← Back
The Comprehensive Aramaic Lexicon
← Return to the Text Browser
click on the file description for more information
62026: P Ma

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


03:01 [ai]ܗܐ ܐܢܐ ܡܫܕܪ ܐܢܐ ܡܠܐܟܝ܂ ܘܢܫܦܐ/ܕܢܫܦܐ#3#/ ܐܘܪܚܐ ܩܕܡܝ܂ ܘܡܢ ܫܠܝܐ ܢܐܬܐ ܠܗܝܟܠܗ ܕܡܪܝܐ ܕܡܣܟܝܢ ܐܢܬܘܢ ܠܗ܂ ܘܡܠܐܟܐ ܕܩܝܡܐ ܕܨܒܝܢ ܐܢܬܘܢ ܒܗ܂ ܗܐ ܐܬܐ ܐܡܪ ܡܪܝܐ ܚܝܠܬܢܐ܂
03:02 [ai]ܡܢܘ ܡܣܝܒܪ ܝܘܡܐ ܕܐܬܐ ܒܗ܂ ܐܘ ܡܢܘ ܡܫܟܚ ܠܡܩܡ ܐܡܬܝ/ܡܐ#3#/ ܕܡܬܓܠܐ ܡܛܠ ܕܐܝܟ ܢܘܪܐ ܗܘ ܕܨܪܦܐ܂ ܘܐܝܟ ܟܒܪܝܬܐ ܕܡܚܘܪܐ܂
03:03 [ai]ܕܢܗܦܘܟ ܠܡܨܪܦ ܘܠܡܕܟܝܘ܂ ܐܝܟ ܣܐܡܐ܂ ܘܢܕܟܐ ܠܒܢ̈ܘܗܝ ܕܠܘܝ܂ ܘܢܓܒܐ ܐܢܘܢ ܐܝܟ ܕܗܒܐ ܘܐܝܟ ܣܐܡܐ܂ ܘܢܗܘܘܢ ܡܩܪܒܝܢ ܩܘܪܒܢܐ ܠܡܪܝܐ ܒܙܕܝܩܘܬܐ܂
03:04 [ai]ܘܢܒܣܡ ܠܡܪܝܐ ܩܘܪܒܢܐ ܕܝܗܘܕܐ ܘܕܐܘܪܫܠܡ܂ ܐܝܟ ܝܘܡ̈ܬܐ ܕܡܢ ܥܠܡ܂ ܘܐܝܟ ܫ̈ܢܝܐ ܕܡܢ ܩܕܝܡ܂
03:05 [ai]ܘܐܩܪܘܒ ܥܠܝܟܘܢ ܒܕܝܢܐ܂ ܘܐܗܘܐ ܣܗܕܐ ܡܣܪܗܒܐ ܒܚܪ̈ܫܐ ܘܒܓܝܪ̈ܐ܂ ܘܒܐܝܠܝܢ ܕܝܡܝܢ ‍<‍ܒܫܡܝ#3#‍>‍ ܒܕܓܠܘܬܐ܂ ܘܒܐܝܠܝܢ ܕܛܠܡܝܢ ܐܓܪܐ ܕܐܓܝܪܐ܂ ܘܕܥܡܘܪܐ \ܘܕܝܬܡܐ ܘܕܐܪܡܠܬܐ܂ /ܘܕܐܪܡܠܬܐ ܘܕܝܬܡܐ܂#3#/ ܘܨܠܝܢ ܥܠ ܐܝܢܐ ܕܡܬܦܢܐ ܠܘܬܝ܂ ܘܠܐ ܕܚܠܘ ܡܢܝ ܐܡܪ ܡܪܝܐ ܚܝܠܬܢܐ܂
03:06 [ai]ܡܛܠ ܕܐܢܐ ܐܢܐ ܡܪܝܐ ܘܠܐ ܐܬܚܠܦܬ܂ ܘܐܢܬܘܢ ܒܢ̈ܝ ܝܥܩܘܒ ܠܐ ܥܒܪܬܘܢ ܡܢ ܥܘܠܟܘܢ܂
