܛܢܦܐ܂ ܘܐܢ ܐܡܪܝܢ ܐܢܬܘܢ ܒܡܢܐ ܛܢܦܢܟ܂ ܒܕܐܡܪܝܢ ܐܢܬܘܢ ܕܫܝܛ ܗܘ ܦܬܘܪܗ ܕܡܪܝܐ܂
01:08 [ai]ܘܕܡܩܪܒܝܢ ܐܢܬܘܢ ܥܘܝܪܐ ܠܡܕܒܚܐ ܕܠܡܐ ܠܐ ܒܝܫ ܘܕܡܩܪܒܝܢ ܐܢܬܘܢ ܚܓܝܪܐ ܘܟܪܝܗܐ ܕܠܡܐ ܠܐ ܒܝܫ ܩܪܒܝܗܝ ܢܐ ܠܫܠܝܛܟ܂ ܕܠܡܐ ܪܥܐ ܠܟ ܐܘ ܢܣܒ ܒܐ̈ܦܝܟ ܐܡܪ ܡܪܝܐ ܚܝܠܬܢܐ܂
01:09 [ai]ܡܟܝܠ ܨܠܘ ܩܕܡ ܡܪܝܐ ܘܢܪܚܡ ܥܠܝܢ܂ ܕܒܐ̈ܝܕܝܟܘܢ ܗܘܬ ܗܕܐ܂ ܠܐ ܐܣܒ ܒܐ̈ܦܝܟܘܢ ܐܡܪ ܡܪܝܐ ܚܝܠܬܢܐ܂
01:10 [ai]ܡܢܘ ܐܝܬ ܒܟܘܢ ܕܢܐܚܘܕ ܬܪܥܝ܂ ܘܠܐ ܬܩܪܒܘܢ ܥܠ ܡܕܒܚܝ ܕܡܓܢ܂ ܠܐ ܨܒܐ ܐܢܐ ܒܟܘܢ ܐܡܪ ܡܪܝܐ ܚܝܠܬܢܐ܂ ܘܩܘܪܒܢܐ ܠܐ ܐܩܒܠ ܡܢܟܘܢ܂
01:11 [ai]ܡܛܠ ܕܡܢ ܡܕܢܚ̈ܘܗܝ ܕܫܡܫܐ ܘܥܕܡܐ ܠܡܥܪ̈ܒܘܗܝ܂ ܪܒ ܗܘ ܫܡܝ ܒܥܡ̈ܡܐ܂ ܘܒܟܠ ܐܬܪ ܣܝܡܝܢ ܒܣ̈ܡܐ܂ ܘܡܩܪܒܝܢ ܠܫܡܝ ܩܘܪ̈ܒܢܐ ܕܟܝ̈ܐ܂ ܡܛܠ ܕܪܒ ܗܘ ܫܡܝ ܒܥܡ̈ܡܐ ܐܡܪ ܡܪܝܐ ܚܝܠܬܢܐ܂
01:12 [ai]ܘܐܢܬܘܢ ܡܛܢܦܝܢ ܐܢܬܘܢ ܠܗ܂ ܒܕܐܡܪܝܢ ܐܢܬܘܢ ܕܦܬܘܪܗ/ܦܬܘܪܗ#3#/ ܕܡܪܝܐ ܡܛܢܦ ܗܘ܂ ܘܫ̈ܝܛܢ ܐܢܝܢ ܡܐ̈ܟܠܬܗ܂
01:13 [ai]ܘܐܡܪܝܢ ܐܢܬܘܢ ܗܢܐ ܡܢ ܕܘܘܢܢ ܗܘ܂ ܘܢܦܚܬ ܒܗܝܢ/ܒܗܘܢ#3#/ ܐܡܪ ܡܪܝܐ ܚܝܠܬܢܐ܂ ܕܡܝܬܝܢ ܐܢܬܘܢ ܡܢ ܚܛܘܦܝܐ ܩܘܪ̈ܒܢܐ ܚܓܝܪ̈ܐ ܘܟܪ̈ܝܗܐ܂ ܠܐ ܡܩܒܠ ܐܢܐ ܠܗܘܢ ܡܢ ܐ̈ܝܕܝܟܘܢ ܐܡܪ ܡܪܝܐ ܚܝܠܬܢܐ܂
01:14 [ai]ܘܠܝܛ ܗܘ ܡܿܢ ܕܐܝܬ ܠܗ ܒܓܙܪܗ ܕܟܪܐ܂ ܘܢܕܪ ܘܡܕܒܚ ܕܟܪܝܗ ܠܡܪܝܐ ܡܛܠ ܕܡܠܟܐ ܐܢܐ ܪܒܐ ܐܡܪ ܡܪܝܐ ܚܝܠܬܢܐ܂ ܘܫܡܝ ܕܚܝܠ ‍<‍ܗܘ#3#‍>‍ ܒܥܡ̈ܡܐ܀

next chapter