03:07 [ai]ܡܢ ܝܘ̈ܡܝ ܐ̈ܒܗܝܟܘܢ ܣܛܝܬܘܢ ܡܢ ܦܘܩ̈ܕܢܝ ܘܠܐ ܫܡܥܬܘܢ ܐܢܘܢ܂ ܐܬܦܢܘ ܠܘܬܝ ܘܐܬܦܢܐ ܥܠܝܟܘܢ/ܠܘܬܟܘܢ#3#/ ܐܡܪ ܡܪܝܐ ܚܝܠܬܢܐ܂ ܘܐܢ ܐܡܪܝܢ ܐܢܬܘܢ ܒܡܢܐ ܢܬܦܢܐ܂
03:08 [ai]ܕܠܡܐ ܛܠܡ ܒܪܢܫܐ ܠܐܠܗܐ ܐܝܟ ܕܐܢܬܘܢ ܛܠܡܝܢ ܐܢܬܘܢ ܠܝ܂ ܘܐܢ ܐܡܪܝܢ ܐܢܬܘܢ ܒܡܢܐ ܛܠܡܢܟ܂ ܒܡܥܣܪ̈ܐ ܘܒܪ̈ܫܝܬܐ܂
03:09 [ai]ܒ̈ܠܘܛܬܐ ܡܬܠܝܛܝܢ ܐܢܬܘܢ܂ ܘܠܝ ܛܠܡܝܢ ܐܢܬܘܢ܂ ܟܠܗ ܥܡܐ
03:10 [ai]ܐܝܬܘ ܡܥܣܪ̈ܐ ܠܐܘܨܪ̈ܝ܂ ܘܢܗܘܘܢ ܡܐܟܘܠܬܐ/ܠܡܐܟܘܠܬܐ#3#/ ܒܒܝܬܝ܂ ܘܢܣܐܘܢܝ ܒܗܕܐ ܐܡܪ ܡܪܝܐ ܚܝܠܬܢܐ܂ ܘܐܦܬܚ ܠܟܘܢ/#3#/ ܟܘ̈ܝ ܫܡܝܐ܂ ܘܐܣܘܟ ܠܟܘܢ/ܥܠܝܟܘܢ#3#/ ܒܘܪ̈ܟܬܐ ܥܕܡܐ ܕܬܐܡܪܘܢ ܟܕܘ܂
03:11 [ai]ܘܐܟܐܐ ܒܐܟܠܐ ܕܠܐ ܢܚܒܠ ܦܐܪ̈ܐ/ܦܐܪ̈ܝܗ#3#/ ܕܐܪܥܐ܂ ܘܠܐ ܬܚܪܒ ܠܟܘܢ ܐܦ ܠܐ ܚܕܐ ܓܦܬܐ ܒܐܪܥܐ ܐܡܪ ܡܪܝܐ ܚܝܠܬܢܐ܂
03:12 [ai]ܘܢܫܒܚܘܢܟܘܢ ܟܠܗܘܢ ܥܡ̈ܡܐ܂ ܟܕ ܬܗܘܘܢ ܐܪܥܐ ܕܨܒܝܢܝ ܐܡܪ ܡܪܝܐ ܚܝܠܬܢܐ܂
03:13 [ai]ܥܫܢ ܥܠܝ ܡ̈ܠܝܟܘܢ ܐܡܪ ܡܪܝܐ ‍<‍ܚܝܠܬܢܐ#3#‍>‍ ܘܐܢ ܐܡܪܝܢ ܐܢܬܘܢ ܡܢܐ ܐܡܪܢ ܥܠܝܟ܂
03:14 [ai]ܐܡܪܬܘܢ ܕܣܪܝܩܐܝܬ ܦܠܚܢܝܗܝ ܠܡܪܝܐ܂ ܘܡܢܐ ܐܘܬܪܢ ܕܢܛܪܢ ܢܛܘܪ̈ܝܗ܂/ܢܛܘܪ̈ܘܬܗ܂#3#/ ܘܕܗܠܟܢ ܡܟܝܟܐܝܬ ܩܕܡ ܡܪܝܐ ܚܝܠܬܢܐ܂
03:15 [ai]ܘܡܢ ܗܫܐ ܛܘܒܐ ܝܗܒܝܢܢ ܠܥܘ̈ܠܐ܂ ܘܡܬܒܢܝܢ ܥܒ̈ܕܝ ܚܛܝܬܐ܂ ܘܡܢܣܝܢ ܠܐܠܗܐ ܘܡܬܦܨܝܢ܂
03:16 [ai]ܗܠܝܢ ܡܠܠܘ ܕܚ̈ܠܘܗܝ ܕܡܪܝܐ ܓܒܪ ܥܡ ܚܒܪܗ܂ ܘܨܬ ܡܪܝܐ ܘܫܡܥ܂ ܘܟܬܒ ܒܣܦܪܐ ܕܕܘܟܪܢܐ ܩܕܡܘܗܝ܂ ܠܕܚ̈ܠܘܗܝ ܘܠܐܝܠܝܢ ܕܡܫܒܚܝܢ ܠܫܡܗ܂
03:17 [ai]ܘܢܗܘܘܢ ܠܝ ‍<‍ܥܡܐ#3#‍>‍ ܐܡܪ ܡܪܝܐ ܚܝܠܬܢܐ܂ ܠܝܘܡܐ ܕܥܒܕ ܐܢܐ ܟܢܘܫܝܐ܂ ܘܐܚܘܣ ܥܠܝܗܘܢ܂ ܐܝܟ ܕܚܐܣ ܓܒܪܐ ܥܠ ܒܪܗ ܕܦܠܚ ܠܗ܂
03:18 [ai]ܘܬܬܗܦܟܘܢ ܘܬܚܙܘܢ ܒܝܬ ܙܕܝܩ̈ܐ ܠܥܘ̈ܠܐ܂ ܘܒܝܬ ܕܦܠܚܘ ܠܐܠܗܐ ܠܐܝܠܝܢ ܕܠܐ ܦܠܚܘܗܝ܂
03:19 [ai]ܡܛܠ ܕܗܐ ܝܘܡ̈ܬܐ ܐܬܝܢ܂ ܘܢܐܩܕ ܐܝܟ ܬܢܘܪܐ ܪܘܓܙܝ܂ ܘܢܗܘܘܢ ܟܠܗܘܢ ܥܘ̈ܠܐ ܘܟܠܗܘܢ ܥܒ̈ܕܝ ܚܛܝܬܐ ܚܒܬܐ܂ ܘܢܘܩܕ ܐܢܘܢ ܝܘܡܐ ܕܐܬܐ ܐܡܪ ܡܪܝܐ ܚܝܠܬܢܐ܂ ܘܠܐ ܢܫܒܘܩ ܠܗܘܢ ܥܩܪܐ ܘܥܘܦܐ܂
03:20 [ai]ܘܬܕܢܚ ܠܟܘܢ/ܠܗܘܢ#3#/ ܠܕܚ̈ܠܝ/ܕܚ̈ܠܝ#3#/ ܫܡܝ ܫܡܫܐ ܕܙܕܝܩܘܬܐ܂ ܘܐܣܝܘܬܐ ܥܠ ܠܫܢܗܿ܂ ܘܬܦܩܘܢ ܘܬܕܝܨܘܢ ܐܝܟ ܥ̈ܓܠܐ ܕܒܩܪܐ܂
03:21 [ai]ܘܬܕܝܫܘܢ/ܘܬܕܘܫܘܢ#3#/ ܠܥܘ̈ܠܐ܂ ܡܛܠ ܕܢܗܘܘܢ ܩܛܡܐ ܬܚܝܬ ܦܣܬ ܪ̈ܓܠܝܟܘܢ܂ ܒܝܘܡܐ ܕܥܒܕ ܐܢܐ ܐܡܪ ܡܪܝܐ ܚܝܠܬܢܐ܂
03:22 [ai]ܐܬܕܟܪܘ ܢܡܘܣܗ ܕܡܘܫܐ ܥܒܕܝ ܕܦܩܕܬܗ ܒܚܘܪܝܒ܂ ܥܠ ܟܠܗ ܐܝܣܪܝܠ ܦܘܩ̈ܕܢܐ ܘܕܝ̈ܢܐ܂
03:23 [ai]ܗܐ ܡܫܕܪ ܐܢܐ ܠܟܘܢ ܠܐܠܝܐ ܢܒܝܐ܂ ܩܕܡ ܕܢܐܬܐ ܝܘܡܗ ܕܡܪܝܐ ܪܒܐ ܘܕܚܝܠܐ܂
03:24 [ai]ܕܢܦܢܐ ܠܒܐ ܕܐ̈ܒܗܐ ܥܠ ܒ̈ܢܝܐ܂ ܘܠܒܐ ܕܒ̈ܢܝܐ ܥܠ ܐ̈ܒܗܝܗܘܢ܂ ܥܕܠܐ ܐܬܐ ܘܐܡܚܝܗܿ ܠܐܪܥܐ ܠܐܒܕܢ܂